Uni5 Community Blog

There is only one Truth and a single path to Truth, only views are different.

Mission of Sakthi Foundation is to unify everyone by helping to understand that their views are only different levels of expressions of one single concept (Energy). This unification or unity in diversity is Peace or love or happiness, which is established only by embracing our view with others view and contemplate why the views differ.

Please discuss all topics in this blog with the above intention. We can discuss here Atheism, all Religions, Spirituality, Science in connection to body, mind, intelligence, Awareness and Consciousness.

To achieve this we are giving you a template where you can identify your views and others view. This will guaranteed Unity, peace, love and happiness. With this Universal template, all difference of opinion between religions, science will melt away like heat melting all different ice cubes to pure water.

Five templates that will unify all our thoughts.
Check if our view is based on the knowledge we got from our
1. physical senses
2. Our personal strong likes and dislikes'
3. A logical pattern
4. connection to our Self
5. That is universal to all at times.

We will find that every view of us is at one of the five levels. The higher level is that which stays for longer and universal. This view will bring peace and happiness in our lives.

மோஹினியின் உண்மைத் தன்மை உணர்ந்தால் வைகுண்டமே...

மோஹினியின் உண்மைத் தன்மை உணர்ந்தால் வைகுண்டமே...
 
பரம்பொருள் பராசக்தியாக மாறி அதன் மூலம் ப்ரபஞ்ச உற்பத்தி ஆரம்பம் ஆவதையே வேதம் காட்டுகிறது.
அனைத்துக்கும் மூலமான பரம்பொருளை ஆண் தத்துவம் எனவும் பராசக்தியான ப்ரக்ருத்தி [இயற்கை சக்தி] பெண் தத்துவம் என்றும் குறிப்பிடப்படும்.
 
வைகுண்ட ஏகாதசியின் முன் இரவில் பெருமாள் இதையே காட்டுகிறார்.
ஆணாகிய அவர் மோகிக்க வைக்கும் மோஹினி வடிவில் தன் உருவை மாற்றி வருகிறார்.
காணும் அனைத்தும் பரம்பொருளின் திரிபே, வெளிப்பாடே - தோற்ற மாயையே என்று பக்தன் உணர்தல் வேண்டும்.
 
சோறு என்பது அரிசி
நகை என்பது பொன்
பானை என்பது களிமண்
உறைபனி என்பது நீர்
காணும் அனைத்தும் பரம்பொருள்
 
இதை உணர்ந்த அன்பருக்கு வாழ்வில் தடுமாற்றம், பற்று, வெறி, இழப்பு, கவலை இல்லை.
அதுவே வைகுண்ட நிலை - சதா ஆனந்த நிலை.
 
மோஹினி வேஷம் களைத்த பெருமாள் மீண்டும் கருவறை சென்று ஆண் வடிவில் பரமபத வாசல் வழியே வருகிறார்.
 
திருச்சானூர் பத்மாவதித் தாயார் ப்ரமோச்சவத்தில் பெருமாளாகவே மாறுவதும், ஸ்ரீவில்லிப்புத்தூரில் ஆண்டாள் மார்கழியில் கண்ணனாகவே மாறுவதும் சக்தி மீண்டும் பரம்பொருளாய் மாறுதலையும், மேலும் பரமே சக்தி என்பதையும் காட்டும்.
 
இதுவே ஏகாதசி....ஓம் நமோ பகவதே வாசுதேவாய
Rate this blog entry:
Continue reading
182 Hits
0 Comments

Sakthi Foundation அர்த்தமுள்ள தீபாவளி

Sakthi Foundation
அர்த்தமுள்ள தீபாவளி
 
தீபாவளியின் முதல் நாள் - தன த்ரயோ தசி
 
இன்று த்ரயோ தசி.
இதையே தன த்ரயோ தசி என்பர்.
வாழ்வின் ஆதாரமான மூன்று முக்கிய செல்வங்களை அன்னை மஹாலக்ஷ்மியிடம் வேண்டும் நாள்.அவற்றைக் கொண்டு வீணாக்காமல், பிறருடனும் பகிர்ந்து கொள்ள வேண்டும்.
தன்னலம் அற்ற மனதுக்கே அம்மூன்று செல்வங்களையும் அன்னை அருள்வாள்.
தீய வழியில் தேடும் செல்வத்துக்கு மூதேவி என்றே பெயர், கருத்தில் கொள்க.அது தீமையை உருவாக்கிவிடுவதை வேதம் கூறும்.
இன்று மாலை புதிய பாத்திரம் ஒன்றில் பாலைக் காய்ச்சுக.
அதை மஹாலக்ஷ்மிக்கு அர்ப்பணம் செய்க.
மனம் - பாத்திரம்
பால் - உயர் தரமான எண்ணம்
உயர் எண்ணத்தின் படியே உயர் வாழ்வு இருக்கும்.
அரிசி, நீர், நாணயங்கள் ஆகிய மூன்றையும் அழகாய் தனித்தனி கிண்ணங்களில் அன்னை முன் வைத்து, விளக்கு ஏற்றி மஹாலக்ஷ்மிக்கு உரிய ஸ்துதிகள் கூறி வழிபடுக.
அதன் பின் வெங்காயம் கலவாத உளுந்து வடையை வீட்டின் நாற்புறத்தும் பஞ்சபூதங்களுக்கு நன்றி கூறி, வீசுக,அவை வீட்டை இயற்கைச் சீற்றங்களால் தாக்காமல் இருக்க வேண்டுக.
அதன் பின் புதிய அகலில் பசும் நெய்விட்டு தெற்கு திசை நோக்கி ஏற்றி, எம தர்ம ராஜனை வணங்குக, முன்னோரை வணங்குக.
நமது வாழ்க்கை முடிவு பூரணமாக இருக்க வேண்டுக.
சித்ர குப்தனை வேண்டுக - நாம் செய்த தீமை நன்மைகளை எண்ணிப் பார்த்திடுக.
மனதைத் திருத்துக.
இரவில் தூங்கும் முன் ஒரு கிண்ணியில் நல்லெண்ணெய்யும் ஒரு சொம்பில் துளசி தீர்த்தத்தையும் இட்டு, பூஜை அறையில் வைத்திடுக.
நல்லெண்ணெயில் உடல் மன ஆரோக்யத்தின் சக்தியான அம்ருத லக்ஷ்மி - தன்வந்த்ரியும், துளசி தீர்த்தத்தில் கங்கையும் இருக்கிறார்கள்.
அதிகாலை எழுந்து கங்கா ஸ்நானம் செய்து தென்னக தீபாவளியான நரக சதுர்தசியைக் கொண்டாடுக.
தீப ஒளி இதயத்தில் வீசுக.
அது ஞானம்!
 
தென்னகத்து தீபாவளி - நரக சதுர்தசி
அதிகாலையில் எழுக, எண்ணெய் பூசும் போது அம்ருத லக்ஷ்மியையும் தன்வந்த்ரியையும் ஆரோக்யத்துக்காக வேண்டிக் கொள்க.துளசி தீர்த்தத்தைக் குளிநீரில் கலக்கி, காசியில் புனித கங்கையில் நீராடும் எண்ணத்தில் மனத்தூய்மை உடல் தூய்மை வேண்டி நீராடுக.
 
விளக்கேற்றி, ஸ்ரீக்ருஷ்ணர் ருக்மிணி சத்யபாமாவை எண்ணி வணங்கி மனம் சதா கவலை என்ற நரகச்சிறையில் அடை படுவதை விடுவிக்கும் ஞான சக்தியை வேண்டுக.விஷ்ணு சஹஸ்ரநாம  கூறுக, திருப்பாவை, க்ருஷ்ண அஷ்டோத்ரம் கூறுக.புத்தாடை அணிக - அது புதிய எண்ணத்தின் குறியீடு.கொண்டாடுக....
 
மாலையில்
கலசம் வைத்து அதில் அன்னபூரணி, கங்கை, காலபைரவரை எண்ணி நீரும் உணவும், நல்ல காலமும் எப்போதும் நிலைக்க வேண்டுக.அன்னபூரணா அஷ்டகம், கால பைரவ அஷ்டகம் கூறலாம்.அதன் பின் வீட்டின் வாசலில் ஐந்து விளக்காவது ஏற்றுக.
 
அமாவாஸ்யை - வட தேசத்து தீபாவளி
இன்று மாலை கலசம் வைத்து அதில் மஹாலக்ஷ்மியையும் கெளரி தேவியையும் எண்ணி வழிபடுக.ஒரு புதிய ஆடை, பணம், இனிப்பு, அரிசி, உப்பு, தண்ணீர், புதிய வீட்டுக் கணக்கு நோட் ஆகியன வைத்து இல்லற நலம், தம்பதிகளின் நலம் வேண்டுக. [அன்னை கெளரியான பார்வதி இன்று கேதாரத்தில் ஈசனை தவம் இயற்றி அர்த்தநாரியான நாள்].
 
அமாவாஸ்யை மாலை அன்னை மஹாலக்ஷ்மி உதயம் ஆகிய செல்வத்தின் சக்தியாய் மஹாவிஷ்ணுவை அடைந்த நாள்.நல்ல வழியில் லக்ஷ்மி வரவேண்டும் என்று வேண்டி பூஜை செய்க.கனக தாரா, லக்ஷ்மி அஷ்டோத்ரம், குபேர பூஜை ஆகியன செய்க.வீடு முழுவதும் விளக்கு ஏற்றுக, ராம நாமம் கூறுக, ராமன் 14 ஆண்டுகள் கழித்து அயோத்யாவில் மீண்டும் வந்த நாள்,மனம் ஷாந்தி பெற ராம நாமம் மிக உயர் மருந்து.
 
மனமார ஏழைகள், பணியாளர்களுக்கு அறம் பல செய்க.
 
அன்னை மஹாகாளியை உபாசனை செய்பவர்கள் இந்த இரவில் காளிபூஜை செய்க.
Rate this blog entry:
Continue reading
453 Hits
0 Comments

Deepawali - explanation

தீபாவளி
 
ப்ரம்மம் பராசக்தியாக மாறுகிறது
பராசக்தி பஞ்சபூதங்களாக மாறி அதன் கூட்டு இயக்கத்தால் ப்ரபஞ்சம் தோன்றி இயங்குவதை நன்கு மாணாக்கன் அறிதல் வேண்டும்.
 
அதன்பின் தீபாவளிக் கோட்பாடு தருக.
 
காளி என்றால் என்ன?
பாத்திரத்தின் உள்ளே வெற்றிடம் உள்ளது.அதில் தண்ணீரை முழுவதும் நிரப்புகிறோம்.
 
இதைபோல் இப்ரபஞ்சம் முழுவதும் உள்ள அண்ட வெளியில் முற்றிலும் முழுதும் இருண்ட அடர்த்தியான ப்ரபஞ்ச சக்தி நிறைந்துள்ளது.அதைக்கொண்டே பராசக்தி ஐம்பூதங்களைத் தோற்றுவிக்கிறது.இந்த இருண்ட அடர்த்தியான சக்தியான ஆற்றலையே குமரிக்கண்ட முன்னோர் ”காளி” என்று உருவகம் செய்தனர்.[அகமான மனதில் உருவம் தருதல் உருவகம்.]
 
THE DARK SPACE ENERGY IS KAALI.
 
இந்தக் காளியை மஹாராத்ரி என்று வணங்குவது தீபாவளி அமாவாஸ்யை இரவு.கிழக்கு இந்திய மாநிலங்களில் தீபாவளிக்குக் காளி பூஜை என்றே பெயர்.இப்போது புரியும் ஏன் நம் தேசத்தில் ஊர் தோறும் காளியை அதிகம் மக்கள் வணங்குகிறார்கள் என்று.
 
அர்த்தநாரி விளக்கம்...
அதே அமாவாஸ்யை தினத்தில் ஆந்திரம் கர்நாடகம் வடதமிழகப் பகுதிகளில் தம்பதிகள் கேதார கெளரி பூஜையை இல்லற மேம்மைக்கு என மேற்கொள்வது மிக ப்ரஸித்தம்.
 
கேதார்நாத்தின் அன்னை பார்வதி தவம் இயற்றி சிவனின் உடலில் இடபாகத்தைப் பெற்ற நாள் இதுவாகும்.இவ்விடத்தில் ப்ரம்மமும் சக்தியும் ஒன்றே என்ற கோட்பாட்டையும் ஆண் - பெண் சமத்துவம் குறித்த அர்த்தநாரி உருவகத்தையும் விளக்குக.இதில் ப்ரம்மம் சக்தி ஆகிய இரண்டையும் ஆண் பெண் தத்துவங்கள் என்று உருவகம் செய்வதை மீண்டும் revise செய்க.குறியீட்டு முக்கோணங்களைக் காட்டுக.[ஆண் - மேல் நோக்கிய மஞ்சள் முக்கோணம், பெண் கீழ் நோக்கிய சிவப்பு முக்கோணம்]
 
தீபம் வழிபாடு ஏன்
இவ்விடத்தில் குத்துவிளக்கு ஏற்றும் UNI5 concept revise செய்யப்படுதல் அவசியம்
 
ப்ரபஞ்சம் முழுவதும் அணு சக்தி அலைகள் சதா வெளிச்சமாக இயங்குகின்றன.அனைத்தும் இந்த ஒளியால் ஆனவையே என்பது விஞ்ஞானம்.இதை உணர்த்தவே தீபங்களை வரிசையாக ஏற்றி வணங்கும் தீப ஆவளி - தீபாவளி உயர்விழாவை முன்னோர் உருவாக்கினர்.மனிதன் ஒளி சக்தியின் உண்மையை மேன்மையை உணர்ந்து அவ்வொளி புறத்தே விளக்காயும் அகத்தே ஆன்மீக ஒளியாயும் வணங்குவதே தீபாவளி.
 
எல்லா விளக்கும் விளக்கல்ல - குறளை இவ்விடத்தே விளக்குதல் வேண்டும்.
 
அண்ட வெளியின் ஒளி சக்தியால் தான் அனைத்தும் ஆனது என்ற உண்மையை அறியவும், மனதில் உள்ள அறியாமை இருளை நீக்கும் ஞான வெளிச்சத்தை உள்ளே ஏற்றவும் விளக்கு வழிபாடு உருவானது.
 
தமிழகத்தில் தீபாவளி...
தென் தேசத்தில் ஐப்பசியில் அடைமழைக்காலத்தில் ஐந்நூறு ஆண்டுகள் முன்பு வரை இவ்விழா இல்லை.நாயக்க மன்னர்கள் காலத்தில் வந்த பழக்கமே தீபாவளி.இன்று கேரளத்தில் தீபாவளி இல்லை.தமிழர்களுக்கும் கேரளத்தவர்க்கும் தீபாவளி என்பது திருக்கார்த்திகையே.
 
தமிழகத்தில் தீபாவளி அமாவாஸைக்கு முன் தினமான சதுர்தசியில் வரும்.இதை நரக சதுர்த்தசி என்றே கூறுவர்.
 
கண்ணனின் மகன் நரகன்.அவன் இன்றைய பீஹார் ஒரிஸா மாநிலங்களை ஆண்டவன்.அவனுக்கு அழகிய பெண்களைச் சிறைப்பிடித்துச் சித்ரவதை செய்வது பொழுதுபோக்கு.இதை அவன் தாயான சத்யபாமா எவ்வளவு தடுத்தும் அவன் மாறவில்லை.கண்ணன் வேறுவழியின்றி உலக சமூஹ நன்மைக்கு எனத் தன் மகனை எதிர்த்துப் போரிட அதில் பாமா அவனைக் கொல்கிறாள்.விடுவிக்கப்பட்ட பெண்கள் அனைவரும் கண்ணனுடன் த்வாரகைக்குச் சென்று அவன் கீழ் வாழ்ந்தனர்.இந்த நிகழ்வையே தமிழர் தீபாவளியெனக் கொண்டாடுகிறோம்.
 
மனமாகிய சிறையினுள் நமது எண்ணங்கள் முக்காலத்திலும் ஏதோ ஒன்றை எண்ணிக் கவலைப் படுவதில் இருந்து விடுதலை பெறுதலை இது குறிக்கும்.
 
பாமா தன் மகனையே கொல்வது என்பது, நம்மால் உருவான வேண்டாத எண்ணங்களை நாமே தான் அகற்ற வேண்டும் என்று உணர்க.
 
உத்திர மத்திய ப்ரதேச தீபாவளி...
ஸ்ரீராமன் பதினான்கு ஆண்டுகள் வனவாசம் கழிந்து அயோத்யா மீண்டு திரும்பிய நாள் அமாவாஸ்யை.ஸ்ரீராமன் இல்லாத 14ஆண்டுகள் கோசலை தேச மக்கள் விழா கொண்டாடவில்லை.அமாவாசை அன்று மாலை ஸ்ரீராமன் அயோத்யாவுள் நுழையும் போது ஊரே கூடி விழா எடுத்து வரவேற்றதை இம்மாநிலத்தோர் கொண்டாடுவர்.
 
தீபாவளி கொண்டாடும் முறை
த்ரையோதசி - புதுப் பாத்திரம் வாங்கி அதில் பால் காய்ச்சி வழிபடுக.சுத்தமான பாத்திரத்தில் இட்ட தூய பாலே கெடாமல் இருக்குமாப்போல் மனமாகிய பாத்திரம் எப்போது உயர் எண்ணங்கள் கொண்டு விளங்க வேண்டும்.இதையே தன த்ரயோதசி என்பர்.தனம் - செல்வம், உயர் எண்ணங்கள் வரின் அனைத்து செல்வங்களும் வரும்.
 
அன்று மாலை உளுந்து வடை வெங்காயம் இன்றிச் செய்து எட்டு திசைகளிலும் ஒரு வடையை வீசி, எட்டு திசைகளையும் ஐம்பூதங்களையும் வணங்குக.அன்று மாலை ஆறு மணிக்கு வீட்டில் தென் திசை நோக்கி எம தீபம் இடுக. முன்னோர்களின் அருள் வேண்டி அத்தீபத்தை ஏற்றுக [அகல்]
 
இரவில் உறங்கப் போகும் முன் ஒரு கிண்ணத்தில் நல்லெண்ணெயும் சொம்பில் துளசி தீர்த்தமும் சாமி அறையில் வைத்துச் செல்க.நல்லெண்ணெயில் உடல் ஆரோக்யத்தின் சக்தியும், துளசி தீர்த்தத்தில் மனத் தூய்மையின் சக்தியும் உள்ளது.
 
கங்கை ஸ்நானம்
அதிகால எழுந்து நல்லெண்ணெய்யைத் தலையில் பூசி, துளசித் தீர்த்தத்தைச் சிறிது குளிக்கும் தண்ணீரில் கலந்து, காசியில் கங்கையில் குளிக்கும் பாவனையில் உடல் மனம் தூய்மை வேண்டி நீராடுக.இதையே கங்கா ஸ்நானம் என்கிறோம்.
 
புறத்தூய்மை நீரான்...குறளை விளக்குக.
 
அன்னபூரணி
பூமி மூலம் உழவர் தரும் உணவை அன்னபூரணி என்கிறோம்.அந்த சக்தியை வீணாக்காமல் உண்க.அதே வேளை இயற்கை வேளாண்மை மூலம் கிட்டும் உணவை உண்க.தரமான உணவை உண்க.உணவை ஆரோக்யம் குறித்து விழிப்புணர்வுடன் உண்க.அதை இல்லாதவர்க்கும் விருந்தினர்க்கும் தருக. அந்த அன்னபூரணியின் பொன் விக்ரஹத்தைக் காசியில் மூன்று நாட்கள் தீபாவளியில் பூஜித்து உலகில் உள்ள மக்கள் யாவர்க்கும் உணவு கிட்ட வேண்டுவர்.
 
அன்று மாலை அல்லது காலை மஹாவிஷ்ணுவுக்கு உரிய ஸ்லோகங்கள், திவ்யப்ரபந்தத்தில் சில பகுதிகள் சொல்லி ஸ்ரீமந்நாராயணனை வணங்குக.
 
அன்று மாலை விளக்கேற்றி வழிபடுக, வீடு முழுதும் விளக்கு ஏற்றுக, ஐந்து விளக்காவது ஏற்றுக.
 
புத்தாடை - புதிய தரமான எண்ணங்கள்
 
மறுநாள் அமாவாஸ்யை.முன்னோர் வழிபாடு கழித்து, அர்த்தநாரீஸ்வரரைக் குடும்ப நலன் வேண்டு வழிபடுக.
 
மாலையில் புதுத்துணி, காசு, அரிசி, உப்பு, சர்க்கரை ஆகியவற்றை வைத்து மஹாலக்ஷ்மியை பூஜித்து வீட்டில் எப்போதும் எட்டு வகைச் செல்வங்கள் கிட்ட வேண்டுக.புதிய வியாபாரக் கணக்கைத் தொடங்குக.வடதேசத்து மக்களுக்கு இந்த அமாவாஸையே தீபாவளி, புதுவருடம்.
 
மறுநாள் கோவர்த்தன பூஜை
களிமண்ணில் மலை செய்து, அதில் முளைப்பாரி இட்டு, கண்ணனின் உருவத்தை அதில் வைத்து, மலைகளும், காடுகளும் செழிக்க, பருவமழை பொய்க்காமல் பெய்ய இறைவனை வேண்டுக.மலைக்காடுகள் அழியாமல் காக்கும் விழிப்புணர்வை இவ்விடத்தில் நினைவில் கொள்க.
 
கண்ணன் வாழ்ந்த வ்ருந்தாவனம் அருகில் உள்ளது கோவர்த்தனம் குன்று.அதனடியில் ஆண்டு தோறும் மக்கள் மழைக் கடவுளான இந்திரனுக்கு விழா எடுப்பர்.ஆனால் கண்ணன் காலத்தில் அதைக் கண்ணன் மாற்றினான்.
 
கண்ணன் கூறுவான், ”மழை மேகங்கள் எப்போதும் பருவ காலத்தே வரும்.அது பூமி மீது பெய்ய மலைகளும், காடுகளும் அவசியம், அவற்றைப் பேணி நன்றிக் கடன் செய்க” 
 
ஆழி மழைக் கண்ணா திருப்பாவையை ஓதுக.
 
தீபாவளி இனிக்கட்டும்!
Rate this blog entry:
Continue reading
314 Hits
0 Comments

தீபாவளி - விளக்கம் தரவேண்டிய தெய்வ உருவங்கள்

தீபாவளி - விளக்கம் தரவேண்டிய தெய்வ உருவங்கள்
 
அன்னபூரணி
பூமிக்கு உணவை உற்பத்தி செய்விக்கும் சக்தி தான் அன்னபூரணி.பசித்தோர்க்கு வயியார உணவிடல் வேண்டும் என்று நம்முள் உள்ள அன்பே அன்னபூரணி.உணவை, பூமியை வீணாக்கும் போது அன்னபூரணி சக்தி உதவாது.
 
தீபாவளி அன்று காசியில் தங்க அன்னபூரணி விக்ரஹம் லக்ஷ்மி - பூமிதேவியுடன் மூன்று நாட்கள் தரிசனத்துக்கு வைக்கப்படும்.
 
லக்ஷ்மி - வாழ்க்கைக்கு வேண்டிய எட்டு வகை அடிப்படைச் செல்வங்கள்.
 
பூமி - நமக்கு வாழ ஆதாரம் தரும் இட சக்தி.
 
கங்கை
அனைத்து நீர் நிலைகளில் ஆதார சக்தியே கங்கை.நீரின் சக்தி என்றும் கூறுக.உடல் மற்றும் உள்ளத் தூய்மையை அருளும் சக்தி கங்கை.சுயநலம் இல்லாத மனதில் தூய்மை சேர்கிறது.இதையே கங்கை குறிக்கிறது.பாரபட்சம் இன்றி கங்கை எல்லோரின் அழுக்கையும் ஏற்கிறது.அதனால் தான் சிவன் தலைதூக்கி வைத்துக் கொண்டாடுகிறார்.தன்னலம் அற்ற மனமே அந்த கங்கை.
 
கால பைரவர்
ப்ரம்மம் சக்தியாக மாறிட ஒரு கால அவகாசம் தேவை.அந்த time energy தான் கால பைரவர்.
 
காசி விஸ்வநாதர்
ப்ரம்மம் சக்தியாகி, ஐம்பூதங்கள் ஆகி உருவத் தோற்றங்கள் படைக்கப்பட்ட போது முதலில் உருவான உருவம் காசியில் உள்ள லிங்கம்.விஸ்வம் - ப்ரபஞ்சம், நாதர் - மூலக் காரணம். ப்ரபஞ்சத்துக்கு மூல விதையாக இருக்கும் ப்ரம்மத்தின் குறியீடு.
 
காசி விசாலாக்ஷி
அனைத்தையும் பரந்த மனதுடன் ஏற்றுக் கொண்டு பார்க்கும் பார்வையே விசாலமான விழிப்புணர்வு கொண்ட உட்பார்வை.அதன் சக்தியே தேவி விசாலாக்ஷி.
 
சாகம்பரி
தாவரங்கள் மனிதனுக்கும் பிற உயிர்களுக்கும் உற்பத்தி செய்து கொடுக்கும் காய் கனி வித்துக்கள் மூலிகைகள் ஆகியவற்றின் சக்தியே சாகம்பரி தேவி
Rate this blog entry:
Continue reading
280 Hits
0 Comments

Greatness of navarathry

உடல் ஆரோக்யம் மன ஆரோக்யம், எட்டு வகை அடிப்படைச் செல்வங்கள், வாழும் வழி சொல்லும் புத்தி ஆகியன வேண்டி ஆதிசக்தியை துர்கை லக்ஷ்மி சரஸ்வதி என்று மூன்று நிலைகளில் பிரித்துக் கொண்டு பூஜிப்பதே நவராத்ரி.
 
வீட்டில் உள்ளோரின் கைவினைப்பொருள்கள், கலை வடிவங்களை கொலுவில் கொண்டு வருக.
 
கலைப் பயிற்சி செய்யும் குழந்தைகளை தினமும் அதை வெளிப்படுத்த வைக்கவும்.
 
பெரியவர்கள் தம் கலை ஞானத்தை, சமையல் கலை அறிவை வெளிப்படுத்துக.
 
தசமி அன்று குருமார்கள், ஆசான்கள், பயிற்சியாளர்களை வணங்கச் செய்க.
 
ஸ்ரீராமன் வஸந்த நவராத்ரி வ்ரதம் இருந்தே இலங்கை சென்றான்.
 
வால்மீகி ஆஸ்ரமத்தில் வாழ்ந்த சீதையோ மீண்டும் ஒரு முறை தன் கணவனைக் கண்டு தன் மகன்களை ஒப்படைக்க நவ்ராத்ரிதியில் ஸ்ரீலலிதா த்ரிசதி பாராயணம் செய்தாள்.மண முறிவு செய்து கொண்ட தம்பதிகளை இணைக்கும் வலிமை கொண்டது ஸ்ரீலலிதா த்ரிசதி.
 
ராதை நவராத்ரி பூஜை செய்தே க்ருஷ்ணனைத் தன்னுள் தன் ஆன்மாவின் உண்மையான உணர்ந்தாள்.
 
ருக்மிணி நவராத்ரி பூஜை செய்தே க்ருஷ்ணனைக் கணவனாக அடைகிறாள்.
 
த்ரெளபதியும் பாண்டவரும் நவராத்ரி வ்ரதம் இருந்தே பாரதப் போரை எதிர் கொண்டனர்.
 
நவராத்ரி வ்ரதம் பூஜை மேற்கொண்டவர்கள் எத்தகைய சவால்களையும் ஏற்று எதிர்கொள்வதைக் காண்கிறோம்.
 
விளக்கில் தினமும் தேவியை த்யானித்துப் பூஜை செய்யலாம்.
 
ஒரே ஒரு அம்மன் உருவம் மட்டும் வைத்தும் பூஜிக்கலாம்.
 
புதியதொரு தேவியின் படத்தையும் வைத்து பூஜிக்கலாம்.
 
கூடிய மட்டும் உங்கள் பூஜை இரவில் செய்க.

 

 
Rate this blog entry:
Continue reading
371 Hits
0 Comments