Uni5 Community Blog

There is only one Truth and a single path to Truth, only views are different.

Mission of Sakthi Foundation is to unify everyone by helping to understand that their views are only different levels of expressions of one single concept (Energy). This unification or unity in diversity is Peace or love or happiness, which is established only by embracing our view with others view and contemplate why the views differ.

Please discuss all topics in this blog with the above intention. We can discuss here Atheism, all Religions, Spirituality, Science in connection to body, mind, intelligence, Awareness and Consciousness.

To achieve this we are giving you a template where you can identify your views and others view. This will guaranteed Unity, peace, love and happiness. With this Universal template, all difference of opinion between religions, science will melt away like heat melting all different ice cubes to pure water.

Five templates that will unify all our thoughts.
Check if our view is based on the knowledge we got from our
1. physical senses
2. Our personal strong likes and dislikes'
3. A logical pattern
4. connection to our Self
5. That is universal to all at times.

We will find that every view of us is at one of the five levels. The higher level is that which stays for longer and universal. This view will bring peace and happiness in our lives.

யாதுமாகி நின்றாய் காளி...மதராஸ் காளிகாம்பாள்

காளிகட் - கொல்கத்தா ஆயிற்று
மும்பா தேவியின் மாநகரம் தான் மும்பை
அது போல் தமிழகத்தின் தலைநகரான மதராஸ் - சென்னை மாநகரின் ப்ரதான அதிதேவதை - கொற்றவை - காளி - நெய்தல் நில காமாக்ஷி, சென்னாபுரி ஈஸ்வரி என்று வர்ணிக்கப்படும் சென்னம்மாள் தேவியான ஸ்ரீகாளிகாம்பாள்.
 
மதராஸின் ப்ரதான இடமான துறைமுகத்தின் எதிரே பேரிஸ் கார்னரில் தம்புச்செட்டி சாலையில் அன்னை காளிகாம்பிகை மதராஸின் ராணியாக அமர்கிறாள்.
 
அன்னை மிக ஷாந்த வடிவானவள்.
 
ஆணவம் அகற்றும் அங்குசம், அலைபாயும் மனதை ஒருநிலைப்படுத்தும் பாசம், நெய்தல் மலர், வரம் தரும் திருக்கரம், மனமாகிய கரும்பு, ஆணவம் கொய்யும் த்ரிசூலம் என அன்னை விளங்குகிறாள்.
 
அன்னையின் பீடத்தில் அசுரர்களின் தலைகள் பொறிக்கப்பட்டு உள்ளன.
 
அன்னையின் முன் ஆதிசங்கரர் ப்ரதிஷ்டித்த மேரு யந்த்ரம் உள்ளது.
 
கி.பி 1614ல் வீரசிவாஜி தஞ்சை செல்லும் முன் அன்னையை வணங்கி வீர வாளைப் பூஜித்து எடுத்துச் சென்றார்.
 
மஹாகவி பாரதியாரின் இஷ்ட மூர்த்தி இவள்.சுதேமித்ரன் அலுவலகம் கோயில் அருகில் இருந்தது.பாரதி அடிக்கடி அன்னைக் கண்டு பாடினார்.
 
உத்சவர் மஹாலக்ஷ்மி மஹாசரஸ்வதியுடன் விளங்குகிறாள்.
 
அன்னையின் வெள்ளிக் கிண்ணத்தேர் மிக ப்ரசித்தம்.
 
அன்னை மதராஸ் மாநகரம் வளர உயிர் நாடியாக உள்ளாள்.
 
யாதுமாகி நின்றாய் காளி எங்கும் நீ நிறைந்தாய்....
 
நின்னைச் சரண் அடைந்தேன் கண்ணம்மா என்று பாரதி அவள் முன் பாடுவதை உணர்க.
 
அம்பிகைச் சரண் புகுந்தால் அதிக வரம் பெறலாம் என்று மஹாகவி கூறியது காளிகாம்பாள் மீதான சத்ய வாக்கே.
Continue reading
  691 Hits
691 Hits

பவானி பாவனா கம்யா...

பவானி -  வெற்றியைத் தவிர்த்து வேறேதும் அறியாதவள்.
 
பவானி என்றால் பாவம் செய்யும் அறியாமை விலகும் என்பது தேவி உபாசனை.
 
பவானி என்ற ஊர் கொங்கு தேசத்தில் காவிரியும் பவானியும் அமிர்த்தவாஹினியும் கூடும் ஆற்றிடைத் துறையாக அமைகிறது.இவ்வூர் தான் திருநணா என்று சம்பந்தரால் தேவாரத்தில் போற்றப்படும் ஸ்தலம்.
 
2500 ஆண்டுகட்கு முன் சேரமன்னன் பெருஞ்சேரல் இரும்பொறையை பரணர் பதிற்றுப்பத்தில் போற்றிப் பாடியதற்காக இவ்வூரை தானமாக வரிவிலக்கு செய்து கொடுத்தான்.
 
சேரன் செங்குட்டுவன் கண்ணகியாருக்கு நடுகல் கோட்டம் அமைத்த கையோடு கொங்கு தேசம் முழுவதும் புதிய கோயில்கள் எழும்பின.பவானியில் உள்ள அதிதேவதையான காளி - கொற்றவை கண்ணகியாருடன் பிணைக்கப்பட்டாள்.அவள் தான் செல்லாண்டி அம்மன்.செல்வம் மண்டிய அம்மன்.அதாவது திருமகளின் உட்சக்தியைக் கொண்டவள்.
 
தச மஹா வித்யா தேவி வழிபாட்டில் இவள் கமலாத்மிகா - மஹாலக்ஷ்மி சக்தியாய் விளங்குவதைக் காண்க.
 
இவளையே பவானி பாவனா கம்யா பவாரண்ய குடாரிக - பவானியானவள் பாவம் செய்யும் அறியாமை என்ற கொடிய மரத்தை வெட்டும் ஞானமாகிய கோடரி ஆனவள் என்று லலிதா சஹஸ்ரநாமம் கூறும்.
 
பவானி பவானி பவானி எனில் பாவம் போகும் என்கிறார் தேவி உபாசகரும் சங்கீத வித்தகரும் ஆன ஸ்யாமா சாஸ்த்ரிகள்.
 
மிகத் தொன்மை மிக்க கொற்றவை இவள்.எட்டு கைகள் கொண்டவள், செந்தூரக் கல்லினால் உருவான அம்மை.
 
அம்மையின் இன்றைய கோயில் கருவறை கி.பி 16ஆம் நூற்றாண்டில் ஊரில் உள்ள ஒவ்வொரு இன மக்களின் பங்களிப்பால் ஆனதைக் கல்வெட்டுகள் கூறும்.
 
கொங்கச் செல்வி - என்று இளங்கோவடிகள் கூறும் தேவியின் அம்சம் இவள்.
 
ஆண்டு உத்சவத்தில் அன்னையின் மூலஸ்தானத்துள் சென்று அன்னையைத் தீண்டி வழிபட அனைவருக்கும் அனுமதி உண்டு.
 
உரிய முறையில் உண்மையான நன்றியுடன் பனீக, வாழ்த்துக, வரம் பெறுக.
Continue reading
  713 Hits
713 Hits

சமயபுரமும் மாகாளிக்குடியும்

 
தமிழகத்தில் ப்ரதான மாரி அம்மனாய் உள்ள சமயபுரம் மகமாயி கி.பி 14ஆம் நூற்றாண்டு வாக்கில் நாயக்க மன்னர்களால் ஸ்தாபனம் செய்யப்பட்டவள். அவ்வூரின் பெயர் கண்ணனூர்.அவ்வூரின் ஆதி தேவதை மாகாளிக்குடி [மாகாளிக்குடி என்று கேட்டுச் செல்க] மஹாகாளி.விக்ரமாதித்யன் உஜ்ஜனியில் பூஜித்த காளியின் சக்தியை சோழர்கள் த்யானித்து உருவாக்கிய கோயில் அது.அதில் தேவி மிக மிகத் தொன்மையான கற்சிலை வடிவில் உள்ளாள்.அக்கோயிலில் மிகச் சிறிய ஆனால் மிக நுட்பமான 18 கைகள் கொண்ட மஹாகாளியின் செப்புத் திருமேனி உள்ளதைக் காண்க.மனிதனுள் உள்ள த்யாக உணர்வை ”சின்ன மஸ்தா” என்ற சக்தி வடிவாய் தச மஹா வித்யா சக்தி உபாசனை போற்றும்.அத்தேவியின் சக்தியாய் மாகாளி இருக்கிறாள்.
 
சமயபுரம் - சரியான சமயம் பார்த்து அருளும் அம்மை.சரியான சமயத்துக்கு ஆன்மீக அன்பர்கள் பொறுமை காக்க வேண்டும்.அம்மை 448 அரிய மூலிகைக் கலவையால் செய்யப்பட்டவள், எனவே மூலஸ்தானத்தில் தேவிக்கு அபிஷேகம் இல்லை.அவள் காதுகளில் சிவ யந்த்ர தோடுகளைக் காஞ்சி மஹா ஸ்வாமிகள் ப்ரதிஷ்ட்டை செய்தார்.சகல உடல் பிணிகளை  ஒழிக்கும் ஆதி ஒளஷத சக்தியாய் அம்மை வீற்று இருக்கிறாள்.”சர்வ வ்யாதி ப்ரசமனி” என்று லலித சஹஸ்ரநாமம் போற்றுவது இவளையே.
 
எட்டு திருக்கைகளுடன் சும்ப நிசும்பர்களின் தலைகள் மீது பாதம் பதித்த கோலத்தில் அம்மை உள்ளாள்.
 
”சிந்தூராரண விக்ரஹா” என்று லலிதா சஹஸ்ரநாமம் கூறும் வண்ணம் மாதுளம் பூ நிறத்தாளை இங்கு காண்க.
 
இரண்டு உத்சவர்கள் உண்டு.அம்மைக்கு அருகில் உள்ள அறையில் உள்ள மூர்த்திக்கு வடிவமைப்பிலேயே ஆயிரம் கண்கள் [வார்ப்புப் புள்ளிகள்] உண்டு.இவளையே ”ரஹஸ்ராக்ஷி - ஆயிரம் கண்ணுடையாள்] என்று லலிதா சஹஸ்ரநாமம் போற்றும்.
 
அம்மையின் பரிவார மூர்த்தியாகக் கருப்பண்ண ஸ்வாமி உள்ளார்.தேவிக்கு மாவிளக்கு ஏற்றி வழிபடுவதும், அங்கப்ரதர்சனம் செய்வதும் மிக ப்ரஸித்தம்.
 
தக்க சமயத்தில் அம்மை அருள வேண்டுமாயின், நாம் உரிய நல் வினைகள் செய்திருத்தல் வேண்டும்.
 
யோசியுங்கள்.....
Continue reading
  677 Hits
677 Hits

Kanya Kumari - for Aadi month

பாரத தேசத்தின் மிகத் தொன்மையான சக்தி வழிபாடு - குமரி
 
ப்ரபஞ்ச சக்தியினைப் பெண்மை என்று குறிப்பது வழக்கம்.
பெண்மை - தோற்றத்தினை முழுமையாக்கும் சக்தி.
இதையே தாய்மை, தாய் தெய்வம் என்றனர் ஆதி மனிதர்கள் ஆன குமரிக்கண்ட முன்னோர்.
தாய்மையை வணங்கும் பெண் தெய்வ வழிபாட்டுக் கலாச்சரம் குமரித் தெய்வம் என மிகத் தொன்மையான குமரிக்கண்டமான லெமூரியாவில் உருபெற்றது.
ஆதி மனிதனும், தமிழும் தோன்றியது குமரிக் கண்டம்.அதுவே பாண்டிய தேசம்.பண்டையர் - மிகத் தொன்மையானவர் பாண்டியர் ஆயினர்.
தாய் தெய்வ வழிபாட்டை மேற்கொண்ட அவர்களே முதன்முதலில் கடலில் மீன்கள் பிடிக்கும் தொழிலை முறையாக மேற்கொண்டு ”நீர் ஏர் உழவர்” எனப்பட்டனர்.
தாய்மையினை மதிக்கும் பொருட்டு, பெண்மையைப் பேணும் பொருட்டு, அவர்கள் தம் குலதெய்வமாகக் கொண்டதே ”குமரி” வழிபாடு.
அத்தெய்வத்தின் இணை விழிகள் மிக அழகிய மீன்கள் என உருவகம் செய்து, தம் மீன் பிடித் தொழிலையும் கருத்தில் கொண்டு..பாண்டியர்கள் இணை கயல்களைச் சின்னமாகக் கொண்டனர்.
குமரிக் கண்டத்தில் தம் தலைநகரங்களான தென்மதுரை, கபாடபுரத்தில் குமரி அம்மையை வழிபட்டனர்.குமரிக்கோடு [இன்றைய விவேகானந்தர் பாறை] மலையில் குமரியின் ஒற்றைப் பாதச்சுவட்டைப் பொறித்து வழிபட்டனர்.
மனிதனின் ஆன்மாவான பெண்மை சர்வமும் ஆன மூலப்பொருளான சதாசிவமான ஆண்மையுடன் ஐக்யம் பெறுதல் மூலம் பிறவித் தளையில் இருந்து விடுபட முடியும் என்ற உயர் ஞானத்தைக் குமரி அம்மை வழிபாடு உணர்த்தும்.அதுவே சிவசக்தி தத்துவம்.
இன்று பாரத தேசம் பெண் தெய்வ வழிபாட்டில் முன்னோடியாக இருக்க, மிக மிகத் தொன்மை மிக்கப் பெண் தெய்வ வழிபாட்டுச் சான்றாய கன்யா குமரி தெய்வம் அமைகிறது.
கன்னி - ஒவ்வொரு உற்பத்திக்கும் திறவுப்பாதை.
51 சக்தி பீடங்களில் குமரிப்பீடம் தேவியில் வலது பக்க அமரும் ப்ருஷ்ட பாகமாகக் கொள்ளப்படும்.
முற்காலப் பாண்டியர் கடல்கோள்களில் இருந்து மீண்டு இன்றைய மதுரையை உருவாக்கும் முன் இன்றைய குமரி அம்மையைத் தென் எல்லைக் காவலாக, மேலும் நிலம் கடல் கோளால் அழியாமல் இருக்க ப்ரதிஷ்ட்டை செய்தனர்.
அடி அலம்ப நின்ற பாண்டியன் முறையாக வீர வேலாயுதம் செய்து அதில் தேவியின் சக்தியை மந்த்ர பலத்தால் ஆவாஹணம் செய்து மூன்று முறைக் கடலில் தூக்கி வீசினான்.அந்த வேலின் பாரம்பரியமாய் இன்றும் குமரி அம்மை வீர வேல் கொண்டே நவராத்ரியின் இறுதியில் தசமி அன்று குதியை ஏறி பாணாசுர சம்ஹாரம் செய்ய பஞ்சலிங்கபுர கிராமம் செல்கிறாள்.
முற்காலப் பாண்டியரின் குல தெய்வமான குமரி இன்றைய மதுரை மீனாக்ஷி என்ற வரலாற்று ஆய்வும் உண்டு.காரணம் அத்தெய்வத்தின் கோயிலில் கல்வெட்டில் ”குமரித்துறையவள்” என்ற பெயர் உள்ளது.
 
இன்றுள்ள குமரி கன்னிப் பெண்ணாக, சிவத்தை நோக்கிய அத்வக்கோலத்தில் கையில் ஜெபமாலை தாங்கி உள்ளாள்.ஆன்மா மூலப்பொருளுடன் ஐக்யம் ஆவதையே அவள் தவம் உணர்த்தும்.தலையில் ஆன்ம ஞானம் வளர்வதைக் குறிக்க பிறைநிலா அணிகிறாள்.தேவியின் மூக்கில் சேரர் அணிவித்த மிக மிக விலை மதிப்பு கொண்ட அரிய நாகரத்னம் மூக்குத்தி மிளிவதைக் காண்க.அதைக் கலங்கரை விளக்கு என்று தவறாகப் புரிந்து கொண்டு கரை சேர்ந்து ஆபத்துக்குள்ளான கப்பல்கள் உண்டு.
 
முற்காலப் பாண்டியர் தேவியில் ஜபமாலையாகக் கொற்கை முத்துக்கள் கோர்த்த உயர் மாலையை அணிவித்தும் உள்ளனர்.
 
நவதுர்க்கை வடிவாகவும், பால த்ரிபுரசுந்தரியின் வடிவாகவும், காத்யாயனி சக்தியாகவும் சாக்த வழிபாட்டு முறைகளில் குமரி பூஜிக்கப் படுகிறாள்.
 
கி.பி 6ல் ஆதிசங்கரர் முக்கடல் துறையில் தீர்த்தம் ஆடி, சில காலம் மக்களுக்கு ஆன்மீக நெறி காட்டியதால் அவருக்குக் குமரிமுனை நோக்கிய சன்னிதியைக் காஞ்சி காமகோடி பீடம் அமைத்துள்ளது.
 
அம்மையின் கோயிலில் இரு ப்ரதான வாயில்கள் உண்டு.தை - ஆடி - உத்தராயண வாசல், ஆடி - தை - தக்ஷிணாயன வாசல். தேசத்தின் இரு பெரிய பருவ மாற்றத்தைக் குறிக்க இவை. அக்காலத்துக்கு ஏற்ப அவை திறக்கப்படும்.
 
ஆடி, தை, புரட்டாசி, கார்த்திகை அமாவாசைகளில் முக்கடல் தீர்த்தம் கொண்டு வரவும், நவராத்ரி ஒன்பது நாட்களும் கிழக்கு முக வாயில் திறக்கப் படும்.அது மனிதனுள் ஆன்மீகச் சூரியன் உதயம் ஆவதன் குறியீடே ஆகும்.
 
அதனால் தான் சூர்யோதமும் அஸ்தமனமும் சந்த்ரோதய அஸ்தமனமும் இக்கடலில் விசேஷம்.
 
 
விஜய தசமி அன்று பாணாசுர வதம் முடிந்து அன்னை முக்கடல் சங்கமத்தில் நீராடுவதைக் காண ஆயிரக் கணக்கில் கூட்டம் கூடும். 
தச மஹா வித்யை சக்தி வழிபாட்டில் குமரி அம்மை - பரிபூர்ண ஞானத்தின் தாரா தேவியாக வழிபட்ட குறிப்புகள் உண்டு.
பாரத கண்டமும் மக்களும் ஆன்மீக ஞானத்தால் முக்தி பெறும் குறியீட்டைக் குமரி அம்மை உணர்த்துகிறாள்.
இன்றுள்ள கோயிலுக்கு முற்கால, பிற்காலப் பாண்டியர், சேரர், திருவாங்கூர் ராஜ்ய மன்னர்கள் , சோழர் எனப் பலர் பணிகள் செய்துள்ளனர்.
 
வாரணாசி கங்கையும், ராமேஸ்வர சேதுக் கடலும், தென்கோடிக் குமரி முக்கடல் துறையும், காவிரி சங்கமமும் மிக முக்கிய புண்ணிய நீராட்டக் கட்டங்கள் எனப் பல ஆயிரம் ஆண்டுகளாய் மக்கள் பின்பற்றி வருவதைக் காண்க.
 
பாணாசுரன் என்ற அசுரன் கன்னி ஒருத்தியால் தான் சாக வேண்டும் என்ற கதி பெற்றான் - அதாவது ஒரு பெண்ணால் என்ன செய்ய முடியும் என்ற ஆணவம்.
 
தேவி முக்கடல் சங்கமத்தில் குமரிக்கோட்டில் சிவனை எண்ணி தவம் செய்ய, சுசீந்திரத்தில் இருக்கும் ஈஸ்வரன் அம்மை மணம் கொள்ள வரும் போது இந்திரன் தவறான முகூர்த்த காலத்தைக் கோழியாய் இருந்து உணர்த்த, கல்யாணம் நின்று போக, கோபமும் அவமானமும் தேவியுள் புழுங்க, அச்சூழலில் அவளைக் கல்யாணம் செய்திட பாணாசுரன் வலியுறுத்த தேவியும் அவனைத் தன் கையால் கசக்கிக் கடலில் வீசினாள் என்பது புராணம்.
 
மிகச் சிறந்த சக்தி பீடமாய் உள்ள குமரிக்கோயிலுள் அதன் பைரவ [கால சக்தி] சன்னிதியும் உள்ளது.அருகில் உள்ள சுசீந்திரம் கோயிலில் உள்ள முன் உதித்த நங்கை தேவி சன்னிதியும் தமிழகத்தில் உள்ள மூன்று சக்தி பீடங்களில் ஒன்று.அது தேவியில் மேல் பற்கள் விழுந்த இடம்.மற்றொரு இடம் காஞ்சிபுரம் காமாக்ஷியின் பீடம், அது தேவியின் நாபியும் இடுப்பு எலும்பும் விழுந்த இடம்.
 
மதுரையை எரித்த கண்ணகி கையில் ஒற்றைச் சிலம்புடன் குமரிக்கடல் வர, அவளைச் சேர தேசத்து மக்கள் வரவேற்றதாக பக்தி நூல்கள் கூறும்.அப்போது கண்ணகியின் ஆன்ம சக்தியைக் குமரி அம்மையுடன் சேர்த்து வழிபட்டதை மலையாள பக்தி நூல்கள் பகரும்.
 
அமெரிக்கா செல்ல வேண்டுமா, போனால் பாரத தேசத்தின் ஆன்மீக பற்றி என்ன கூறுவது என்ற ஆழ்ந்த உள் ஆலோசனையை ஸ்வாமி விவேகானந்தர் குமரிப்பாறையில் மூன்று தினங்கள் தவம் செய்து உணர்ந்தார், அதன் பின்னே அமெக்கா சென்றார்.அவர் நீந்தியே குமரிப்பாறையை அடைந்தார்.[1892 a.d]
The author of Periplus of the Erythraean Sea (60-80 A.D.) has written about the prevalence of the propitiation of the deity Kanyakumari in the extreme southern part of India; "There is another place called Comori and a harbour, hither come those men who wish to consecrate themselves for the rest of their lives, and bath and dwell in celibacy and women also do the same; for it is told that a goddess once dwelt here and bathed."[3] [4]
 
Ptolemy's geography describes commercial relations between western India and Alexandria, the chief eastern emporium of the Roman Empire. He identified Kanyakumari along with the Gulf of Mannar as a center for pearl fishery. He also identifies Korkai (assumed to be the present day's Tuticorin), a place to the east of Kanyakumari, as an emporium of pearl trade.
 
2004 ஆழிப்பேரலைக்கு முன் குமரிக்கடல் பின்வாங்கிய போது குமரிக்கண்டத்தின் பரந்த நிலப்பரப்பு தென்பட்டதைக் காண்கிறோம்.பல ஆய்வுகள் குமரிக்கண்டத்தைப் பற்றி மேற்கொள்ளப் படவேண்டும்.
Continue reading
  784 Hits
784 Hits

மாதவி உணர்த்தும் வாழ்வியல் உண்மை...

கண்ணகி பத்தினி தெய்வம் ஆனாள்.
அவள் கணவன் போயே போய் விட்டான்.
கோவலனுக்கும் மாதவிக்கும் பிறந்த மணிமேகலை?
அந்த மாதவி?
 
சற்று யோசிக்க வைக்கிறது வரலாறு.
மாதவி
பூம்புகாரின் celebrity
ஆனால் கணிகை - உயர்ந்த குல அரசனுக்கு வணிகனுக்கும் மட்டும் விலை போகும் பெண் குலத்தின் பிறப்பு.
 
இவள் தாய் சித்ராபதி
சராசரி விலைமாது குலத் தாய்.
மாதவி இக்குலத்தில் இருந்து வெளிவரத் துடிக்கும் சராசரிப் பெண்.
ஆனால் யார் அவளை ஏற்பது?
இன்றும் பொது மகளின் மகளுக்கு மதிப்பில்லை.
 
மாதவியின் வாழ்வில் கோவலனின் கலை ரசனைக் குறுக்கிட, இருவருக்கும் இடையே பரஸ்பர பழக்கம் முதலிலேயே ஏற்பட்டது.இதை இளங்கோ நுட்பமாகத் தன் அடிகளில் பொதித்துள்ளார்.
 
கரிகாலன் முன் அரங்கேற்றம் ஆன பின், அவள் பெற்ற ஆயிரம் பொன் மதிப்புள்ள மாணிக்க ஹாரத்தை அவள் வீட்டுக் பணிப்பெண் பூம்புகார் தெருக்களில் விலை கூற வரும் போது, கோவலனைக் கண்டவுடன் அதை வெளியில் எடுத்து விலை கூறுவதை இளங்கோ காட்டுகிறார்.
 
கோவலனும் மாதவியும் மணவாழ்வில் இணைந்தனர் என்பதைக் கானல்வரியில் இளங்கோ பதிவாக்குகிறார்.
 
தன் பொது மகள் வாழ்வில் இருந்து கோவலன் மூலம் விடுதலை பெறுகிறாள், மண வாழ்வின் அடையாளமாக மகள் மணிமேகலையைப் பெறுகிறாள்.
 
ஒருபோதும் கண்ணகியை அவமதித்தோ குற்றம் காட்டியோ அவள் வாழவில்லை.கண்ணகியை முதல் தாய் என்று கூறி மகளுக்கு உணர்த்துகிறாள்.
 
அதே போல் திரைப்படங்களும் ஊர்க் கலைகளும் காட்டுவது போல் அவள் அவனது பொருளைக் கவரவில்லை.காரணம், சோழனின் அரசவை நடனக் கலைஞர் அவள்.அவளுக்கு ஆண்டுக்கு ஆயிரம் பொன் வழங்கியது அரசு.
 
கோவலன் தன் வேலைக்காரர்கள் மூலம் வியாபாரம்  செய்தான்.கடலில் கப்பல் கவிழ்ந்த செய்தியைக் கூறிக் கண்ணகியிடம் சேர்ந்தான்.
 
கற்பு எனப்படுவது ஆணுக்கும் தேவை என்பதை மாதவி கூறி இன்றைய பெண்களுக்கு முன் உதாரணம் ஆகிறாள்.
 
தன் தவறுகள் என ஆணவம் இன்றித் தன் மகளுக்குத் தகப்பன் வேண்டும் என இரு முறைத் தூது அனுப்புகிறாள்.
 
சிலப்பதிகாரத்தில் மாதவி கோவலன் பிரிவு மிக்க வேதனை கொடுக்கும் சூழல்.கடற்கரையில் மனம் தடுமாறிய நிலையில் கோவலன் கோபத்துடன் ”சரி நேரம் ஆயிற்று” என்று மட்டும் கடைசி வார்த்தைகளைக் கூறி அவன் போக்கில் தன் வேலையாட்களுடன் சென்றவன் தான்..அதன் பின் அவன் மரணச்செய்தி தான் மாதவிக்கு வந்தது.
 
கோவலனின் மரணத்தால் மிக்க பாதிக்கப்பட்ட மாதவி சாக வழியின்றி, மகளை என்ன செய்வது என்று அறியாமல் தள்ளாடுகிறாள்.அவள் தாய் சித்ராபதியோ பொது மகளாய் வாழ சதா தொந்தரவு செய்ய, மணிமேகலைக்கும் அதே சூழல் வருகிறது.இக்கட்டத்தில் சோழன் கிள்ளிவளவனின் மகன் உதய குமாரன் மணிமேகலையை இம்சிப்பதைக் காண்கிறோம்.
 
இக்கட்டத்தில் தான் மாதவியின் மிக உயர்ந்த வாழ்வியல் மாற்றம் ஏற்படுகிறது.
முன் ஜென்மக் கர்ம வினைகளில் இருந்து விடுபட ஒரே வழி உண்மையான பக்தியும் சேவையும் தான் என்ற பாரத தேசத்தின் ஆன்மீக உண்மைப் பொருளை புத்த மதம் மூலம் ஏற்றுக் கொள்கிறாள்.
 
தன் சொத்துக்கள் அனைத்தையும் தானம் செய்து, பூம்புகார் இந்திர விஹாரத்தில் அறவண அடிகள் மூலம் துறவறம் மேற்கொண்டதோடு, தன் மகளுக்கும் பொது மகள் வாழ்வியல் உண்மையை விளக்கி, 18 வயதே ஆன மணிமேகலைத் துறவி ஆக்கினாள்.17 ஆண்டுகள் மாதவியும் கோவலனும் வாழ்ந்தனர்.
 
அதன் பின் மணிமேகலைக்குக் கோவலனின் அப்பா மூலம் சொத்து வர, அதைக் கொண்டு காஞ்சிபுரத்தில் புத்த விஹாரம் எழுப்பி, அதில் ”அட்சய பாத்ரம்” என்ற அமைப்பின் கீழ் 
முடவர், குருடர், ஊமை, செவிடர், ஏழை, அனாதை எனப்பற்பலருக்கும் உணவிட்டு சேவை செய்து வாழ்ந்தனர்.
 
தவறான குலத்தில் பிறந்த மாதவி மீண்டும் ஒரு தவறைச் செய்யாமல் தன் மகளையும் அதில் இருந்து தப்புவித்து இறுதியில் ஒப்பற்ற சேவை வாழ்க்கை வாழ்ந்தாள்.இதனால் தான் இளங்கோவும் சாத்தனாரும் மாதவியைப் பதிவுசெய்கிறார்கள்.
Continue reading
  1080 Hits
1080 Hits

Pandiya's port Korkai

முத்துக்கள் விளந்த பாண்டியர் கொற்கை
 
பண்டைய பாண்டியர் தம் மிகத் தொன்மை வாய்ந்த உலகப் புகழ் பெற்ற கடற்கரைப் பட்டிணம், துறைமுகம்.உலகப் புகழ் பெற்ற முத்துக் குளியல் நிகழ்ந்த இடம்.
 
பாண்டியருக்கு முத்து வணிகம் மூலம் மிக உயர்ந்த பொருள் ஈட்டிக் கொடுத்த ஊர்.
 
இதையே நல்லூர் கொற்கை என்று சங்க நூல்கள் கூறும்.பாண்டியனுக்கும் ”கொற்கை வேந்தன்” என்ற உயர் பெயர் உண்டு.
 
ஆனால் இன்று கொற்கை வளம் காணாத வரலாற்றுச் சுவடுகள் நீர்த்துப் போன ஊராய் மாறிவிட்டது.
 
சோழரின் காவிரிப்பூம்பட்டிணத்தைக் கடல் கொண்டது.ஆனால் கொற்கையை கடல் வேண்டாம் என்று விட்டு ஒன்பது கிலோமீட்டர் தூரம் விலகிச் சென்று விட்டது.
 
அது தான் இயற்கையின் விளையாட்டு.
 
க்ரேக்கம், ரோம், எகிப்து, பாபிலோனியா, சீன தேசங்கள் விலை உயர்ந்த முத்துக்களை வாங்கிக் குவித்த ஊர் கொற்கை.
 
”க்ரேக்கத்தின் பொருளாதாரம் பாண்டிய முத்துக்களை வாங்குவதற்கே அதிகம் செலவாகிறது” என்கிறார் மெகஸ்தனீஸ் என்ற பயண நூலார்.
 
உலக அழகியான எகிப்தின் க்ளியோபாட்ரா முத்துக்களைக் காலணிகளிலும் கழுத்திலும் முடியிலும் சூடியதை வரலாறு வர்ணிக்கிறது.
 
இன்று இவ்வூர் தூத்துக்குடி மாவட்டத்தில் [அன்றைய தென்பாண்டி தேசம்] உள்ளது.அங்கு 2000 ஆண்டுகள் பழமைமிக்க வன்னிமரம் உள்ளது.
 
அடுத்து மிகத் தொன்மையான அக்க சாலை - என்ற பெயரில் அக்க சாலை [காசுகள் அச்சடிக்கும் இடம்] ஈஸ்வரமுடையார் வினாயகர் கோயில் உள்ளது.
 
கண்ணகியின்  வரலாறு நிகழ்ந்த காலத்தில் பாண்டியன் நெடுஞ்செழியனின் மகன் வெற்றிவேல் செழியன் கொற்கையில் இருந்து தென் பாண்டிப் பகுதியை கவனித்துக் கொண்டான்.கண்ணகியாருக்கு நேர்ந்த தீமையை எண்ணி வருந்து, ஆன்மீகச் சான்றோர்கள் கூறிய அறிவுரையின் படி அவன் கொற்கையில் வெற்றிவேல் கொற்றவைக் கோயிலை ஏற்படுத்தினான்.அது இன்றும் வழிபாட்டில் உள்ளது.அதுவே அவன் எடுப்பித்த கண்ணகி கோயில்.[வெற்றிவேல் நங்கை]
 
கொற்கை ஆய்வினை மிக ஆழ்ந்து செய்த திரு.சந்திரவாணன் [1982 - 88] தரும் முக்கிய வரலாற்றுச் செய்திகள்....
 
மழைக்காலங்களின் மண் அரிப்பு ஏற்படும் போது மிகத் தொன்மை மிக்க பாண்டியர் காசுகள் கிடைத்தன.
 
பத்தடி ஆழம் தரையில் வெட்டப்பட்டால் கடல் விளைப் பொருட்களே அதிகம் கிட்டும்.அதுவே இப்பகுதி கடல் விலகியதை உணர்த்தும்.
 
திருவழுதி வள நாட்டு கொற்கையான மதுரோதய நல்லூர் அக்கசாலை என்ற கல்வெட்டு கிட்டியது.
 
தாமிரபரணி ஆற்றின் கடைசி ஆற்றுப்பாசனமான கொற்கைக் குளம் இன்றும் உள்ளது.
 
கண்ணகியாரான வெற்றிவேல் அம்மனை இன்றும் பொற்கொல்ல ஆசாரி மரபினரே குலதெய்வமாகக் கொண்டுள்ளர்.
 
மேலை தேசத்து நூல்கல் இதைக் கொல்சீ என்று குறிப்பிடும்.
 
ஊதும் முழுச்சங்குகள், சங்கு வளைகள் அகழ்வாய்வில் கிட்டின.
 
இரண்டு முதுமக்கள் தாழிகள் கிட்டின.அதை அவ்வூர் மக்கள் கொல்கை என்பர்.
 
பழைய நெல்லை ஊற வைத்தத் தண்ணீரில் உலை வைத்துச் செய்யப்படும் பொங்கல் இவ்வூர் விழாவில் மதுப்பொங்கல் என்ற பெயரில் தேவிக்குப் படைக்கப்படும்.
 
1981 ஆம் ஆண்டு ஏற்பட்ட பெருமழை வெள்ளம் மூலம் 2000 ஆண்டுகட்கு முற்பட்ட வெற்றிவேல் அம்மன் கோயில் இடிய, புதுக் கோயில் உண்டாயிற்று.
 
பாண்டியர் காலத்து சிவலிங்கம் சேதப்பட அதன் முன் வினாயகரை மக்கள் வைத்து விட்டனர்.
 
மதுரையை ஆண்ட பொற்கைப் பாண்டியன் வெளியிட்ட காசுகள் கிடைத்தன.
 
யவனர் தம் ஆறு பொற்காசுகள், சோழர் காசுகள் கிட்டின.
 
வண்ணிமரத்தின் கீழ் ஒரு சமண முனிவரின் சிலை கிடைத்தது.பாண்டிய தேசத்தில் சமணம் தென்பகுதி வரைப் பரவி இருந்ததன் சான்று இது.
 
கொற்கைக்கு அருகில் உள்ள மணலூரில் ஒரு நவகண்ட - தானே தன் தலையை அரிந்து பலிகொடுக்கும் வீரன் சிலை கிட்ட, அதை இன்று வன்னி மரத்தடியில் தொல்துறையினர் வைத்துளர்.
 
கணவன் இறந்தவுடன் அவனுடன் உடன் கட்டை ஏறிய வீரப்பெண்கள் ஒன்பது பேரின் வீரநடுகற்கள் கிட்டின.
 
உடைந்த பானை ஓடுகளில் ப்ராமி தமிழ் சொற்கள் கீறப்பட்ட நிலையில் கிட்டின.
 
இலங்கையை ஒடுக்க எண்ணிய ராஜராஜன் பாண்டியரை வென்றபின் கொற்கையில் தன் கப்பல்படை ஒன்றைத் தங்கவைத்தான்.
 
கி.பி பத்தாம் நூற்றாண்டுக்குப் பின் ஏற்பட்ட கடல்கோள் ஒன்றினால் கடல் ஊரை விலகியது.
 
ரோம் தேசத்தின் பல பீங்கான் பாத்திரங்களும் கிட்டின.
 
இரும்பை உருக்கும் கொல்லன் கருவிகள், சுடுமண் குழாய்கள் கிட்டின.
 
இங்குள்ள ஐயனார் கோயிலும் மிகத் தொன்மை மிக்க சாத்தனார் கோட்டமே ஆகும்.
 
அகழ்வாய்வு செய்தால் இன்னும் நிறைய தகவல்கள் கிட்டும்.
 
இயற்கை எப்போது என்ன முடிவு வேண்டுமாயினும் எடுக்கும்.
 
ஒரு முறை கொற்கை சென்று வருவோம்.
Continue reading
  1115 Hits
1115 Hits

சேர தேசத்துப் பாணர் பாடும் தோற்றம் பாட்டு

சேர தேசத்துப் பாணர் பாடும் தோற்றம் பாட்டு
 
சேரன் செங்குட்டுவன் கண்ணகியாருக்குக் கோட்டம் எழுப்பிய காலத்திலேயே, தன் தலைநகராம் வஞ்சியில் [கொடுங்கல்லூர்] கொற்றவைக் கோயிலுள் சன்னிதியும் அமைத்தான்.
 
அக்காலத்தே அவன் பாணர்கள் குழு ஒன்றை அமைத்துக் கண்ணகியாரின் வரலாற்றைப் பாட ஏற்பாடு ஆனது.
 
அப்பாணர் குழு போல் அதன் பின் பலர் பாடினர்.பாணர் குழு பாடிய பாடலஏ தோற்றம் பாட்டு..அதாவது உருவாக்கப் பாட்டு.
 
இன்றும் கேரளத்தில் பல கோயில் வாசல்களில் பாணர்கள் [தமிழகத்தில் இவ்வினம் இல்லை] யாழ் மீட்டி அமர்ந்து பாடுவதைக் காணலாம்.
 
கொடுங்கல்லூரில் வாழும் அப்பாட்டுக்கள் பாடும் குடும்பம் ஒன்று சேரன் செங்குட்டுவன் காலம் முதற்கொண்டு வாழ்ந்து வருகிறது.
 
இவர்களே திருவனந்தபுரம் ஆற்றுக்கால் அம்மையின் பொங்கால் விழாவிற்கு முன்பு அங்கு மிக்க மரியாதையுடன் வரவேற்கப்படுவர்.அவர்கள் ஒரு மண்டலம் வ்ரதம் இருந்து செல்வர்.அவர்கள் குறித்த காலத்தில் தோற்றம் பாட்டைப் பாடி அன்னையை ஸ்தாபனம் செய்வர்.
 
இவர்களின் தோற்றம் பாடலில் மிக நுட்பமான வரலாற்றுக் குறிப்புகள் இருக்கின்றன.
 
மிகத் தொன்மையான பாணர் இனம் இன்றும் சேர தேசத்தில் உள்ளது.அவர்கள் இன்றும் வரலாற்றுச் சிறப்பு மிக்க தோற்றம் பாட்டைப் பாடுவதைக் காணலாம்.
 
வாழ்க பாணர் இனம்!
Continue reading
  975 Hits
975 Hits

பொங்கல் - மாவிளக்கு ... இவற்றின் உள் அர்த்தம்

பொங்கல் - மாவிளக்கு ... இவற்றின் உள் அர்த்தம்
 
அக்காலத்தில் செந்நெல் என்பது மிக உயர்ந்த பொருள்.
மிக உயர் செல்வரே செந்நெல் அரிசிச் சோறு உண்பர்.
செந்நெல்லுக்கு இணையாகத் தங்கம் பண்ட மாற்று ஆனது என்றால் அதன் உயர்வைக் கற்பனை செய்க.
இனி வரும் காலத்தே நெல் பொன்னை விட அதிக விலை கொள்ளும்.
இந்த நெல்லின் மூளம் பெறும் அரிசியைப் பொங்குவதே பொங்கல்.
அது வாழ்வின் பாக்ய சக்தியை அதிகரிக்கும் இயற்கை சார்ந்த உயர் சடங்கு.
தான் உழைப்பின் மூலம் பெற்ற மிக உயர்ந்த செந்நெல் சோற்றினை அன்புடன் நன்றியுடன் தன் இஷ்ட தேவதைக்குப் படைக்கும் வழக்கம் ஆதி த்ராவிடப் பண்பு.
 
இதில் மண் கலமான பானை - ஒவ்வொரு பிறவியிலும் எடுக்கும் உடல்
அதில் இடும் அரிசி மணிகள் நம் ஆசைகள், கனவுகள், லட்சியங்கள்.
இவை நிறைவேற வேண்டும் என்பதே இனிய வெல்லம் குறிக்கிறது.
அதில் உண்மையான பக்தி என்ற நெய் ஊற்ற வேண்டும்.
 
சரி இவை எல்லாம் ஆனால் சரியா?
இவை எல்லாம் பொங்கல் ஆகிட தீ வேண்டும்
அதுவே மாற்று சக்தி
அது தான் நம் மனதுள் நாம் ஏற்படுத்தும் தரமான மாற்றம்
அதுவே தெய்வ சக்தியின் துணையுடன் பொங்கல் ஆகிறது.
அதனால் தான் தமிழத்தில் தெய்வத்துக்குப் பொங்கல் இடுவதை மிக உயர்ந்த வழிபாடாக வைத்துக் கொண்டாடுவதைக் காண்கிறோம்.
 
இதோ ஆடி மாதம் வருகிறது..
இஷ்டங்களும் ஆசைகள் கனவுகள் பூர்த்தியாகிடப் பொங்கல் இடுக
அதை உணர்ந்து இடுக.
 
மாவிளக்கு
மிகத் தொன்மை மிக்க த்ராவிட வழிபாட்டுச் சடங்கு மாவிளக்கு ஏற்றுதல்.
தூய பச்சரியில் சூரியனின் பூரண ஒளி சக்தி நிறைந்துள்ளது.
அதே போல் தூய பசும் நெய்யிலும் சூரிய சக்தி நிறைந்துள்ளது.
சூரிய ஒளி சக்தியே ஆரோக்யத்தின் மிக அடிப்படை சக்தி.
அதனால் தூய பச்சரிசியை மாவாக இடித்துப் பிசைந்து, அதில் பசும் நெய் விட்டு விளக்கினை ஏற்றினர்.
அதில் இனிப்பு கலப்பது என்பது பின்னர் வந்ததே.
உடலில் உள்ள இரு பாகங்களிலும் ஆரோக்ய சக்தி உள்ளேற வேண்டும் என்றே இரு விளக்குகள் இடுவர்.
அதிலும் குறிப்பிட்ட பாகத்தில் உள்ள வ்யாதி தீர அப்பாகத்தின் மீது விளக்கை வாழை இலை இட்டு ஏற்றுவது மரபு.
வாரம் ஒரு முறை வீட்டில் மாவிளக்கு இட வைத்ய சாஸ்த்ரம் கூறும்.
செய்யலாமே.....
Continue reading
  1092 Hits
1092 Hits

பாழ் படும் சமூஹம்...

சமீப காலமாக நம் தொலைக்காட்சி ஊடகங்கள் மூலம் வரும் தொடர்கள் ஓர் ஆய்வுக்கு உட்படுத்தப் பட்டுள்ளன.
அதாவது பெண்மையைத் திரைப்படங்கள் வெறும் போகப் பொருளாகக் காட்டுவதை அதிகரிக்கும் அதே தருணத்தில் தொலைக்காட்சித் தொடர்கள் பெரும்பாலும் பாரதப் பெண்களின் குணாதிசயங்களைத் தரம் தாழ்ந்த ஒன்றாகவே சித்தரித்துக் காட்டி வருவதைக் காண்கிறோம்.
 
குறிப்பாக அகம்பாவம், யாரையும் மதிக்காமை, பெண் சித்ரவதை, பெண் என்றால் குரூரமானவள், மிக மோசமாக வசவுகள் கொண்ட வசனங்கள், பொறாமை, போட்டி, மோசமான ஆடைகள்.
 
இவை எல்லாவற்றையும் விட எதற்கு எடுத்தாலும் பழி வாங்கும் தன்மை.
 
தவறான வழியில் வாழ்க்கையை ஏற்படுத்திக் கொள்வதை நியாயப் படுத்துதல்.
 
அதை விட பிறன் மனை விழைதல் - அதாவது பிறரது கணவனை விரும்புதல், குடும்பத்தைச் சீர்கெட வைத்தல்.
 
முத்தமிழ்ச் சங்கம் கொண்டு சமூஹ நலனுக்காக வளர்ந்த தமிழ் மொழியில் இதைப் போன்ற மிக மிகக் கேவலமான படைப்புகள் வருடக் கணக்கில் தொடர்களாய் வருவதன் மூலம், அதைக் காண்போரின் அடி ஆழ மனதில் குணங்கள் மாறு பட்டு வருவதை ஆய்வுகள் வெளிப்படுத்துகின்றன.
 
வீட்டில் உள்ள பெரியவர்கள் இதற்கு [குறிப்பாகப் பெண்கள்] அடிக்ட் ஆகிவருவதைக் கண்கூடாகக் காண்கிறோம்.இதன் மூலம் பெண்களின் எத்தனையோ தரமான திறமைகள் வீணாய்ப் போய் மூட்டை கட்டி வைக்கப் படுகின்றன.
 
தமிழ் மொழியில் எத்தனை எத்தனை உயர் படைப்புகள் அன்று முதல் இன்று வரை உள்ளன?
 
அழகான வளமான மொழி தொலைக்காட்சியின் மூலம் சிதைக்கப்படுவதைக் காண்கிறோம்.
 
சமஸ்க்ருத ஹிந்தி ஆதிக்கத்தை எதிர்க்கும் வெற்று அரசியல் கட்சிகள் ஏன் ஊடகங்கள் மூலம் ஆங்கிலத்தின் அதீத போக்கு தமிழைச் சிதைப்பதை ஏற்கின்றன?
 
கிராமங்களுக்குள் சென்று பெண்கள் மிகக் கேவலமான ஆடைகள் அணிந்து கொண்டு அங்கு நிகழ்ச்சிகள் நடத்துவதையும் காண்கிறோம்.
 
தவறான மூட நம்பிக்கைகளை எதிர்க்கிறோம் என்ற பெயரின் பண்பாட்டுக் கூறுகளை ஏளனம் செய்வதைக் காண்கிறோம்.
 
இதில் மாணவர்கள் மனதில் தாக்கம் ஏற்படுவதைக் காண்கிறோம்.
 
எதைச் சொல்ல வேண்டும் என்ற பொருள் அதிகாரம் வகுத்தத் தமிழன் இன்று மிக மோசமான பொருளை ஊடகங்கள் மூலம் சமூஹத்துக்குச் சொல்லி மிக மோசமான சூழலை உருவாக்குகிறான்.
 
தரமான பொருள் என்பது தரமான எண்ணம், தரமான மொழி, தரமான படைப்பு என்று அனைத்திலும் இருக்கட்டும்.
 
ஒரே ஒரு கேள்வி என் பத்தாம் வகுப்பு மாணவி கேட்டாள், ”பெண்களை இழிவாகப் பேசிய ஒரு நபருக்குக் கண்டனம் செய்யும் அமைப்புகள் நீதிமன்றம் ஆகியன, ஏன் பெண்களைத் தவறாகச் சித்தரிக்கும் திரைத்துறை, தொலைக்காட்சி, ஆடை வடிவமைப்பு நிபுனர்கள் ஆகியோரைக் கண்டனம் செய்யவில்லை?”
 
படித்தோ பட்டம் பெற்றோ வேலைக்குப் போய் காரில் போய் பணம் சம்பாதித்தும் இன்னும் என்ன ப்ரயோஜனம் பெண்களே?
பாழ்பட்ட சமூஹம் இன்னும் உன்னை போகப் பொருளாய், தீய குணங்கள் கொண்ட சமூஹ சக்தியாய் அல்லவா சித்தரித்து பணம் செய்கிறது?
இதை நீ என்று எதிர்க்கப் போகிறாய்?
புகழுக்கும் பணத்துக்கும் அடிமையாவதை என்று விடப் போகிறாய்?
பாரதி கண்ட புதுமைப் பெண் இதுவல்ல!
யோசி.....
Continue reading
  810 Hits
810 Hits

கொங்கச் செல்வி - சிலப்பதிகாரம் Dr.உ.வே.சா

கொங்கச் செல்வி - சிலப்பதிகாரம்
Dr.உ.வே.சா
 
”இவள் [கண்ணகியார்] கொங்கு தேசத்தில் ஊர் தோறும் மிக்க மரியாதையுடன் பலரது குலதெய்வக் கொற்றவையாக விளங்குகிறாள்.கொங்கு வேள் சேரனுடன் கோட்டத்தில் கண்ணகியாரைப் பணிந்த காலத்தில் கோவன்புத்தூரில் கொற்றவையுடன் மாபத்தினியை சேர்த்து ப்ரதிஷ்டித்து மக்களுடன் வணங்கினான்”
 
ஈரோட்டில் கொங்கு ஆள் அம்மனாக இருப்பதை அடியார்க்கு நல்லார் குறிப்பிடுகிறார்.
 
பவானியில் உள்ள கொற்றவையுடன் இணைத்து சேரன் வணங்க வைத்தான்.பரணர் புலவர் அதை தலைமேற்கொள்கிறார்.
 
தரமான முன் மாதிரிகளைச் சமூஹத்தில் அறிமுகம் செய்த கலாச்சாரம்.இன்று?
Continue reading
  897 Hits
897 Hits

Kudamalai aatti - Mookambikai

குடமலை ஆட்டி...
 
சேரன் செங்குட்டுவன் கண்னகியாருக்குக் குமுளி மலையில் கோட்டம் செய்த போது, கும்பாபிஷேகம் அன்று கொங்கு அரசனும் குடகு மலைப் பழங்குடி அரசனும் இலங்கைக் கயபாகு ஆகியோர் வந்து கலந்து கொண்டனர்.
 
இதில் குடகு மலை [கர்நாடகம், கொடகு மலைத்தொடர்] அரசன் இன்றுள்ள மூகாம்பிகை ஸ்தலத்தில் இருந்து 15கிலோ மீட்டர் தூரம் உள்ள குடஜாத்ரி பகுதியில் ஸ்வர்ண ரேகை கொண்ட வித்யாஸமான கல்லைக் கொண்டு கண்ணகியாருக்கு நடுகல் வழிபாட்டை ஏற்படுத்தினான்.
 
அக்கோயில் காலத்தால் மிகவும் பாழ்பட, கி.பி ஏழாம் நூற்றாண்டில் ஆதிசங்கரர் அக்கல்லை இன்றுள்ள மூகாம்பிகை ஸ்தலத்துக்குக் கொண்டு வந்து மறு ப்ரதிஷ்டை செய்தார்.மக்களின் கற்பனை பாவனை பக்திக்காக சங்கு சக்ரம் அபயம் வரதம் கொண்ட மூகாம்பிகையின் ஐம்பொன் சிலையை நிறுவினார்.அதோடு இருபுறமும் இரு உத்சவ மூர்த்தங்களை ஏற்படுத்தினார்.
 
இவை அனைத்தும் நடுகல் - [ஸ்வம்பு லிங்கம் என்று இன்று மக்கள் அழைப்பர்] பின் உள்ளன.
 
ஸ்வர்ண ரேகை கொண்ட நடுகல்லை அதிகாலை அபிஷேகத்தின் போது தரிசிக்கலாம்.அதன் பின் மிக மிகத் தொன்மை மிக்க முகச்சார்த்து என்ற கவசம் இட்டு மூடி வைப்பர்.
 
நடுவில் உள்ள தேவி, மஹாசரஸ்வதி.அவளது வலது புறம் துர்கை, இடது புறம் மஹாலக்ஷ்மி என இரு உத்சவர்.தினமும் ஸ்ரீவேலி புறப்பாட்டில் துர்கை மட்டுமே இருப்பள்.நவராத்ரிகளில் லக்ஷ்மியும் இணைவள்.
 
அலைமகள் - கலைமகள் - மலைமகள் என மூவரும் ஒன்றான 3 in one தான் மூகாம்பிகை.
 
மூன்று - மூ - பழந்தமிழ்
 
மூகாம்பிகை - தச மஹா வித்யையில் நாவை அடக்கி ஆளும் பகளாமுகி சக்தி.
 
பாண்டியனை மூகன் - ஊமை ஆக்கி வழக்காடிய மூகாம்பிகை - கல்வெட்டு.
 
கர்ணகை - என்ற செப்பேடுப் பெயரும் இவளுக்கு உண்டு.
 
மிக மிகத் தொன்மை மிக்க இசைக் கருவிகள் இவளுக்கு வாசிக்கப்படுகின்றன.
 
குடமலை ஆட்டி - கர்நாடகத்தில் சதா மழை வர்ஷிக்கும் குடஜாத்ரி மூகாம்பிகை - Dr.உ.வே.சாவின் ஆய்வு உரை.
 
மிக்க வரப்ரஸாதி ஆன தேவியின் அன்னதானம் உண்ண வேண்டும்.
 
ஆதிசங்கரர் த்யானம் செய்த மண்டபம், மூலஸ்தானம் பின் உள்ளது.
 
மிக உயர்ந்த பாக்ய சக்தி தரும் மஹா சண்டி ஹோமம் தினமும் நிகழும் ஒரே கோயில் இதுவாகும்.
 
சேரமன்னனின் வேண்டுதலுக்கு ஏற்ப தேவியின் சானித்யத்தை ஆவாஹனம் செய்து சங்கரர் சோற்றாணிக்கரையில் ப்ரதிஷ்ட்டை செய்ய, அங்குள்ள நெடுகல்லில் மாலை ஏழரை முதல் அதிகாலை ஏழு வரை மஹாசரஸ்வதியாக சக்தி உள்ளது.
 
பண்ணைப்புரத்து இளையராஜா ஒவ்வொரு அமாவாசை அன்றும் அன்னை முன் த்யானம் இருப்பதன் பலனே அவரது புகழ்.
 
அலைமகள், நாமகள் , மகிஷாசுரன் தலை கொய்த மலைமகள் என மூவரும் ஒன்றான அநீதியை எதிர்க்கும் துர்கை எனக் கண்ணகியாரை இளங்கோ வர்ணிக்கிறார்.அதையே குடகு அரசனும் பழங்குடியினரும் மூகாம்பிகை ஆக்கினர்.
 
சென்று வருக.....
Continue reading
  893 Hits
893 Hits

கொடுங்கல்லூர் பரணி - மனோதத்வ ரீதியில் ஓர் பாலியல் ஆய்வு பரணி

பரணி
27 நக்ஷத்ரங்களில் ஒன்று.கொற்றவையான காளியின் சக்தியை ஆகர்ஷித்துத் தரும் நக்ஷத்ரம்.
பரணி தினத்தில் அக்கால த்ராவிட மன்னர்கள் போர்க்கள வேள்வி செய்து ஆயத்தம் ஆவர்.
போரில் ஆயிரம் ஆண் யானைகளைக் கொன்ற வீரனைப் புகழ்வதையே பரணி இலக்கியமாக இடைக்காலத் தமிழ் மொழி பரிணமிப்பதைக் காண்கிறோம்.அதில் குறிப்பாக காளி பேய்களுடன் கூடி போர்க்களத்தில் வீர விருந்துண்டு களிப்பதை வர்ணிக்கும் கொடூரமான காட்சி வர்ணனைகள் இடம் பெறும்.
இன்று தமிழகத்தில் பல அம்மன் கோயில்களில் உள்ள விழாக்கள் வெவ்வேறு விதவிதமாக, விதவிதமான கால தினங்களில் நடைபெறும்.ஆனால் அன்றைய சேர தேசமான இன்றைய கேரளத்தில் உள்ள காளி - கொற்றவைக் கோயில்களில் பெரும்பாலும் பரணி நாளிலேயே உற்சவம் நடைபெறுவதைக் காண்க.
குறிப்பாகக் கேரளத்தின் தலைசார்ந்த காளி கோயிலான கொடுங்கல்லூர் [அன்றைய சேரர்தம் தலைநகர் வஞ்சி] ஸ்தலத்தில் பங்குனி மாதம் அஸ்வதி மற்றும் பரணி தினங்கள் வெகு வெகு விமர்சிகை ஆனவை.
கொடுங்கல்லூர் பரணியை நம்மூர் ஸ்ரீரங்க ஏகாதசி அல்லது மதுரைச் சித்திரைத் திருவிழாவுக்கு ஒப்பிடுக.[Regarding the rush]
அஸ்வதி நாளில் அக்காலம் முதல் மிகத் தாழ்ந்த சாதியினரும் கோயிலை வலம் வந்து கொற்றவையை வணங்கும் வழக்கம் சேர தேசத்தில் உள்ளது.அஸ்வதி நாள் அன்று அதிகாலை முதல் கூட்டம் கூட்டமாககுடும்பம் குடும்பமாக மக்கள் செவ்வாடை அணிந்துவாளும் சிலம்பும் ஏந்தி [கண்ணகியின் பாவனை] கோயில் முன் வந்து தெய்வம் ஏறப்பெற்று ஓயாமல் ஆடுவர்.You tube available.
அதில் மிக நுட்பம் வாய்ந்தது தறிப்பாட்டு ஆட்டம்.
அது என்ன?
மிகக் கேவலமான, மிக வக்ரமான பாலியல் வர்ணனைகள் கொண்ட மலையாளபழந்தமிழ் பாடல்களை மக்கள் பாடி ஆடுவர்.கைகளில் மூங்கில் கட்டைகளைக் கொண்டு தாளமிட்டுஒரு குறிப்பிட்ட ராகத்தில் அனைவரும் அவரவர் கூட்டம், குடும்பத்துடன் பாடி ஆடுவர்.
அஸ்வதி தினத்தில் மாலை வரை அன்னையின் சன்னிதி திறப்பதில்லை.கோயிலின் ப்ரதான நடை முன் நின்று உரக்கக் கத்தித் தறிப்பாட்டுக்களைப் பாடி ஏசுவர்,வணங்குவர்துள்ளி குதித்தாடுவர்.
அடுத்து கண்ணகியாரின் சமாதிக் கோயிலான secret chamber இருக்கும் புறத்தே சென்று அதே போல் ஏசுவர்.தன் மனதில் உள்ள அனைத்து எண்ணங்களையும் பேசியும் தீர்ப்பர்.ஆனால் யாரும் யாரையும் குறை கூறார்கேலி பேசார்சிரிக்கார்.
தமிழ் இலக்கியத்தில் சொல்வது போல் கள்ளுண்டு களிக்கும் கூட்டம் காணலாம்.கேட்பதற்குக் காதுகள் கூசும் பாலியல் வர்ணனைகளை தேவியை நோக்கிக் கத்துவர்.மக்கள் தம் மனதில் ஏற்படும் அனைத்து வக்ரங்களை அந்த குறிப்பிட்ட ராகத்தில் பாடி வெளிப்படுத்துவர் - தேவி முன்.
கேரளத்தின் மிக மோசமான கலாச்சாரம், the brutal, vulgar animal like culture of dravidians – 1954 comment in THE HINDU,என்றெல்லாம் அரசியல் கட்சிகளும் நாஸ்திக வாதங்களும் விமர்சிக்கும் இந்த விழா பல ஆயிரம் ஆண்டுகளாய் நிகழ்வதே சிறப்பு.
கோயில்களில் பாலியல் கல்வி புகட்டும் சிற்பங்கள் இருப்பது சாதாரணம்.ஆனால் பாரத தேசத்தில் வேறு எங்கும் இல்லாத பண்பாடாய் மிக வக்ரமான பாலியல் வர்ணனைகள் கொண்டு ஆண்களும் பெண்களும் பாடுவது இங்கே தான்.அது ஏன்?
ஆனால் அடியேன் மூன்றாண்டுகள் ஆய்வின் அடிப்படையில் கொடுங்கல்லூர் பரணியை அருகிருந்து கள ஆய்வு செய்த போது ஒரு உண்மையைக் கண்டேன்.அது என்ன?
திரைப்படத்திலோவேறு கலை வடிவத்திலோ இதே போல பாலியல் பாடல்கள் உளஆனால் அதற்கேற்ற body gestures காட்டப்பெறும்.ஆனால் கொடுங்கல்லூர் பரணியின் தறிப்பாட்டில் அவ்வித உடல் பாஷைகள் இல்லை.கள்ளுண்டுகளித்து கையில் மூங்கில் கோல் கொண்டு ஆண்களும் பெண்களும் [அனைத்து உறவுகளும் வட்டமாக நின்றே] பாடிப்பாடி தேவியை நோக்கிச் செல்வதைக் காணலாம்.
தறிப்பாட்டுகள் பாடி ஆடும் பக்தர்கள் ”கோமரங்கள்” எனப்படுவர்.கோவின் மறவர்கள்கோமறவர்கள் என்று ஆய்வில் தொல் கொடுந்தமிழ்ச் சொல் கிடைக்கிறது.சேரர் கோ[மன்னன்] தம் மறவர்கள் வீரர்கள் என்று அர்த்தம் கொள்க.இம்மறக்குடியினரே வ்ரதம் இருந்து ரக்த வர்ண ஆடை தரித்துகாலில் சிலம்பு பூட்டிகையில் நெடிய வாள் தாங்கி தேவியை தெய்வமேறப்பட்டு வாழ்த்தி வணங்குகிறார்கள்.
கொடுங்கல்லூரில் மேவும் கூடலர் குல நாசினி! [கூடலர் - மதுரைப் பதி மக்கள்,பாண்டிய குலம் அதை நாசம் செய்தவள்] என்று மிகத் தொன்மையான கொடுந்தமிழ் வரியைப் பதிவு செய்தோம்.
இது மிக ஆழ்ந்த மனவியல் உண்மையைச் சார்ந்ததே.கி.பி 18ல் மிகப் பெரிய மஹான்கள் உத்தண்ட சாஸ்த்ரிகள்சட்டம்பி ஸ்வாமிகள் ஆகியோர் இவ்விழாவைத் தடை செய்ய ஆங்கிலேயரின் உத்தரவுடன் முயன்றனர்.ஆனால் அன்னை இவர்தம் கனவில் சென்று அதைத் தடுத்தாள் என்று வரலாறு கூறுகிறது.
மனவியல் உணர்வுகளை ஒன்று கூடி வெளியிடும் மிகத் தொன்மை மிக்க மனோதத்வ கலாச்சாரம் இது.
கண்ணகியின் வாழ்வியல் ஆற்றாமையைத் தாகம் தீர்க்கும் மிகத் தொன்மையான தொல் த்ராவிட வழிபாடு இது என்று ஆராய்ச்சியாளர் கூறுவர்.
ஆனால் மன அழுத்தங்களைபாலியல் சம்பந்தமான விராக உணர்வுகளைத் தீர்க்கும் விழா இது.வாய் விட்டுச் சொல்லுதல் என்ற மனோ தத்வத்தின் அடிப்படையில் அமைந்தது இது எனலாம். மனதுள் வைத்துப் புழுங்கும் ஏக்க தாகங்களை வாய்விட்டுப் பாடி அரற்ற தேசத்தின் ஓர் ஊரில் வாய்ப்பு தரப்படுவதாகக் காண்கிறேன்.
அஸ்வதி தினத்தின் அன்று மாலை பொற்கொல்லன் வந்து கோயிலை மூன்று முறை வலம் வந்து மணியை அடிக்க ஆயிரக்கணக்கான பக்தர்கள் கோயிலை ஓடி வலம் வந்து கணக்கற்ற மஞ்சள்மிளகுபணம்தங்கம் ஆகியவற்றைக் கோயிலின் மீது வீசி எறிவர்.தேவியை மூன்று நாட்கள் காண முடியாது.இதையே ”காவு தீண்டல்” என்பர்.அன்று இரவு தேவியின் இடது ஸ்தனத்தின் மீது மஞ்சள் மருந்து பூசப்பட்டு அதிகாலையில் மஹா ப்ரசாதமாக வழங்கப்படும்.
கோயிலைத் தூய்மை செய்யவே ஒரு வாரம் ஆகும்.
கொடுங்கல்லூர் பரணியில் பக்தர்கள் மிகத்தொன்மைக்கால ஆடை ஆபரணங்கள் அணிவதையும் காண்க. அக்காலத்தில் போர்க்களம் செல்லும் வீர தீர பாவனைகளையும் காணலாம்.ஐநூறு ஆண்டுகட்கு முன் கொடுங்கல்லூரில் போர் வீரர்கள் அமர தண்டம் [தன் தலையைத் தானே அரிந்து கொள்வது] சமர்ப்பித்தும் உள்ள வரலாறு காணப்படுகிறது.
அமர தண்டம் சமர்ப்பிக்கும் முன் மூடப் பழக்கமாய்பொற்கொல்லனையும் கடத்தி வந்து கோயில் முன் வெட்டிப் பலி கொடுத்த செய்திகள் கி.பி 1213ஆம் நூற்றாண்டுகளில் கிடைக்கின்றன. இன்று கோயிலின் முன் மிகப்பெரிய மண் களம் மீது ரக்த வர்ண செவ்வாடையை விரித்துஅதையே ஆணவத்தின் குறியீடாக பலி இடும் வழக்கம் ஏற்படுத்தப் பட்டுள்ளது.
மிக ஆழமான மனோவியல் நுட்பத்தைப் புரிந்து கொண்டால் இத்தேசத்தின் சில அபூர்வமான விஷயங்களைத் தெரிந்து கொள்ள முடியும்.
ஒரு பாணர் பாடிய தோற்றம் பாட்டு...
......அம்மை மதுரையை எரித்து,
பாண்டி நாடெங்ஙினும் போய்
ஆழிகர கன்யாகுமரி எத்தி
அவிடே தேவி கன்யாகுமரியாயி
கையில் சிலம்பும் கொண்டு
அனந்தபுரியில் ஆற்றுக்காலில் ஏகி
சேரமானும் சேரத்தி ராணியும் கைதொழ
அம்மை கொடுங்ஙல்லூர் வந்நு...
புறத்தே சோற்றாணிக்கர எத்தி..
அம்மையும் கொடகு மஹாராஜன் பின்போயி
குடஜாத்ரியிலே மூகாம்பிகையாகுன்ன சரிதம் ஞான் சொல்லியல்லோ
பாணன் என்டே பாட்டில் தேவி அருளியல்லோ
தேவியும் கையில் பொன் சிலம்பும் கொடுவாளும் தாங்ஙி
சேரமானும் சேரத்தி ராணியும் தொழ ஒற்றை முலச்சியாயி
கொடுங்ஙல்லூரில் அம்பலத்திலே சாந்த்வனமாயி....
Continue reading
  860 Hits
860 Hits

Women's Sabarimalai - Aatrukaal Devi [Kannagi] shetram - aadi month spl

பெண்களின் சபரிமலை - ஆற்றுக்கால்
 
திருவனந்தரபுரம் ஆற்றுக்கால் பெண்களின் சபரிமலை.
 
வருடத்தில் மார்ச் மாதத்தில் லட்சம் பெண்கள் அன்னைக்குப் பொங்கல் வழிபாடு மேற்கொண்டு கின்னஸ் சாதனை செய்யும் மஹா ஸ்தலம்.
 
உரைசால் பத்தினியை உயர்ந்தோர் ஏத்தல் என்ற சிலப்பதிகார வாக்கை நிரூபிக்கச் சேரன் செங்குட்டுவன் குமுளி மலையின் மீது கண்ணகிக் கோட்தமும், தன் தலைநகர் கொடுங்கலூரில் கோயிலும் கண்ணகிக்கு ஏற்படுத்திய பின் கேரளம் முழுவதும் கண்ணகியை தேவியின் அவதாரமாக பாவித்த கோயில்கள் பல தோன்றின.அவற்றுள் மிக ப்ரஸித்த பெற்ற ஒன்று திருவனந்தபுரம் ஆற்றுக்கால் பகவதி கோயில்.
 
மதுரை எரித்த கண்ணகி கோபம் தீராமல் பாண்டிய தேசத்தின் எல்லையான கன்யாகுமரிக்குச் செல்கிறாள். அங்கே தேவியைச் சேரன் தன் தேசத்துள் வரவேற்க அவள் ஆற்றுக்கால் வந்து தங்கிட, அவளை ஷாந்தம் ஆக்கிடப் பெண்கள் பொங்கலிட்டு வழிபட, பொங்கால் உத்சவம் உண்டானது.
 
கோயில் தேவி ஷாந்த ஸ்வரூபிணியாய் துர்கை வடிவில் கலந்த கண்ணகியாக உள்ளாள்.
 
கோயில் முழுவதும் சிலப்பதிகாரத்தின் ஒவ்வொரு காட்சியும் சிற்பமாக உள்ளது.
 
மார்ச் மாதத்தில் இவ்வாண்டு 8 லட்சம் பெண்கள் கூடி பொங்கலிட்டனர்.அன்று விடுமுறை, ஆண்கள் வெளிவருவதில்லை,ஊர் முழுவதும் ஏட்டு கிலோமீட்டர் தூரம் பொங்கலுக்கு இடம் booking செய்ய வேண்டும்.
 
அன்னைக்குக் காப்புக் கட்டியவுடன் கொடுங்கல்லூரில் இருந்து காலம்காலமாய்க் கண்ணகியின் வரலாற்றைப் பாடும் மரபினர் வ்ரதம் பூண்டு தோற்றம் பாட்டுப் பாடுவர்.அதன்பின் சன்னிதியின் விளக்கில் இருந்து தீ பற்றப்பட, அது ஊர் முழுவதும் உள்ள அடுப்புகளுக்குச் செல்ல பொங்கல் ஆகி, ஹெலிக்காப்டர் மூலம் நிவேதனம் ஆகும்.
 
முருகன் பாவனையில் 14 வயதுக்கு உட்பட்ட சிறுவர்கள் வ்ரதம் பூண்டு மறுநாள் தேவியை வழிபடும் நிகழ்வு முக்கியம்.
 
வெறும் வெற்று த்ராவிடம் பேசி உண்மையான த்ராவிட மரபுகளைச் சீர் குலத்த தமிழகம் கேரள மக்களின் பக்தியைக் கண்டு நாண வேண்டும்.
 
சமூஹத்தின் ப்ரபலங்கள் ஆற்றுக்கால் பொக்காலாவில் பங்கேற்பது மிக ப்ரபலம்.
 
பிறர் பசி தீர்த்தல் மிக உயர்ந்த அறம்.
பொங்கல் - நம் பாக்ய சக்தியை அதிகரிக்க முன்னோர் கண்ட உயர் சடங்கு.
பெண்கள் ஒரு மார்ச் மாதம் சென்று பொங்கலிடுக.....
 
you tube - பல வீடியோக்கள் காண்க.
Continue reading
  716 Hits
716 Hits

இழந்தத்தைக் கொடுக்கும் கண்ணகிக் கோட்டம் - ஆய்வுக் கட்டுரை

இழந்தத்தைக் கொடுக்கும் கண்ணகிக் கோட்டம் - ஆய்வுக் கட்டுரை மதுரையில் பாண்டியன் முன் வழக்குத் தொடுத்து அவனுக்கு உண்மை உணர்த்தி, தன் கணவனின் பழியை விலக்கிய கண்ணகி, மன அமைதி தேடி வைகைக் கரை வழியில் பயணம் செய்தாள். தேனி வீரபாண்டி கெளமாரி அம்மை கோயிலில் அவள் பூரண ஞானத்துடன் தன் வாழ்க்கையின் நிகழ்வுகளை எண்ணி, வினைப்பயனின் உண்மையை உணர்ந்து சமாதானம் ஆகி, அதன் பின் மேற்கில் சேர தேசத்து எல்லையில் குமுளிப் பள்ளத்தாக்கில் உள்ள பளியங்குடி வழியாகப் பயணித்து, நெடுவேல் குன்றம் என்ற முருகன் கோயில் உள்ள 4300 அடி உயரம் உள்ள மலையில் ஏறி, அங்கு ஆடி மாதம் அனுஷம் அன்று சமாதி ஆனாள், தன் கணவனின் ஆன்மாவுடன் ஐக்யம் ஆனாள். இதைப் பழங்குடி மக்கள் சேரன் செங்குட்டுவனிடம் கூற, அதை உணர்ந்த ராணி வேண்மாள் உயர்ந்த பெண்ணுக்கு வீர நடுகல் வைத்து வழிபட்டு சமூஹத்துக்கு முன் உதாரணம் தர வேண்டும் என்று கூற, சேரனும் இமய மலையில் கல் எடுத்து, கங்கையில் நீராட்டி, கண்ணகிக்குச் சிலை வைத்து, இன்றுள்ள கண்ணகிக் கோட்டத்தை எழுப்பினான். அதில் அவளது தோழி தேவந்திகை பூஜாரி ஆனாள். இழந்த நிம்மதியைப் பெறும் மஹா ஸ்தலமாக இதை மக்கள் மதிக்கிறார்கள். பின்னர் சேரன் கண்ணகியின் உடல் எச்சங்களைத் தன் தலைநகரான வஞ்சி மாநகருக்கு எடுத்துச் செல்கிறான் [கேரளம் - திருச்சூர் மாவட்டம் - கொடுங்கல்லூர் பகவதி கோயில்] கண்ணகியின் அப்பா கொடுத்த அவளது சில நகைகள், சிலம்பு ஒன்று, ஒரு புடவை ஆகியன காளியின் இடது புறம் ரகசிய அறையுள் வைக்கப்பட்டு, காளியுடன் சேர்த்த வழிபாடு இன்றும் செய்யப்படுகிறது. மதுரையின் மேற்குப் பகுதியில் வாழும் பல ஆயிர மக்களுக்கும் இவள் குலதெய்வம். இன்றுள்ள கண்ணகி கோட்டம் ராஜராஜ சோழனால் சில மாற்றங்கள் செய்யப்பட்டது.ராஜராஜ தன் சோழ சேதத்துப் பெண் தெய்வத்துக்கு நிலங்களும் பொன் ஆபரணங்களும் அளித்த செய்தி அங்கே கல்வெட்டில் உள்ளன. ராஜராஜன் கண்ணகியை ”ஸ்ரீபூரணி” என்று குறிப்பிடுகிறான்.வாழ்வில் பூரணத்வம் பெற்றவள் என்று அர்த்தம். சிலப்பதிகாரம் ”மங்கல மடந்தை” - எப்போதும் நல்லதை எண்ணும் பெண் என்று குறிக்கிறது.அதனால் தான் இப்பகுதி மங்கல தேவி கோயில் எனப்படும். ராஜராஜன் எழுப்பிய சிவன், கணபதி சன்னிதிகள், முருகன் சன்னிதி [சிலை இல்லை], வடக்குப் பார்த்த கண்ணகி சன்னிதி ஆகியன உள்ளன.கிழக்குத் தோரண வாயில் ராஜராஜனின் பணி.சிலப்பதிகாரம் கூறும் சுனையும் அதன் அருகில் உள்ளது. இன்று கேரள தமிழகம் எல்லை ப்ரச்சனையால் வீணாய்ப் போய்க் கொண்டு இருக்கும் கண்ணகிக் கோட்டம் அரசாங்கத்தின் கவனிப்பு இல்லாமல் இருக்கிறது, ஆனால் மக்கள் கூட்டம் அதிகரிக்கிறது. சித்திரைப் பூர்ணிமை நாளில் மட்டும் காலை முதல் மாலை வரை இங்கு வர முடியும். 1963 ல் எம் பேராசிரியர் Dr.S.கோவிந்தராசன் அவர்கள் தம் 16 ஆண்டுகள் ஆய்வுக்குப் பின் கண்ணகிக் கோட்டத்தைக் கண்டு பிடித்தார். உயர்ந்த ஒழுக்கம் கொண்ட பெண்களே வீட்டுக்கும் சமூஹத்துக்கும் வழிகாட்டிகள்.சீதை, த்ரெளபதி போன்றவர்களின் வரிசையில் கண்ணகியும் இடம்பெறுகிறாள்.

Continue reading
  709 Hits
709 Hits

Kannagi's intellectual power

ஞானஸ்வரூபிணியான பெண்
 
வீண் பழியால் கோவலன் வெட்டுண்டு மாண்டான்.இதை அறிந்த கண்ணகி முதலில் ஒரு சாதாரண பெண்ணின் நிலையில் உணர்ச்சியால் கதறி அழுகிறாள், அரற்றுகிறாள்...ஆனால் ஒரு கட்டத்தில் அவள் தன் உணர்ச்சியைப் பின் நிறுத்தி, பூரண அறிவை முன் நிறுத்தித் தான் மேற்கொண்டுள்ள சிக்கலை எண்ணிப் பார்க்கிறாள்.
 
அப்போது அவளுக்குள் சில உண்மைகள் விழிப்புணர்வில் தெளிகின்றன.
அவை என்ன?
கோவலன் குற்றவாளி ஆகவே முடியாது!
தன் கணவன் என்ற கண்மூடித் தனமான பந்தபாசத்தால் கண்ணகி அதைக் கையாளவில்லை!
சமூஹத்தில் அநீதியால் அவதிக்கு உள்ளாகும் அப்பாவி நிரபராதிகளின் ப்ரதிநிதியாய் அவள் பூரண அறிவின் ஸ்வரூபமாய்ப் பாண்டியனைக் காணச் செல்கிறாள்.....
 
மதுரையில் ஆரியப்படை கடந்த பாண்டியன் நெடுஞ்செழியனின் சபை....
 
கண்ணகி வாயில் காவலனிடம்,
”வாயில் காவலனே!
அறிவை இழந்த, அறம் இல்லாத நெஞ்சம் கொண்ட நீதி தவறிய பாண்டியனின் அரசவைக் காவலனே!
ஈடு இணையற்ற பரல்களைக் கொண்ட அழகிய செம்பொன் சிலம்பினைக் கையில் ஏந்தியவளாகிய நான், என் கணவனை இழந்தேன்!
இப்போது நான் உன் அரசனைக் காண வேண்டும்!
என்னைப் பற்றிக் கூறுவாயாக!”
 
வாயில் காவலன் பாண்டியனின் சபையில் சென்று,
”கொற்கைத் துறைமுகத்தினைக் காவல் கொண்ட வேந்தனே! வாழி!
அழகிய தென் பொதிகை மலையின் தலைவனே! வாழி!
பழிகள் ஏற்படாமல் தேசத்தைக் காக்கும் பஞ்சவனே! வாழி!
 
மகிஷாசுரனின் வெட்டிய தலையில் இருந்து ரத்தம் வழிய,
அந்த எருமைத் தலையையே பீடமாகக் கொண்ட 
வெற்றி தரும் துர்கை அல்ல;
 
சப்த மாதர்களில் கடைசி மாதரும் அல்ல,
 
ஈசனை நடனமாடச் செய்த பத்ரகாளியும் அல்ல,
 
அச்சம் தரும் கொடிய வனத்தில் வாழும் கொடுங்காளியும் அல்ல,
 
தாருகனின் அகன்ற மார்பினைப் பிளந்த துர்கையும் அல்ல,
 
ஆனால் மிக்க கோபமும் சிந்தனையும் கொண்டு, அழகிய பொன் சிலம்பை ஏந்தி ”கணவனை இழந்தேன்” என்று கூறிக் கொண்டு வாயிலில் ஒரு பெண் வந்திருக்கிறாள் ஐய!”
 
பாண்டியன் கண்ணகியை அழைக்க, அவளும் மன்னன் முன் அருகில் தைரியமாக வர,
 
”கண்களில் கண்ணீர் வழிய என் முன் நிற்கும் அழகிய இளம் பூங்கொடி போன்ற பெண்ணே! யார் நீ?” என்று பாண்டியன் வினவ,
 
கண்ணகி,
”ஆராய்ச்சி செய்து பார்க்காத அறிவில்லாத மன்னன் நீ!
தேவர்களும் போற்றும் படி, புறாவுக்குத் தன் சதையையே அரிந்து கொடுத்த சிபிச் சோழனும்,
ஆராய்ச்சி மணியை அடித்த பசுவின் துயர் போக்க,
பசுங்கன்றினைக் கொன்ற தன் மகனைத் தேர்க்காலில் இட்டுக் கொன்று மனுநீதி தர்மத்தை நிலை நாட்டிய சோழனும் வாழ்ந்த பூம்புகார் என் ஊர்
 
மிக உயர்ந்த குலத்தில் தோன்றிய மாசாத்துவான் என்ற செல்வ வணிகனின் ஒரே மகன் கோவலனின் மனைவி கண்ணகி நான்!
 
தீவினையால் பொருள் எல்லாம் இழந்தோம்
இழந்த பொருளை மீண்டும் வணிகம் மூலம் சம்பாதிக்க உன் மதுரைக்கு வந்தோம்
என் கால் சிலம்பில் ஒன்றை விற்று வர வந்த என் கணவன் உன்னால் வெட்டப்பட்டான்! இது நியாயமோ?”
 
அதற்குப் பாண்டியன்,
”பெண்ணே!
கள்வனைக் கொன்றது தவறு இல்லையே!
அது நீதி தவறாத மன்னனின் கடமை அல்லவா?” என்று கூறினான்.
 
அதைக் கேட்ட கண்ணனி,
”அற வழியில் செல்லாத கொற்கை நகரத்தின் மன்னனே!
என் கால் சிலம்பினுள் நவரத்னங்கள் பரல்களாக உள்ளன.” என்றிட
 
பாண்டியன்,
”நன்கு நன்கு!
நீ கூறுபவை சரியே!
என் அரசியின் சிலம்புகளில் முத்துக்கள் பரல்களாக உள்ளன.”
 
இதைக் கேட்ட கண்ணகி, கோவலனிடம் இருந்து பெறப்பட்ட சிலம்பினைக் கேட்டு வாங்கி அதைக் கீழே போட்டு உடைக்கிறாள், நவரத்னங்கள் சிதறி ஓடின.
 
இதைக் கண்ட பாண்டியன், 
”நானா அரசன்?
நானே கள்வன்!
பூமியில் தென் திசையின் காவல் என் அநீதியால் கெட்டதே!
கெடுக என் ஆயுள்!” - தான் அநீதி செய்ததை உணர்ந்து உயிர் விடுகிறான்
 
உணர்ச்சியைப் பின் தள்ளி அறிவை முன் கொண்டு வந்து கண்ணகி தன் கணவன் நிரபராதி என்று நிரூபனம் செய்தாள்.அதன் பின் அவள் மதுரை எரித்தாள் என்பது குறியீடு.அக்னி என்பது ஞானம், அதுவே மனிதனின் மனதை மாற்றம் செய்யும் உட்சக்தி.அவள் அக்னியால் மதுரையை எரித்தாள் என்பது, ஞானத்தால் மதுரை மக்களை யோசிக்க வைத்தாள் என்பதே ஆகும்.அதன்பின் அவள் தவநிலையில் பூரண சமாதி கொண்டாள்.அவ்விடத்தில் தான் சேரன் செங்குட்டுவன் கண்ணகிக் கோட்டம் எழுப்பினான்.
Continue reading
  663 Hits
663 Hits

Aadi month - auspicious for spiritual journey

ஆடி மாதம்
 
தமிழருக்கு மிக முக்கியமான புண்ணியக் காலம்.
தட்சியாணம் - அதாவது சூரிய ஒளி தேசத்தின் தென் பகுதியில் அதிகம் விழும் காலம்.
அதன் மூலம் பருவ நிலையில் மாற்றங்கள் வரும்.
குறிப்பாக வடகிழக்குப் பருவ மழையின் ஆரம்பக் காலம்.
ஆடிக் காற்றில் வயல்களை உழுது பக்குவம் செய்வர்.
ஆடியில் காவிரியில் வரும் புது வெள்ளத்தை வரவேற்று, நன்றி கூறி அந்நீரைக் கொண்டு வயலில் உழவைத் தொடங்குவர்.
ஆடிப் பதினெட்டாம் நாளில் காவிரிக்கு உரிய மரியாதை செய்வதும், நிலத்தில் உள்ள தாதுச் சத்துக்களின் உருவகக் குறியீடான ஏழு கன்னிமார்களை வணங்குதலும், முன்னோர் வழிப்பாட்டை அமாவாசை அன்று மேற்கொள்ளுதலும், பருவ மழையின் சக்தியாகிய மாரி அம்மையை வணங்குதலும் ஆடி மாதச் சிறப்புகள்.
 
காவிரியில் பூஜித்துக் கயிறு கட்டிக் கொள்ளும் போது நீர் சேமிப்பு, சுற்றுச்சூழல், மாது குறித்து விழிப்புணர்வினை ஏற்படுத்திக் கொள்க,அதனால் தான் அதைக் காப்பு என்கிறோம்.
 
வாழ்க்கையை வளமூட்டும் ஸ்ரீவரலக்ஷ்மி வ்ரதம் அவசியம் அனைவரும் செய்ய வேண்டிய பாக்ய சக்தியை அதிகரிக்கும் வ்ரத பூஜையாகும்.சாதி வேறுபாடின்றி யாரும் செய்யலாம்.பணமும் வளமும் சாதி பார்த்தா பயன்படுத்தப் படுகின்றது?
 
புதுமணத் தம்பதிகள் விருந்து, வட தமிகத்தில் மிக விசேஷமான கூழ் வார்த்தல் விழாக்கள் என இம்மாதம் களை கட்டும்.வருடத்தில் நான்கு நவராத்ரிகளில் இது ஆஷாட மாத நவராத்ரிக் காலம்.
அதனால் தான் தேவி வழிபாடு இம்மாதத்தில் மிக அதிகம்.ஆடி வெள்ளி, செவ்வாய், பெளணர்ணமி, அமாவாசை, க்ருத்திகை ஆகியன மிக உன்னத வேளைகள்.
 
வைகாசி மத்தியில் பூம்புகாரை விட்டுக் கிளம்பிய கோவலனும் கண்ணகியும் ஆடி அமாவாசை முன்தினம் மதுரையை அடைய, அமாவாசை அன்று கோவலன் கொலை ஆக, அமாவாசை மாலை கண்ணகி வழக்காடி, மதுரையை எரித்தாள் என்பது சிலப்பதிகார ஆய்வு.
 
அதனால் தான் கண்ணகியின் ப்ரதிபலிப்பான மாரி அம்மைக்கு விழவு காண்கிறோம்.
கண்ணகியின் ப்ரதான கோயிலான கேரளத்துக் கொடுங்கலூர் பகவதி கோயிலில் அன்று மாலை secret chamber திறக்கப்பட்டு, அவளது சிலம்பு அஸ்திக் கலசம் ஆகியன பூஜிக்கப்படும், அதன் பின் காளியின் திருமேனியில் விசேஷமான எண்ணெய்க்க்காப்பு சாற்றப்படும்.இதையே சாந்தாட்டம் என்பர்.
 
ஒரு பெண்ணின் வாழ்க்கை சமூஹத்திற்கு உதாரணம்.
இதையே கண்ணகி உணர்த்துகிறாள்.
சமூஹத்தில் ஏற்படும் தீமையை எதிர்க்கும் திறனும் சத்யத்தின் மீதான பற்றும் அவள் நமக்குக் கூறும் வாழ்வியல் பாடம்.
சமூஹத்தில் இன்று மன்னிக்கும் குணம் குறைந்து வருகிறது, அதை மீட்டுருவாக்கம் செய்பவள் கண்ணகி.
தவறாக வாழ்ந்த ஒரு மனிதன் என்று பாராது அவனைப் பழி தீர்க்காது, அவன் குற்றம் அல்லாதவன் என்று அவள் சத்யத்தின் சக்தியாய் இருந்து அவன் பழி நீக்கினாள்.
இக்கண்ணகி நம்முள் அதே சத்யமாய், இல்லற மான்பாய் ஏற்கும் தன்மையாய் மன்னிக்கும் அருங்குண்மாய் இருப்பதை selftual connect செய்து காண்க.அத்தகைய உயர் குணங்களை ப் பெறவே தேவியாய் அவளை வணங்குகிறோம்.
 
ஆடி வரும் ஆடி மாதத்தை வரவேற்போம்.
Continue reading
  697 Hits
697 Hits

Sila [pathy] karam

அவனுக்கோ புத்தி வந்தது
பதிவிரதையுடன் சேர்ந்து வாழ ஆசை திரும்பியது
அப்பா அம்மா மாமனார் மாமியாரிடம் சொல்லாமல் கொள்ளாமல் விடியும் முன்னே கட்டியவளுடன் வேறு ஊர் சென்றான் பிழைக்க
ம்ம்ம்ம் ஊரே சொந்தமாயிருந்தும் என்ன பயன்?
எந்தத் தேவை வேண்டியும் வேறு ஊருக்குப் போகாதவர்கள் புகார் நகர் மக்கள்
இவனோ பிழைப்பைத் தேடி மதுரை போனான்....
அங்கே..
திருடன் என்ற வீண் பழி சுமந்து, 
அனாதையாய் கொலை செய்யப் பட்டான்
 
*****
கட்டியவன் ஒரு நாள் வருவான்
அவனொடு சேர்ந்து வாழலாம் என்ற கனவு
தண்ணீர் எழுத்தாகிப் போனதை என்னவென்று சொல்ல?
வீணாய்ப் போன கோவலன்!
*****
கட்டியவன் பாதை தவறினாலும்
அவன் திருடன் இல்லை என்ற சத்தியத்தை நிலை நாட்டி
மனைவி மானம் காப்பாள் - என்ற முன்னோர் வார்த்தைக்கு இலக்கணம் ஆகி
அவளும் மாண்டாள்
இன்று ஊர் தோறும் தெய்வமானாள்
கண்ணகி 
*****
காதல் கணவன் செத்தான் என்ற செய்தி கேட்டு
அவனொடு சேர்ந்து பெற்ற பதினாறு வயதுப் பெண் பிள்ளையை விட்டு
தற்கொலை செய்து கொள்ளவும் முடியாமல்
தன் குலத்தொழில் வாழ்க்கை மகளுக்கு வரவேண்டாம் என்று
பதினெட்டு வயது அழகிய மகளுடன்
துறவி ஆனாள் அந்த மாதவி பே....ரழகி......
பூம்புகாரின் அழகி....மாபெரும் celebrity of Poompuhar
*****
மகனுக்கு நேர்ந்த கதியும்
மறுமகளுக்கு நேர்ந்த கொடுமையும் கேட்டு
இருவரின் பெற்ற வயிறுகள் துடியாய்த் துடித்துத் தாய்மார் இருவரும் தீக்குளித்துச் செத்தனர்
 
பிள்ளைக்களுக்கும் மனைவிகளுக்கும் உண்டான கதி கண்டு
கடல் கடந்து ஓடி ஓடி சம்பாதித்துத் தேடிய செல்வத்தால் என்ன பயன் என்று உண்மை உணர்ந்து.....அப்பாக்கள் இருவரும் துறவியானார்கள்.
*****
இரண்டாயிரம் வருஷங்களாய் நம்மூரில் கேட்ட கதை தான், பார்த்த கதை தான்....
மீண்டும் இந்த ஆடி மாதத்தில் ஒரு முறை ரீமேக் செய்தால் என்ன?
 
சென்ற வாரம் காவிரிப்பூம்பட்டிணத்தில் ஆய்வு செய்த போது,
கடற்கரையில் பல நேரம் நின்றிருந்தேன்
காவிரி மகள் தன் தலைவன் கடலொடு கலப்பதைக் கண்டு வெகு நேரம்
சற்றுத் திரும்பினால், அதோ அந்த மாதவி, கோவலனைப் பிரிந்த அந்நாள் காட்சி
 
”மறுமடியும் ஒரு முறை சந்திப்போம் என்ற உறுதியில் எத்தனை காலம் வேண்டுமானாலும் பிரிந்து வாழலாம்” என்ற ஜெயகாந்தனின் வரி என்னுள் உலாவியது
 
”ம்ம்ம்ம் இன்று இரவு போனால் நாளை காலை மீண்டும் கோவலன் வருவான்” என்று தானே மாதவி கிடந்தாள்?
 
அதே கதியில் தானே பல ஆண்டுகளுக்கு முன் மாதவி வீடு போனவன் மீண்டும் தன் வீடு திரும்புவான் என்று கண்ணகி நம்பினாள்.
 
அவளது பொறுமைக்கு வெற்றி உண்டானது.
ஆனால் கைக்கு எட்டியது வாய்க்கு எட்டவில்லையே?
வீணாய் மதுரையில் வீண் பழி சுமத்திக் கொலை ஆனானே?
 
இது வினைப் பயன் என்றார் இளங்கோ அடிகள்.
பாரத தேசம்
புண்ணிய தேசம்
பற்பல சமயம் தோன்றிய தேசம்
மனதைச் சமைத்துக் கொடுக்கும் சமயம்
அதாவது பக்குவப்படுத்தும் சமயம்
அது கூறுவது ஒன்று தான்....
 
”தீதும் நன்றும் பிறர் தர வாரா”
 
எனக்கு ஏற்படும் சுக துக்கங்களுக்கு நானே என் செய்கைகளே காரணம்...இதுவே சத்தியம்
*****
வினை - செயல்
இதன் விளைவைச் சந்திக்கத் தயாராகு மனமே
யோசித்து உன் செயலைச் செய்
மனம் எண்ணியதெல்லாம் செய்யாதே
வீணாய் மாட்டிக் கொள்ளாதே
 
இன்றுச் சற்று இதையெல்லாம் யோசிக்க வேண்டிய வாழ்க்கைச் சூழல் உருவாகி உள்ளது
வாழ்க்கையின் வேகம்
எதையும் விலை பேசும் போக்கு
பணத்தால் பதவியால் பலத்தால் எதையும் சாதிக்கும் மனப்பான்மை
 
மேற்கத்தியக் கல்வியும் கலாச்சாரமும் வினைப் பயனைக் கூறவில்லை
பாவம், அவர்களுக்கு வினையின் பயன் தெரியாது
காரணம் சரியான வழிகாட்டிகள் இல்லை
 
இத்தொடு வாழ்க்கை முடிந்தது
எதையும் செய், மகிழ்ச்சியாக இரு, இன்பத்தில் திளை, அதற்காக எதையும் செய்
பின் வரும் ப்ரச்சனைகளைக் கண்டு கொள்ளதே...இதுவே தேசத்தில் அரசியலும் கல்வியும் ஊடகமும் உணர்த்தும் வாழ்க்கை நெறி.
 
எத்தனையோ மாற்றங்கள் வந்து விட்டன
ஆனால் அவற்றுள் முக்கிய ஒரு மாற்றம்;
மனித மனதுள் உள்ள கல்மிஷம் தலை தூக்க ஆரம்பித்துள்ளது
அதற்குத் தூபம் போடுவது வாழ்க்கை மாற்றங்கள்
 
அது தான் மனை அறம் பிறழ்தல் - குடும்ப வாழ்க்கையில் தவறு செய்தல்
ஆயிரம் காலத்துப் பயிரான கல்யாண வாழ்க்கை முறை சற்று இன்று ஆட்டம் காண்கிறது
அறம் செய்யவே மணம் என்ற நெறி, பணம் செய்யவே இருவர் மணம் என்றாகிறது
பிள்ளைப்பேறே இல்லறத்தின் முதற்பயன் என்ற நெறி, பிள்ளைப்பேறு இருவரின் வளர்ச்சிக்கும் இடையூறு என்ற புதிய சித்தாந்தம் ஆகி வருகிறது
பெண் கல்வி, பெண் வேலை, பெண் சம்பாத்தியம்....என ஒரு பக்கம் மேற்கத்திய பெண்ணியத் தாக்கம்...
*****
பாரதத்துப் பெண் ஆணுக்கு இணையாக எப்போதும் எல்லாவிடத்தும் ஈடு கொடுத்து நிற்கிறாள்.
 
இந்தப் பெண் சுதந்திரத்தின் எல்லை இப்போது சற்று கவலைக்கு இடமாகி இருக்கிறது.
படிப்பு - வேலை - சம்பளம் இருப்பின் பெண் தன்னை சுதந்திரம் என்று எண்ணி விடுகிறாள்.
தான் எதையும் செய்யலாம் என்று எண்ணுகிறாள்
தனக்குப் பின்னால் குடும்பம் சுற்றம் என்ற ஒன்று இருப்பதை மறக்க முயல்கிறார்கள் இன்றைய பெரும்பாலான புதியவர்கள்....
தேசத்தின் ஆணி வேரான இல்லற தர்மம் கண் முன் இப்போதெல்லாம் சற்று தெரிவதில்லை
தன் சுகம் தன் முடிவு தன் வாழ்வு என்ற மேற்கத்திய தன்னியத் தாக்கம் அவளுள் வேர் ஊன்றுவதைக் காண்கிறோம்.
 
இதை வீட்டாரும் அனுமதிப்பதைக் காண்கிறோம்.
தன் மண வாழ்வில் குழந்தைப் பேற்றுக்குப் பின் தான் தனது என்ற இச்சைகளை ஒதுக்கி, பெற்ற பிள்ளைகளின் வளர்ச்சியே முக்கியம் என்று எதையும் சகித்து, ஏற்றுக் கொண்டு வாழ்வது பாரதப் பெண்ணியம்...அது சற்று நவீன யுகத்தில் மாறியது
முடிவு?
 
பாதிக்கப்படும் அப்பாவிகள் - குழந்தைகள்
******
பிறர் மனை விழைதல்
கல்யாணமான ஆணையோ பெண்ணையோ விரும்புதல்
வள்ளுவர் முதல் கே.பாலச்சந்தர் வரை கண்டித்து வைத்த ஒரு வினை தான்
இன்று அதைத் தூபம் போடுவது போல வாழ்க்கை மாற்றங்கள் சமூஹத்தில் முளை விடுவதைக் காண்கிறோம்.
*****
கற்புக்குப் புது இலக்கணம் இன்று காட்டப்படுகிறது
அதை ஆணும் பெண்ணும் வாதிட்டுப் பார்க்கிறார்கள்
கல்யாண வாழ்வில் சிறு ப்ரச்சனைகளும் இன்றைய தலைமுறையை வேறு மாற்றுக்கு இட்டுச் செல்லத் தயாராக உள்ளதைக் காண்கிறோம்
இதில் சட்டமும் சேர்ந்து கொள்கிறது
 
முன் ஜென்ம பாக்ய சக்தியால் இப்பிறவில் எனக்கு இந்தக் குடும்பம் குழந்தை வாழ்க்கை வாய்த்துள்ளது என்று ஏற்றுக் கொள்ள ஆன்மீகம் வழிகாட்டவில்லை.
 
பிறர் மனைவிழைதல் - பிறரை விரும்புதல் அணுவிலும் கூடாது என்ற நெறியை ஆயிரம் மனைவிகள் கொண்ட தசரதனின் மகன் ஸ்ரீராமன் விளக்கினான்.
 
சீதை வனம் சென்றதும் அவன் அரச குல மரபு படி வேறொரு கல்யாணம் செய்யலாம்.
ஆனால் ப்ரம்மச்சரியம் காத்தான்
தன் மனையாள் பூமியுள் புதையுண்ட பின் இல்லறத்தில் துறவி ஆனான்
அதனால் நாராயணனின் அவதாரம் ஆகி உத்தம புருஷன் ஆனான்
*****
அணு அளவும் பிறர் மனை விரும்பி அதைச் செயல் படுத்தும் போது உடலில் ஒவ்வொரு செல் த்வாரத்தின் அளவு நரகம் ஏற்படுமாம் - மனு தர்மம் கூறும்.
 
நரகம்!
அது வேறெங்கும் இல்லை
இப்போது வாழும் வாழ்விலேயே பிறர் மனை விழைதல் நரகத்தைத் தருவதைக் காண்கிறோம்
கோவலன் வாழ்வில் அதை உணர்கிறான்
ஆனால் என்ன பயன்?
கட்டியவளும் காதல் சேர்க்கையாளும் மகளும் தாயும் தந்தையும் நிம்மதி இழந்தனரே!
 
இருப்பதை ஏற்றுக் கொள்ளும் மனோ பக்குவம் வரும் போது எண்ணியது கிடைக்காத ஏக்கம் கட்டுப்படுகிறது.
 
கலைகள் காட்டும் மனைவியாய்க் கண்ணகி இல்லை
ஊடலும் கூடலும் கோவலர்க்கு உணர்த்தும் பெண் அவனது தேவை....
காதல் மாதவி அதைக் காட்ட, இவன் அவளைத் தேர்ந்தான்..சேர்ந்தான்..வீணாய்ப் போனான்
 
இன்று மனதின் பய உணர்வால் -insecurity, அதீத எதிர்பார்ப்பால், சதா ஒப்பிடுவதால் பிறர் மனை விழைதல் உண்டாவதைக் காண்க.
எத்தகைய கொடுமையான ஆணைப் பெண்ணும், கொடிய பெண்ணை ஆணும் ஏற்று வாழ்ந்த சூழல் போய் பிறர் மனை விழைதலில் முடிவதைக் காண்கிறோம்.
 
ஊடகங்கள் அதை ஊக்குவிக்கின்றன.
திரைப்படங்கள் அதை ஆதரிக்கின்றன.
அதற்குப் புது புது அர்த்தங்கள் கற்பிக்கின்றன.
தவறு
”எனக்குப் பிடிக்கவில்லை” என்றால் அதற்காக உண்மை பொய்யாகாது
 
காலம், வாழ்க்கை, நம்பிக்கைகள் மாறலாம்
சத்யம் மாறாது
 
காதல் வேறு
அது கைகூடலாம் இல்லை முடியலாம்
ஆனால் திருமணம்?
ஆணும் பெண்ணும் கல்யாணம் இன்றி வாழலாம் - வெறும் உடல் சுகம் பெற
அது மேற்கத்திய வாழ்வு
இன்று நவநாகரீக மாநகரங்களுள் புகுந்து விட்டது.
ஆனால் இருவரும் இணைவது இல்லத்தில் அறம் செய்ய
தான் தன் குடும்பம் உறவு ஊர் என அனைத்துக்கும் தன்னால் ஆன தர்மங்களைச் செய்ய ஆணும் பெண்ணும் அங்கீகாரம் பெறும் பாஸ்போர்ட் தான் கல்யாணம்
இதில் யார் தடம் மாறினும் இந்த சமூகச் சங்கிலி அறுந்து போகும்.
 
மிக உயர்ந்த பணம் புகழ் கொண்டோர் அதிகம் தடுமாறுவதன் காரணம், அதீத எதிர்பார்ப்பு, யாரையும் நம்பாமை, பயம். 
 
பிறர் சமூஹத்தில் அதிகம் இல்லறத்தில் தடுமாறுவது ஏற்பு இல்லாமல் போவதால்.அதீத கற்பனையால், கனவால். 
 
எதார்த்த வாழ்க்கை என்பதை ஏற்காத மனம் அதைக் கள்ளத்தனத்தால் நிறைவேற்றத் துடிப்பதைக் காண்கிறோம்.
 
சதா கலை இன்பத்திலும் மனம் போன படி சுகம் கொள்வதிலும் வாழும் கோவலனை இல்லறம் கட்டுப்படுத்தவில்லை.
 
சமூஹத்தில் மிக உயர்ந்த ஓர் அந்தஸ்தில் உள்ள மாதவியை அடையத் துடிக்கும் அவன் மனதின் எண்ண அலைகள், தனக்கு ஒரு நிரந்தர வாழ்க்கை வேண்டும் என்று ஏங்கும் மாதவியின் மன எண்ண அலைகளுடன் சேர இருவரும் சேர்ந்தனர்....
 
கையில் காசும், பதவியும் இருந்து விட்டால் தன்னை யாரும் ஒன்றும் கேட்கக் கூடாது என எண்ணும் சில புதியதலைமுறைக்குக் கோவலன் விதிவிலக்கல்ல.
ஒரே ஊரில் மனைவியைப் பிரிந்து வேறு ஒருத்தியுடன் குழந்தையும் பெற்றுக் கொண்டு வாழ்பவனை அவனது பெற்றோரால் மாமன் மாமியாரால் என்ன செய்ய முடிந்தது?
பதினாறு ஆண்டுகள் வாழ்கிறான்
அந்த ஆண் திமிர் தான் இன்றும் பரவுகிறது
 
மிகக் கேவலமானவருடன் சேர்ந்து இன்பக்களியாட்டம் போட்டுத் திரியும் கோவலனைப் போல் தென்றல் காற்று பூம்புகாரில் உலா வருவதாய் இளங்கோ கட்டுப்பாடு அற்ற விட்டேத்தி குணத்தைக் காட்டுகிறார்.இன்றைய கல்வி அதன் மூலம் பெறும் வேலை, பணம், தனிமை, விடுதலை, கேட்பார் இல்லாத சூழல் ஆகியன அதிகமான புதுப்புது தவறுகளுக்கு மனிதனைத் தூண்டுகிறது.
 
அதே வேளை இன்றைய பெண்ணியம் பெண்ணுக்கு நெறிகளைப் போட்டா போட்டி வாழ்க்கைக்குத் தள்ளுகிறது.பாவம் - குழந்தைகள்
 
பூம்புகார் கடற்கரையில் நிற்கும் போது மிகவும் என்னுள் ஏற்படும் தாக்கம் மாதவி - கோவலன் பிரிவே
ஏன்?
பதினாறு ஆண்டுக்கால வாழ்வின் தோல்வி அங்கு ஏற்பட்டது
கோவலனுக்குத் தான், மாதவிக்கு இல்லை
 
சதா புதுமை தேடும் இன்றைய தலைமுறையின் வேகம் தான் காரணம்
காதல் மாதவியின் ஒழுக்கம் மீது சந்தேகம் கொண்ட கோவலன் அதைப் பாட்டாய் வெளிப்படுத்த, அதன் உள் அர்த்தம் அறியும் மாதவி அவனது வாழ்க்கைப் போக்கில் மாற்றம் உள்ளதை அடுத்த பாட்டில் வெளிப்படையாய்க் கூற, அதை ஏற்காத ஆணாதிக்க ஆண் மனம் உடனே பிரிந்து...மீண்டும் ஒரு பாதுகாப்பைத் தேடி மனைவியை நாடு...மதுரை போய்...மரணத்தில் விழுகிறது.இதுவே அவனது உணர்ச்சிக்கு அடிமையான மனதின் வினைப் பயன்...இளங்கோ அடிகள் தெளிவாகக் கூறுகிறார்.
 
மாதவியால் அவள் ஒழுக்கத்தை அவன் குறை கூறுவதை ஏற்க இயலவில்லை.
அப்போது, ”ஆணுக்கும் ஒழுக்கம் உரிமை, உடைமை, சமம், தேவை” என்று கூற, ஆணாதிக்க மனம் ஏற்கவில்லை.
 
இதை மிக்க கற்றவர்கள் மட்டுமே சிலப்பதிகார வரிகள் மூலம் உணர இயலும்.
 
ஊழ் வினை - செய்த தீவினை உரிய காலத்தில் பலன் தரும் என்று பாரத தேசத்தின் சத்தியம் கூறுவது, இவனது தன்னிச்சைப் போக்கான மனதின் வினைப் பயன் மாதவியின் பிரிவுக்குக் காரணம் ஆயிற்று.
 
கட்டியவளுடன் வாழ்வில்லை
காதலியுடன் வாழவில்லை
வீண் பழி ஏற்றுக் கொலை ஆனான்
அது அப்பிறவியில் அவனது உணர்ச்சி மிக்க மனம் செய்த வினை
 
பிறர் மனை விழைந்த மாதவிக்கு வினைப் பயன்?
வாழவும் முடியாமல், பதினெட்டு மகளுடன் துறவி ஆகி ஊரை விட்டுப் போனதே
 
இவ்விருவரின் வினையால் எத்தனை பேர் பாதிக்கப்பட்தனர்
 
”தான் நான் என் சுகம்” அதுவே ப்ரதானம் என்று வாழும் புதிய தலைமுறை இன்று பல விஷயங்களில் சிந்திக்காமல் செயல்படுவதைக் காண்கிறோம்......
 
ஆணுக்கும் பெண்ணுக்கும் கற்பு ஒன்றே என்ற மஹாகவி பாரதியின் வாக்கு சிலம்பின் மூலம் உணர்த்தப் பட்டதாகும்.
 
பல தார மணத்தை அன்றைய பாரத ஏற்றது.
ஆனால் பிறர் மனை விழைதலைக் கண்டித்தது.
காரணம் அடுத்த சந்ததியினர் அதனால் படும் அவஸ்தை
 
இரண்டாயிரம் ஆண்டுகளாய் மனிதன் ஒன்றும் பெரிதாய் மாறவில்லை
நடை உடை பாவனையில் மாற்றம் உண்டே தவிற எண்ணமும் செயலும் மாறவில்லை.
 
அதனால் தான் ராமாயணமும் பாரதமும் சிலப்பதிகாரமும் மணிமேகலையும் இன்றும் உள்ளன.
 
சில பதி [கணவன்] களின் அதிகாரம் [கதை] என்று உட்பொருள் உண்டு.
 
ஆணும் பெண்ணும் சமம்
இருவரின் எதிர்பார்ப்பிலும் உரிமை உண்டு
ஆனால் அவை இல்லை எனில் அதை ஏற்றுக் கொள்ளும் பக்குவம் தேவை
 
கலையும் ஊடலும் கூடலும் தராத கண்ணகி ஒதுக்கப் பட்டாள்.
மண வாழ்க்கை வியாபாரம் அல்ல.
அது இணைதலில் குறியீடு.
புதிதலின் புத்தகம்
அறத்தின் காவல்
 
ஆடி மாதத்தில் கற்பு தெய்வமாம் கண்ணகியைப் பலவாறு வணங்குகிறோம்.
அவள் மூலம் பிறர் மனை விழையாமை உணர்த்தப் படுவதை அறிக
 
பூம்புகார் கடற்கரையில் ஏன் கண்ணகி சிலையை கடல் பார்த்து வைக்கச் சொன்னார் காமராசர்?
”கடல் தாண்டிய தேசங்களில் அக ஒழுக்கம் உயர வேண்டும்” என்றே.
 
 
இளங்கோவடிகளின் காவியமும் மணிமேகலையும் உலகின் பழமை மிக்க மிக உயர்ந்த தமிழ் நூல்கள்.உண்மை...ஆனால் அவற்றின் பொருள்...சோகம் தானே?
 
சோகத்தை ரசிப்பது தான் வாழ்வா?
இன்று அறியாமையினால் சோக இலக்கியங்கள் நம் வாழ்வில் ஆங்காங்கே நம்மாலே எழுதப்படுவதைக் காண்க.
யோசியுங்கள்....சரியான வழிநடத்தல் காட்டுங்கள்.
Continue reading
  718 Hits
718 Hits

கண்ணகியின் மனோ தைரியம்

கண்ணகியின் மனோ தைரியம்
 
சமீபத்தில் ஒரு பெண் கண்ணகி மனோநிலை பாதிக்கப்பட்டவள் என்று பொதுக் கூட்டத்தில் பேசினார்....
 
கண்ணகி எடுத்தோம் கவுத்தோம் என்ற பெண் அல்ல.
அவள் பேசுவது மூன்றே இடங்களில் தான்
அதைத் தான் இக்காலப் பெண்கள் ஆண்கள் கவனிக்க வேண்டும்
 
கோவலனின் செய்கைகளால் சில சிக்கல்கள் ஏற்பட உள்ளதைத் தன் விழிப்புணர்வால் கண்ணகி உணர்கிறாள்.
 
கணவன் வந்து அழைத்ததும் அவன் மனம் மனமாற்றம் நிரந்தரம் ஆக வழிவகுக்கவே மதுரை போக சம்மதிக்கிறாள்.
 
தோழி தேவந்தி, ”பூஜை புனஸ்காரம் வ்ரதங்கள் மூலம் கோவலனைப் பெற முடியும்” என்று கூறும் போது, ”பீடு அன்று” என்று கண்ணகி கூறினாள்.
 
”மாய மந்த்ர தந்த்ர பூஜை பரிகாரம் மூலம் ஒரு மனிதனைத் திருத்த முடியாது, அம்மாற்றம் அவனுள் இயற்கையாக வரவேண்டும்.மாற்றம் என்பது தன்னுள் தானாகக் கொண்டு வருவதே” என்ற ஆழ்ந்த மனோதத்வ உண்மையை உணர்த்துகிறாள்.
 
அதன்பின் மதுரையில் அவனுக்கு சாப்பாடு [நீண்ட காலம் கழித்து] போட்டபின் அவன்,
”உனக்கு இத்தனை கெடுதல் செய்தும் நான் அழைத்ததும் என்னுடன் ஏன் வந்தாய்?”
 
இதற்கு அவள் பதில், அதுவே அவளை பாரதப் பெண்மையின் மஹாராணியாக்குகிறது.கல்யாண வாழ்வின் சாரத்தை அவள் உணர்த்துகிறாள், குறிப்பாக இன்றைய தலைமுறைகளுக்கு...
 
”உங்கள் செயலால் உங்கள், என் பெற்றோர் மிகவும் மனம் இற்றுப் போயினர்.
எனக்கு வந்த துன்பத்தைக் கண்டு அதற்கு சமாதானம் கூற வழியின்றி, வெளிப்புறம் சிரித்தும் உள்ளே அழுதும் வாழ்ந்தனர்.
 
அறச் செயல்கள் மூலம் உண்மையான பக்தர்கள், உறவுகள், ஏழைகள், எளியோர் ஆகியோர்க்கு உங்களுடன் சேர்ந்து கல்யாண பந்தத்தை அர்த்தம் உள்ளதாக வாழக் காத்திருந்தேன்.”
 
”அறவோர்க்கு அளித்தலும்
அந்தணர் ஓம்பலும்
துறவோர்க்கு எதிர்தலும்
தொல்லோர் சிறப்பின்
விருந்து எதிர் கோடலும்
இழந்த என்னை...” - சிலம்பதிகாரம்
 
”போற்றா ஒழுக்கம் புரிந்தீர்” - யாரும் ஏற்றுக் கொண்டு பாராட்டாத ஒழுக்கத்தைச் செய்தீர் என்று மிகத் தெளிவாக, கவனமாகக் கூறுகிறாள்.
 
எந்த நேரத்தில் எதை யாரிடம் எப்படிப் பேச வேண்டும் என்று உணர்ந்தவள்.
 
கடைசியாய் அவள் கோவலனுக்காக வாதாடினாள், அவனைப் பழி அல்லவா வாங்கி இருக்க வேண்டும் என்று காலம் காலமாய் நவீனப் பெண்யுகம் கேட்கிற கேள்வி...
 
அவள் தன் கணவன் என்பதற்காகப் போராடினாள் என்பதைவிட ஒரு தனிமனிதனின் நியாயத்துக்காகப் போராடினாள்.சமூஹ நியாயத்துக்காகப் போராடினாள்.நீதியின் ப்ரதிநிதியாய் முன் நின்று போராடினாள்.
 
உள்ளதை உள்ளபடி ஏற்று, அதை செம்மை செய்யும் மனோபக்குவத்தை நிதானத்தைக் கண்ணகி கற்றுக் கொடுக்கிறாள்.
 
இதனால் தான் ஊர் தோறும் தெய்வமாகிறாள்.
Continue reading
  680 Hits
680 Hits

Kannagi's mental stability

கண்ணகியின் மனோ தைரியம்
 
சமீபத்தில் ஒரு பெண் கண்ணகி மனோநிலை பாதிக்கப்பட்டவள் என்று பொதுக் கூட்டத்தில் பேசினார்....
 
கண்ணகி எடுத்தோம் கவுத்தோம் என்ற பெண் அல்ல.
அவள் பேசுவது மூன்றே இடங்களில் தான்
அதைத் தான் இக்காலப் பெண்கள் ஆண்கள் கவனிக்க வேண்டும்
 
கோவலனின் செய்கைகளால் சில சிக்கல்கள் ஏற்பட உள்ளதைத் தன் விழிப்புணர்வால் கண்ணகி உணர்கிறாள்.
 
கணவன் வந்து அழைத்ததும் அவன் மனம் மனமாற்றம் நிரந்தரம் ஆக வழிவகுக்கவே மதுரை போக சம்மதிக்கிறாள்.
 
தோழி தேவந்தி, ”பூஜை புனஸ்காரம் வ்ரதங்கள் மூலம் கோவலனைப் பெற முடியும்” என்று கூறும் போது, ”பீடு அன்று” என்று கண்ணகி கூறினாள்.
 
”மாய மந்த்ர தந்த்ர பூஜை பரிகாரம் மூலம் ஒரு மனிதனைத் திருத்த முடியாது, அம்மாற்றம் அவனுள் இயற்கையாக வரவேண்டும்.மாற்றம் என்பது தன்னுள் தானாகக் கொண்டு வருவதே” என்ற ஆழ்ந்த மனோதத்வ உண்மையை உணர்த்துகிறாள்.
 
அதன்பின் மதுரையில் அவனுக்கு சாப்பாடு [நீண்ட காலம் கழித்து] போட்டபின் அவன்,
”உனக்கு இத்தனை கெடுதல் செய்தும் நான் அழைத்ததும் என்னுடன் ஏன் வந்தாய்?”
 
இதற்கு அவள் பதில், அதுவே அவளை பாரதப் பெண்மையின் மஹாராணியாக்குகிறது.கல்யாண வாழ்வின் சாரத்தை அவள் உணர்த்துகிறாள், குறிப்பாக இன்றைய தலைமுறைகளுக்கு...
 
”உங்கள் செயலால் உங்கள், என் பெற்றோர் மிகவும் மனம் இற்றுப் போயினர்.
எனக்கு வந்த துன்பத்தைக் கண்டு அதற்கு சமாதானம் கூற வழியின்றி, வெளிப்புறம் சிரித்தும் உள்ளே அழுதும் வாழ்ந்தனர்.
 
அறச் செயல்கள் மூலம் உண்மையான பக்தர்கள், உறவுகள், ஏழைகள், எளியோர் ஆகியோர்க்கு உங்களுடன் சேர்ந்து கல்யாண பந்தத்தை அர்த்தம் உள்ளதாக வாழக் காத்திருந்தேன்.”
 
”அறவோர்க்கு அளித்தலும்
அந்தணர் ஓம்பலும்
துறவோர்க்கு எதிர்தலும்
தொல்லோர் சிறப்பின்
விருந்து எதிர் கோடலும்
இழந்த என்னை...” - சிலம்பதிகாரம்
 
”போற்றா ஒழுக்கம் புரிந்தீர்” - யாரும் ஏற்றுக் கொண்டு பாராட்டாத ஒழுக்கத்தைச் செய்தீர் என்று மிகத் தெளிவாக, கவனமாகக் கூறுகிறாள்.
 
எந்த நேரத்தில் எதை யாரிடம் எப்படிப் பேச வேண்டும் என்று உணர்ந்தவள்.
 
கடைசியாய் அவள் கோவலனுக்காக வாதாடினாள், அவனைப் பழி அல்லவா வாங்கி இருக்க வேண்டும் என்று காலம் காலமாய் நவீனப் பெண்யுகம் கேட்கிற கேள்வி...
 
அவள் தன் கணவன் என்பதற்காகப் போராடினாள் என்பதைவிட ஒரு தனிமனிதனின் நியாயத்துக்காகப் போராடினாள்.சமூஹ நியாயத்துக்காகப் போராடினாள்.நீதியின் ப்ரதிநிதியாய் முன் நின்று போராடினாள்.
 
உள்ளதை உள்ளபடி ஏற்று, அதை செம்மை செய்யும் மனோபக்குவத்தை நிதானத்தைக் கண்ணகி கற்றுக் கொடுக்கிறாள்.
 
இதனால் தான் ஊர் தோறும் தெய்வமாகிறாள்.
Continue reading
  830 Hits
830 Hits

Kal Azhagar and Chithirai festival- a historical, spiritual view

மருத அழகரோ....
 
மதுரை மக்கள் அழகர் மலையைத் திருமாலின் கிடந்த கோலமாக வணங்குவர்  பரிபாடல்
 
அழகர் மலை  திருமால் இரும் சோலை - மிகத் தொன்மை மிக்க முல்லை நில விஷ்ணு ஸ்தலம்.
 
பரிபாடல், சிலப்பதிகாரம் ஆகியன இத்தலத்தைக் குறித்த தகவல்களைத் தரும்.
 
காட்டில் உள்ள ஆகாச நூபுர கங்கை சிறுவாணி நீரை விட இனியது.
 
இதன் அருகில் தான் முருகனின் மிகத் தொன்மை மிக்க பழமுதிர்சோலை ஆலயம் உள்ளது.
 
மலை  மலைக் காடு இவற்றில் உள்ள முருகன் , விஷ்ணு வழிபாட்டின் மிகத் தொன்மை மிக்க ஸ்தலங்கள் இவை.
 
ஆழ்வார்களில் எழுவர் இக்கோயிலைப் பாடியுள்ளனர்.
 
ஆதிகாலத்தில் க்ருஷ்ணனும் பலராமனும் மூலஸ்தானத்தில் இருந்துள்ளதை சங்கநூல்கள் பகரும்.
 
இன்று உள்ள மூலவர் பாண்டியர்களால் உருவானவர்.பரம ஸ்வாமி என்று பெயர்...மிக ப்ரம்மாண்ட மூலவர்.
 
தாயார்  சுந்தரவல்லி - அழகுநாச்சியார்.
ஆண்டாள் மிக மிக மிக ஆசைப்பட்ட கோலத்தில் அழகர் உள்ளார்.
ஆண்டாள் அமர்ந்திருக்கும் கோலத்தில் இக்கோயிலில் உள்ளது வெகு சிறப்பு.
ஆண்டாளின் கைவளைகள் அழகரின் தோள்களை இன்றும் அலங்கரிக்கின்றன.
பெரியாழ்வார் என்பது வயது வரை வாழ்ந்து அழகர் மலையில் ஜீவ சமாதி எய்தினார்.
ஸ்ரீரங்கம் நம்பெருமாள் துலுகனிடம் இருந்து பாதுக்காப்பாக மூலஸ்தானத்தில் இரண்டு ஆண்டுகள் இருந்தார்.
 
உத்சவரே அழகர் - கள் அழகர்.
கள் உண்டால் வரும் போதை போல், இவரைக் கண்டால் அழகில் மனம் போதை கொள்ளும்.
 
கள்வனாய் வந்து மனதைக் கொள்ளை கொள்வதால் கள் அழகர்.
 
ஆணிப்பொன் - சொக்கத் தங்கம் - அபராஜிதம் என்ற தூய பொன்னால் ஆன திவ்யத் திருமேனி தான் அழகர்.
 
சேர மன்னர்கள் சிலர் இவரைக் கொள்ளை கொள்ள பல முறை முயன்று தோற்றனர்.
 
திருமலை மன்னன் காலத்தில், அதாவது ஐயப்பன் வாழ்ந்த காலத்தில், இவரை மலையாள மாந்த்ரீகர்கள் கொள்ளை கொள்ள வரும் போது தேனி பெரிய கருப்பு அவர்களைக் கொன்று அழகரைக் காத்தார்.
 
சில காலம் அவரே கோபுர வாசலில் காவல் இருந்தார்.அவரது ஆன்ம சக்தியை கோபுர வாசல் கதவுகளில் இட்டு இன்றும் பூஜிப்பர்.இரவில் அழகரின் கோயில் சாவி கருப்பரின் படிகளில் வைக்கப்படும்.இவரே பதினெட்டாம் படிக் கருப்பர்.ஆடி அமாவாசை அன்று வாசல் திறக்கப்படும்.
 
கருப்பரின் வேண்டுகோளுக்கு இணங்கித் திருமலை நாயக்கர் அழகர் குதிரை மீது வீர வேல் தாங்கி வருவதைப் போல் கோலம் கொண்டு வைகையில் இறங்குவதைச் செய்தார்.அதே போல் மலையில் இருந்து கிளம்பும் அழகர் கள்ளர் கோலத்தில் தடி, கத்தி, வேல்கம்பு, பூமராங் ஏந்தி மதுரையுள் வரும் வேடத்தையும் கோயில் ஏற்படுத்தியது.
 
தொடரும்....

 

அழகர் வைகையில் இறங்கும் விழா மிகத் தொன்மை மிக்கது.
மண்டூக மஹரிஷிக்கு சாப விமோசனம் தர அவர் மதுரை வைகைக் கரைக்கு வருகிறார்.
கிணற்றுத் தவளை போல் உள்ள மனம் தான் மண்டூகம் [தவளை]
ப்ரபஞ்சத்தில் முழுமையான ஞானத்தை மனிதன் ஆன்மீகம், கல்வி மூலம் பெற வேண்டும், அனைத்திற்கும் மூலமான பரம் பொருளைத் தன்னுள் உணர்தல் வேண்டும், அதுவே மோட்சம்.
இத்தன்மை பெற மனிதனின் தீய எண்ணங்கள் கொள்ளை போக வேண்டும்.
அதற்கு பக்தி என்ற திருடன் வர வேண்டும்.
அதுவே அழகரின் குறியீடு.
நம் மனதில் உள்ள அறியாமையால் தீய எண்ணங்கள் தோன்றுவன.
அவற்றை அழகர் கொள்ளை கொள்கிறார்.
மண்டூக முனி சாப விமோசனம் பெறும் லீலை மதுரையில் தேனூர் வைகைப் பகுதியில் ஏற்படும்.அது சித்ரா பூர்ணிமைக்கு மறுநாள் நிகழும்.
அப்போது ஆன்மா கர்மாவில் இருந்து விடுபட்டதன் குறியீடாக ஒரு கொக்கு வானின் பறக்க விடப்படும்.
அப்போது கருட சேவையில் அழகர் வருவார்.
 
வைகையில் கால் வைக்கும் நிகழ்வு என்பது மனமாகிய எண்ண ஓட்டத்தில் இறை சிந்தனை கலப்பதன் குறியீடே.
 
மலையில் இருந்து வரும் அழகரை மதுரையின் எல்லையான மூன்று மாவடியில் இரவில் லட்சக்கணக்கில் அன்பர்கள் வரவேற்பதே ”எதிர் சேவை”.
 
அன்று இரவில் அவர் ப்ரசன்ன வேங்கடேஸ பெருமாள் கோயிலில் விடிய விடிய திவ்ய ஏகாந்த அபிஷேகம் காண்கிறார்.பூர்ணிமைத் திதி வரும் வேளை, தங்கக் குதிரையில் ஏறி, ஸ்ரீவில்லிபுத்தூர் கோதையில் மாலையை ஏற்கிறார் [revise Maargazhi syllabus]
 
அதன் பின் அவர் ஆற்றில் இறங்கி இரவு வரை கோடிக்கணக்கான அன்பர்களின் தீர்த்தவாரியை ஏற்கிறார்.தீர்த்தம் பீய்ச்சுவது கர்ம வினைகளைக் கழுவும் குறியீடு.
 
அதன்பின் இரவில் சேஷராய மண்டபத்தில்  அல்லோலக் களைப்பு தீர திவ்ய ஏகாந்த அபிஷேகம் காண்கிறார்.அதன் பின் சந்தனக் காப்பில் கோடை வெயில் தணிய இருப்பார்.மறுநாள் காலை ஆதிசேஷ வாஹனம் காண்பார்.
 
இரண்டாம் தினம் மாலை வண்டியூரில் மாரியம்மைக்கு அண்ணன் சீர் கொடுத்து விடிய விடிய உலகில் எங்கும் இல்லாத தசாவதாரக் கோலம் தருவார்.
 
மறுநாள் தேனூர் எழுந்தருளி கருட சேவையில் மண்டூக முனிக்கு அருளி மாலை மைசூர் உடையாரின் சந்தனப் பூப்பல்லத்தில் மதுரை உலா வந்து மறுநாள் மீண்டும் கள்ளர் கோலத்தில் மலைக்குத் திரும்புவார்.
 
மலையில் அவருக்கு மிக்க உற்சாக வரவேற்பு கொடுத்து, கண் த்ருஷ்டி கழித்து, ஆடி மண்டபத்தில் எழுந்தருளச் செய்வர்.ஆடி அமாவாசை வரை அவர் அங்கே தான் இருப்பர்.
 
விழா ஒலி மூதூர் மதுரை என்பது இதை வைத்தே.
தமிழகத்தின் மிகப் பெரிய விழா!
கோடிக் கணக்கில் தொன்மை மிக்க த்ராவிடத் திருமால் வழிபாட்டைச் செய்யும் விழா
 
அழகர் தீர்த்தவாரியில் கருப்பாகிடுவார்.
நூபுர கங்கையில் இருந்து லாரிகளில் தீர்த்தம் வந்து அபிஷேகம் ஆகும்.
கருப்பு சாமியின் உத்தரவு வந்தால் தான் மலையை விட்டு அழகர் வருவார்.
மீண்டும் மலைக்குத் திரும்பும் வரை AK47 பாதுகாப்பில் உலா வருவார்.
மதுரைக் கலெட்டர் மூன்று மாவடியில் வரவேற்று துப்பாக்கி சுட்டு மரியாதை தருவார்.
சிங்கம்பேட்டை ஜமீன் பரம்பரையினர் தான் அழகரை இன்றும் ஐந்து நாள் விழாவில் பாதுகாக்க வேண்டும்.
மிகத் தொன்மை மிக்க தொல் த்ராவிடப் பண்பாட்டு கலாச்சார விஷ்ணு வழிபாடு மதுரை சித்திரைத் திருவிழாவில் இன்று உண்டு.
அழகர் வேடம் இட்டே வ்ரதம் பூண்டு அவருக்கு அன்பர் தீர்த்தம் பீய்ச்சுவர்.
Continue reading
  768 Hits
768 Hits

By accepting you will be accessing a service provided by a third-party external to https://uni5.co/

Joomla! Debug Console

Session

Profile Information

Memory Usage

Database Queries