Uni5 Community Blog

There is only one Truth and a single path to Truth, only views are different.

Mission of Sakthi Foundation is to unify everyone by helping to understand that their views are only different levels of expressions of one single concept (Energy). This unification or unity in diversity is Peace or love or happiness, which is established only by embracing our view with others view and contemplate why the views differ.

Please discuss all topics in this blog with the above intention. We can discuss here Atheism, all Religions, Spirituality, Science in connection to body, mind, intelligence, Awareness and Consciousness.

To achieve this we are giving you a template where you can identify your views and others view. This will guaranteed Unity, peace, love and happiness. With this Universal template, all difference of opinion between religions, science will melt away like heat melting all different ice cubes to pure water.

Five templates that will unify all our thoughts.
Check if our view is based on the knowledge we got from our
1. physical senses
2. Our personal strong likes and dislikes'
3. A logical pattern
4. connection to our Self
5. That is universal to all at times.

We will find that every view of us is at one of the five levels. The higher level is that which stays for longer and universal. This view will bring peace and happiness in our lives.

Chithrai Poornima - a special view

சித்திரைத் பூர்ணிமா
 
சித்திரை மாதம் பூர்ணிமை மிக உயர் நாள் என ஆதி காலம் முதல் தமிழ் மக்கள் கொண்டாடி வருவகிறார்கள்.
 
திதி - நிலாவின் ஒளி வளர்ச்சி
வளர்பிறை - மனிதனின் மனதில் நல்ல எண்ணங்கள் வளர்தல்
’தேய் பிறை - மனிதனின் மனதில் தீய எண்ணங்கள் தேய்தல்
 
அமாவாசை - புதிய நல்ல எண்ணத்தின் தோற்றம்
 
பூர்ணிமை - முழுமையான அறிவு, ஞானம், இன்பம்
 
சித்திரைப் பூர்ணிமையை ஆதிச் சோழகர்கள் பூம்புகாரின் இந்திர விழாவாகக் கொண்டாடினர்.அது 28 தினங்கள் நிகழ்ந்தன.
 
பூர்ணிமை நாள் அன்று மக்கள் கடலாடி மகிழ்வர்.
 
திருவாரூர்த் த்யாகராஜ ஸ்வாமி ஆதியில் பூம்புகாரில் தான் இருந்தார்.
அவரை இந்திரனும் தேவாதி தேவர்களும் வணங்கும் தினங்கள் இந்திர விழா.
அப்போது இந்ராதி தேவர்களுக்கு சோழகர்கள் போக சுகம், மழை வேண்டிப் பூஜை செய்வர்.
பூர்ணிமை தினத்தில் பூம்புகார்க் கடலில் இந்திரனின் வஜ்ர ஆயுதமும் சிவனின் த்ரிசூல ஆயுதமும் நீராட்டப் படும்.
 
இதே நாளில் மதுரையில் சொக்கரை இந்திரனும் ஐராவதமும் பூஜித்தன. [revise Thiruvilaiyaadal]
 
பாவ புண்ணியச் செயல்களைக் கணக்கிடும் கால சக்தியே எமனின் கணக்குப்பிள்ளை சித்ர குப்தன்.இவன் கோயில் காஞ்சியில் உள்ளது.சித்திரைப் பூர்ணிமை தினத்தில் நம் செயல்களை எண்ணிப் பார்த்திடுக.
 
பூர்ணிமை நிலா பராசக்தியின் முழு சக்தி கொண்டது.
அன்று மாலை சந்த்ரோதயம் ஆனவுடன் தீபம் வைத்து தேவியை வழிபடுவது உயர்ந்தது.
நிலவுக்கு நிவேதம் செய்து நன்றி கூறுவது மரபு.
Continue reading
  789 Hits
789 Hits

Pallipadai koils - sacred graves of Chola kings

பள்ளிப்படைக் கோயில்கள்
 
அரசர்களின் கல்லறை - சமாதிகள் பள்ளிப்படை ஆகும்.
அரசன் அல்லது அரசியில் உடலை எரித்தோ புதைத்தோ அதன் மீது எழுப்பப் படும் நினைவுச் சின்னம் இதுவாகும்.
எகிப்து தேசத்தில் அரசன் அரசியில் உடலைப் பாடம் செய்து பிரமிடுகளில் பாதுகாத்து வணங்கும் வழக்கம் விளங்கிற்று.
ஆனால் பாரத தேசத்தின் பண்பாட்டில் அது இல்லை.
இறையருளால் பெற்ற உடல் இறந்த பின் அது இயற்கையுடன் பஞ்சபூதங்களுடன் கலக்கிறது.
அவ்வுடலின் தேவை முடிகிறது.
அது மண்ணுக்குச் சொந்தம்.
ஆனால் அவ்வுடலைக் கொண்டு வாழ்ந்த அரசன் அல்லது அரசியின் ஆன்மா சமூகத்தின் நலனுக்கு எனப் பாடுபட்டதாயின் அது மரியாதையுடன் வணங்கப்படும்.
ஆனால் அவ்வுடல் புதையுண்ட இடத்திலோ அஸ்தி [உடல் சாம்பல்] வைக்கப்பட்ட இடத்திலோ அவ்வரசன் அரசியின் பெயரால் சிறு கோயில் எழுப்பப்பட்டு அதன் மூலம் பூஜைகளும் ஊர் பொது நலக் காரியங்களும் நிகழும்.
கி.மு 4ல் புத்தர் இறந்து அவரது உடல் எரியூட்டப் பட்ட போது அதன் சாம்பலை உலகின் பல இடங்களுக்கும் எடுத்துச் சென்று அதன் மீது புத்த விஹாரம் எழுப்பினர்.
இன்றும் இலங்கைக் கண்டியில் உள்ள புத்த விராஹத்தில் அவரது ஒரு பல் உள்ளது.
அரசன் அரசி மட்டும் அல்ல, உயர்ந்த ஆன்மீகப் பெரியோரின் மஹானின் சித்தரின் கல்லறைகளும் இவ்வாறு மதிக்கப் படுகின்றன.
தேசத்தில் உள்ள பல்வேறு மஹான்களின் ஜீவ சமாதிகள் இத்தகைய மரியாதையைப் பெறும்.
தனி மனிதர் வாழ்விலும் இப்பண்பாடு உண்டு.
 
உதாரணம்: மந்த்ராலயம் - ஆந்திரா - ஸ்ரீராகவேந்திரரின் சமாதி
 
சென்னை - திருவான்மியூர் - ஸ்ரீமத் பாம்பன் சித்தரின் சமாதி
 
சென்னை - திருவொற்றியூர் - பட்டிணத்து அடிகள் சித்தர் சமாதி
 
காஞ்சிபுரம் - சங்கர மடம் - மஹாபெரியவர் சமாதி
 
நாகூர் - தர்கா
 
சென்னை - பரங்கி மலை - புனித தாமஸ் கல்லறை
 
இஸ்லாமில் தர்காக்கள் மஹான்களின் சமாதிகளே.
கிறிஸ்துவத்திலும் ஏசுவின் கல்லறை மிக்க மரியாதை பெறுகிறது.
 
சோழமன்னர்கள் அரசிகளின் அத்தகைய சமாதிகள் கொண்ட கோயில்கள் பல உள்ளன.
அவற்றுள் மிகச் சிறந்த ராஜராஜ சோழன் 1 சமாதி தஞ்சாவூர் மாவட்டம், கும்பகோணம் அருகில் உள்ள பழையாறைப் பக்தி உடையாளூரில் உள்ளது.
 
உயர்ந்த பயனுள்ள வாழ்வை வாழ்வோரை என்றென்றும் மக்கள் மதிப்பர் என்பதே பள்ளிப்படைக் கோயில்கள் உணர்த்தும்.
Continue reading
  706 Hits
706 Hits

Mahabalipuram ratham temples for Pidari

மாமல்லபுரம் பிடாரி ரதங்கள்
 
மாமல்லபுரத்தில் இருந்து கிழக்குக் கடற்கரைச் சாலை வழியே பாலத்தின் மீது ஏறி, புதுச்சேரி போகும் போது இடது பக்கம் பார்த்தால் கீழே பொன் நிறத்தில் ஒரு கோயிலும் அதை அடுத்த் இரு பல்லவ ரதங்களும் தெரியும்.
 
இவ்விடம் வலையான் - வலை வீசிவோர் தம் குட்டை அல்ல்லது வலியான் குட்டை - வலிமையான மாமல்லன் காளிக்காகக் கோயில் அருகில் ஏற்படுத்திய குட்டை என்ற பகுதி.
இவ்விடம் மழைக்காலத்தில் மிக்க அழகுடன் நீர் நிறைந்து அல்லை மலர்கள் பூத்துக் குலுங்கும்.
பல உயரமான கற்பாறைகள் பல்லவக் கலைஞர்களால் தொடப்படாத நிலை ஏங்கி ‘னிற்பதைக் கண்க.
அதிகம் யாரும் போகாத இடம்.
விஷயம் தெரிந்தவரே போகும் இடம்.
அமைதியுடன் பல்லவர்தம் காலத்தை முன்வைக்கும் இடம்.
 
இக்கோயில் தான் மாமல்லபுரத்தின் அதிதேவதை - காவல் தெய்வமான கருப்புகாள் என்ற காளி - கொற்றவை. இன்று இக்காளில் கரு காத்த அம்மன் எனப்படுகிறாள். மகிஷாசுரனை அழைத்த துர்கை என்று ஸ்தல புராணம் கூறும்.
 
மூலஸ்தானத்துச் சிலை ஆதிபல்லவர் காலம் தொட்டு உள்ள சிலை.
கோயில் காலம் காலமாகப் புதுப்பிக்கப்படுகிறது.
ஆடி மாதத்தில் இவளுக்கு மிகவும் உயர் விழாவை மக்கள் எடுப்பர்.
 
இவளைக் கோயிலில் இருத்தவே மாமல்லன் பிடாரி ரதம் [ஊரின் பீட தாரி - பிடாரி - ஊரின் ஆதார அதி தேவதை] எனப்படும் அழகிய ரதக்கோயிலை உருவாக்க முனைகிறான்.
 
ஆனால் இரு ரதக்கோயில்கள் அருகருகே இயற்கையாகவே ஏற்பட்ட ப்ரம்மாண்ட பாறைகளில் வெட்டப்பட்டதைக் காண்க.
 
ஒரு பெரிய பாறை மேலிருந்து கீழ் நோக்கிச் செதுக்கப்படும் காட்சியை இவை கண்முன் கொண்டு வருவன.
 
கட்டுமான அடித்தலம் இன்றி இயற்கையிலேயே பாறைகள் பூமியுள் ஊன்றி உள்ளதைக் காண்க.
 
ஆனால் இரு ரதக்கோயில்களும் முடிக்கப் பெறவில்லை.
 
ரதம் - தேர் போல் அமைவதால் இவை ரதக்கோயில்கள்.
 
முதல் நரசிம்மன் மாமல்லனின் பணிகள் இவை.
 
ஒரு கோயில் கருப்புகாளுக்கும் மற்றொரு கோயில் காளிக்கும் அமைக்கப் பெற்று இருக்க வேண்டும்.
 
இரண்டாம் கோயில் குடைந்து கருவறை அமையப்பெற்று உள்ளது.
 
அதன் விமானத்தில் கோபுரம் தாங்கி வீரர்கள் அமைகின்றனர்.
 
இவற்றுக்குச் செல்லும் முன் பெரிய பாறையில் வினாயகர் குடையப்பட்டு வடிக்கப்பட்டு உள்ளார்.அவருக்கு முன் ஊரினுள் உள்ள ஒரு குடைவரைக் கோயிலின் லிங்கத்தின் கீழ்ப்பாகம் பெயர்த்து இங்கு போடப்பட்டதைக் காண்க.
 
இவரை மாமல்லன் சாளுக்கியப் போருக்குப் பின் உருவாக்கினான்.
 
இவரை மக்கள் வணங்குகின்றனர்.
 
பிடாரி ரதங்களைச் சுற்றி உள்ள பெரிய பாறைகள் செதுக்கப்பட்டு இருந்தால்?
 
ஆஹா ....கற்பனை செய்க.....
Continue reading
  806 Hits
806 Hits

Hospitals in Chola kingdom

சோழர் ஆட்சியில் மருத்துவமனைகள்...கி.பி 10 - 11ஆம் நூற்றாண்டுகளில்....
 
ராஜராஜ சோழன் காலத்தில் தஞ்சை போன்ற நகரங்களில் மருத்துவமனைகள் செயல்பட்டன.
 
இவை ஆதுல சாலை எனப்படும்.
 
ஆயுர்வேதம் மற்றும் சித்த மருத்துவம் இங்கே தரப்பட்டன.
 
அவை அரசர்களின் நினைவில் இலவசமாகவே செயல்பட்டன.
 
அவற்றின் செயல்பாட்டுக்கு அரசர்களும் உயர் அதிகாரிகளும் நிதி உதவி செய்தனர்.மருத்துவச்சாலைகள் பராமரிப்புக்கு நிதிக்காக தரப்பட்ட வயல்கள் ”மருத்துவக்காணி” எனப்பட்டன.
 
தஞ்சையில் குந்தவை [ராஜராஜனின் அக்காள்] ஏற்படுத்திய சுந்தர சோழ விண்ணகர் [அப்பாவின் பெயரால்]ஆதுல சாலை சிறப்புடன் விளங்கிற்று.
 
ஆண்டுக்கு ஒரு முறை அதில் உள்ள மருந்துகளின் பட்டியல், அளவு அரசனிடம் காட்டப்பட்டன.
 
ஸ்ரீரங்கம், மதுராந்தகம் அருகில் திருமுக்கூடல், திருப்புகலூர், திருவாவடுதுறை, பெருவல்லூர்,காஞ்சிபுரம் ஆகிய ஊர்களில் சோழர்தம் மருத்துவச்சாலைகள் இருந்தன.
 
விக்ரம சோழன் திருவாவடுதுறையிலும், இரண்டாம் குலோத்துங்கன் விழுப்புரம் பெருவல்லூரிலும் மருத்துவக் கல்லூரிகள் அமைத்தனர்.அதில் தங்கிப் பயிலும் மாணாக்கருக்கு இலவசக் கல்வி, உறைவிடம், சோறு இட்டனர்.
 
சரக சம்ஹிதா
அஷ்டாங்க க்ருதம் ஆகிய ஆயுர்வேத நூல்கள் கற்பிக்கப்பட்டன.
 
பொது மருத்துவமும் அறுவை சிகிச்சையும் கையாளப்பட்டன.”சல்லிய க்ரியை’ என்று அறுவை சிகிச்சை அழைக்கப்பட்டது.அதற்கு உதவும் ஆண் செவிலியர் ”நாவிதர்” எனப்படுவர்.
 
குழந்தைப் பேற்றுக்கு உதவ பெண்களே பயிற்சிகள் மேற்கொண்டு ”மருத்துவிச்சிகள்” என்று அழைக்கப்பட்தனர்.
 
பெண் செவிலியர் ”மருந்து அடும் பெண்டிர்” எனப்பட்டனர்.
 
மருத்துவர் கூறும் மருந்துக்களை ஓலையில் எழுதிடத் தனி ஆட்கள் இருந்தனர்.
 
கை நாடி மருத்துவம் கையாளப்பட்டது. 
 
மாத ஊதியம்:
பொது மருத்துவர் - 90 கலம் நெல், 80 காசுகள்
 
அறுவை சிகிச்சை நிபுனர் - 30 கலம் நெல், 2 காசுகள்
 
அறுவை சிகிச்சைக்கு உதவும் நாவிதர் - 15 கலம்
 
பெண் செவிலி - 30 கலம் நெல், 1 காசு
 
அனாதைகளுக்கு மருத்துவம்....
விக்ரம சோழனின் ஆட்சில் அவனது உயர் அதிகாரி தேவர் உடையான் மதுக்கினியான் ஆன விராட ராசன் என்பவன் திருப்புகழூரில் அனாதைகளுக்கு தர்மாக மருத்துவமனை ஏற்படுத்தினான்.அதற்கு அவனே தன் வயல்களை வழங்கினான்.
Continue reading
  809 Hits
809 Hits

Cholan Kochenganan teach about karma

சோழன் கோச்செங்கணான்.
 
இவன் உறையூரில் இருந்து ஆட்சி செய்தவன்.
அறுபத்துமூன்று சைவ நாயன்மார்களில் ஒருவன்.
சோழ மன்னர்களுக்கு ஆன்மீக வழியில் செல்ல வழிகாட்டியவன்.
உயர்ந்த சிவ பக்தன்.
ஆனால் அனைத்து மதங்களையும் மதித்தவன்.
 
78 மாடக்கோயில்கள் அமைத்தவன்.
அவை இன்றும் உள்ளன.
அவற்றுள் எட்டு விஷ்ணுவுக்கு உரியன, மீதி சிவாலயங்கள்.
அவற்றுள் மிக ப்ரசித்தம் - திருவானைக்கா மூலஸ்தானம்.
பூம்புகார் - பல்லவனீச்சரம்
கும்பகோணம் - திருநல்லூர்
 
மிக உயர்ந்த கர்ப்ப கால மகப்பேற்றுக்கு இவனும் உதாரணம்.
இவன் தாய் கமலவதி, தந்தை சுபதேவச் சோழன்.
சிதம்பரம் கோயிலில் 41 நாட்கள் மாவிரதம் இருந்து இவனை ஈன்றனர் தம்பதிகள்.
அவன் கர்ப்பத்தில் இருக்கும் போது சதா அவன் தாய், ”என் பிள்ளை தில்லையில் கூத்தாடும் ஈசனுக்குப் பொன் கூரை வேய்வான், தேச நலனுக்காக வாழும் தில்லை வாழ் தீக்ஷிதர்களுக்கு இல்லம் கட்டுவான்” என்று கூறுவது வழக்கம்.
 
அவன் பிறக்கும் நேரம் சரியில்லை என்று சோதிடர் கூற, 24 நிமிடங்கள் அவனை வலியுடன் சுமந்து ஈன்றாள் கமலவதி.
 
அதனால் ரத்தம் ஏறிக் கண்கள் சிவக்கக் குழந்தை இருக்கக் கண்டு, ”செங்கணான்” என்று அழைத்து அவள் இறந்தாள்.
 
அவனும் வளர்ந்து மிக உயர்ந்த வீரனாய், சேறன் கணைக்கால் இரும்பொறையை வெற்றி கண்டு சிறையில் இட்டான்.அதன் பின் சங்கப்புலவர் பொய்கையாரின் அறிவுரை கேட்டு அவனை விடுவித்தான்.
 
வெண்ணி, அழுந்தூர் ஆகிய ஊர்களில் பாண்டியனை வென்றான்.
 
இவற்றின் மூலம் பெற்ற பொருளைக் கொண்டு முதன் முதலில் தில்லையில் சிற்றம்பலத்தின் கூரையைப் பொன்னால் வேய்ந்தான்.அதன்பின் தீக்ஷிதர்களுக்கு வீடுகள் கட்டிக் கொடுத்தான்.
 
புறநானூறு, தேவாரம், பெரியபுராணம் ஆகிய நூல்கள் இவனைப் பதிவு செய்கின்றன.
 
பூர்வ ஜென்மத்தில் இவன் சிலந்தியாய், திருவானைக்கா கோயிலில் சிவலிங்கத்தின் மீது சருகுகள் விழாவண்ணம் சிலந்தி வலை பின்னிக் காத்தான்.ஒரு மனித ஜென்மம் கொண்டு ஈசனுக்குக் கோயில்கள் எழுப்ப வேண்டும் என்று சதா அவன் ஆன்மா தன்னலம் அற்று வேண்டிய பலனாய் அவன் மன்னன் ஆனான்.இந்த ஜென்மத்தில் நாம் வாழும் வாழ்க்கை முன் ஜென்மத்தின் சங்கல்பமே, அப்போது அடுத்த பிறவி? யோசியுங்கள்.....
Continue reading
  718 Hits
718 Hits

Is Mahabalipuram the Correct Name?

Mamallapuram is variously called Neerper Mallai, Kadal Mallai, Mamallai, Mamallapuram, Mallapattinam, Mamalla Nagaram, Mavelipuram and Jananathapuram. Nowhere are there inscriptions referring to it as Mahabalipuram.

But today people mostly refer to it as Mahabalipuram.

My students asked me the reason for this.

Mahabali conducted a yagna to fulfil his greed to be the emperor of the entire world. Lord Vishnu as Vamana showed him his place and humbled him.

Vamana assumes the Trivikrama form, which is depicted beautifully in the Varaha cave.

Continue reading
  716 Hits
716 Hits

Who erected Mahabalipuram shore temple

கடற்கரைக் கோயிலை எழுப்பிய பல்லவன் யார்?
 
மாமல்லபுரத்தில் மிக அழகான ஒரு கோயில் கலைப் பொக்கிஷம் கடற்கரைக் கோயில்கள்.
இக்கோயில்கள் பல்லவ மன்னர்களின் உயர் கலை ஞானத்தின் குறியீடு.
சைவ வைணவ பேதம் இல்லாத உண்மையான ஆன்மீக பக்தி சமூஹத்தின் அடையாளம்
இக்கோயில் ராஜ சிம்ம பல்லவன் என்ற இரண்டாம் நரசிம்ம வர்மனால் எழுப்பப் பட்டது என்று தொல்லியல் குறிப்புகள் கூறுவது தவறு.
 
இதை ஆரம்பித்து வைத்தவன் முதலாம் நரசிம்ம வர்மனான மாமல்லனே
இக்கோயில் மூன்று கருவறைகளைக் கொண்டது.
மேற்கு பார்த்தக் கருவறையுள் சிவபெருமான் சோமாஸ்கந்த வடிவில் உள்ளார்.
கிழக்குப் பார்த்தக் கருவையுள் சிவபெருமான் லிங்க வடிவில் உள்ளார்.
நட்டுவில் உள்ள கிழக்குப் பார்த்தக் கருவறையுள் தலசயனப் பெருமாள் பள்ளி கொண்டு உள்ளார்.
 
இப்படி ஒரு அமைப்பை வேறு எங்குமே காண முடியாது.
 
சரி! மாமல்லன் இக்கோயிலை ஏற்படுத்தியதன் முக்கிய சான்று இதன் ரத அமைப்பு.
கருவறையின் மீதுள்ள விமான அமைப்பை மாமல்லன் புகுத்தினான்.
மேலும் மேற்குக் கருவறையின் நுழைவாயில் முகப்பில் கணபதி உள்ளார்.உற்று கவனித்திடுக.
கணபதி வழிபாட்டைத் தமிழகத்தில் அறிமுகம் செய்தவர் மாமல்லனின் தளபதி பரஞ்சோதி.
வாதாபிப் போர் முடிந்ததும் அவ்வூர்க் கோட்டையில் இருந்த வாதாபி வினாயகரைத் தன் ஊருக்கு எடுத்து வந்தார். [திருச்செங்காட்டங்குடி]
 
அப்போது மாமல்லனும் கணபதியை வடித்துள்ளான்.
 
மேலும் மாமல்லன் காலத்தில் தான் பூதத்தாழ்வார் வாழ்ந்தார்.
பூதத்தாழ்வார் மாமல்லபுரம் பெருமாளைப் பாடுகிறார்.
அதன் பின் மூன்றாம் நந்தி வர்மன் காலத்தில் திருமங்கை ஆழ்வார் அதே பெருமாளைப் பாடுகிறார்.
 
மாமல்லபுர திவ்ய தேசப் பெருமாள் இன்றுள்ள ஊரின் நடுவில் உள்ள தலசயனப் பெருமாள் அல்ல.அவர் நாயக்க மன்னர்கள் காலத்தில் 500 ஆண்டுகட்கு முன் அமைக்கப்பட்டவர்.
 
மாமல்லன் காலத்தில் தலசயனப் பெருமாள் கடற்கரைக் கோயிலில் உள்ள பெருமாளே!
அவரையே பூதத்தாழ்வார் பாடினார்.
திருமங்கை மன்னனும் பாடினார்.
”சுடுகாட்டில் ஆடும் சிவனொடு விஷ்ணுவும் சேர்ந்து ஒன்றாக விளங்கும் கடல் மல்லை” என்று கடற்கரைக் கோயிலை அவர் பதிவு செய்கிறார்.
 
பூதத்தாழ்வார் மாமல்லன் எழுப்பிய கடற்கரைக் கோயிலையே பதிவாக்கினார்.
எனவே இக்கோயில் மாமல்லனால் உருவாக்கப்பட்டது.
இதைக் கலவைக் காரை, சுதை மூலம் விரிவு செய்தவன் ராஜசிம்மன் தான்.
வெளிச்சுற்று, கோயில் நுழை வாயில், நந்திகள் என அலங்காரம் செய்தவன் ராஜசிம்மனே.
 
இக்கோயில் துறைமுகத்துக்கு மிக அருகில் அமைகிறது.
 
எனவே மாமல்லபுரம் கடற்கரைக் கோயில் மாமல்லனின் கலை வடிவம்.அதை விரிவாக்கியவன் ராஜசிம்மன்.
Continue reading
  627 Hits
627 Hits

Temple architecture - great contribution to Tamils by Pallavas

பல்லவர்கள் அறிமுகம் செய்த கோயில் கட்டிடக் கலை
 
பல்லவர்களுக்கு முன் தமிழகத்துக் கோயில்கள் எப்படி இருந்தன?
 
மண் சுவர்
சுடு மண் செங்கற்கள்
மரங்கள்
 
கொண்டு எழுப்பப்பட்ட கோயில்கள் இருந்தன.
 
அவற்றிலும் சிலைகள் [சுதை - காரைக் கலவை] இருந்தன.
 
ஆனால் அவை மனிதனாலும் இயற்கையாலும் அடிக்கடி சீர் கெட்டன.
 
இக்கட்டத்தில் சமணர்கள் அதிகம் மலைகளைக் குடைந்து அதில் தம் பள்ளிகளை நிறுவினர்.
 
மஹாராஷ்டாவில் அஜந்தா எலிபந்தா குகைக்கோயில்கள் ப்ரபலம் ஆயின.
 
மகேந்திர வர்மன் 1 காலத்தில் அவன் சமணர்தம் குகைகளைக் கருத்தில் கொண்டு அவற்றைப் போல் வரைகளை [மலைகளை] செதுக்கியும் குடைந்தும் குகைக் கோயில்கள் ஏற்படுத்தினான்.
 
மலையின் அகலம் நீளம் அடர்த்திக்கு ஏற்ப மண்டபமும் அதில் தூண்களும் கருவறையும் உருவாக்கினான்.கருவறைக்கு வாசலில் இரு புறமும் த்வார பாலகர்கள் [வாயில் காவலர்கள்] சிற்பங்கள், எளிமையான அலங்காரங்கள் மகேந்திர வர்ம பல்லவனால் கொண்டுவரப்பட்ட புதுமை!
 
சிவபெருமானுக்கு லிங்க வடிவம், சிவன் பார்வதி முருகன் கூடிய சோமாஸ்கந்த வடிவம், நடராஜ வடிவம் ஆகியன மகேந்திர வர்மனால் கொண்டு வரப்பட்டன.
 
அவற்றில் அழகிய இயற்கை வண்ணங்கள் கொண்டு தீட்டப் பட்ட ஓவியங்களை அவன் ஏற்படுத்தினான்.
 
அவன் மகன் நரசிம்ம வர்ம பல்லவன் 1 என்ன செய்தான்?
குகைக் கோயில்களை முழுமையான கோயிலாக மாற்றினான்.
கருவறைக்கு மேல் விமானம் அமைத்தான்.
கோயில் பார்க்க, அழகிய தேர் போல் - ரதக் கோயில் காட்சி அளிக்கும் படிச் செய்தான்.
இறைவனின் பல புராண இதிகாச வரலாற்றுத் தகவல்களை அப்படியே சிற்பங்களாகக் கோயில் சுவர்களில் ஏற்படுத்தினான்.
மாமல்லபுர ரதக் கோயில்கள், கடற்கரைக் கோயில்கள்.
 
அதன்பின் இரண்டாம் நரசிம்ம வர்மனான ராஜசிம்ம பல்லவன், தனி கருங்கற்கள் கொண்டு முழுமையாய் ப்ரம்மாண்டக் கோயிலைக் கட்டினான்.இன்று காஞ்சிபுரத்தில் உள்ள கயிலாச நாதர் கோயில் இவனால் ஏற்பட்டதே.
 
இவற்றை எல்லாம் ஒருங்கிணைத்து, சோழரும் பாண்டியரும் மேற்கொண்டு பல்வேறு புதுமைகளைக் கோயில் கட்டிடக் கலையில் புகுத்தினர்.
Continue reading
  613 Hits
613 Hits

Narasimha Pallavan 1

நரசிம்ம வர்ம பல்லவன் 1 - கி.பி 630 - 668
 
உலகம் புகழும் மாமல்லபுரத்தில் சிற்பங்களை உருவாக்கிய அரசன்.
பல்லவ மன்னர்களில் தலைசிறந்தவன்.
இவன் தந்தை மகேந்திர வர்ம பல்லவன்.
பெரிய கற்கள், பாறைகள், மலைகள் ஆகியவற்றைக் குடைந்து கோயில்களை உருவாக்கும் புதிய கோயில் கட்டிடக் கலையை உருவாக்கியவன் மகேந்திரன்.அதைத் தொடர்ந்து அக்கலையை வளர்த்து மாமல்லபுர சிற்பக் களஞ்சியத்தை உருவாக்கியவன் நரசிம்மன்.
 
பல்லவ தேசத்தின் தலைநகரம் காஞ்சிபுரம்.
துறைமுக நகரம் - மாமல்லபுரம்.
நீர்பெயற்று என்ற அவ்வூரை ”மல்லை” - மாமல்லபுரம் என்று பெயர் மாற்றம் செய்தான் இம்மன்னன்.
 
மல்லன் - யானைப் படைத் தலைவன்
மல்யுத்தத்தில் சிறந்தவன்
 
மாமல்லபுரம் ”மல்லை’ - ”கடல்மல்லை” என்று ஆழ்வார்களால் போற்றப்படுகிறது.
கடல் வாணிபம் மூலம் பொருட்கள் மலிந்த துறைமுக நகரம் மல்லை.
 
பூதத்தாழ்வார் இவன் எழுப்பிய கடற்கரைக் கோயிலில் உள்ள தலசயனப் பெருமாளை ஒரே பாடலால் புகழ்கிறார்.திருமழிசை ஆழ்வார், பொய்கை ஆழ்வார் மற்றும் பேயாழ்வார் இம்மன்னன் காலத்தவரே.
 
அக்கோயில் பெருமாளைப் பின்னர் திருமங்கை ஆழ்வார் பல பாடல்களால் புகழ்கிறார்.
 
அப்பரும் திருஞானசம்பந்தரும் இவன் காலத்தில் தான் ஊர் ஊராகச் சென்று சைவத்தை வளர்த்தனர்.அதன் மூலம் கோயில் கலைகள் ஆன்மீகத்துடன் வளர்ந்தன.
 
நரசிம்மன் காலத்தில் தான் சைனா யாத்ரீகர் யுவான் ஸ்வாங் பல்லவ தேசம் வந்தார்.
கி.பி 642. [தனிப் பாடம்]
 
இவன் காலத்தில் தான் ஆதிசங்கரர் காஞ்சியில் தன் அத்வைத காமகோடி மடத்தை ஏற்படுத்தி அதன் மூலம் மக்களுக்கு ஆன்மீகத்தையும் சமூஹ நலத்தையும் போதித்தார்.
 
சிவகாமியின் சபதம் உருவாகக் காரணம்...
சாளுக்கிய மன்னன் [கர்நாடகா, மஹாராஷ்ட்ரா பகுதிகள்] இரண்டாம் புலிகேசியை இவன் மணிமங்கலம் என்ற ஊரில் கொன்றான்.அத்துடன் அவன் தேசம் சென்றான்.தன் தளபதி - நண்பன் பரஞ்சோதியின் துணையுடன் அத்தேசத்தை வென்றான்.வாதாபி என்ற தலை நகரத்தில் வெற்றிக் கல்தூணை நிறுவினான். இதனால் மக்கள் இவனை ”வாதாபி கொண்ட நரசிம்மன்” என்றனர்.கி.பி 642ல் வாதாபி போர் நிகழ்ந்தது.இப்போரை அடிப்படையாகக் கொண்டே எழுத்தாளர் கல்கி மிக ப்ரசித்திபெற்ற ”சிவகாமியின் சபதம்” வரலாற்று நாவலை எழுதினார்.தமிழர் ஒவ்வொருவரும் இதைப் படிக்க வேண்டும்.13 ஆண்டுகள் வாதாபி அரசன் இல்லாமல் சீரழிந்தது.
இதை மையப்படுத்துவது சிவகாமியின் சபதம் நாவலில் முக்கியப் பகுதி ஆகும்.
 
 
மனம் மாறிய பரஞ்சோதி...
போரில் கொடுமைகளைக் கண்டு மனம் கலங்கிய பரஞ்சோதி அதற்கு மேல் பல்லவ ராணுவத் தளபதியாக இருக்க இஷ்டம் இல்லாமல் பதவி விலகினான்.அப்பர் பெருமான் திருஞானசம்பந்த பெருமான் ஆகியோரின் வழிகாட்டலில் தன் ஊரில் உழவு செய்து, அதன் மூலம் வரும் பொருள் கொண்டு ஏழைகளுக்கு அன்னதானம் தினமும் செய்தான்.மேலும் பல்லவன் தந்த பொருள் கொண்டு தன் ஊரின் கணபதீச்சரம் என்ற அழகிய சிவன் கோயில் கட்டி அதன் மூலம் பல சமூஹ நலன்களை மேற்கொண்டான்.வாதாபிக் கோட்டை வாசலில் இருந்த வினாயகரின் சிலையை எடுத்துக் கொண்டு வந்து அக்கோயிலில் ”வாதாபி கணபதி” என சன்னிதி எழுப்பினான்.
அவ்வூர் தான் திருவாரூர் மாவட்டம் திருச்செங்காட்டங்குடி.
 
இவர் தன் மனைவி வெண்காட்டு நங்கை.
மகன் சீராளன்.
வடதேசத்தில் இருந்து, தன் ஊர் வந்த அகோர முனிவருக்குத் தன் மகனையே தர முன் வந்தான்.
இவரது உயர் குணங்கள் ஆகியவற்றை சம்பந்தர் தேவாரத்தில் போற்றுகிறார்.
 
இலங்கையை வென்ற நரசிம்மன்...
இவன் காலத்தில் தான் இலங்கை அரசன் மானவம்மா என்பவன் தன் பகைவரிடம் இருந்து தப்பிக் காஞ்சிபுரத்துக்கு மாமல்லபுரம் வழிவந்தான்.நரசிம்மனை அண்டி நட்புக் கொண்டான்.வாதாபிப் போரில் உதவினான்.அதன் பின் பல்லவ ராணுவத்தின் துணையுடன் இலங்கையில் தன் பகைவரை வென்று அரசன் ஆனான்.
 
நரசிம்மனின் நண்பர்...
வாதாபிப் போரில் கொடும்பாளூர் அரசன் பரம துர்க மர்த்தனன் [பரம எதிரிகளை அழித்தவன்], இவன் மகன் சமராபி ராமன் ஆகியோரும் நரசிம்மனுக்கு நண்பர்களாகி உதவினன்.அப்புகழைப் பகிர்ந்தனர்.
 
நரசிம்மன் காலத்தில் தான் பாண்டிய நாட்டை நின்ற சீர் நெடுமாறன் ஆண்டான்.அவன் திருஞான சம்பந்தரால் சைவ மதத்திற்கு மாறினான்.பல்லவரின் கீழ் அடங்கி இருந்த சோழ ராஜாவின் மகள் மங்கையர்க்கரசி என்ற பெண்ணை அவன் மணந்தான்.
 
அதன் பின்னும் நரசிம்மனுக்கு அத்தேசத்தின் பகை இருந்து கொண்டே இருந்தது.பல முறை போர்கள் ஏற்பட்டன.குறிப்பாக இன்றைய ஆந்திரா பகுதியில் பரவி இருந்த தன் பல்லவ தேசத்தின் பகுதிகளைக் காக்க வேண்டிய கட்டாயம் ஏற்பட்டது.
 
ஆனால் இவற்றின் இடையில் மாமல்லபுர சிற்ப வேலைகளை மிக கவனமாகக் கையாண்டான்.
 
சமணமும் புத்தமும் இவன் காலத்தில் மெதுவாக வலிமை குன்றின.மக்கள் சைவத்திலும் வைணவத்திலும் ஈடுபட்டனர்.
 
சமஸ்க்ருதம் மற்றும் தமிழ் மொழிகள் நரசிம்மன் காலத்தில் சமூஹத்தில் நிலவின.
 
அவற்றில் உள்ள கல்வெட்டுகள் கிடைக்கின்றன.
 
நரசிம்ம வர்மனைப் புகழும் குறிப்புகள்:
கூரம் [காஞ்சிக்கு அருகில் உள்ள கிராமம்] செப்பேடு...
”நரசிம்மன் சிம்மவிஷ்ணுவின் பேரன்
கிழக்கு மலைகளில் சூரிய சந்திரன் தோன்றியது போல் பல்லவ குலத்தில் தோன்றினான்.
யாருக்கும் அடிபணியாத மன்னர்களின் க்ரீடங்களில் மின்னும் நவமணிகல் போல் புகழால் மின்னுபவன்..,
பகைவர்கள் என்ற யானைக் கூடத்துக்கு வீரம் மிக்க சிங்கம் போன்றவன்
களப்பிறர், சோழர், சேரர் ஆகியோரை வென்றவன்
ஆயிரம் கைகள் கொண்ட கார்த்த வீர்ய அர்சுனன் போன்றவன்
பரியளம், சூரமாரம், மணிமங்கலப் போர்களில் தோற்ற இரண்டாம் புலிகேசியில் முதுகில் ”வெற்றி” என்ற சொல்லை எழுதினான்.
அகஸ்தியர் வினாயகரின் அருள் கொண்டு வாதாபி அசுரனை வென்றது போல், வாதாபி நகரில் பகைவரை இவன் வென்றான்.”
 
உதயேந்திரம் ஊர் செப்பேடு...,
”மகேந்திரனின் மகன் நரசிம்மன் அகஸ்தியர் வாதாபி அரக்கனை வென்றது போல் புலிக்கேசியின் வாதாபி நகரை வென்றான்”
 
வேலூர்ப்பாளையம் செப்பேடு..,
”விஷ்ணுவைப் போல் பெருமை மிக்க நரசிம்ம பல்லவன் வாதாபியை வென்று, வெற்றிக் கல் தூணை நட்டினான்”
 
காசாக்குடி செப்பேடு..,
”மகேந்திரனின் மகன் நரசிம்மன் ஸ்ரீராமன் போல் இலங்கையை வெற்றி கொண்டான், தன் பகைவர்களுக்கு தூமகேதுவைப் போல் விளங்கினான்.[தூமகேது - வால்நட்சத்திரம்]
 
வாதாபி வெற்றித் தூண்
இன்று அத்தூண் உடைந்து ஒரு பகுதி தான் உள்ளது.
அதில் ”மாமல்லன்” - ”க்ஷிதி புஜாங்கரேஸர பல்லவ” - ”நரசிம்மவிஷ்ணு” ஆகிய பெயர்கள் எஞ்சியுள்ளன.
 
மாமல்லபுரம் த்ரிமூர்த்தி குகைக் கோயில் - வாதாபி கொண்ட நரசிங்கப் போத்தரசர் என்ற அடை மொழி உள்ளது.
 
மாமல்லபுரம் ஐந்து ரதங்களில் தர்மராஜர் ரதத்தில் - அத்யந்த காம பல்லவேச்சரம் என்ற அக்கோயில் பற்றி மாமல்லபுரம் பகுதியில் அறிக. அக்கோயிலில் அவன் சிற்பமும் உள்ளது, பின்வரும் அவனது பட்டப்பெயர்கள் உள்ளன.
 
”ஸ்ரீநரசிம்ம” 
ப்ருவீசார - உலகத்தின் புகழின் சாரமானவன்
ஸ்ரீபர - மிகப் பெரும் செல்வன்
புவன பாஜன - உலகை ஆளும் உரிமை உடையவன்
த்ரைலோக்ய மர்த்தன - மூவுலகையும் வென்றவன்
விதி - பகைவர்களின் கெட்ட விதி
அனேகோபாய - பல வழிகளில் பயனுள்ள உதவிகள் செய்பவன்
மதன அபிமான - மன்மதனும் மதிக்கும் அழகன்
அப்ரதி ஹத சாஸன - மிக உயர்ந்த சமூஹப் பலன் உள்ள அரச ஆணைகள் இடுபவன்
நயன மனோஹரன் - கண்களுக்கு அழகன்
வாம - உயர்ந்த அழகன்
அனுபம - ஈடு இணை இல்லாதவன்
நயாங்குர - அறிவாளி
லலித - அழகுடன் பண்பானவன்
சர்வதோ பத்ர - மிக ஒழுக்கமானவன்
ஸ்ரீநிதி - சகல செல்வன்
நிருத்ர - ஒப்பற்றவன்
விப்ராந்த - மனதில் உற்சாகம் கொண்டவன்
சத்ய பராக்ரமன் - தூய வீரன்
ரண ஜெய - போரில் வெற்றியை மட்டுமே ஏற்படுத்துபவன்
 
சிவகாமியின் சபதம் என்ற வரலாற்று நாவல் குறிப்பிடும் சிவகாமி உண்மையில் வாழ்ந்தவர் என்ற குறிப்புகள் உள்ளன.
 
இன்று மாமல்லபுரத்து கற்கோயில்களும் சிற்பங்களும் அரசன் நரசிம்ம பல்லவனின் உயர் படைப்புகள்.
 
அவற்றை நாம் பாதுக்காப்பது நம் கடமை
 
அவை நம் மூதாதையர் நமக்கு அளித்துள்ள உண்மையான அழியாத கலைப்பொக்கிஷம் அல்லவா?
Continue reading
  785 Hits
785 Hits

How Ganapathy came to Tamil country - historical view

7th century A.D

Thiru chengaatang kudi is a very fertile village near Mayavaram.

Paranjothy who was just 12 years old left the village with his mother's blessings towards Kanchipuram - the city of great wisdom.

He was fatherless and his mother wanted him to be a great scholar in Tamil and Shivism.

He was supposed to join under the great saint singer Appar's mut.

Continue reading
  653 Hits
653 Hits

Mahabalipuram of Pandiya kingdom - Kazhugu malai

பாண்டிய நாட்டு மாமல்லபுரம் - கழுகுமலை

கி.பி 6 - 10 ஆம் நூற்றாண்டுகளில் பல்லவர்கள் மலைப்பாறைகளைக் குடைந்து கற்கோயில்கள் உருவாக்கினர்.

அவற்றையே குடை வரைக் கோயில் என்போம்.

வரை - மலை - மலைக் குடைந்து செய்த கோயில்.

Continue reading
  614 Hits
614 Hits

Maamandoor Pallava cave cut temple

மாமண்டூர் குடைவரைக் கோயில்கள் [பல்லவர்]

கி.பி 6ஆம் நூற்றாண்டு....

பல்லவ மன்னர்கள் மலைகள்பெரும் கற்பாறைகள் ஆகியவற்றைக் குடைந்து குடைவரை குகைக் கோயில்களை உருவாக்க மிக்க ஆர்வம் காட்டிய காலம்.

Continue reading
  704 Hits
704 Hits

Rajaraja chola's service to Tamil

திருமுறை கண்ட சோழன் ராஜராஜன் 1

[கி.பி 947 - கி.பி 1014]

பிறப்பு: ஐப்பசி மாதம் சதயம் நாள்

பெரிய கோயில் எழுப்பப்பட்ட காலம் - கி.பி 1003 - கி.பி 1010 [ஏழு ஆண்டுகள்]

Continue reading
  708 Hits
708 Hits

Meenakshi Thirukalyanam - UNI5 view

மீனாக்ஷி கல்யாணம் [சிறப்புக் கட்டுரை]
தந்தை இல்லாத சூழல்.
தம் மகளை யாருக்குக் கல்யாணம் செய்து கொடுத்து, மிகப் பெரிய பாண்டிய தேசத்தை அடுத்து பராமரிக்கப் போகிறோம் என்று காஞ்சன மாலை கலங்கிய சூழல்.
அக்கட்டத்தில் தான் பாண்டிய அரசி தடாதகை வடதேசத்தில் சுத்த சிவமான மஹானைக் கண்டு மனம் பறிகொடுத்தாள்.
வெறும் மோஹத்தால் அவள் காதல் கொண்டாள் என்பது இல்லை.
தன் நிலை, தேசம், தாய், மக்கள் என அனைத்தையும் கவனத்தில் கொண்டவள் அவள்.
அதனால் தான் அவள் திருமணத்தை அன்னை ஏற்றாள் என்கிறது வரலாறு.
யாரோ மலையில் சாதுவாய் உட்கார்ந்து இருப்பவனை அவள் கூட்டிவரவில்லை.
ஆனாலும் ஊரார் அரசார் புறம் கூறி இருப்பர்.
ஸ்திடமாய் அவனைக் கைப்பிடித்து அவனது உறுதுணையுடன் மதுரையை தேசத்தை அவள் பராமரித்த கதியைக் கண்டே மக்கள் முழுமையான மனதுடன் சிறிது காலத்துக்குப் பின் ஏற்றனர் என்பதே எதார்த்தம்.
தான் எண்ணியபடி கல்யாணம் இன்னாருடன் தான் ஆக வேண்டும் , அதன் மூலம் ஏற்பதும் மண பந்தம் அர்த்தம் உள்ளதாக இருக்க வேண்டும் என்பதற்கு மிக்க சக்தியாக ஸ்தலம் அதனால் மதுரை ஆயிற்று.
அதனால் கல்யாண ஸ்தலம் ஆனது.
நிச்சயதார்த்தம் ஆகி நின்று போன பல கல்யாணங்கள் மீனாக்ஷியின் அருளால் கைகூடியதை இன்றும் மக்கள் பகிர்ந்து கொள்கின்றனர்.
அதனால் தான் தினமும் உத்சவம் இல்லாத காலங்களில் சொக்கருக்கும் மீனாக்ஷிக்கும் கல்யாணம் ஆகிறது.
மேலும் அவள் காலத்துக்குப் பின் பாண்டிய தேச மக்கள் சொக்கர் மீனாக்ஷி தாலியை உருவாக்கினர்.
இன்று வரை மதுரையில் அவர்தம் தாம்பத்ய இல்லற சக்தி நிலை பெற்றுள்ளதைப் போல் என்று என்றும் தம்பதிகள் வாழ வேண்டும் என்றே இத்தாலி புழகத்துக்குள் வந்தது.
 
மிகத் தொன்மை மிக்க தமிழ்ச் சமூஹத்தில் தாலி இல்லை.
ஊர் பொது ஸ்தல வ்ருக்ஷத்தின் கீழ் பெண்ணை மணமகன் கையில் நல்வினை இல்லறம் ஏகக் கைப்பிடித்துக் கொடுப்பர்.
இதையே ”பொண்ண ஒருத்தன் கிட்ட கையப் பிடிச்சு கொடுக்கணும்” என்று கூறுகிறோம்.
மரத்தின் எச்சமாய் பாலக்கால் போடும் சடங்கு உள்ளது.
திருக்கல்யாண சிற்பத்தில், மீனாக்ஷியின் தலைக்கு மேல் கடம்ப மரம் உள்ளது.
 
ஒவ்வொருவரும் தம் கல்யாண நாளை மிக மிக விரும்புவர்.
காரணம் ஏதோ ஒன்று இருக்கும்.
அதையே தினமும் தம்பதிகள் எண்ணி எண்ணி எத்தனை காலம் ஆயினும் ரசித்தால் சச்சரவே வராதாம்.
தினமும் மீனாக்ஷிக்குக் கல்யாணம் என்பதே தம்பதிகள் தினமும் தம் கல்யாண நாளைப் போல் எண்ணி வாழ வேண்டும் என்பதே.
அந்நாளில் சச்சரவே இல்லை அல்லவா?
ஆழ்ந்த மனோதத்வ நிலையை இது உணர்த்தும்
மீனாக்ஷிக்கு அதனால் தான் ”நித்ய கல்யாணி” என்ற பெயர் ஏற்பட்டது.
 
நம் ஆத்மா சக்தி.
அது பரம்பொருளான சிவத்துடன் கலக்க வேண்டும்.
அதன் குறியீடே கல்யாணம்.
குரு என்ற ஞானம் மூலம் ஆத்மா பரம்பொருளை இணைவதையே விஷ்ணு தடாதகையை ஈசனின் கையில் ஒப்படைப்பது போல் குறியீடு உள்ளது.
அதையே பாண்டியர் கல்யாண சுந்தரேஸ்வரர் சன்னிதி ஆக்கினர்.
கம்பத்தடி மண்டபத்தில் திருக்கல்யாண சிற்பம் உருவாகி அதுவே இன்று பல தமிழ்க் குடும்பங்களின் கல்யாணப் பத்திரிக்கையின் லோகோ ஆனது.
 
கல்யாணமான ஆன பெண்கள் மீனாக்ஷிக்குத் தாலி கழுத்தில் ஏறியவுடன் தம் தாலிக்குப் புதுக்கயிறு கையோடு மாற்றிக் கொள்வதைக் காணலாம். பல ஊர்களில் உள்ள தமிழ் மங்கையர் அன்று தாலிச் சரட்டை மாற்றுவது வழக்கம்.கல்யாண வாழ்வில் மீட்டுருவாக்கம், மறுமலர்சி, குறை தீர்த்தல் ஆகியவற்றின் குறியீடு இது.
மீனாக்ஷியின் தாலியை நாயக்க மன்னர் வைடூர்யக் கற்கள் பதித்து அமைத்தார்.அது மதுரை வங்கியில் இருந்து முந்தைய நாள் எடுக்கப்படும்.
தங்க வட்டில், பொன் சந்தனக்கும்பா, பொன் பன்னீர்சொம்பு, பொன் குங்குமச்சிமிழ் ஆகியன எடுத்து அன்று பயன்படுத்தப்படும்.
 
திருக்கல்யாணம் அன்று திருப்பரம் குன்றம் முருகன் தேவயானையுடன், அவ்வூர்ப் பவளக்கனிவாய்ப் பெருமாளுடன் எழுந்தருள்கிறார்கள்.
 
மாலையில் திருமலை மன்னன் உண்டாக்கிய பெரிய கல்யாண மஹாலில் வரவேற்பு நிகழும்.ஊரே கோலாகல அல்லோலப்படும்.
 
கல்யாணம் ஆனவர்
ஆகாதவர்
ஆக முடியாதவர்
ஆகக் கூடாதவர்
என அனைவருக்கு தேவி மீனாக்ஷியின் திருக்கல்யாணம் ஆசீர்வதிக்கும் என்று என் ஆசான் முனைவர்.திருமலை ஐயா [தமிழ்ப் பல்கலைக் கழக முன்னாள் துணை வேந்தர்] 1995 திருக்கல்யாண வானொலி நேர் காட்சி செய்தது இன்றும் மனதில் உள்ளது.
 
அன்னையின் கல்யாணம் தம்பதிகளின் கல்யாண வாழ்விற்கு உறுதுணை செய்யும், பாரத தேசத்தின் ஆணிவேரான இல்லற வாழ்வின் மேன்மைக்கு வேராகும், ஆன்மா உய்ய வழிவகுக்கும்.ஒரு முறையேனும் சித்திரையில் மீனாக்ஷி கல்யாணம் காண்க.
 
மீனாக்ஷி கல்யாண வைபோகமே
கெளரி கல்யாண வைபோகமே
சித்திரையில் மாலையிட்டாள்
சிங்காரச் சொக்கருக்கே
செந்தமிழ்ச் செல்வியவள்
தேன்மதுரை நகரினிலே
 
பொன் ஊஞ்சல் ஆடுகின்றாள்
மீனாக்ஷி அன்னை
கண்கவரும் எழில் கொண்ட
தன் கணவன் சொக்கனுடன்....
 
[பழம் பாடல்....இன்றும் பாடப்படுகிறது]
 
கல்லுக்கு நாதம் உண்டு.
நாதம் உள்ள கல்லில் தான் மூலஸ்தானத்தின் சிற்பம் செய்வர்.
1990ல் காஞ்சி மாஅப்பெரியவர் ஓர் உரையில் மீனாக்ஷி தேவகாந்தார ராக இலக்கணம் கொண்ட திருமேனியள் என்று கூறியதை 2015 வரை ஆய்வு செய்தும் பதில் கிடைக்கவில்லை.
மீனாக்ஷிக்குப் பூஜிக்கும் அர்ச்சகருக்கும் பதில் தெரியாத நிலையில்,
காஞ்சி மடம் 2015ல் மயிலாப்பூரில் முகாம் கொண்ட நிலையில் அடியேனின் பெரியபுராண நூலை அவர் பார்வையிட வேண்டிய சூழலில் மஹாப்பெரியவாளின் சம்ஸ்க்ருத ஆசானின் மகன் சம்ஸ்க்ருத அறிஞரைக் காணும் வாய்ப்பில் இக்கேள்வியைக் கேட்ட போது, அவர் வியந்து ஸ்ரீமத் ராமாயணம் மாமா [பெரியவரின் சீடர்] மூலம் பதில் கொடுத்தார்.
 
தேவகாந்தாரம்
கர்நாடக இந்துஸ்தானி இசையில் முக்கிய ராகம்
மிக ஜனரஞ்சகமான ராகம்
நம் இளையராஜா அதிகம் பயன்படுத்தும் ராகம்
அதற்கும் மீனாக்ஷியின் விக்ரஹ வடிவிற்கும் என்ன தொடர்பு?
 
கயிலாயத்தில் சிவபார்வதி கல்யாணக் களிப்பின் தேவர்களும் கந்தர்வர்களும் உருவாக்கியது தேவகாந்தாரம்.
மதுரையில் தடாதகையில் கல்யாணத்தில் மக்கள் அதையே இசைத்து ஆடினராம்.
அதுவே கல்யாண ராகம்!
அதனால் அவள் சிலையும் பின்னர் தேவகாந்தார அதிர்வுகள் கொண்டதாக ஆயிற்று.
 
ஆணும் பெண்ணும் கல்யாண பந்தம் மூலம் இணைந்து 36 வகை அறங்கள் சமூஹத்துக்கும், சுற்றத்துக்கும், உற்றார் உறவுக்கு  தமக்கும் செய்து ஆன்மீக உயர்ச்சி பெறவே கல்யாணம் என்பது காஞ்சிபுர ஸ்தல ஐதீஹம்.அவ்வூர் ”குடும்ப ஸ்தலம்” ஆகிறது. பக்தியுடன் அன்புடன் சேவைகள் செய்ய வினைகள் தீரும், பிறவி சுழற்றி ஒழியும்...அதற்கே ஆணும் பெண்ணும் உறுதுணை ஆகின்றனர்.
 
தன் கணவனைக் கைப்பிடித்த மீனாக்ஷி இன்று வரை உண்மையான பக்திக்கு பதில் சொல்லும் லீலைகள் நிகழ்வதை உணர்க....
 
வாழ்க தூய இல்லற தர்மம்!
Continue reading
  837 Hits
837 Hits

Trichy - a historical view

திருச்சியில் தஞ்சை...

மலைக்கோட்டை மாநகர் - திருச்சிராப்பள்ளி - திருச்சி.

இது தமிழகத்தின் மைய நகரம்மூன்றாம் பெரிய மாநகரம்.

ஊரின் ப்ரதான வரலாற்றுச் சின்னம் மலைக்கோட்டை.

Continue reading
  711 Hits
711 Hits

Chola's gift to his beloved love

சோழனின் காதல் காணிக்கை...
 
பல்லவன் நரசிம்ம வர்மனின் ஆசை மனம் என்றது ஆயனார் சிற்பியின் அருமை மகள் சிவகாமியின் பால்.இதை வர்ணித்து வர்ணித்து ரசிப்பௌ கல்கியின் சிவகாமியின் சபதம் வரலாற்று நாவல்.
 
சிவகாமி தேச நலனுக்கு எனத் தன் காதலை த்யாகம் செய்து காஞ்சி ஏகாம்பரநாதருக்கே தேவர் அடியாள் ஆகி அப்பரின் ஆன்மீக வழிகாட்டுதலின் கீழ் திருவாரூர் சென்றாள் என ஆய்வுகள் காட்டும்.அதன் பின் அவள் மஹாபலிபுரத்தில் சிற்பக்கலைக்கூடத்தை உருவாக்கத் தன் நாட்டியக் கலையை அர்ப்பணித்துள்ளாள்.இதைப் பற்றி மிக விளக்கமாக நாம் முன்பு ”நாதம் என் ஜீவனே கட்டுரையில்” எழுதினோம்.
 
திருவாரூர்த் தியாகராஜ பெருமானின் கோயில் குறித்த பல ஆய்வுகளைப் படிக்கும் போது சிவகாமியின் அடிச்சுவட்டில் மற்றொரு வரலாற்றுக் காதல் தியாகம் தெரியவருகிறது.
 
சிவகாமியின் வரலாறே பல்லவ சாம்ராஜ்யத்தின் ஆணிவேர்.
 
அவளது வரலாற்றை உணர்ந்தே சோழ தேசத்து ஒரு தமிழச்சியும் தன் காதலைத் தியாகம் செய்துள்ளாள்.ஆனால் இக்காதல் வரலாறு சற்று வெளிப்படையானது.நரசிம்ம பல்லவனுக்கு இல்லாத வீரம் மன தைரியம் இச்சோழ அரசனுக்கு இருப்பதைக் காண்க.
 
யாரிவர்கள்? இரு பூங்குயில்கள்? இளம் காதல் மான்கள்?
 
கி.பி 11
ராஜராஜனின் மகன் முதலாம் ராஜேந்திரன் ஆட்சி.
தந்தையைப் போல் எண்ணற்ற தேசங்களைக் கைக்கொண்டு சோழ தேசத்தின் எல்லையையும் பெருமையையும் பரப்பியவன்.
 
இசையையும் நாட்டியத்தையும் ஓவியத்தையும் சிற்பத்தையும் தந்தையும் மகனும் போட்டி போட்டு வளர்த்துள்ளனர்.
 
தஞ்சைப் பெரிய கோயிலில் ராஜராஜன் தேவாரப் பதிகங்களை ஓதுவார்களைக் கொண்டு மக்களிடம் பரப்பும் கவனத்தில் உயர்ந்த நாட்டியக் கலையில் உள்ள உயர்ந்த தேவரடியார்களை [402] பேரைத் தஞ்சைக்கு மாற்றி, மாத ஊதியம், வருஷம் நெல், சன்மானம், வீடுகள் கொடுத்து இசை நாட்டிய நாடகக் கலைகளை தினமும் வளர்த்தான்.
 
அவர்களில் அதிகம் பேர் திருவாரூர்த் தியாகராஜ ஸ்மாமி கோயிலில் இருந்த தேவரடியார்கள் ஆவர்.காரணம் அவ்வூர்க் கோயில் சங்கீத இசை நாட்டியக் கலையில் தொட்டில் ஆகும்.
 
அக்கூட்டதின்கண் இருந்தவள் தான் அணுக்கியர் பரவை நாச்சி.அணுக்கியர் - நாட்டியக்காரி.இவள் ஆரூர் பெருமானின் தேவர் அடியாள்.
 
இவளது அழகு, அறிவு, உயர் கலை ஞானம் ஆகியவை ராஜேந்திரனின் மனதைக் கவர்ந்தது.அதே வேளை அரச பரம்பரையின் உயர் ஒழுக்கம் அவன் மனதை எச்சரித்தது.ஆனால் இக்கட்டித்தில் தேவர் அடியார் மிக்க மதிப்புடனும் கோயிலும் பூஜாரிகளுக்கு அடுத்த நிலையில் மதிக்கப்படும் நிலையில் இருந்தனர்.
 
தெய்வத்துக்கு அடியாள் ஆன ஒருத்தியை மணக்கலாமா என்ற போராட்டம் ராஜேந்திரனின் மனதை வேர் அறுத்தது.உலகில் பல பூமிகளை வென்றவன் காதலுக்குத் தோற்றுப் போனான்.என்ன செய்வது? மாறனின் கணைகள் சக்தி கொண்டவையே!
 
தன் காதலைப் பரவைக்கு வெளிப்படுத்த அவளோ பயத்தினால் தான் ஏற்றுள்ளாள்.அரசனின் மகனின் காதலை மறுத்த மாதவிமகள் மணிமேகலையின் வரலாற்றை அறிந்தவள் அவள்.
 
ராஜேந்திரன் மிகுந்த காதலை அவளிடம் வெளியிட்டுள்ளான்.அவளோ மனதில் போராட்டமும் வெளிப்புறத்தில் சிரிப்பாட்டமுமாக வாழ்கிறாள், அவளால் அவன் காதலை ஏற்ற முடியவில்லை! ஆனால் என்ன செய்வது?
 
ஒரு பங்குனிப் பெருவிழாவில் திருவாரூர்த் தேர் விழாவில் ராஜேந்திரன் கலந்து கொள்ள வரும் போது அவள்,
”அரசே! உங்கள் அன்புக்கு நான் அடிமை.ஆனால் உங்கள் அன்பு, உங்களுள் உள்ள ஆத்ம ரூபணான சர்வேஸ்வரனின் அன்பே! காரணம் அரசனும் தெய்வமும் ஒன்றல்லவா?
 
ஆனால் அடியேன் ஆரூர் ஈசனுக்கே அடியாள்.
எனக்கு என்ன செய்ய வேண்டும் என்று எண்ணுகிறீரோ அதை ஆரூர் ஈசனுக்கே செய்க.அதுவே உம் காதல் பரிசு”
 
ராஜேந்திரன், ”ஆம் பெண்ணே! என்ன வேண்டும்? காதல் பரிசுகள், கொண்டு அடி சேர்க்கிறேன்”
 
பரவை, ”த்யாகராஜன் செங்கல் கருவறையில் வாழலாமோ? அவரது மூலஸ்தானத்தை உங்கள் அப்பா செய்த தஞ்சைக் கோயிலை ஒத்த கற்றளி ஆக்குக.உங்கள் முப்பாட்டன் கோச்செங்கணான் தில்லைக் கூத்தனுக்குப் பொன் வேய்ந்தான். என் காதலின் வெளிப்பாடாய் த்யாகராஜனின் கற்றளி வெளிச்சுவரைப் பொன்னாலும் உட்சுவரை செம்பினாலும் மெழுகிடுக.எனக்கு என்னென்ன ஆபரணங்கள் தர உம் மனதில் ஆசையோ அதைத் தியாகராஜப் பெருமானுக்கே சூட்டுகைதை எல்லாம் விட உங்கள் அப்பாவின் சிவப்பணிக்கு ஈடான ஒரு அரிய கற்கோயிலை எழுப்புக, அதில் அடியேன் ஈசன் முன் உன் வீட்டில் வாழ்வதாக சதா ஆடுவேன் பாடுவேன்....”
 
பரவையின் உண்மையான காதல் ஆன்மீக உயர் பக்தியாய் இருப்பதையும் அவளது சமூஹப் பொறுப்பையும் உணர்ந்தான்.
 
தான் கண்ட வெற்றி மூலம் பெற்ற அனைத்து பொன் வெள்ளி கொண்டு கற்றளி, மெழுகல் பணிகள் செய்தான்.
 
அடுத்து இன்று பார் புகழ விளங்கும் கங்கை கொண்ட சோழபுரத்தை உருவாக்கியிருக்கிறான் எனலாம்.
 
அனைத்துக்கும் மேலாக, அவன் ஆரூரில் கற்றளி செய்து கும்பாபிஷேகம் செய்த நாளில் ஊரார் காண பரவை நாச்சியைத் தன் அரச தேரில் உட்கார வைத்து பவனி வந்து அவள் மூலம் தான் இப்பணி ஏற்பட்ட வரலாற்று உண்மையைக் கூறிக் கல்வெட்டும் உண்டாக்கினான்.அன்று 1008 மலர்கள் கொண்டு செய்யப்படும் முசுகுந்த சோழ சஹஸ்ரநாமம் செய்யப்பட்ட போது அவன் அவள் அருகில் நின்று தியாகரை தரித்தான்.அவ்விடத்தில் அவள் ப்ரம்மாண்டமான தன் உருவத்தை ஒத்த பாவை விளக்கை உலக நலனுக்கு என ஏற்றி வைத்தாள்.அதை இன்றும் காண்க.
 
இத்தகைய உயர் பெண்கள் வாழ்ந்த பூமியாய் நம் தேசம் உள்ளது.
 
இன்று கங்கை கொண்ட சோழபுரம் பரவை நாச்சியின் காதல் காணிக்கை என்றால் மிகை அல்ல.
 
அவனுக்கு உணர்த்திய உண்மையைக் கொண்டு தான் திருவருட்செல்வர் படத்தில் தேவரடியாள் மன்னனுக்கு இனிப்புகள் கொண்டு பேருண்மையை வெளிப்படுத்தும் காட்சி ஏற்பட்டிருக்க வேண்டும்.
Continue reading
  706 Hits
706 Hits

Thiruvaroor Thyagarajar - UNI5 study

திருவாரூர் தியாகராஜர் - பங்குனி உத்திரக் கட்டுரை
 
வேத காலத்தில் இந்திரனை மிக முக்கியமாக வழிபடும் மரபு நம் தேசத்தில் இருந்தது.
 
மேகங்களின் மழை பொழியும் ஆற்றலுக்கு இந்த்ர சக்தி என்று பெயர்.
 
மனிதனின் ஐந்து புலன்களின் சுகம் அனுபவிக்கும் சக்திக்கும் இந்த்ர சக்தி என்று அர்த்தம்.அதனால் தான் அவற்றை இந்த்ரியங்கள் என்கிறோம்.
 
ஆனால் சதா மனிதன் வாழ்க்கையை வெறும் சுகானுபவத்தில் கழித்த கட்டத்தில் இந்திர வழிபாடு நிறுத்தப் பட்டது.
 
ஆனால் இன்று பல கோயில்களில் இந்திரன் இறைவனைப் பூஜிப்பதாக ஐதீஹ நம்பிக்கை உள்ளது.
 
முற்கால சோழர்கள் தம் துறைமுகத் தலைநகராம் பூம்புகாரின் மிக ப்ரம்மாண்டமான முறையில் இந்திரா விழா எடுத்ததை சங்க நூல்கள், சிலப்பதிகாரம், மணிமேகலை வர்ணிப்பதைக் காண்க.
 
28 நாட்கள் நிகழும் அவ்விழா சித்திரைப் பெளர்ணமி அன்று முடிவடைந்தது.இன்றும் தமிழர்களுக்குச் சித்திரைத் பூர்ணிமை மிக முக்கியம் அன்றோ?
 
மதுரையின் புராண வரலாற்றைக் காணின், சித்திரைப் பூர்ணிமை நாளில் தான் இந்திரன் சொக்கநாதரை வழிபட்டு சாபம் தீர்த்துக் கொண்டான் என்று தெரிகிறது.
 
இன்றும் கன்யாகுமரி மாவட்டம் சுசீந்திரத்தில் இரவில் அர்த்த ஜாம பூஜையை இந்திரன் செய்வதாக நம்பிக்கை.
 
இன்றும் மதுரையில் சித்திரைத் திருவிழாவும் பூர்ணிமை அன்று கள்ளழகர் வைகையில் இறங்கும் விழாவும் உலக ப்ரசித்தம்!
 
ஆனால் நம் ஆய்வு சற்று மாறுகிறது....
அது தான் திருவாரூர் தரும் குறிப்பு.
முசுகுந்த சோழன் தேவர்களின் எதிரியான வாலாசுரனைக் கொன்று தேவலோகத்தில் விருந்தாளியாக இருக்கிறான்.அவன் இந்திரனையும் அவன் கூட்டத்தையும் பூம்புகாருக்கு வரவேற்று விழா எடுத்தான் என்பது சிலம்பின் குறிப்பு.ஆனால் சிலம்பில் சில விஷயங்கள் தரப்படவில்லை.அதுவே நம் ஆய்வு....
 
தேவலோகத்தில் சில காலம் விருந்தாளியாக இருக்கும் சோழன் தினமும் இந்திரன் பூஜிக்கும் வேளை அவன் பூஜை அறையுள் இருந்தான்.
 
அங்கு மிக உயர்ந்த அழகிய சோமாஸ்கந்த விக்ரஹத்தைக் காண்கிறான். சிவனும் பார்வதியும் குழந்தை முருகனுடன் உள்ள மூர்த்தியே சோமாஸ்கந்த வடிவம்.
 
சிவசக்தி ஆனந்த நிலையே இதுவாகும்.தமிழக சைவ ஸ்தலங்களில் ப்ரதான உற்சவர் சோமாஸ்கந்தரே.
 
இம்மூர்த்தியை அதிகம் வடிவமைத்த பெருமை மகேந்திர வர்மனுக்கும் அவன் மகன் நரசிம்ம வர்ம பல்லவனுக்குமே உரித்தாகும்.
 
பாரத தேசத்தின் ஆணிவேரான குடும்ப தத்துவத்தை உணர்த்தும் சிலா ரூபம் இதுவாகும்.
 
இந்திரன் வழிபட்ட சிலை மஹாவிஷ்ணுவால் அவனுக்கு அளிக்கப்பட்டது.
 
இந்த சிலையின் அழகில் சொக்கிப் போகிறான் சோழன்.
 
ஊர் திரும்பும் முன் இந்திரன் தந்த வரங்களையும் கூட வேண்டாம் என்று கூறி, இச்சிலையை எடுத்துச் செல்ல அனுமதி கேட்டான் மன்னன்.இந்திரனுக்கு தர்ம சங்கடம்! 
 
”சரி நாளை காலை வா, புறப்படும் முன் தருகிறேன்” - என்கிறான் இந்திரன்.
 
மறுநாள் காலை பூஜை அறையில் பார்த்தால் ஏழு சிலைகள் ஒரே போல்...குழப்பம்!
 
”சோழ மன்னா! இவற்றுள் எது நீ முதலில் பார்த்த சிலை என்று கண்டுபிடித்து எடுத்துக் கொள்!” - என்று சவால் வைக்க,மன்னன் ஈசனை மனமார வேண்ட, ”என் காதுகளில் செங்கழுநீர் மலர்கள் கொண்டு செய்த தோடுகள் சார்த்தப்பட்டுள்ளன” என்று சிவன் அடையாளம் கூற, மன்னனும் அதைக் கண்டுபிடித்திட, வேறு வழியே இல்லாமல் இந்திரன் அச்சிலையை மற்ற ஆறு சிலைகளுடன் சேர்த்துப் பரிசாக்கினான்.
 
”இந்திரா....நன்றியுடன் உங்களை, உம் மனைவியை, தேவர்களை ஆண்டுக்கு ஒரு முறை பூம்புகார் வந்து தங்கி நீங்களே விழாவெடுத்துப் பூஜிக்க வேண்டுகிறேன்!” என்று சோழன் கூற, இந்திரன் ஏற்க, அதுமுதல் இந்திர விழா உண்டானது.
 
இந்திராதி தேவர்கள் தாம் பூஜித்த சோமாஸ்கந்த மூர்த்தியை வழிபடப் பூம்புகாருக்குப் பங்குனி தொடங்கி சித்திரைப் பூர்ணிமை வரை பூஜிப்பர் என்பது வழக்கு.
 
இந்த சோமாஸ்கந்த மூர்த்தி தான் இன்று உலகப் புகழ் பெற்ற திருவாரூர்த் தியாகராஜர்.மனிதனின் தியாக உணர்வின் சக்தியாக அவர் உள்ளதால் தியாகராஜர் ஆகிறார்.
 
பூம்புகாரில் சிவனுக்கு மிக ப்ரதானமான கோட்டம் இருந்தது என்று சிலம்பு கூறுவது இவரது கோயிலே எனலாம்.
 
கி.பி 2ஆம் நூற்றாண்டில் மிகப்பெரிய கடல்கோள் ஏற்பட்டுப் பூம்புகார் அழியும் போது சோழர்கள் இவரை இடமாற்றம் செய்தனர்.அதன் பின் வந்த மனுநீதிச் சோழன் திருவாரூரை நியமித்து, தலைநகர் ஆக்கி, அவ்வூரில் தியாகராஜப் பெருமானை ப்ரதிஷ்டை செய்தான்.
 
சிதம்பரத்துக்கு முன் உருவான ஸ்தலம் திருவாரூர்.
இது பஞ்சபூதங்களில் பூமி தத்துவத்தைக் குறிக்கும் ஸ்தலம்.தேவாரத்தில் மிக அதிகமான பாடல்கள் பெற்ற ஸ்தலம்.மிக அதிகமான உட்சன்னிதிகள் கொண்ட ஸ்தலம்.உலகின் மிகப் பெரிய தேர், மிகப் பெரிய குளம் கொண்ட ஸ்தலம்.
 
தியாகராஜப் பெருமானின் உடலை நாம் பார்க்கவே முடியாது.முகத்தை மட்டுமே பார்க்க முடியும்.பங்குனித் தேர் கழிந்து வலது பாதத்தை மட்டும் பார்க்க முடியும்.அவரது உடல் மூடி மறைக்கப்பட்டுள்ளது.அவருக்கு அருகில் உள்ள பார்வதிக்குக் ”கொண்டி நாயகி” என்று பெயர்.கொண்டி - வேறு தேசத்தில் இருந்து வந்த பெண்.
 
பட்டாடைகளும் அணிகலன்களும் பின்னிப்பிணைந்து பூக்களுடன் கலந்து சிம்மாசனத்தில் தியாகராஜப்பெருமான் அமர்ந்துள்ளார்.
 
இன்றும் முசுகுந்த சோழ சஹஸ்ரநாமம் பல ஆயிரம் பூக்கள் கொண்டு நிகழ்வதைக் காண்க.
 
மிகப் பழைய தமிழ் இசைக்கருவிகள் பல தியாகராஜர் முன் இன்றும் வாசிக்கப்படும்.குடமுழா, கல் நாதஸ்வரம் ஆகியன இன்றும் வாசிக்கப்படும்.
 
மீதி ஆறு சிவன் சிலைகளும் தியாகராஜர் என்றே போற்றப்பட்டு ஆறு ஸ்தலங்களில் வைக்கப்பட்டுள்ளன.
 
அவை - நாகப்பட்டிணம், திருநள்ளாறு, வேதாரண்யம், திருவாய்மூர், திருக்காறாயில், திருக்குவளை
 
ஒவ்வொரு தியாகராஜருக்கும் ஒவ்வொரு வகை நடனம் உண்டு.அவை மனிதனின் மன உணர்ச்சியைக் காட்டுவதாகும்.
 
மனிதன் தியாகத்தால் வினை அறுக்க முடியும்.
வினை அகலின் முக்தி வரும்.
தியாகத்தின் விதை தூய அன்பு.
அதையே அன்பே சிவம் என்கிறோம்.
 
காசிக்கு இணையான சைவத்தின் தலைமை இடம் திருவாரூராக விளங்கிற்று.
 
அறுபத்தி மூன்று அடியார்களின் வரலாற்றை சுந்தரர் தொகுத்தது இவ்வூரில்தான்.மேலும் அவருள் பல அடியார்கள் அரும்பணி ஆற்றியதும் இவ்வூரில் தான்.
 
தியாகராஜப் பெருமானின் சாயரட்சை [மாலை பூஜை] அவசியம் காண வேண்டும்.அப்போது கல்நாயனமும் குடமுழாவும் வாசிப்பர்.
 
கி.பி 16ஆம் நூற்றாண்டில் இசைக் கலைக்கு மறுமலர்ச்சி உண்டாக்கிய சங்கீத மும்மூர்த்திகளும் அவதாரம் செய்தது இவ்வூரில்தான். மூவரின் வீடுகளும் இன்றும் உள.
 
அவர்களுள் ஸ்ரீமுத்துசாமி தீட்சிதர் பல காலம் இவ்வூரிலேயே வாழ்ந்து மராட்டிய அரசின் வேண்டுகோளுக்கு ஏற்ப கோயில் வழிபாட்டில் இசை நாட்டியக் கலைக்கு ஏற்ற வழிகாட்டுதல்கள் செய்தார்.
 
இசையை நாட்டியத்தை இருகண்களாக ஆன்மீகம் கொண்டது.அதைத் திருவாரூர் வளர்த்தது.எண்ணற்ற தேவர் அடியார்கள் நாட்டியக் கலை மூலம் இறைப்பணி செய்ய ஊர் இது.அதனால் தான் ராஜராஜ சோழன் தஞ்சைப் பெரிய கோயிலில் தேவரடியார்களைக் கொண்டு ஆடல் கலையை புகுத்திய போது அதில் அதிகமானோர் திருவாரூர்க் கோயிலில் பணியாற்றியவர்களாக அவன் தேர்வு செய்தான்.
 
சைவ சமயத்தின் பல்வேறு பிரிவினர் இன்று வடதேசத்தில் அதிகம் உள்ளனர்.ஆனால் அவர்கள் எல்லோரும் திருவாரூரில் கூடி ஈசனை வழிபடுவதை அப்பர் தம் தேவாரத்தில் பதிவு செய்கிறார்.
 
திருவாதிரை விழாவும் பங்குனி உத்திர விழாவும் ஆரூரில் மிக மிக ப்ரபலம் என்பதை தேவாரப் பாடல்கள் காட்டும்.
 
உலகின் மிகப் பெரிய தேர் ஆழித் தேர்.இதுவே திருவாரூர்த் தேர்.1920ல் இது தீயில் சாம்பலாகி வேறு தேர் ஆகி அதுவும் பழுதாகி இன்றுள்ள தேர் உருவானது.முதல் தேரை இழுக்க பத்து யானைகள், இருபதாயிரம் மக்கள் தேவை.இன்றுள்ள தேரை ஓட்ட நவீன சக்கரங்கள் உள்ளன.
 
தியாகரைத் தூக்க இருபது பேர் தேவை.ஆனால் தேரில் தீயில் தியாக மாட்டியபோது தனி ஒருவர் விக்ரஹத்தைத் தூக்கிக் கொண்டு கீழே குதித்து நசுங்கினார்.அவர் குடும்பத்துக்கு இன்று தேரின் முதல் வடம் பிடிக்கும் மரியாதை உண்டு.
 
திருவாரூரில் உள்ள ஸ்ரீகமலாம்பிகை மிக சக்தி கொண்ட தேவி.தேவி உபாசனையின் அனைத்து மூல மந்த்ரங்களும் இவள் பாதத்தில் உள்ள பீடத்தில் உள்ளன.குசாசனம் என்ற ஒரு வகை அமர்வு கோலத்தில் உலகில் வேறு எங்கும் இல்லாத கோலத்தில் அன்னை உள்ளாள்.இவள் சன்னிதியில் 51 சப்தங்களின் அட்சர பீடம் உள்ளது.ஸ்ரீமுத்துசாமி தீட்சிதர் கமலாம்பிகை மீது மிக மிக ப்ரசித்தி பெற்ற சக்தி பெற்ற நவாவரணக் கீர்த்தனைகள் செய்துள்ளார்.இவற்றைப் பாடிப் பாராயணம் செய்யும் போது ஸ்ரீசக்ரம் அல்லது அர்த்த அல்லது மஹாமேருவுக்கு நவாவரண பூஜை ஒன்பது மணி நேரம் செய்த பலன் உண்டு.அடியேன் அனுபவித்துள்ளேன்.
 
தீட்சிதர் தினமும் தேவி முன் உள்ள மண்டபத்தில் வீணை வாசிப்பது வழக்கம்.
 
மற்றொரு தேவி அல்லியங்கோதை.நீலோத்பலாம்பிகை என்று பெயர்.
 
சுந்தர மூர்த்தி நாயனார் தம் முதல் மனையாள் பரவை நாச்சியாருடன் வாழ்ந்து, அவர் பொருட்டு தியாகர் நடு இரவில் தூது போனது இன்றும் பங்குனி விழாவில் நிகழ்கிறது.தியாகருக்கும் சுந்தரருக்கும் ஒரே மரியாதை இவ்வூரில் உண்டு.
 
இவ்வூர் ஈசன் அருளால் பிறந்த காரணத்தாலே சங்கீத மும்மூர்த்திகளில் ஸ்ரீராம பக்தரான அன்பர் தியாகராஜர் என்று பெயர் பெற்றார்.
Continue reading
  668 Hits
668 Hits

Sankya Muni - Gowthama Buddha - a crisp history

சாக்கிய மாமுனி என்னும் புத்தர்
 
மிக முக்கியமாக மாணவர்க்குச் சொல்ல வேண்டிய பகுதி...
அராளராம ரிஷி என்ற உயர்ந்த முனிவரின் அறிவுரைகளின்படி சித்தார்த் ஆன்மீகப் பயிற்சிகளை மேற்கொண்டான்.ருத்ரகரன் என்ற  முனிவரின் அறிவுரைகளுக்கும் மதிப்புக் கொடுத்தான்.சித்தார்த் தன் காலத்தில் வாழ்ந்த பல ஆச்சாரிய புருஷர்களையும், முனிகளையும் சந்தித்தான்.அவர்களின் அறிவுரைகளைக் கேட்டான்.அவர்கள் கூறும் ஆன்மீகப் பேருரைகளைக் கேட்டுத் தன்னுள் பலவாறு சுய விவாதம் செய்தான்.தன் கேள்விகட்கு உரிய தெளிவான பதிலை அறிய அவன் முற்பட்டான்.சதா ஆத்ம விசாரணையிலேயே இருந்தான்.அவன் அனைவரையும் மதித்தான்.அதே வேளை அக்கால சமூஹத்தில் இருந்த சமயம் சார்ந்த கண்மூடி வழக்கங்கள், பலிகள், காரணம் புரியாமல் பின்பற்றுதல் மக்களின் பல மூட நம்பிக்கைகள், மதங்கள் பெயரில் சுரண்டல் அரசர்கள் மூலம் மதங்கள் பணம் அதிகாரச் செல்வாக்கை அடைய முற்படுதல், உயிர்ப்பலி,சமூஹ ப்ரச்சனைகள், ஏற்ற தாழ்வுகள், வடதேசத்தில் நிலவிய சாதிப் பாகுபாடுகள் ஆகியவற்றைக் கண்டான்.மதம் என்பது மனம் பக்குவப் பட்டு உயர்ந்த ஞானத்தைப் பெற என்பதை மறந்து சதா சுகபோக வாழ்வுக்கான பொருள் தேடுதலுக்கு மதச் சடங்குகள் பயன்படும் கதியைக் கண்டான்.
 
அறம் பொருள் இன்பம் வீடு பேறு என்ற பாரத தேசத்தின் வாழ்வியல் நெறியில் அறம் அகன்றது.பொருள் இன்பம் மட்டும் இன்று உள்ளது போல் புத்தர் காலத்தில் சமூஹம் இருந்தது.வடதேசத்தில் சாதிப் பாகுபாடுகள் மிக அதிகம் பரவின.
 
கூட்டம் கூட்டமாக சன்யாசி ஆயினர் மக்கள் என்பது மிகையே.
அப்படி இருப்பின் இன்று உலகில் இத்தனை மக்கள் தொகை நம் தேசத்தில் இருக்காது.
இதையே தான் கிறிஸ்துவர் கூறுவர் ”புனித தாமஸ் பல்லவ தேசத்தில் லட்சக் கணக்கில் மக்களைக் கிறிஸ்துவர் ஆக்கினர்”
 
மக்கள் பலர் புத்தரின் அறவுரைகள் கேட்டு மாறினர்.
 
இன்று மீண்டும் புத்தர் தேவை.
வினையின் உண்மையை அறியாமல் மக்கள் போடும் ஆட்டம் சொல்லி மாளாது.
கோயில்களும் மதங்களும் அரசியலாகிப் பொருள் ஈட்டும் நோக்கில் தான் உள.
அஹிம்சை கேள்விக்குறி ஆயிற்று.
அறியாமை வேர் விட்டு வளர்வதைக் காண்க.
 
புத்தரின் பேச்சால் பலர் மனம் மாறினர்.
காரணம் உண்மையான வாழ்வியலில் குறிக்கோளை ஏற்றுக் கொண்டு அறவழியில் சென்றனர்.
கூட்டம் கூட்டமாய் அவர் சன்யாசிகளை உருவாக்கினார் என்பது வீண் கதை.
அது ஒரு காலகட்டத்தில் ஏற்பட்ட கவர்ச்சிக் கதை.
இன்று எப்படிப் பல ஆன்மீக குருமார்களின் உபதேசங்களை ஏற்றுக் கொண்டு மக்கள் அவர்தம் பின் செல்கிறாரோ அதே போல் தான்.
எவர் வேண்டுமானாலும் சன்யாசி ஆகிவிட புத்தரும் அனுமதிக்கவில்லை.
சன்யாசி ஆகி சமூஹ சேவை செய்ய அவர் பல கட்டுப்பாடுகள் கொண்டு வந்தார்.
பலரும் அவரது அறவுரை ஏற்று அதன்வழி வாழ்ந்தனர்.
[வள்ளலார், ரமணர், காஞ்சி மஹாமுனிவர், சாயிபாபா, இன்றுள்ள அம்ருதானந்தமயீ அம்மை, ஜக்கி, மேல்மருவத்தூர் அடிகளார், வேதாத்ரிமஹரிஷி, ரவிசங்கர் மற்றும் பலர் தம் உரைகள் கேட்டு மக்கள் வாழ்வது போல், அவருடன் சன்யாசியாகப் பயணிக்கக் கட்டுப்பாடுகள் உண்டு, இச்சூழலை புத்தருடன் தொடர்பு கொள்க]
 
கி.மு 4
அக்கால பாரததேசம் இன்றைய நேபால் தேசத்தையும் கொண்டு விளங்கியது.
அதன் தலைநகரம் கபில வஸ்து.
அதன் அருகில் ஓடும் ஆறு ரோகிணி.
கபிலாச்சார்யார் உருவாக்கிய நகரம் கபிலவஸ்து.
”கண்டார் விரும்பும் கபிலபுரம்” என்று பழைய நூல்கள் கூறும்.
இக்கபிலரே சாங்கிய தத்துவமான நம் UNI5 கல்விக் கொள்கையின் தந்தை.
இவரது சாங்கியக் கொள்கையைப் பின்பற்றுவோர் சாங்கியர் - சாக்கியர்.
அதனால் இத்தேசமும் சாக்கிய தேசம் ஆனது.
அதன் அரசர்கள் ஸ்ரீராமனின் இஷ்வாகு குல வழியில் வந்தவர்கள்.
அவர்கள் தம்மை ”சாக்கியகுலம்” என்று கூறுவதும் மரபு.
 
கபிலவஸ்துவின் அரசன் சுத்தோதனன்.
அவனுக்கு இரு மனைவியர்.
கெளதமி மற்றும் மாயாதேவி.
கோலிய தேசம் என்ற பகுதியின் மன்னன் அஞ்சன் என்பவனின் மகள்கள் இவர்கள்
நீண்ட காலம் இருவருக்கும் மகப்பேறு இல்லை.
 
பல காலம் கழித்து மாயாதேவி இறையருளால் ஒரு மகனை ஈன்றாள்.
மகப்பேறு நெருங்கும் வேளையில் மாயா தேவி லும்பினி என்ற ஊரில் உள்ள அழகிய மலர்வனத்தில் ஓய்வுக்குச் சென்று இருந்த போது அம்மகன் பிறந்தான்.அவ்வூர் இன்று நேபாலில் மிக ப்ரஸித்தி பெற்ற புத்த ஸ்தலம் ஆகும்.
அவரே புத்தர்.
பெற்றோர் இவருக்கு வைத்த பெயர் - சித்தார்த்.
பிறந்த சில காலத்தே தாய் இறந்து போக, கெளதமியே மிக அன்புடன் இவரை வளர்த்தாள்.
அதனால் இவருக்கு கெளதம் என்ற பெயரும் உண்டு.
கெளதம் என்பது அவர்களின் குடிப்பெயரும் ஆகும்.
காலம் - 
 
பிறந்தவுடன் ஜாதகம் பார்த்த போது, சித்தார்த் மிக உயர்ந்த சன்யாசி ஆகி உலகிற்கே வழி காட்டுவான் என்று தெரிய வந்தது.ஆனால் அதில் விரும்பம் இல்லாத சுத்தோதனன் கவலை என்றால் என்ற என்றே அறியாமல் தன் மகன் வாழ வேண்டும் என்று தன் மாளிகையை அதற்கு ஏற்ப உருவாக்கி அனைத்து வசதிகளையும் செய்தான்.
 
வியாதி, வறுமை, சாவு, மனக்கவலை வயோதிகம் அருவருப்பு ஆகியவை  என்றால் என்ன என்றே சித்தார்த் அறியாமல் வாழ்ந்தான்.
 
மித்ராயி என்ற ஆசிரியர் மூலம் பல மொழி கணிதம் கலைகள் கற்றான்.
 
உதாயி என்ற ஆசிரியர் மூலம் பல்வேறு அறிவு நூல்களைக் கற்றான்.
 
இவன் காலத்தில் இவன் தேசத்து மக்கள் பேசிய மொழி பாலி.
 
பன்னிரண்டு வயதில் மாளிகையில் விளையாடும் போது அம்பு தைத்த அன்னப்பறவைக் காப்பாற்றி மருந்திட்டுப் பாதுகாத்தான்.இதனால் அம்பு எய்திய அவன் உறவுக்கார நண்பன் தேவதத் கோபம் கொண்டான்.
 
பதினைந்தாம் வயதில் சித்தார்த் கபிலவஸ்துவின் இளவரசன் ஆனான்.
 
ஆனால் அஸித் என்ற மஹரிஷி ”மனிதர் குலம் என்ற மரத்தில் பூத்த அரிய மலர் இவன் இவன் துறவு கொண்டு உலகிற்கே தர்மம் போதிப்பான்” என்று கூறி வாழ்த்திட அப்பா சுத்தோதனன் மனம் கவலை கொண்டார்.
 
பத்தொன்பதாம் வயதில் சுத்தோதனன் தன் அருமை நண்பன் சுப்பிரபுத்தாவின் ஒரே மகள் யசோதராவைக் கல்யாணம் செய்து தனியே குடிவைத்தான்.சுவர்க்கத்தையே மாளிகைக்குள் கொண்டு வந்தாற்போல் சகல வசதிகளுடன் சித்தார்த் வாழ்ந்தான்.
 
இவன் மனம் ஒரு போதும் சன்யாசி ஆவதில் நாட்டம் கொள்ளக் கூடாது என்று இவன் அப்பா மிக மிக கவனமாக இருந்தான்.சதா இவன் முன் சுவர்க்கம் போல் அரண்மனை மாளிகை இருந்தது.
 
ஒரு முறை இவன் அப்பா லும்பினி வனத்தில் இருக்கும் போது இவன் அவரைப் பார்க்கப் பல்லக்கில் சென்றான்.அப்போது வழியில் ஒரு வயோதிகரைக் கண்டான்.முதன்முதலில் மிக்க வயோதிக பாதிப்புக்கு உள்ளான மனிதரைக் கண்டான்.அதைப் பற்றி பல்லக்குத் தூக்கியிடம் வினவ அவர்கள், ”நாம் ஒரு நாள் இப்படி ஆவோம்” என்றது முதல் சித்தார்த் மனம் கலங்கினான்.
 
மற்றொரு தினம் ஒரு வ்யாதியஸ்தரையும் காண அதைப் பற்றி வினவ மனிதன் வ்யாதிகளில் சிக்கிச் சீரழிவான் என்று அவர் அறிய மீண்டும் கலங்கினார்.
 
மற்றொரு முறை சிலர் பிணம் ஒன்றைத் தூக்கிச் செல்வதைக் காணும் போது மனிதனுக்குச் சாவு உறுதி என்று உணர்கிறான்.
 
வயோதிகம் - வ்யாதி - சாவு ஆகிய மூன்று உண்மைகளுக்கு சித்தார்த்தை மிக மிக வருத்தின.அவன் மனதில் அவற்றிற்கான காரணங்கள் சதா கேள்வி கேட்கப் பட்டன.அதிலிருந்து தப்ப வழியில்லையா என்று யோசித்தே வாழ்ந்தான்.
 
அக்கட்டத்தில் யசோதரை ஒரு ஆண் குழந்தைக்கு அன்னை ஆனாள்.
 
அக்குழந்தைக்கு ராகுல் என்று பெயர்.
___________________________________________________
தன் மனதில் தெளிவு ஏற்பட சித்தார்த் யாருக்கும் தெரியாமல் இறுதியில் தன் வீட்டை விட்டு வெளியேறினான்.
 
போகும் முன் தன் மனைவியையும் குழந்தையையும் ஒரு முறை பார்த்தான்.
 
குழந்தையைத் தூக்கிக் கொஞ்சலாம் என்றால் அது அழுதால் மனைவி எழுந்து விடுவாள் என்று எண்ணி விலகினான்.
 
ஒரு இரவில் யாருக்கும் தெரியாமல் தன் நண்பன் சந்தகனுடன் வெளியேறினான்.
 
சித்தார்த்தின் வயது 21.
 
கோலிய தேசத்தில் உள்ள அனோமா என்ற ஆற்றங்கரைக்கு வந்தான்.
 
அங்கே பார்க்கவர் என்ற மஹரிஷியின் ஆஸ்ரமத்தில் அவன் இருந்தான்.
 
தன் கழுத்தில் இருந்த உயர் ரக மணிமாலையை சந்தகனுக்குக் கொடுத்தான்.
தன் க்ரீடத்தைத் தன் அப்பாவிடம் தரச் சொன்னான்.
தன் குதிரையை அன்புடன் வருடிக் கொடுத்து வழியனுப்பினான்.
 
அதன் பின் ஆற்றில் குளித்து தன் வாளால் தன் அழகிய தலைமுடியை அறுத்து வீசினான்.
 
அப்பகுதியில் வந்த ஒரு வேடனிடம் தன் ராஜ அலங்கார உடையைக் கொடுத்து அவனது எளிய தூய வெண்மையான உடையை வாங்கி உடுத்தினான்.
____________________________________________
சந்தகன் மூலம் சித்தார்த் தேசத்தை வீட்டை இல்லற வாழ்வைத் துறந்த செய்தி கேட்டு அவன் பெற்றோர் மனைவி உறவுகள் அன்பர்கள் மக்கள் மனம் மிகவும் கலங்கினர்.தேசத்தின் எதிர்காலம் குறித்து வருந்தினர்.அரச குரு சித்தார்த் இருக்கும் இடம் வந்து பல அறிவுரைகள் கூறியும் அவன் மனம் மாறவில்லை.
_____________________________________________
_____________________________________________
ராஜ க்ருஹத்தில்...
தன் ஆன்மீகத் தேடல் பயணத்தை ஆரம்பித்த சித்தார்த் ராஜ க்ருஹம் என்ற மாநகரத்துள் வரும் போது அவ்வூர் அரசன் ப்ரஸித்தி பெற்ற பிம்பிசாரா மிகப் பெரிய யாகம் செய்தான்.அதில் 1000 பசுக்களை பலியிட முற்பட்ட போது சித்தார்த், அப்பாவிப் பசுக்களை நம் நலனுக்காக பலி தரும் போது அதனால் வரும் தீவினையில் கொடுமையான விளைவுகளை விளக்கி அப்பசுக்களைக் காத்தான்.அதன் மூலம் அரசனின் அன்பைப் பெற்றான்.
___________________________________________
உருவேலா பகுதியில்....
அதன்பின் சித்தார்த் உருவேலா என்ற பகுதியில் வனத்தில் வாழ்ந்த ஐந்து முனிவர்களின் அன்பைப் பெறுகிறான்,அவர்களே இவனுக்குப் பின் மாணவர்கள் ஆயினர்.
 
[கெளடில்ய குலபுத்ரா, தசபல காஷ்யப பாஷ்பர், புத்திர, அஸ்வஜித்]
__________________________________________
போதி மரத்தடியில்.....
உடலை மிகவும் வருத்திக் கொண்டு தவம் செய்த போது சித்தார்த் பலவீனமாகி நினைவு இழந்தான்.
 
அப்போது உயிரைக் காப்பாற்ற வேண்டி அவர் உண்டார்.
அதைப் பார்த்து ஐவரும் ”இவன் நாக்கிற்கு அடிமை” என்று தவறாக எண்ணி விலகினர்.
அதன் பின் சித்தார்த் நைரஞ்சரா என்ற ஆற்றின் ஓரம் உள்ள அரச மரம் [இதுவே இன்று உலகம் போற்றும் போதி மரம் - பீஹார் மாநிலம், புத்த கயாவில் உள்ளது] நிழலில் 28 தினங்கள் தவத்தில் இருந்தார்.
 
அப்போது 29நாள் காலை அப்பகுதியில் வாழும் ஆயர் ஒருவரின் மகள் சுஜாதா கொடுத்த பால் சாதம் உண்டு வ்ரதம் போக்கினார்.சுஜாதைக்கு வாழ்வின் உண்மைகளை விளக்கினார்.மனித வாழ்வின் ப்ரச்சனைகள், பிறப்பு இறப்புக்குக் காரணம் - அனைத்துக்கும் பதில் - ஆசை.இதை இவர் SELFTUAL ஆக உணர இத்தனை காலம் ஆயிற்று.பிறர் கூறுவதை ஏற்றுக் கொண்டு கண்மூடித் தனமாக வாழ விரும்பாமல் தான் அனுபவித்துப் பார்க்கவே சித்தார்த் துடித்துள்ளான்.அதுவே போதி மரத்தடி ஞானம் - அதுவே புத்த பூர்ணிமா நாள். [அதுவும் வைகாசி விசாகப் பூர்ணிமை]
 
மரம் போல் தன்னலம் இன்றித் தன்னையே இறை உணர்வுடன் உலக சேவைக்கு ஆட்படுத்த வினை போகும்.அதுவே போதி ஞானம்.
_________________________________________
சித்தார்த் புத்தர் ஆனான்....
பிறப்பு இறப்பு வாழ்க்கை ப்ரச்சனைகளில் இருந்து விடுதலை பெற வெறியுடன் கூடிய ஆசையை மனம் அடக்க வேண்டும் இயல்பாக இருக்க வேண்டும் என்று உண்மை உணர்ந்த சித்தார்த் புத்தன் ஆனான்.உண்மையான புத்தி கொண்டவன் புத்தன்.[அறிவுடையோன்]
 
புத்தர் தன் பயணத்தைத் தொடர்கிறார்....
 
புத்த சமயம் பிறந்தது....
உருவேலா வனப்பகுதியில் உபகன் என்ற அந்தணனிடம் தான் உணர்ந்த உண்மைகளை விளக்கிட அவனும் அதில் உள்ள ஆழ்ந்த சத்யத்தை அங்கீகரிக்க, புத்தருக்குத் தன்னம்பிக்கை உண்டாக, அவர் முக்தி ஸ்தலமாம் வாரணாசி - காசி மாநகர் செல்கிறார்.அதனருகில் உள்ள ப்ரஸித்தி பெற்ற சாரணாத் வனம் சென்று தன் ஐந்து பழைய நண்பர்களையும் கண்டு அவரிடம் தன் அனுபவத்தைக் கூற அவர்களும் அதை எளிமையாய்ப் புரிந்து கொண்டனர்.அந்த சாரணாத்தே புத்த மதம் பிறந்த இடம் ஆகும்.
 
அவ்விடத்தில் [புத்தர் அமர்ந்து பாடம் சொன்ன இடம்] பின்னர் அசோகர் மிக உயர்ந்த நினைவுத் தூண் கட்டினார்.அது இன்றும் உள்ளது.உலகில் உள்ள புத்த மத மக்கள் அனைவரும் இவ்வூருக்கு வருவர்.
 
செல்வத் திருமகன் யசன் 
வாரணாசி மாநகரின் ஒரு செல்வக் குடும்பத்து மகன் யசன்.
அவன் சாரணாத்தில் புத்தர் இருப்பதைப் பற்றி அறிந்தான்.
இளைஞன் ஆன அவனும் இளைஞனான புத்தரைக் கண்டான்.
அவரிடம் தன் ஆன்மீக வினாக்களுக்கு உரிய பதிலைப் பெற்றான்.
அவனது பற்பல ஐயங்கள் தீர்ந்தன.
அவன் தன் பெற்றோர் மனைவியுடன் அன்பர்களுடன் புத்தர் கூறிய நல்வழியை மேற்கொண்டு அவரது கருத்துக்கள் பரவப் பெரிதும் உதவினான்.
 
சாரணாத்தில் இருந்து கொண்டு புத்தர் தம்மை அண்டி வந்த அனைத்து மக்களுக்கும் எவ்வித பாரபட்சம் இன்றி ஆன்மீக வழிகாட்டினார்.அதனால் அவரது புகழ் பரவியது.அவரது ஆன்மீக அறிவுரை எளிமையாக இருந்தது.பின்பற்றுவதில் எளிமை இருந்தது.சாதி இன மதம் பால் வேறுபாடு இன்றி இருந்தது.அவர்கள் பல ஊர்கள் சென்று புத்தரின் அறவுரைகளைப் பரப்பினர்.ஆண்டுதோறும் மழைக்காலத்தில் அனைவரும் கூடிய வரை ஒரே இடத்தில் வந்து கூட ஏற்பாடு ஆயிற்று.
 
கண்மூடித் தனமான வழிபாடு....
அக்னி காஷ்யபர் என்ற ஒருவர் கண்மூடித் தனமாக வேதச் சடங்குகள் செய்வார்.
இவர் பிம்பிசார ராஜாவின் மதிப்புக்கு உரியவர்.
அவரிடம் சடங்குகள் எதற்காகச் செய்யப்பட வேண்டும் என்று விளக்கினார்.
கண்மூடித் தனமான சடங்குகளை ஒதுக்கினார், எதையும் புரிந்து கொள்ள வழிகோலினார்.
 
ராஜக்ருஹத்தில் புத்தர்...
அக்னி காஷ்யபரும் புத்தரும் பிம்பிசார ராஜாவை சென்று பார்த்தனர்.
புத்தருடன் தன் மரியாதைக்குரிய முனிவர் வருவதைக் கண்டு ராஜா மிக மகிழ்ந்தான்.
அவ்வூரில் இருந்து புத்தர் தன் அறவுரைகளைக் கூறிட குறிப்பாகச் சிறையில் உள்ள குற்றவாளிகளுக்குக் கூறினார்.பல குற்றவாளிகள் மனம் மாறி விடுதலை ஆயினர்.
 
புத்தரின் அறக்கருத்துக்கள் பாரத தேசத்தின் வேதங்களுக்கு எதிரானவை அல்ல.
அவற்றின் உண்மையான உட்பொருளை அவர் எளிமையாக விளக்கினார்.
தெய்வத்தை வைத்துக் கொண்டு வெறும் சுகபோக வாழ்க்கைக்கு ஆதாயம் தேடுவதை அவர் கண்டிக்கிறார்.
உயிர்க்கொலை, பலி, கண்மூடித் தனமாக மேற்கொள்ளப்படும் சடங்குகள் இவற்றை எதிர்த்து யோசிக்க வைத்தார்.
எதையும் பகுத்துப் பார்த்து சிந்திக்கும் அறிவை வளர்க்கக் கூறினார்.
ஆனால் புத்தருக்குப் பின் வந்த அவர்வழித் துறவிகள் அவற்றை மறைத்து அவர் தெய்வ மறுப்புக் கொள்கை - நாஸ்திகம் பேசியதாக மதம் வளர்த்து விட்டனர்.
இது அனைத்து மதங்களிலும் உண்டாவது தான்.
ஆனால் இன்றுள்ள புத்த மதம் பல தெய்வ வழிபாடுகள், சடங்குகள், பூஜைகள் தந்த்ர விதிகளைக் கொண்டவை.
ஆன்மீகம் என்பது மனிதனின் மனம் தரமான வழியில் மாறிடவே, அதன் மூலம் அவன் இன்பம் துன்பம் கடந்த விடுதலை உணர்வைப் பெறுதல் வேண்டும்,, அதற்கே ஆன்மீகப் பயிற்சி என்று அவர் கூறியதே உண்மை.
 
 
ப்ரதானமாய் புத்தருடன் 11 சீடர்களே இருந்தனர்.
ஆனால் அவரைப் பின்பற்றினோர் தேசம் எங்கும் சென்று அவரது கொள்கைகளைப் பரப்பினர்.
 
புத்தரின் தந்தை சுத்தோதனரும் சித்தி கெளதமியும் அவரைக் காண மிக மிக ஆசை கொண்டு கபிலவஸ்துவுக்கு அழைக்க அவரும் சென்றார்.
 
புத்தர் தன் சொந்த ஊரில்...
கபிலவஸ்துவில் பெரும்பாலும் அவரையும் அவர் சீடர்களையும் மக்களும் அரச குடும்பமும் அமோஹமாய் வரவேற்கவில்லை.காரணம் அவர் தேசத்தை விட்டு விலகிய ஆற்றாமையே.ஆனால் தந்தையும் சித்தியும் சிலரும் வரவேற்று உபசரித்தனர்.
ஆனால் அவர் பிட்சை எடுத்து உண்பதை அவர்களால் ஏற்க முடியவில்லை, கெளரவக் குறையாகக் கருதினர்.
புத்தரிடம் தந்தை அவர் தம்மை அவமானம் செய்வதாகக் கூறினார்.அப்போது புத்தர், ”அப்பா, நீர் அரசன், நான் சன்யாசி.தேசம் எனதல்ல, வீடு எனதல்ல, என் சன்யாசி வாழ்வில் பிட்சை ஏற்றே உண்ண வேண்டும்”
 
சில காலம் அவ்வூரில் புத்தர் வாழ்ந்து தன் உறவுகளுக்கும் நண்பர்களுக்கும் அறவுரைகள் கூறிட, அவர் சித்தியும் தந்தையும் சன்யாசிகள் ஆயினர்.சித்தியின் வேண்டுகோளுக்கு ஏற்பப் பெண்களுக்கும் சன்யாசிகள் ஆகும் அனுமதி அவரால் தரப்பட்டது.
 
மனைவியும் மகனும்....
இக்கட்டத்தில் ஒரு நாள் புத்தர் தம் சீடர்களுடன் மதியம் உண்ணும் போது, தூரத்தில் இருந்து மனைவி யசோதரா தன் மகன் ராகுலை அழைத்து, ”அதோ மிக கம்பீரமாக ஒளியுடன் இருக்கும் புத்தர் தான் உன் அப்பா.அவரிடம் உனக்குச் சேர வேண்டிய சொத்துக்களைக் கேட்டு வாங்கி வா” என்று அனுப்பினாள்.
 
அவனும் புத்தரை அடைந்து தன் தாய் கூறியதைக் கேட்க, அவரும் ”உன் தந்தை வைத்துள்ள சொத்து ப்ரபஞ்சத்தின் மிக உயர்ந்த சொத்து” என்று கூறி அவனுக்கு அறவுரைகள் கூறி, அவனைத் தன் மாணவன் ஆக்கினார்.
 
தன் சித்தி கெளதமியின் மகன் நந்தனும் அவருக்கு மாணவன் ஆனான்.
 
அதன்பின் தன் மனைவியிடம் சென்று அவளைப் பிரிந்ததன் நோக்கம் விளக்கி, மன்னிப்புக் கூறி, அவள் செய்த த்யாகத்தின் மேன்மை கூற அவளோ ”என்னையும் உம் மாணவி ஆக்கிக் கொள்க” என்று சரணம் புக, அவரும் அதை ஏற்றார்.
 
சாதி, இனம், மதம், மொழி, தேசம் பாராமல் பலரும் அவரது மாணவர்கள் ஆயினர்.
 
கபிலவஸ்துவில் அவர் தங்கிய காலத்தில் தன் தாயாரின் சமாதிக்கு அடிக்கடி சென்று அஞ்சலி செய்தார்.தன் கர்ப்ப காலத்தை மிக உயர்ந்ததாக மாற்றியதற்கு மரியாதை செய்தார்.
 
அவரது ஒரு சீடன் உபாலி.
அவன் மிக மிகத் தாழ்ந்த சாதி.
ஆனால் அவன் புத்தர் கூறிய ஒவ்வொரு அறத்தையும் பின்பற்றி மிக உயர் அறிஞன் ஆனான்.
அதே வேளை அவரது வளர்ச்சியையும் புகழையும் ஏற்காமல் அவரது மாணவர்களே அவருக்கு எதிராகவும் இருந்தனர்.
 
கோசல தேசம் - ரப்தி நதிக்கரை சிராவஸ்தி நகரில் அவர் பல காலம் வாழ்ந்தார்.
 
அதன் பின் 97வயதில் அவர் அப்பா இறக்கும் போது உடன் இருந்து அவருக்குச் செய்ய வேண்டிய கடமைகள் அனைத்தையும் செய்தார்.அதன்பின் தன் சித்தி மனைவி பிற பெண்களைக் கொண்டு பெண்கள் சங்கம் நிறுவினார்.
 
தன் நாட்டுக்கும் பக்கத்து நாட்டுக்கும் நதி நீர் பங்கீட்டில் போர் மூளும் அபாயம் வருவதைக் கேள்விப்பட்டு இரு தேச அரசுகளுக்கும் மக்களுக்கும் இயற்கையின் உண்மைகள் கூறி சமாதானமாகப் பங்கீடு செய்தார்.
 
அதன்பின் அவர் மிக நீண்ட காலம் வாழ்ந்த வைசாலி மாநகரம் சென்றார்.
 
அங்கு இருந்து அவர் கெளசாம்பி மாநகர் சென்று வாழ்கிறார் அதன் பின் ப்ரயாகை மாநகர் சென்றார்.
 
மகததேசத்தில் மன்னன் பிம்பிசாராவின் மனைவியும் இவன் மாணவியானாள்.
 
இதற்கிடையில் அவரது சீடர்களுக்குள் ஒற்றுமை இல்லாமல் போயிற்று.அவர் அதைச் சரிசெய்தார்.
 
உழவனுடன் உரையாடல்...
ராஜக்ருஹம் ஊரில் அவர் ஒரு உழவன் வீட்டில் பிட்சை கேட்ட போது அவன் அவரைச் சாடி ஏளனம் ச்செய்தான்.அவர் உழைக்காத சோம்பேறி என்று தூற்றினான்.
புத்தர் ”உலகம் என் வயல், நானே உழவன் என் ஞானம் கலப்பை தர்மம் விதை அறவழி அறுவடை சமூஹ மேம்பாடு செல்வம்” என்று கூறினார்.
 
ராகுலசூத்ரம்
தன் மகனுக்கு 18 வயதானவுடன் தன் தர்மக்கொள்கைகள் அனைத்தையும் அவனுக்கு உபதேசம் செய்ய அவன் அதை எழுதினான்.அதுவே ராகுலசூத்ரம் என்ற ப்ரபல புத்த மத நூல்.அக்கட்டத்தில் புத்தரின் மாமனார் நீண்ட காலம் கழித்து அவரைக் கண்டு தூற்றி ஏளனம் செய்தார்.புத்தர் அமைதி காத்தார்.
 
ஆலவியில் காபாலிகனைத் திருத்துதல்
ஆலவி என்ற ஊரில் குழந்தைகளை நரபலி கொடுத்து வாழும் பயங்கர மந்த்ரவாதி ஒருவனைக் கண்டு அவனுக்கு வினைப்பயனை மிக விளக்கித் திருத்தினார் புத்தர்.
 
வேடனுக்கு அறிவுரை
மகத தேசத்தில் வனத்தில் இருக்கும் போது ஒரு வேடன் சதா விளையாட்டாய் மான்களைக் கொல்வதைக் கண்டு அவனுக்கு வினைப்பயனை விளக்கி அவர் திருத்தினார்.
 
பிம்பிசாரனின் கற்படிகள்
மகததேசத்தில் க்ருத்ரகூட மலையில் அவர் பல காலம் அறவழி உரைக்க மக்கள் பலர் தினமும் அவர்பால் செல்ல அவர்கள் எளிதில் ஏற பிம்பிசாரன் கற்படிகள் அமைத்தான்.
 
அங்குலிமாலியைத் திருத்துதல்
இவன் ஒரு குருவின் கீழ் கல்வி கற்றான்.குருவின் உயர் மதிப்பைப் பெற்றான்.அவரோ மனிதர்களின் வினைகளைத் தீர்ப்பதே நீ எமக்குத் தரும் தட்சிணை என்கிறார்.அதற்கு அவன் வழி தேட ”மனிதனின் கைகள் வெட்டப்படுங்கால் வினை போகும்” என்று கூற இதை அவன் மேலோட்டமாகப் புரிந்து கொண்டு பலரது கைகளை வெட்டி விரல்களைச் சேகரித்தான்.இதை அறிந்த அவன் தாய் மனம் கலங்க புத்தர் இவனுக்கு உண்மையான அர்த்த விளக்கம் தர அவன் அவரது முக்கிய சீடர்களில் ஒருவன் ஆனான்.அங்குலிமாலி போல் தான் இன்று மக்கள் மேலோட்டமாக எதையும் புரிந்து கொண்டு செய்வதைக் காண்க.
 
விசாகாவின் வினை தீர்தல்
விசாகா என்ற  வினையின் பலனை புத்தர் மூலம் உணர்ந்து அவள் தேடிய பொருளைக் கொண்டு மடம் [விஹாரம்] கட்டி அதன் மூலம் பல அறச்செயல்கள் செய்தாள்.
 
ஆம்ரபாலியின் சேவை
ஆம்ரபாலி என்ற தீய வழியில் பணம் தேடும் பெண் புத்தரின் அறவுரைகளில் ஈடுபட்டு மனம் மாறி தன் பொருளைக் கொண்டு வாங்கிய மாந்தோப்பை விற்று, வைசாலி மாநகர் அருகில் ஆம்ரவனப்பகுதியில் விஹாரம் அமைத்து அதில் எண்ணற்ற ஏழைகளுக்கு அன்னதானம் செய்வாள்.புத்தரும் அவளது அன்பிற்கு மரியாதை கொடுத்து அவள் விஹாரத்தில் உண்டார்.
 
கொள்ளைக்காரர்களைத் திருத்தியது
சூன்யப்ராந்தம் என்ற பகுதியில் கொள்ளை அடிப்பதையே தொழிலாகக் கொண்ட மக்களை அவ்வூர் வியாபாரியின் வேண்டுகோளுக்கு ஏற்ப புத்தர் நல்வழிப்படுத்தினார்.
 
ஒரு பிடி கடுகு...
க்ருஷா கெளதமி என்ற ஏழைப் பெண்ணின் குழந்தை இறந்தது.புத்தரைக் கண்டு அவரை அதை உயிர்ப்பிக்கும்படி வேண்டினாள்.அவரோ ”ஒரு பிடி கடுகு கொண்டு வா” என்றார் அவள் ஓடுகையில் ”பெண்ணே! யாரும் சாகாத வீட்டில் அக்கடுகு தரப்பட வேண்டும்” என்று கூற அவளும் அதே போல் வீடு வீடாகச் சென்று கடுகு கேட்க அனைவரும் அவள் தேவை கேட்டு ஏளனம் செய்ய மரணம் பற்றிய உண்மை உணர்ந்தாள்.புத்தர் வழியில் அறவாழ்வை மேற்கொண்டாள்.
 
பிம்பிசாரனின் மகததேசத்தில் மக்கள் புத்தரை மிக மதித்தனர்.
ஒவ்வொரு ஊரிலும் க்ராமத்திலும் அவரது கொள்கைகளை விளக்கும் விஹாரங்கள் இருந்தன.
 
படகோட்டிகளுக்கு அறவுரை..
புத்தர் பாடலிபுத்ர நகரம் வழியே போகும் போது கங்கையைக் கடக்க வேண்டி இருந்தது.ஒவ்வொரு படகோட்டியும் அவரை வரவேற்க அவரோ ”ஏழைகள் கங்கையைக் கடக்க உதவுக அனைவருள்ளும் ஒரே பரம்பொருள் தான் உள்ளது” என்று அன்புடன் கூறினாராம்.
 
முட்டாள் இளவரசன்...
ஒரு சிற்றரசன் புத்தரிடம் உண்மையான சாகாவரம் என்ன என்பதை உணர்ந்து அறிகிறான்.இதைப் புரியாத புத்தரின் சீடன் ஒருவன் அரசனின் மகனிடம் ”உன் அப்பன் சாகான் அவனே நித்ய அரசன் உனக்கு அரச பதவி இல்லை” என்று கூற அறிவிலியான மகனோ மதம் கொண்ட ஆனையைக் கொண்டு மிதிக்க விட புத்தர் தப்பினார் அறிவிலிக்கு உண்மைப் பொருள் உணர்த்தினார்.
 
குசீ மாநகரில்...
புத்தர் என்பதவாது வயதில் பாவா நகர் சென்றார்.
அவ்வூரில் சந்தன் என்ற கொல்லனின் வீட்டில் தன் சீடருடன் உண்டார்.
ஆனால் அவ்வுணவு மூலம் அவருக்கு உடல் நலம் பாதித்துள்ளது.
இதை அடுது அவர் தன் சீடர்களுடன் குசீ மாநகரம் சென்றார்.
ஹிரண்யவதி என்ற நதிக்கரையில் இருந்த சாலமரங்கள் இரண்டின் நடுவில் நிழலில் அவர் உடல் அயர்ந்து ஓய்வு கொண்டு தன் இறுதிக் கட்ட போதனைகளை விளக்கிக் கூறி இரவில் உடலை நீத்தார்.
 
புத்தர் முக்தி அடைந்ததை அறிந்து பலரும் வந்து அஞ்சலி செய்தனர்.
அவரது உடல் எரிக்கப்பட்டு சாம்பலை எட்டு வெவ்வேறு ஊர்களில் மண்ணில் இட்டு அதன் மீது விஹாரங்கள் எழுப்பினர்.
 
புத்தருக்குப் பின் அவரது சீடர்கள் அவரது கோட்பாடுகளைப் பின்பற்றினோர் தேஅம் முழுவதும் அதைப் பரப்பினர்.அதன்பின் அசோக சக்ரவர்த்தி மூலம் புத்தரின் வழிகாட்டும் அறக்கருத்துக்கள் சமயமாகி தேசம் முழுவதும் பரவியது.உலகில் குறிப்பாகக் கிழக்கு நாடுகளில் பரவிற்று.
 
ஆனால் புத்தருக்குப் பின் அவரது கருத்துக்கள் மாற்றப்பட்டன.
சமூஹம் அரசியல் ஆதாயம் ஆகியவற்றிற்கு ஏற்ப மாறின.
இன்றுள்ள புத்த மதம் பல மாற்றங்களைக் கொண்டுள்ளது.
ஆனால் அறம் மாறாது.
அதுவே பாரத தேசத்தின் சத்யம்.
Continue reading
  817 Hits
817 Hits

Chidhambaram of the west Tamils - Perur

Kanchivaai Perur is the oldest Shiva shetra in Kongu desam.
It is on the bank of river Noiyal.
It is on the way to Chera kingdom via Veera Keralam.
Kovan Veerakeralm Puthur was the name given after Rajarajan's expedition on this area, now CBE.
This place is considered to be the head office for Shivasim in Kongu desam.
The historical events in life of Sundarar and King Cheramaan Perumal Nayanar are having specific relations with this Perur.
 
Pateehwaram
Legend says Patti the calf of Kamadenu worshipped this Linga and it is called Pateeshwaram.
Historically it is related to aayars - cow herds of western ghats of Veera Keralam.
Patti - groups of cows.
 
Patti people - aayar's kuladevatha is Patteeshwarar.
 
Devi is Pachai Nayaki - Mathangi.
 
The present temple is done by Achudha Appa Nayak [Madurai nayaks] in 16th century A.D.
 
Though separate Devaram hymns are not given Sundarar and Sekizhaar mentions in their hymns.
 
Two times Sundarar visited Perur.
 
From Avinashi he came here and saw Lord.
 
He was received by Cheramaan Perumal Nayanar here and then through Kovaipudhur route they reached Chera kingdom and then Kondungalore.
 
In second visit both Sundarar and Chera king from Thiruvaaroor came here gave discourses and left to Kondungalore and Sundarar shed his life.
 
The most speciality of this shetra is ''Chidhambaram of western Tamil nation'' - why?
 
In Chidhambaram the last hymn by Sundarar mentions that inside Kanaka Sabai the sacred most sanctum of Chidhambaram he saw Kaanchivaai Perur Lord.
 
The present Natarajar hall is being constructed by Achudha Appa nayak and one of our ancestor - dancer of this temple from Thiruvaaroor.
 
The uniqueness of the architecture is the red granite and moolasthanam katrali was Rajaraja's time.
 
The oldest charm can be still felt in prakarams and moolasthanam.
 
The carvings in Natarajar sabai pillars in 16 A.D adds to the greatness of temple.
 
Many Saiva sects have their muts here.
 
The place is still vibrating with Sundarar and his beloved friend Chera King's sacred talks and hymns and vibrations.
 
Devi is very unique and in standing posture like Meenakshi [Raja Mathangi] the energy for all wisdom, hence CBE is very famous for education.
 
Try to visit Kaanchivaai Perur.
 
Om Shivo hum
Continue reading
  743 Hits
743 Hits

Oldest tunes on Earth - Devaram pan isai

The oldest tunes on earth still well preserved by Oodhuwars of temples since 6 A.D has to be exposed to children. Tamils the oldest people on earth in culture and heritage has great art forms. Rajaraja Chola compiled all the Devarams and set tunes through Thiruneelakanda yaazh paanar's wife Mathanga soolaamani ammaiyar's descendants.
 
He arranged special Oodhuvars in big temple and other Shiva temples across the nation and promoted Devaram hymns. When we go to Shiva temples let us listen if an Odhuvar sings. In Madurai, when we studied, we visit temple by evening so that we can listen to Odhuvar. Similarly I listen to Thiruvanmeyoor Odhuvar. Please make our-self and children to listen in audio and you tubes telling oldest tunes on Earth.
 
We salute Rajaraja Chola - thirumurai kanda Cholan for this great work.
Continue reading
  714 Hits
714 Hits

By accepting you will be accessing a service provided by a third-party external to https://uni5.co/

Joomla! Debug Console

Session

Profile Information

Memory Usage

Database Queries