Details

Parent Category: Religion

Category: Christianity

Hits: 3518

Sakthi Foundation

What happened to Jesus between 14 – 29 years? – A crisp research

Details

Parent Category: Religion

Category: Christianity

Hits: 3500

Sakthi Foundation

மயிலைக் கடற்கரையில் தாமஸின் ஜீவசமாதி...

சென்னையில் உள்ள சாந்தோம் தேவாலம் மிகவும் ப்ரஸிதி ஆனது.

சேர தேசம் வந்த ஏசுவின் மாணவர் தாமஸ் மயிலையில் வாழ்ந்தார்.

அப்போது அவர் இன்றுள்ள சாந்தோம் பகுதியில் தான் வாழ்ந்தார்.

காரணம் அக்கடற்கரைப் பகுதியில் மயிலைக் கபாலீச்சரமும் ஒரு சமணப் பள்ளியும் இருந்துள்ளன.

நாம் முன் எழுதிய ஆய்வுக் கட்டுரைகளில் இன்றுள்ள கிறிஸ்துவம் மிகவும் பிற்காலத்தே ஐரோப்பியரால் மாற்றியமைக்கப்பட்டதை என்பதை நினைவில் கொள்க.

மேலும் தாமஸ் பல தேசத்தும் வணிகர்கள் கப்பல்களில் வரும் மயிலைத் துறைமுகத்தில் வாழ்ந்ததும் ஆச்சர்யம் இல்லையே?

அதே வேளையில் மயிலை திருவள்ளுவர் அல்லது அவர்தம் மாணாக்கரின் தொடர்பும் தாமஸுக்கு உண்டாகி இருக்கக் கூடும்.

தாமஸ் மயிலை - சைதைச் சின்னமலை - பரங்கி மலை ஆகிய இடங்களைப் பயன்படுத்தி இருக்கிறார்.

கற்றோர் வாழும் காஞ்சிக்கும் அவர் சென்று வந்திருக்க வாய்ப்புகள் மிக அதிகம்.

தர்மம் மிகு சென்னையில் பட்டிணத்தார், சீதக்காதி, பாம்பன் ஸ்வாமிகள், பாடச்சேரி மகான் போன்ற பல ஞானிகளின் ஜீவ சமாதிகள் உள.

அதே போல் தான் மக்களின் மனப்பிணி-உடற்பிணி தீர்த்த தாமஸ் ஒரு சித்தராகவே மதிக்கப்பட்டார்.அவரது இறப்புக்குப் பின் அவரது கல்லறை ஜீவசமாதி ஆனது.

அவரது சமாதி மண் சென்னை மக்களால் அருமருந்தெனப் பயன்படுத்தப் பட்டது.சில ஐரோப்பிய வணிகர்களும் அவரது கல்லறை மண்ணை எடுத்துச் சென்றுளர்.

அவரது காலத்திலேயே பல்லவக் கோயில் கலை வடிவில் த்யாகச் சிலுவைக் குறியுடன் வழிபாட்டு இடம் கடற்கரையிலும் பரங்கிமலையிலும் அமைத்தார்.

பல்லவ அரசின் அரச சின்னங்களான சிங்கங்கள் கொண்ட தூண்கள், தோரண வாயிலுடன் கூடிய கர்ப்பக்ருஹம், தீர்த்தத் தொட்டி ஆகியவற்றுடன் கூடிய புனித சிலுவை அகழ்வாய்வில் கண்டு பிடிக்கப் பட்டு இன்று அவை சாந்தோம் சர்ச் அருங்காட்சி அகத்தில் உள.

சமய வேற்றுமை பாராமல் அவரது சிலுவையையும் அவரது ஜீவசமாதியையும் மக்கள் வணங்கினர் என்பது வரலாற்று ஆய்வுகளில் காணப்படுகிறது.

குறிப்பாக இஸ்லாமியர்கள் அவரது சமாதியை விளக்கேற்றியும் தூபமிட்டும் ஆராதித்துள்ளனர்.காரணம் இஸ்லாம்-கிறிஸ்துவம்-யூதம் ஆகியன ஒரே விதையின் பல்வேறு வளர்ச்சிகள் தாம்.

இன்று நாம் காணும் சமயங்கள் பற்பல கடந்த 500 ஆண்டுகளில் மாற்றப் பட்டன.

ஆனால் போர்த்துகீஸியர் இஸ்லாமிய அன்பர் ஒருவர் தாமஸின் சமாதியில் பூஜிப்பதை ஏற்கவில்லை.

15ஆம் நூற்றாண்டில் பிற்பகுதியில் இவர்கள் தம் ஊர்ப்பாணியைக் காட்டினர்.

பாரதப் பண்பாட்டின் அடிப்படையில் அதுவரை இருந்த ஏசு ஐரோப்பிய ஏசு ஆனார், கோயில் அமைப்பு சர்ச் ஆனது, பல விஷயங்கள் மாறின.

ஆங்கிலேயர் ஜார்ஜ் கோட்டையைக் கட்டிக் கொண்டு மதராஸப் பட்டிணத்தை உருவாக்கிய காலத்தில் நவீன கிறிஸ்துவ மதத்தின் உட்பிரிவினர்தம் சண்டைகள் பதிவாகி உள்ளன.

ஆனால் சத்தியம் மாறாது!

ஏசுவின் மாணவர் தாமஸ் பாரத தேசத்தில் தன் ஆசான் அறிந்த ஆன்மீக நெறிகளை ஆழங்கால் பட்டுக் கற்றுணர்ந்தார், பரப்பினார், ஏசு மீதான மரியாதையை மக்களுக்கு உண்டாக்கினார் - மதம் மாற்றம் செய்யவில்லை! காரணம் ஏசு மதவாதி அல்ல!

அவரது போதனைகளை அக்கால பாரத - தென்னக மக்களும் அரசும் ஏற்றுக் கொண்டு உள்ளன.

பாரத தேசத்தின் மஹான்களில் ஒருவராகத் தாமஸ் மதிக்கப் படுகிறார்.

பல ஆய்வுகள் தாமஸின் விவிலியக் குறிப்புகள் அதிகம் பாரத தேசத்தின் ஆன்மீக நெறிகளை ப்ரதிபலிப்பதாகக் கூறுகின்றன.

காரணம் - ஏசுவும் பாரதத்தின் ஆன்மீக நெறிகளைத் தானே கற்றார்?

கட்டுரை வளரும்........

Dr.M.Madeswaran

Madras - 26.1.2016

Details

Parent Category: Religion

Category: Christianity

Hits: 3562

Sakthi Foundation

என்னுள் மலரட்டும் ஏசு பிறப்பு

தனது வாழ்க்கையை முன்னுதாரணமாக மாற்றிக் கொண்டு, அதன் மூலம் மக்களின் முன்னேற்றத்துக்கும் முழு மொத்த சமூஹத்தின் நலமான மாற்றத்துக்கும் காரணமான மனிதன் ”அவதார புருஷன்” ஆகிறான்.

தன்னலம், ஆணவம் இன்றி தூய அன்பாலும் மரியாதையாலும் யாவையும் அனைத்து உயிர்களையும் மதித்து சேவை செய்து அதை பரமசத்தியத்திற்கே செய்யும் சேவையாக வாழ்பவன் அவதார புருஷன்!

அவதார புருஷர்கள் தாம் வாழும் காலம், இடம், மக்கள், இயற்கை, அரசியல், சமயம் ஆகியவற்றின் பிணைப்புகளுக்கு ஏற்ப தன் சேவையைச் செய்வர்.

ஆனால் மனித குலத்தின் முழுமொத்த பரிணாமத்திற்கு இவர்கள் காரணம் ஆவர்.உலகம் எங்கும் இவர்கள் தோன்றலாம்.

பரம சத்தியத்தைத் தன்னுள் உணர்ந்தும், அனைவருள்ளும், அனைத்துள்ளும், அனைத்து ஜீவனுள்ளும் இவர்கள் உணர்ந்து வாழ்வர்.

ஸ்ரீராமன், கண்ணன், ஆதிசங்கரர், ராமானுஜர், புத்தர், மஹாவீரர், வள்ளலார், நபி, குருநானக், ஏசு ஆகிய பலர் அவதார புருஷர்கள் ஆவர்.

ஏசு பிரான் அரசியல் மற்றும் சமயச் சூழலில் சிக்கல்களும் ஏகாதிபத்யமும் நிலவிய காலத்தில் மத்திய மேற்கு உலகில் தோன்றினார்.

மிக எளிய தச்சர் குடும்பத்தில் அவர் அவதரிக்கிறார்.

அன்னை மேரி தன் 33 வயது மகனை மனித குலத்தின் முன்னேற்றத்துக்காகத் த்யாகம் செய்தவர்.அவர் ஒவ்வொரு த்யாக உள்ளத்தின் சின்னம்.

அவர் எண்ணியிருப்பின் தன் மகனை அரசின் தண்டனையில் இருந்து காப்பாற்றி வேறு தேசம் சென்று இருக்க முடியும்.

சத்தியத்தின் தலைநிமிர்வுக்காக அவர் அங்ஙனம் செய்யவில்லை.

ஏசுவின் பிறப்பைக் குறிக்கும் வால் நக்ஷத்ரம் உயர்ந்த ஞானப்பேரொளியின் சின்னமே.மிக உயர்ந்த தன்னலமற்ற தலைமைப் பண்பின் அடையாளமும் மூட.

அவரது மாட்டுத் தொழுவப் பிறப்பு தலைப்பண்பின் எளிமையைக் குறிக்கும்.

அவரது சிலுவை மன்னிக்கும் தயையையும் ஏற்றுக் கொள்ளும் மஹா மனோபாவத்தையும் சுட்டுகிறது.

கிறிஸ்துவின் வருகையைக் கொண்டாடி வரவேற்கும் மரமோ முழுமையான த்யாகத்தின் சின்னமே.அதன் பரிசு? மிக உயர்ந்த ஆன்மீகப் பேரின்பம் ஆகும்.

அன்பு, அஹிம்சை, மரியாதை, ஏற்றல், புரிதல், மன்னித்தல், சகிப்புத் தன்மை ஆகியன மீண்டும் 2015 காலகட்டத்தில் சற்று ஆட்டம் காணும் இவ்வேளையில் ஏசுவின் பிறப்பு இக்குணங்கள் மூலம் நம்முள் மலரட்டும்!

ஆமென்!

சக்தி பெளண்டேஷன்

சென்னை.

Details

Parent Category: Religion

Category: Buddhism

Hits: 3533

Sakthi Foundation

போதியின் கீழ் பரிணமித்தவர்

தெளிந்த ஞானத்தின் மூலம் தன்னை யார் என்று உணர்ந்த தன்மைக்கு ”புத்த” என்று பெயர்.அத்தன்மையை அடைந்த சித்தார்த்த கெளதமர் என்ற இளவரசன் புத்தர் ஆனார்.இத்தன்மையை உலகில் யார் வேண்டுமானாலும் - மதம்-மொழி-சாதி-குலம்-தொழில்-பால்-இனம்-நாடு வேறுபாடு இன்றி அடைய முடியும் என்பதையே புத்தர் பலவழிகளில் தன் வழிகாட்டுதல்கள் மூலம் உலகிற்கு உணர்த்தினார்.

புத்தர் வாழ்ந்த காலத்தில் வேத வழியில் உள்ள சமயங்களை ஒரு குறிப்பிட்ட சாதி மக்கள் தங்கள் கைவசம் எடுத்துக் கொண்டு அதன் மூலம் சுயநலத்துடன் அரசியல்-பொருளாதார-பதவி-பட்ட-செல்வாக்கினைத் தேடினர்.

சாதிப் பாகுபாடுகளும், அதை ஒட்டிய பல தனிமனிதக் கொடுமைகளும், அவமதிப்புகளும், மிகவும் கண்மூடித் தனமான மூட நம்பிக்கைகளும் புத்தர் வாழ்ந்த காலத்தில் நாட்டில் மண்டிக்கிடந்தன.

 ஏன்- எப்படி - எதற்கு என்று பகுத்தறிவுடன் ஆராயாமலும், புரிதல் இல்லாமலும் வெற்றுச்சடங்குகளில் மக்கள் ஈடுபட்ட காலம் புத்தர் வாழ்ந்த காலம்.

வழிபாடு, சமயம், ஆன்மீகம், பக்தி, சேவை, சடங்கு இவை அனைத்தும் தன் இஷ்ட காம்யார்த்தங்களை மட்டும் பூர்த்தி செய்து கொண்டு, புலன்களால் போகானுபவ சுக வாழ்வை அடையவே மக்கள் அவற்றைப் பயன்படுத்த மதவாதிகளால் வழிகாட்டப்பட்ட காலம் அது.[அதுவே இன்றும்]

வேதாகமங்களின் மூலம் பண்டைய மஹரிஷிகள் எடுத்துரைத்த உயர்ந்த சத்யப்பொருள்களை மதவாதிகள் மறைத்த காலம் அது.அதை உள்ளது உள்ளபடி விளக்கக் கூடிய விழிப்புணர்வு இல்லாமல் தன்னிஷ்டப் போக்கில் குருமார்களும் ஆன்மீக ஆச்சாரியர்களும் உபதேசித்தும் பதிவுகள் செய்தும் வாழ்ந்த காலம்.

மன்னர்களும் மக்களும் மண் - பெண் - பொருள் - புலன் சுகம் என்றவற்றிலேயே குறி வைத்த காலம்.பலிகளும் போர்களும் அதன் பெயரில் மலிந்து கிடந்த காலம்.

ஒரு சமுதாயத்தில் அதிகம் எது தீமையை ஏற்படுத்துமோ அதைக் கையில் எடுத்துக் கொண்டு, அதைத் திருத்தி அமைத்து மக்களுக்கு வழிகாட்ட காலம் காலமாக சமூஹ ஆர்வலர்கள், புரட்சியாளர்கள், தன்னலமற்ற ஆன்மீகப் பெரியோர்கள் வருகிறார்கள்.அதைப் போல் தான் நம் புத்தரும் அவர் காலத்தில் வாழ்கிறார்.

உயர்ந்த சத்தியப் பொருளை எடுத்துக் கூறிய சான்றோர்களுக்குப் பின் வந்தவர்கள் தங்களுக்கு ஏற்ப அவற்றை மாற்றிக் கொண்டு இருப்பதைக் காண்கிறோம்.

புத்தர் பெருமானின் வரலாற்றை எழுதிய காலத்தில் அவர் தெய்வமாக மாறி இருக்கிறார்.இதே நிலை தான் ஸ்ரீராமன், ஸ்ரீக்ருஷ்ணன் ஆகியோருக்கும் நேர்ந்தது.எதார்த்த வாழ்க்கையில் மனிதனுடன் அவர்தம் வாழ்வியல் உண்மைகள் தொடர்பு படுத்தப் படுதல் மிக மிக அவசியம்.இல்லையென்றால் அவர்களை மனிதன் புரிந்து கொள்ள முடியாமல் போய்விடும்.

திரைப்படத்துக் கதாநாயகன் வேலையை அவர்கள் செய்ய வரவில்லை.அதைப் போல் அவர்களை வர்ணிப்பதால் அவர்களுக்கு என்ன பயன்?

அவர்கள் சொன்னபடி வாழ்ந்த உண்மையை இக்கால மக்களின் எதார்த்தவியலுடன் தொடர்பு படுத்திடாவிடில் மனிதனுக்கு அது வெறும் ஒரு ரசனைக் கதையாகத் தான் இருக்கும்.அது நம் வேலையல்ல.

”என்னை என் நலனுக்காக மாற்றிக் கொள்ள வேண்டும்” என்ற ஒரு தனிமனிதனின் நான்மீக எண்ணமான விதையே அவனைச் சேர்ந்த சமூஹத்தின் மாற்றத்துக்குக் காரணம் ஆகிறது.

உயர்ந்த ஆச்சாரிய சான்றோர்கள் தம் கருணையால் ஓரளவுக்கு புத்தபெருமானின் வாழ்வியல் இக்காலத்தில் நமக்கு எங்கு ஏன் எதற்குத் தேவை என்பதை உணர்த்தினர். அதன் அடிப்படையில் இச்சரிதத்தை மீண்டும் Uni5 முறையில் எழுதுகிறோம்.

மாதவியும் மணிமேகலையும்

தன் நாயகன் கோவலன் மறைந்த பிறகு மாதவி தன் பதினெட்டு வயது அழகிய மகள் மணிமேகலையுடன் புத்த சமயத்தில் சேர்ந்து துறவியானாள் என்று மணிமேகலை கூறுவதைக் கேட்டு மீண்டும் மீண்டும் என் மனம் ஆழ்ந்த சிந்தனையில் ஊறியது.

அவள் ஏன் அவ்வாறு செய்தாள்?

உன்னத மணியைக் கடலில் இழந்தது போல மக்கள் அச்செய்தி கேட்டுத் தவித்தனர் என்பது உண்மை!

அழகிய மகள், உயர்ந்த சோழ தேசத்து அரசவை நர்த்தகிப் பதவி, தாய், தோழி, செல்வம், மக்களின் மதிப்பு என வாழ்ந்த மாதவி ஏன் துறவி ஆனாள்? அது வெறுத்த துறவித் தன்மையா? இல்லை! இல்லைவே இல்லை!

கண்ணகியின் சரிதத்தினை மிகவும் விஸ்தரித்துப் பேசலாம்.மாதவியின் சரிதம் விரைவில் முடிந்த குறுங்கதை போன்றது.காரணம் அவள் புத்த நெறியின் மூலம் வாழ்வின் உயர் சத்தியத்தைத் தேடும் பணியில் தன்னை ஈடுபடுத்தினாள்.அத்தோடு மனிதம் முடிகிறது.இதுவே வேத வழிச் சத்தியப்பொருள் கூறும்.

அழகும், செல்வமும், பதவியும், போகமும் நிலையில்லாதவை என்பதை அவள் உணர ஆரம்பித்தாள்.

தன் மகளைச் சோழன் மகன் விரும்பினாலும், அவனால் மணந்து கொண்டு இல்லறம் செய்யத் தன் கணிகையர் குலம் ஒரு தடையாகும் என்பதையும் உணர்ந்தாள்.

மணிமேகலையைப் பெற்றுப் பதினெட்டு ஆண்டுகள் கோவலனுடன் வாழினும் அவளுக்குக் ”கோவலனின் மனைவி” என்ற நிலை இன்றும் சமுதாயத்தில் கிடைக்கவில்லையே! அவள் ஒரு ஆசை நாயகி தானே!

என்ன ஆயினும் இப்பிறப்பில் தனக்கும் தன் சந்ததியினருக்கும் வேறு மாற்றம் இல்லை என்பதை மாதவி மிகவும் ஆழ்ந்த அனுபவங்கள் மூலம் உணர்ந்தவள்.

பட்ட அனுபவம் மூலம் தனக்கும் தன் வாரிசுக்கும் அவள் சாதாரண மனித வாழ்வில் இருந்து விலக்கு தர எண்ணினாள்.

அறவண அடிகள் என்ற புத்த சமய ஆச்சாரியரின் வழிகாட்டுதலில் உண்மையான தர்மம் என்பது என்ன என்பதை அவள் அறிந்தாள்.

உடனே துறவு பூண்டாள்.அது ஒரு நொடியில் எடுத்த உணர்ச்சி பூர்வமான முடிவே அல்ல.

இம்முடிவை மணிமேகலை ஏற்க அவளது வயது ஒரு தடையாகும்.ஆனால் அவளை வலுக்கட்டாயமாக மாதவி துறவில் ஈடுபடுத்தினாள்.ஆனால் தாயின் பல தனிமனித ப்ரச்சனைகளை மணிமேகலைக் காண்கிறாள், அறிகிறாள், சிந்திக்கிறாள்.அதனால் தான் துறவறத்தை ஏற்றுக் கொள்கிறாள்.

கசாப்புக்கடை ஆடுகளா நாம்?

கசாப்புக் கடையில் தன் இனம் கண்முன் வெட்டப்படுவதைக் கண்டு, தனக்கும் அடுத்த சில நிமிடத்தில் இதே கதி என்று உணர்ந்து தப்பிக்கத் தெரியாமல் ஆடு புல் உண்பதைப் போல், மனித வாழ்வில் படும் இன்னல்களைப் பற்றித் தெரிந்தும் அதைத் தீர்க்கும் வழி அறிந்து அதில் போகாமல் மனிதன் உழல்வது எத்தனை முட்டாள் தனம்?

அதே முட்டாள் தனத்தைத் தான் மேலும் செய்யக் கூடாது, தன் மகளும் செய்யக் கூடாது என்றே தப்பித்த ஆடாய்.... மாதவி வாழ்க்கையின் கூர்வாளின் வீச்சில் இருந்து தர்ம நெறி வாழ்க்கைப் பாதையில் தப்பித்து விடுகிறாள்.

மனிதனின் அனைத்துத் துயரங்களுக்கும் ஆசை தான் காரணம் என்ற சத்தியத்தை புத்தர் கண்டறிந்தார் என்கிறோம்.அவ்வாசையை அகற்ற அவ்வாசையின் விளை நிலமாம் மனம் என்ற வயலை அல்லவா கண்காணிக்க வேண்டும்? மனமாற்றத்துக்கே உயர்ந்த தர்மநெறிகள் வேதங்கள் மூலம் காட்டப்பட்டன.அவை மறை பட்டன.புத்த பகவான் அதை மீண்டும் வெளிக்கொணர்ந்தார்.

அதை அறிந்த மாதவி மணிமேகலையுடன் துறவு கொண்டு மனதை வேறுவழியில் செலுத்தினாள்.

புத்தரை இக்காலத்தில் நாஸ்திகவாதிகள் கையில் தங்கள் ”தெய்வம்” என எடுத்துக் கொண்டு உள்ளனர்.

புத்தர் என்னும் பள்ளி முதல்வர்...

ஒரு பள்ளிக்கூடம்.தேர்வு நெருங்குகிறது.ஆனால் யார் சொல்லியும் கேட்காமல் மாணவர்கள் சதா ஆட்டம் பாட்டம் விளையாட்டு என்று காலம் கழித்தனர்.ஒரு நாள் பள்ளி முதல்வர் அவர்தம் கொட்டத்தை அடக்கினார்.விளையாட்டுப் பொருட்களை எடுத்துத் தன் அறைக்குள் பூட்டினார்.மாணவர்கள் படிப்பில் கவனம் செலுத்த ஆரம்பித்தனர்.

இதே கதி தான் புத்தர் வாழ்ந்த காலத்தில் மக்களுக்கும் அவர் செய்தார்.சதா சமயங்களை வாதத்துக்கும், பொருளுக்கும், பதவிக்கும், தன்னல ஏற்றத்துக்கும் பயன்படுத்தி வந்த சமுதாயத்தில் அவர் சில உண்மைகளைப் பூட்டி வைத்தார்.தெய்வம் என்ற பெயரில் ஏற்படும் சீர்கேடுகளை மாற்ற அவர் முடிவு செய்தார்.

”எனது ஏற்றத்தாழ்வுகளுக்கு நானே காரணம்” - ”தீதும் நன்றும் பிறர் தர வாரா” என்ற உயர்ந்த உண்மையையே புத்தர் மிகவும் அடிப்படையாக மக்களுக்கு உணர்த்த முயன்றார்.

”எனது தனி மனித மாற்றங்களுக்கு தெய்வத்தை இடையில் நிறுத்தக் கூடாது” என்பதை அவர் உணர்த்தினார்.

”தெய்வம் என்ற ஒன்றின் அடிப்படையில் மனிதனின் சுயநலமான செயல்கள் இயங்கவே கூடாது” என்பதை உணர்த்த முயன்றார்.

வெறுமனே சமயச்செயல்களால் வாழ்க்கை மாறும் என்று நம்பிக்கை கொண்டு, உண்மையாக மனதை தெய்வீகத்தில் மக்கள் நெறிப்படுத்தாமல் இருக்கும் தன்மையை இன்றும் காண்கிறோம்.இதையே புத்தர் எதிர்க்கிறார்.

வெறுமனே ஒரு கோயிலுக்குப் போவதால் தன் வாழ்க்கை மாறிவிடும் என்ற கண்மூடித்தனமான பக்தியை புத்தர் மறுக்கிறார்.

அவர் வேதங்களுக்கு எதிரானவர் அல்ல.வேதங்கள் என்றால் வடமொழியில் எழுதப்பட்ட நான்கு வேதங்களை உடனே கண்முன் கொண்டு வராதீர்.சத்தியத்தை உணர்த்தும் உண்மையான வாக்கே வேதம்.அதை நம் தேசத்தில் மஹரிஷிகள் உணர்ந்து தெளிந்தனர்.உதாரணத்துக்கு நம் திருக்குறளை எடுத்துக் கொள்க. அதில் உள்ள வாழ்வியல் உண்மைகளை யாரும் மறுக்கவே முடியாது.ஆனால் திருக்குறளுக்கு உரை எழுத முற்படும் நாஸ்திகன் கடவுள் வாழ்த்தை ஒதுக்குவதும், குடிப்பவன் கள்ளுண்ணாமையை ஒதுக்குவதும், அசைவ ப்ரியர்கள் புலால் மறுத்தல் அரிகாரத்தை ஒதுக்குவதும் எப்படி ஏற்றுக் கொள்ளப்படும்?

அவர்கள் மேற்கண்ட அதிகாரங்களை விடுத்து வெறும் ரசிப்புத் தன்மையால் பிற அதிகாரங்களுக்குப் பலநூறு பக்கங்கள் உரை செய்யினும் வீணே!

அதே போல் தான் அனைத்திற்கும் மூல காரணமான ஒரு உண்மை உள்ளது என்பதை வேதம் சொல்ல, அதை புத்தர் மறுத்தால் அது உண்மை அல்லவே!

ஆனால் அவ்வுண்மையை தெய்வீகத் தோற்றங்களாக உருவகம் செய்வதையும் அவையே உண்மை என்பதையும் அவர் மறுத்தார்.

நாம் பார்த்து மகிழ்வது போன்ற தெய்வத்தை அவர் மறுத்தார்.

ஆனால் மூல காரணத்தை அவர் மறுக்கவில்லை.

ஆனால் அதே வேளை அவர் அதைப்பற்றி வெளிப்படையாக எடுத்துரைக்கவில்லை.

காரணம் அவரவர் அதை அனுபவிக்க வேண்டும்.

சர்க்கரை என்பதைத் தாளில் அழகாக எழுதி நக்கினால் இனிக்குமா?

அடுப்படியில் சென்று அதைக் கையால் எடுத்து வாயில் இட்டால் தான் அதன் சுவை அனுபவத்தால் சுகம் தரும்.

தர்மத்தின் உண்மையும் அதே போல் தான்.

புத்தரிடம் நம் கேள்விகள்..

தர்மத்தின் எல்லைக் கோடு எது?

தன்னை யார் என உணர்த்தல்.

அவ்வாறு உணர்வதால் என்ன ஆகும்?

தனக்குள் உள்ள மூலகாரணம் புரியும்.

அதை உணர்ந்தால்?

மனம் ஒருமுகமாகும்.

மனம் ஒருமுகமானால்?

தேவை அற்ற எண்ணங்கள் மனதில் எழாது.எழுந்தாலும் ஞானத்தால் அவை விலக்க மனிதன் பக்குவப்படுவான்.

தேவையற்ற எண்ணங்கள் விலகினால்?

ஆசைகள் விலகும்.

அப்போது?

எண்ணத்தை நிறைவேற்றும் வினைச்செயலை மனிதன் செய்ய மாட்டான்.

வினையை அறுப்பது என்பது வெறுமனே மனிதன் சும்மா இருப்பதா?

இல்லவே இல்லை! தன்னலம் சாரா வினைகளை மனிதன் செய்தே தீர வேண்டும்.

தனக்கும் தன் குடும்பத்துக்கும் சமூஹ மேம்பாட்டுக்கும் சுயநலச்சிந்தனை இல்லாமல் மனிதன் வினை செய்ய வேண்டும்.

அவ்வாறு செய்தால்?

சுக துக்கங்களை சமச்சீராகப் பார்க்கும் தன்மை ஏற்படும்.

அதனால் என்ன ஆகும்?

இன்ப-துன்ப உழல்ச்சி மனிதனுக்கு இல்லை

இன்ப-துன்பங்கள் உழல்ச்சி இல்லாத போது மீண்டும் ஒரு பிறவி இல்லை.

ஏன்?

எண்ணத்தால் இச்சையால் அதை சுகிக்க மனிதன் பிறவி எடுக்க வேண்டும்.

எண்ணமற்ற இச்சையற்ற வினையற்ற ஏதும் இல்லா நிலை தான் நிர்வாணம்-அம்மணம்-எல்லாவற்றையும் கழற்றி எறிந்த தன்மை.அது தான் முக்தி!

இது அனைவராலும் முடியுமா?

அனைவருக்கும் இது ஒன்றே பொது தர்மம்.

அனைவரும் அதைச் செய்ய வேண்டும், இல்லையேல் செய்யப்பட வேண்டிய கட்டாயம் வாழ்வில் வரும்.

பாரத தேசத்தின் உயர் சின்னம்

நமது மூலத்தின் தன்மையை நம்முள் உணர்தலே தர்மம்.

அதுவே தர்மச்சக்கரம்.

அதையே புத்தர் உருட்டுகிறார்.

இது குறியீடு, அதையே மாமன்னர் அசோகர் வடிவமைத்தார்.

உலகின் உயர்ந்த மனித தர்மத்தை எடுத்துக் கூறிய ஒரே தேசம் பாரதம்!

அதனால் தான் இங்கு ஞானியரும் அவர்தம் சமய வழிகளும் அதிகம்.

அதனால் தான் பாரத தேசத்தின் மூவர்ணக் கொடியில் தர்மச்சக்கரம் பொறிக்கப்பட்டது.

நீ யாராக வேண்டுமானாலும் இரு!

ஏழை-பணக்காரன், ஆண்டி-மன்னன், ஆண்-பெண்-திருநங்கை,நல்லவன்-கெட்டவர்,கற்றவன்-அறிவிலி,மேதை-மூடன்,மொழி, இனம், குலம், கோத்திரம், மதம்,இனம் - நீ எதுவாகினும் உனக்கு இது ஒன்றே தர்மம்.

புத்தர் அவதாரப் புருஷரா?

மேற்கூறிய வினா-விடையே வேத வழி.

அதையே மீட்டுருவாக்கம் செய்தார் புத்தர்.

அதனால் தான் அவர் அவதாரம் ஆனார்.

யார் அவதாரப் புருஷர்?

ப்ரபஞ்ச சத்தியத்தின் கட்டமைப்பை எவன்-எவள் தன்னுள் கண்டு தெளிந்து உணர்ந்து அதன் மூலம் மாபெரும் சமூஹ நல்மாற்றத்துக்கு வழிவகுக்கிறாரோ அவரே அவதாரம்.

அவர் மஹாவிஷ்ணுவா?

இல்லை-ஆம்

என்ன இது குழம்பம்?

சங்குச் சக்கரம் கதை தாமரை ஏந்திய மஹாவிஷ்ணுவல்ல இவர்.

பின்?

”விஷ்ணுத்வம்” என்றால் பரிபூர்ணமாய் எங்கும் யாதுவாய் வ்யாபித்திருக்கும் ஞானம் ஆகும்.

அப்போது சர்வ ஞானியாய் முழுமையான புத்தர் விஷ்ணு தானே?

தர்மம் ஒன்றே, அது பொது..

தெய்வீகமாய்த் தானே இருப்பதை உணர்த்தும் ”அஹம் ப்ரம்மஸ்மி” என்ற உயர் சத்தியத்தை உணர்த்துவதே பாரத தேசத்தின் சான்றோரின் கடமையாக இருந்தது,இருக்கிறது.அதையே ”தத்வமஸி” என்று சபரிமலையில் தர்மசாஸ்தா தன் சின்முத்ரைக் குறியீட்டால் உணர்த்துகிறார்.தர்மம் என்பது ஒன்றே! அதனால் அது பொது! அதனால் தான் அத்தர்மத்தை பாரத தேசத்தில் தோன்றிய அனைத்துச் சமயங்களும் ஏற்று வழிகாட்டுகின்றன.அதனால் தான் தர்ம சாஸ்தா இந்து-சமணம்-புத்தம் என முப்பெரும் நெறிகளிலும் உண்டு.

புத்த பெருமான் இக்காலத்தில் மிகவும் அவசியம்.சதா பொருள்களின் மோஹ அலைக்குள் சிக்கித் தன்னிலை மறந்து சுயநலத்தின் உச்சிக்குப் பரிமணித்துக் கொண்டு இருக்கும் மானுடத்திற்கு ஒரு வேகத்தடை புத்த நெறி!

பொருள்,புலன் சுகம் இதுமட்டுமல்ல வாழ்க்கை...வேறு ஒன்று உள்ளது என்பதை விளக்கம் வருகிறது புத்த நெறி.அது மீட்டுருவாக்கம் செய்யப்பட்டதைத் தவறாகப் புரிந்து கொள்ளாதீர்கள்.

வாழ்க்கையின் மிகப் பெரிய கொடும் துயரங்களால் ஞானம் வருமுன் மெதுவாக மனதை நெறிப்படுத்த முயற்சிக்க வேண்டும்.

துறவு தான் புத்தமா?

துறவு என்பது வெளிப்படையிலா? உள்ளார்ந்தா? இது அவரவர் விருப்பம்.ஆனால் துறவு என்பது நமக்கு வேண்டிய ஒரு பொருள்  இருந்தாலும் இல்லை என்றாலும் கவலைப்படாமல் அமைதியாக இருக்கும் தன்மை.இதை அவனவன் அவசியம் பயிற்சி செய்ய வேண்டும்.

கிருமிகளின் தாக்குதலில் இருந்து ஊரைக் காலி செய்யும் மக்கள் போல், அவர் காலத்தில் குடும்ப வாழ்வைக் காலி செய்து புத்த சங்கங்களில் கூட்டம் கூட்டமாய்ச் சேர்ந்தனர் மக்களும் மன்னரும்.அது அன்று தேவையாக இருந்தது.சமூஹத்தில் பாதுகாப்பு வேண்டித் துறவு பூண்ட நிலை அக்காலத்தில் அதிகரித்தது.

இன்றும் அதே துறவு நிலை உள்ளது.அதனால் தான் பல தேசங்களின் ஆன்மீகத் தேடல் மனிதர்கள் மடங்களை நோக்கிப் பயணம் செய்கிறார்கள்.இது தனிமனித இஷ்டம்.

புத்தர் வலுக்கட்டாயமாக அத்துறவை வலியுறுத்தவில்லை.

துறவுக்கும் பக்குவம் தேவை.

ஆனால் உள்ளார்ந்த துறவித் தன்மையைப் பயிற்சி செய்ய வலியுறுத்துகிறார்.

தான் கூறும் எதையும் கண்மூடித் தனமாக ஏற்கக் கூடாது என்பது புத்தரின் வாக்கு.

புத்தருக்குப் பின் புத்த மதப்பரிமாணம் துறவை வலுக்கட்டாயம் செய்து சங்கத்தில் கூட்டம் சேர்த்தது, சமூஹம் தன்னிலை தவறி imbalance ஆனது.பாரத தேசத்தின் ஆணிவேரான குடும்ப அமைப்பும், இல்லறமும் கேள்விக்குறிகள் ஆயின.மீண்டும் அவற்றைக் கொண்டு வரத்தான் தமிழகத்தில் சைவமும் வைஷ்ணமும் முற்பட்டன.

சைவமோ வைஷ்ணவமோ சமண நெறிக்கோ புத்த நெறிக்கோ சாக்கிய நெறிக்கோ எதிரியில்லை.

ஆதியில் அந்நெறியினைச் சொன்ன ஆச்சாரியர்களுக்குப் பின் அவை திரிபு பட்டன.அவற்றுக்குத் தான் எதிர்ப்பு உண்டானது.

இன்றும் இந்து சமயத்தின் பல கண்மூடித் தனமான சிந்தனைகளுக்கும் செயல்களுக்கும் நாம் எதிர்ப்புத் தெரிவிக்கிறோம் அல்லவா?ஆனால் உண்மையில் அவை மாற்றிச் சொல்லப்பட்ட அசத்தியம் ஆகும்.

புத்தர் சத்தியத்தை மீட்டுருவாக்கம் செய்து அவர் வழியில் சொன்னார்.

மனதின் அடையாளமே மனிதன்.

அம்மனதை நெறிப்படுத்துவதே கல்வி.

அக்கல்வி வெறும் பொருள் சேர்க்கும் தொழில் கல்வியாகி விட்டதால் இக்காலத் தலைமுறைகள் பாதிக்கப்பட்டு வருவதைக் காண்கிறோம்.

மனவியல் பரிணாமத்துக்கே அனைவரும் பாடுபட வேண்டும்.

புத்தர் மனம் என்ற அந்த மாபெரும் சக்தியை நெறிப்படுத்த syllabus - பாடத்திட்டம் வகுத்தார், பின்பற்றினார், உபதேசித்தார்.

எது போதி ஞானம்?

போதி மரம் என்பது அரச மரம்.அரசன் - சமூஹத்தின் உயர்ந்த தன்மையை உணர்த்துபவன்.உயர்ந்த ஞானத்தின் தன்மை போதி என்று குறியீட்டுச் சொல்லாகப் பயன்படுத்தப்படுகிறது.நிழலின் கீழ் கோடையின் கொடுமை தெரியாது.அதுபோல் போதியான உயர்ஞானம் பெற்றுவிட்டால் வாழ்க்கையின் இன்னல்கள் வாட்ட மாட்டா.

இவற்றின் அடிப்படையில் நாம் புத்தரின் வரலாற்றைக் காண்போம்.

அவருடன் நம்மைத் தொடர்பு படுத்திப் பரிணாமத்துக்கு முயல்வோம்.

மனதை நெறியாக்கும் போது அதுவே போதி ஞானம் தருகிறது.

மனதின் பக்குவப்பட்ட தன்மையே போதி ஞானம்.

அது அனைவருக்கும் உரியது.

அதையே புத்தரும் வலியுறுத்துகிறார்.

போதியின் கீழ் உட்காரவாவது முயற்சிப்போம்....

ஆசிரியர்கள்

Dr.Pradheep Challiyill - M.Sc,Ph.D - Dr.Madeswaran.M - M.A, Ph.D

Chennai, 15.1.2016 [Pongal day]

Details

Parent Category: Religion

Category: Christianity

Hits: 3150

Details

Parent Category: Religion

Category: Christianity

Hits: 3433

Sakthi Foundation

Children’s' stories from Jesus Christ life.

* மனிதன் சுயநலம் இல்லாமல் நல்ல காரியங்கள் செய்தால் தான் இறைவனிடமோ பிறரிடமோ தனக்குத் தேவையான போது வேண்டும் தகுதியைப் பெறுகிறான். சேவை என்பதே மிக உயர்ந்த சக்தி - Energy. கொடுத்தால் தான் பெற முடியும் என்ற கோட்பாட்டை ஏசுவின் வாழ்க்கையில் இருந்து குழந்தையின் மனப்பக்குவதிற்கு ஏற்ப இந்நிகழ்வுகள் அமைகின்றன. ஏசு மட்டுமல்ல எந்த மஹானின் அருளும் இந்த கொடுக்கல்-வாங்கல் அடிப்படையில் தான் அமைகின்றது. முடிந்தவரை நடித்துக் காட்டுக.

1. மண் குருவிகள் பறக்குமா?

ஏசு சிறுவனாக இருந்த போது அடிக்கடி களிமண்ணால் பல பொம்மைகள் செய்து தன் தோழர்களுடன் விளையாடுவது வழக்கம்.

ஒரு முறை அவர் அவ்வாறு விளையாடும் போது, சிலர் மண் குருவிகள் செய்ய, ஏசுவும் மண் குருவிகள் செய்தார்.

சிறுவர்கள் குருவிகள் போல் ஒலி எழுப்பியும், கையால் தூக்கிப் பறக்க வைத்தும் விளையாட, ஏசுவோ பூரண பக்தியால் இறைவனை வணங்கிக் கைகளைத் தட்ட மண் குருவிகள் பறந்து போயின.

இதைப் பார்த்த சிறுவர்களுக்கு ஏதும் புரியவில்லை.

”ஏசு! மண் குருவிகள் பறக்குமா” என்றனர்.

ஏசு, ”இறைவன் நினைத்தால் என்ன ஆனாலும் நிகழும்” என்றார்.

___________________________________________________________________________

2. மனதார வேண்டுக வீண் பேச்சை விடுக...

ஏசுவை அவரது பெற்றோர்கள் ஜெருஸலேமில் உள்ள கோயிலுக்கு அழைத்துச் சென்றனர்.

அப்போது மக்கள் எங்கு பார்த்தாலும் வேடிக்கை பார்த்துக் கொண்டு, வீண் வெட்டிப் பேச்சுக்கள் [இன்று போள் தான்] பேசிக் கொண்டும் இறை வழிபாட்டில் ஈடுபடாமல் இருப்பதைச் சிறுவன் ஏசு பார்த்தார்.

பின் ஒரு மண்டபத்தில் கூடி இருந்த சிலர் முன் அவர் கூறினார்.,

”எதற்காக நாம் இவ்வளவு சத்தம் போட வேண்டும்.சாலமன் அரசன் மாபெரும் இக்கோயிலை நமக்காக மிகவும் செலவு செய்தும் சிரமப்பட்டும் 46 ஆண்டுகள் உழைத்துக் கட்டினார்.

நாமோ வீண் பேச்சு பேசினால் அது இறைவனின் காதுகளில் விழுமோ? மனதை அமையாக்கி வாய்விட்டு மந்திரங்கள் கூறி இறைவனிடம் பேசத் தானே கோயிலுக்கு வருகிறோம்? நமக்குள் பேச வேண்டும் என்றால் தெருவிலும் வீட்டிலும் பேசலாமே? இவ்வளவு செலவு செய்து எதற்காகக் கோயிலுக்கு வர வேண்டும்?” என்றார்.

அப்போது அவரைக் காணாமல் தேடிய அவரது பெற்றோர் அங்கு வந்து, ”மகனே! எங்கே அப்பா போய் விட்டாய்?” என்று கேட்டனர்.

ஏசு, ”அம்மா! அப்பா! நான் எல்லோருக்கும் அப்பாவான கடவுளின் வீட்டில் பத்திரமாகத் தானே இருக்கிறேன்? ஏன் பயம்?” என்று கூறினார்.

_________________________________________________________________________

3. ஏதாவது நல்லது செய்தால் தான் கடவுள் அருள்வார்...

ஒரு முறை ஏசு உரு ஊருக்கு வந்தார்.

அப்போது தெருவில் ஒரு குளத்தின் அருகில் கண்கள் தெரியாத ஒரு பிச்சைக்காரனைக் கண்டார்.

அவன் பிச்சை எடுத்தாலும் அக்காசில் இருந்து நாய்களுக்கு இறைவன் பெயரைச் சொல்லி ரொட்டி வாங்கித் தருவான்.

இதனால் ஏசு அவனுக்கு உதவ எண்ணினார்.

***

ஏசு அவன் அருகில் வந்து உட்கார்ந்து அவன் கண்களைத் தொட்டார், அவன் முதலில் விடவில்லை, பயந்தான்.

பின் ஏசு மண்ணை எடுத்துக் கையில் வைத்துக் கொண்டார், உண்மையான அன்புடனும் பக்தியுடன் கடவுளின் மந்த்ரங்களைச் சொல்லி அம்மண்ணை அவன் இரு கண்களிலும் பூசினார்.

பின் அவனை அருகில் உள்ள குளத்தில் கண்களைக் கழுவச் சொன்னார்.

அவனும் கண்களைக் கழுவிட, இறைவனின் அருளால் அவனுக்குக் கண்கள் பார்வை பெற்றன.

அவன் ஏசுவுக்கு நன்றி கூறினான்.

***

4. ஜுரத்தைப் போக்கிய ஏசு...

ஒரு ஊரில் ஏசு வந்து கொண்டு இருந்தார்.

அவ்வூரில் ஒரு வீட்டில் இருந்து பலர் அழுகும் குரல் கேட்டது.

காரணம் - அவ்வீட்டில் உள்ள ஒரு சிறுமி சாகும் நிலையில் இருக்கிறாள்.

பலரும் அவளை வந்து பார்த்தனர்.

அவளுக்கு பயங்கரமான காய்ச்சல் கண்டிருந்தது.

***

ஏசு அவ்வீட்டுக்குள் சென்று, கடவுளின் பெயர்களைக் கூறி ப்ரார்த்தனை செய்து சிறுமியின் உடலை நீவிக் கொடுத்து, ”சின்னக் குழந்தையே! எழுந்திரு!” என்று கூறியவுடன், அச்சிறுமியும் மிக உற்சாகத்துடனும் புத்துணர்ச்சியுடனும் எழுந்து விட்டாள்.

எல்லோரும் ஏசுவுக்கு நன்றி கூறினர்.

அப்போது அவள் தோழிகள் கூறினர், ”ஐயா! இவள் மிக மிக நல்லவள், ஏழைகளுக்கு உணவு தருவாள், ஆடைகள் தருவாள், அப்பா அம்மாவுக்கு உதவி செய்வாள்”

ஏசு சொன்னார், ”சுயநலமின்றி இவள் உதவியதால் தான் கடவுள் இவளுக்கு ஜுரத்தை நீக்க வைத்தார்”

6. Last Supper

ஏசு இறுதியாகத் தன் சீடர்களுடன் உண்ட விருந்து.அதன் மூலம் குழந்தைகளுக்கு நாம் என்ன சொல்ல முடியும்?

* அனைவருடனும் உணவைப் பகிர்ந்து உண்க.

* உண்ணும் முன் இறைவனுக்கு நன்றி கூறிய பின் உண்க.

* கண்ட இடத்தில் நின்று கொண்டு உண்ணக் கூடாது.

* பேசிக் கொண்டு உண்ணக் கூடாது.

* உண்ணும் இடம், பாத்திரங்கள் மிகவும் தூய்மையாக இருக்க வேண்டும்.

* கீழே சிந்தி உணவை வீணாக்காமல் உண்க.

* நண்பர்கள் ஒன்று கூடி மகிழ்ந்து உண்க.

_______________________________________________________________

7. திருடியை மன்னித்த ஏசு

ஏசு தன் நண்பர்களுடன் ஒரு முறை கோயிலுக்குச் சென்றார்.

அங்கு ஓரிடத்தில் ஒரே சத்தமாக இருந்தது.

அக்கூடத்தின் நடுவில் ஒரு பெண் உட்கார்ந்து அழுகிறாள்.

எல்லோரும் அவளைக் கண்டபடி திட்டுகிறார்கள்.

ஏசு அங்கே சென்றார்.

***

அவள் ஒரு திருடி.

எப்போதும் வேலை செய்து உழைக்காமல் அவள் திருடுவது வழக்கம்.

திருட்டுப் பணத்தில் அவள் அழகிய உடைகள், உணவு வாங்கிக் கொள்வதும் வழக்கம்.

இன்று மக்கள் அவள் கோயிலில் திருட வந்த போது பிடித்து விட்டனர்.

***

ஏசு அவளைப் பார்த்தார்.

அவளும் ஏசுவைப் பார்த்து அவர் முன் மண்டியிட்டு அழுதாள், தன் தவற்றை உணர்ந்து அழுதாள்.

***

அப்போது மக்கள் அவளைக் கல்லால் அடிக்க முன் வந்தனர்.

அப்போது ஏசு, ”உங்களில் யார் எவ்விதத் தவறும் செய்யவில்லையோ அவரே முதல் கல்லை இவள் மீது எறியலாம்” என்று கூறினார்.

***

நாம் எல்லோரும் ஏதோ ஒரு தப்பு செய்து தானே இருக்கிறோம்?

இதைக் கேட்டு மக்கள் அவ்விடத்தை விட்டு அகன்றனர்.

அவளும் அவரிடத்தில் மன்னிப்பு கேட்டு, தான் இனிமேல் திருடப்போவதில்லை, வீட்டு வேலைகள் செய்து உழைப்பதாகக் கூறினாள்.

ஏசு அவளை மன்னித்தார்.

***

”என்னை ஏன் மன்னித்தீர்கள்?” என்று அவள் கேட்டாள்.

”மன்னித்தால் மீண்டும் தவறைச் செய்ய மாட்டாய்.” - என்றார் ஏசு.

­­­­­­­­­­­­­­­­­­­­­­­­­­­­

8. ”நீ செடிக்குத் தண்ணீர் ஊற்றினாய், உனக்குத் தண்ணீர் நான் ஊற்றுகிறேன்”

ஒரு முறை ஒரு மனிதனைக் காவலர்கள் பிடித்துக் கொண்டு சென்றனர்.

அவன் எவ்விதத் தப்பும் செய்யவில்லை, ஆனாலும் அவனைத் திருடன் என்று எண்ணிப் பிடித்தனர்.

அவனைச் சாட்டையால் அடித்து வெயிலில் ராஜா முன் கூட்டிச் சென்றனர்.

அவனுக்கோ வெயிலில் மிக மிகத் தண்ணீர்த் தாகம் ஏற்பட்டு மயக்கமே வந்து விட்டது.

”ஐயோ யாராவது தண்ணீர் தாருங்களேன்” என்று அவன் கத்தித் கதற ஆரம்பித்தான்.

***

பலர் அவனுக்குத் தண்ணீர் தர வரக் காவலர்கள், ”ஏய், இவன் கெட்டவன், திருடன் தண்ணீர் தந்தால் உங்களை அடிப்போம்!” என்று மிரட்டினர்.

ஆனால் அப்போது ஏசு மிகவும் தைரியமாக ஒரு சிறிய மண் குவளையில் தண்ணீர் கொண்டு வந்தார்.

”ஏய் போயா, அவன் அருகில் வராதே, தண்ணீர் தராதே!” - என்று காவலர் கத்தினர்.

ஏசு அதைக் கணு கொள்ளவே இல்லை, மிகவும் அமைதியாக தைரியத்துடன், ”தண்ணீரைக் குடிக்க பூமி மீது அனைத்து உயிர்களுக்கும் உரிமை உண்டு, தண்ணீர் எல்லோருக்கும் பொது, தடுக்காதே, தடுத்தால் நீ தண்ணீர் இல்லாமல் ஒரு நாள் செத்து விடுவாய்!” என்று கூறி அவனுக்கு வாயில் தண்ணீரை ஊற்றினார்.அவனும் அவரைக் கையெடுத்துக் கும்பிட்டான்.

இம்மனிதன் பலருக்குத் தன் ஊரில் தண்ணீர் தந்துள்ளார், வாடிய செடிகளுக்குத் தண்ணீர் ஊற்றியுள்ளார்.

9.கிணறு நிறையத் தண்ணீர்

ஒரு முறை ஏசு பாலைவனம் வழியாகச் சென்று கொண்டு இருந்தார்.

அப்போது அவருக்கு மிகவும் தண்ணீர்த் தாகம் உண்டானது.

அப்போது அங்கு சின்ன ஒயாஸிஸ் இருப்பதைக் கண்டார்.

அதில் ஒரு சிறிய கிணறும் இருக்கிறது.

அதில் சில பெண்கள் தண்ணீர் இரைத்துக் கொண்டு இருக்கிறார்கள்.

ஏசு அவர்களிடம் தண்ணீர் வேண்டினார்.

***

”ஐயா! நீங்கள் வேறு ஊர்க்காரர், நாங்கள் வேறு ஊர், தண்ணீர் தர மாட்டோம்” என்கிறார்கள்.

”அம்மா! நாம் எல்லோரும் ஒன்று தான், தண்ணீர் தாருங்கள்!” என்றார்

”ஐயா! நாங்கள் மிகத் தொலைவில் இருந்து வந்து ஒரு குடம் தண்ணீர் தூக்கிச் செல்கிறோம், தர மாட்டோம்!” - பெண்கள்

அப்போது அவர்களுள் ஒரு பெண், ”ஐயா! தண்ணீர் எல்லோருக்கும் வேண்டும், இதோ நான் தருகிறேன், வாருங்கள்!” என்று ஏசுவுக்குத் தண்ணீர் இரைத்துக் கொடுத்தாள்.

ஏசு அவளுக்கு நன்றி கூறிச் சென்று விட்டார்.

10. இடையன் பேச்சைக் கேட்காத ஆடுகள்

ஏசு ஒரு பெரிய மலைப் பகுதிக்குத் தன் நண்பர்களுடனும் ஊர் மக்களுடனும் குழந்தைகளுடனும் சென்று காற்று வாங்கிக் இயற்கையை ரசித்தார்.அப்போது ஒரு இடையன் ஆடுகளை மேய்த்துக் கொண்டு வந்தான்.அவற்றுள் சில ஆடுகள் அவனுக்குப் பின்னால் வராமல் தன் இஷ்டப்படி மலை மீது எங்கெங்கோ சென்றன.அவனும் அவற்றை எவ்வளவோ அடக்கியும் அவை அவன் பேச்சைக் கேளாமல் வெகுதூரம் செல்ல, திடீரென நிறைய நரிகள் ஆடுகளைத் துரத்தின, ஆடுகளும் பயந்து போய் கத்திக் கொண்டே தப்பி ஓடின.

அதைப் பார்த்த ஏசு இறைவனை வேண்டிக் கொண்டு நரிகளிடம் இருந்து ஆடுகளைக் காப்பாற்றினார்.இடையனும் நன்றி கூறினார்.

____________________________________________________________________________

11. திராட்சை ஜூஸாக மாறிய தண்ணீர்....

ஒரு முறை ஏசுவின் உறவினர் வீட்டுக் கல்யாணம் நடந்தது.

மிகவும் அதிக அளவில் உறவினர்கள் வந்தனர்.

அனைவருக்கும் திராட்சை ரசம் [grape juice] வழங்கப்பட்டது.

ஆனால் ஒரு கட்டத்தில் ஜூஸ் தீர்ந்து விட்டது.

விருந்தினர்களோ பலர் ஊரில் வாழும் ஏழைகள்.

அவர்கள் மிகவும் பசியுடனும் சாப்பிடும் ஆசையுடனும் வெயிலுக்கு ஜூஸ் கேட்கிறார்கள்.

என்ன செய்வது?

***

ஏசுவின் அம்மா மேரி அவரிடம் வந்து இதைக் கூறினார்.

ஏசு தன் நண்பர்கள் இருவரை அழைத்தார், ஜூஸ் தயாரிக்கும் பானையில் தண்ணீர் ஊற்றச் சொன்னார்.

இறைவனை வணங்கினார், தண்ணீர் ஜூஸாக மாறியது, ஜூஸ் கேட்ட அனைவருக்கும் அது தரப்பட்டது.

***

மேரி இதைப் பற்றிக் கேட்ட போது,

Details

Parent Category: Religion

Category: Jainism

Hits: 3931

Sakthi Foundation

மதுரையைச் சுற்றியுள்ள சமணக் கல்வெட்டுகள்

1. மதுரை மாங்குளம் சமணக் கல்வெட்டுகள் கூறும் அறப்பணிகள்

தமிழ் மொழியில் மிகவும் பழமையான எழுத்து வடிவங்கள் இன்று கல்வெட்டுகள் மூலமே கிடைக்கின்றன.மதுரையைச் சுற்றி அமைந்துள்ள குன்றுகளிலும் கல்பாறைகளிலும் உருவாக்கப்பட்டுள்ள சமண சமயத்தின் கல்வெட்டுக்களே அவை.அவற்றின் மூலம் இக்கால மக்கள் எதை உணர வேண்டும் என்பதை Pallikoodam என்ற தலைப்பின் கீழ் பதிவாக்கியுள்ளோம்.

அக்கல்வெட்டுக்களையும் அதன் கருத்தையும் இப்பகுதியில் தருவதன் மூலம் நாளை கல்வெட்டுக்கள் மீது ஆர்வம் ஏற்படும்.கல்வெட்டுகள் வரலாற்றின் பதிவேடுகள்!

பெரும்பாலும் கல்வெட்டுகள் ப்ராமி என்ற எழுத்து வடிவத்தில் அமைந்துள்ள தமிழ்க் கல்வெட்டுகள் ஆகும்.பிற்காலத்தில் ஆங்காங்கே சில கன்னடக் கல்வெட்டுகளும் உள.

மாங்குளம் - மதுரையின் வடகிழக்கில் 20 km தொலைவில் உள்ளது.அவ்வூரில் ஓவாதுமலை அல்லது கழுகுமலை அமைந்துள்ளது.கி.பி 1882ல் ஆங்கிலேயர் ராபர்ட் சீவல் இம்மலையில் உள்ள சமணக்கல்வெட்டுகளைக் கண்டுபிடித்தார்.காலத்தால் மிகவும் மூத்த கல்வெட்டுகள் இவை [கி.மு 3].மொத்தம் 34 கல்படுக்கைகள் உள்ளன.

மாங்குளம் சமணப்பள்ளிக்கு உதவி செய்தவர்கள் ஒரு ஆசானுக்கு வெவ்வேறு சமயத்தில் உதவியுள்ளனர்.ஒவ்வொரு கல்வெட்டையும் வேறு வெட்டுவான்கள் அடித்துள்ளனர்.

1. கணிய் நந்த அ ஸிரிய் இ குல் அன்கேதம்மம் இத்தா அ

நெடுஞ்சழியன் பண அன் கடல் அன் வழுத்திப்

கொட்டு பித்த அ பளி இய்

என்ன அர்த்தம்?

பாண்டியன் நெடுசெழியனின் அரசாங்க அலுவலன் கடலன் வழுத்தி என்பவன், கணிநந்த ஸ்ரீகுவன் என்ற சமண குருவுக்குத் தன் ஊருக்கு சேவை செய்ய உருவாக்கிக் கொடுத்த பளி [சமணப்பள்ளி]

* அரசாங்கத்தின் சம்பாத்தியம் பெறும் அலுவன் சமூஹத் தொண்டு செய்ததற்கு ஒரு உதாரணம் இது ஆகும்.

* பளி - இது பாலி மொழிச் சொல், சமணர் சேவை செய்ய உருவாக்கப் பட்ட ஸ்தலம், இதுவே பள்ளி ஆனது.சமணரின் கல்படுக்கைக்கும் பள்ளி எனப் பெயர் உண்டாம்.அதனால் தான் பள்ளிகொள்ளுதல், பள்ளி உணர்த்துதல், பள்ளி எழுச்சி, பள்ளி அறை ஆகிய வார்த்தைகள் உருவாயின.

* கொட்டுப்பித்த - கல் மீது உளியை அடித்து [கொட்டி] உருவான

_______________________________________________________________________________

2. கணிய் நந்த ஸிரிய குஅன் தமய் ஈதா நெடுஞ்செழியன்

ஸாலகன் இளஞ்சடிகன் தந்தைய் சடிகன் சேஇய பளிய்

என்ன அர்த்தம்?

பாண்டியன் நெடுஞ்செழியனின் சகலை [co-brother] இளஞ்சடிகன்.அவனுடைய தந்தையின் பெயர் சடிகன்.அவனும் கணிநந்த ஸ்ரீகுவன் சமண குருவிற்கும் அவரது குழுவுக்கும் இப்பள்ளியை உருவாக்கிக் கொடுத்தான்.எனவே இது சிலரது கூட்டி அறப்பணியே ஆகும்.

* சாலகன் - சகலப்பாடி

___________________________________________________________________________________

3. கணி இ நத ஸிரிய்குவன் வெள் அறைய் நிகமது காவிதிஇய்

காழிதிக அந்தை அஸீதன் பிண உ கொடுபிதோன்

என்ன அர்த்தம்?

மாங்குளத்துக்கு அருகில் உள்ள இன்றைய வெள்ளரிப்பட்டிக்கு முற்காலப் பெயர் வெள்ளறை.அவ்வூரின் வாழ்ந்த ஒரு பெரிய வியாபாரக்குழுவின் தலைவன் அந்தை அஸீதன்.

காழிதிகன் - அவன் முத்துப் பரிசோதனை செய்பவன் ஆவான்.

நிகமம் - வணிகக்குழு

அவன் மிகச் சிறந்த அளவில் வியாபாரம் செய்ததால் பாண்டியரிடம் இருந்து காவிதிப் பட்டம் பெற்றுள்ளான்.

இவனும் கணிநந்த ஸ்ரீகுவன் சமணாச்சாரியாருக்கு பள்ளி அமைப்பதில் நிதி உதவி செய்துள்ளான்.

பிண உ - குகை

_______________________________________________________________________________________

4. சந்தரிதன் கொடுபிதோன்

சந்தரிதன் என்ற தனிமனிதன் செய்த உதவி

_______________________________________________________________________________________

5. வெள் அறை நிகமதோர் கொடி ஓர்

வெள்ளறை ஊரின் மற்றொரு வணிகக் குழுவின் நிதி உதவி

_______________________________________________________________________________________

2. அரிட்டாப்பட்டிக் கல்வெட்டுகள்

மதுரையில் இருந்து திருச்சி செல்லும் தேசியநெடுஞ்சாலையில் மேலூர் வரும்.அவ்வூருக்கு முன் அரிட்டாப்பட்டி அமைந்துள்ளது.மதுரை - அரிட்டாப்பட்டி 20Kms.

ஊரின் பெயர்க்காரணம்:

சமணஅ சமயத்தின் குருமார்களான தீர்த்தங்கரர்கள் மொத்தம் 24.அவர்களுள் 23வது மஹான் அரிட்டநேமி.அவரது வழிகாட்டலின் கீழ் வந்த குருமார்கள் இவ்வூரின் கண் பள்ளி அமைத்து சேவை செய்ததால் அரிட்டாப்பட்டி என்று பெயர் வந்துள்ளது.

அரிட்டாப்பட்டிக்கு மேற்கில் இளமைநாயகி புரம் என்ற ஊர் உள்ளது.

அதற்கு அருகில் கழிஞ்சமலை உள்ளது.

அம்மலையில் தான் சமணப்படுக்கைகள் அமைந்துள்ளன.

இரண்டு கல்வெட்டுகள் சமண் பள்ளியில் உள்ளன.

சுமார் 2500 ஆண்டுகளுக்கு முற்பட்டவை இவை.

1. நெல் வெளிஇய் சிழிவன் அதினன் வெளியன் முழாகை கொடுபிதோன்

என்ன அர்த்தம்?

நெல் வெளி - திருநெல்வேலி

இவ்வூரில் வாழ்ந்த சிழிவன் அதினன் வெளியன் என்பவனின் நிதி உதவியால் இப்பள்ளி அமைந்துள்ளது.நெல்லையைச் சேர்ந்த இவன் மதுரையில் வந்து வாழ்ந்திருக்க வேண்டும்.ஊரின் பெயரை முன் வைத்தும், தொழிலைச் சேர்த்தும், அதன் பின் தந்தையின் பெயரை ஒட்டித் தன் பெயரைக் கூறுவது பழந்தமிழ் மரபு.இது எளிதான தொடர்பு கொள்ளுதற்கு இயந்தது.

முழாகை - கற்குகை

__________________________________________________________________________________

2. இலஞ்சிய் எளம் பேரா அதன் மகன் எமயவன்

இவ்முழ உகைய் கொடுபிதவன்

என்ன அர்த்தம்?

இலஞ்சி எமவயனின் மகன் எளம்பேராதன் செய்து கொடுத்த பள்ளி.[Observe the initial pattern with town and father]

நெல்லைக்கு அருகில் உள்ள இலஞ்சி [புகழ் பெற்ற முருக ஸ்தலம்] ஊரைச் சேர்ந்த எளம்பேராதன் முந்தைய கல்வெட்டில் உள்ள அதினனின் தோழனாக இருக்கலாம்.அவனது சேர்க்கையாலும் வழிகாட்டுதலாலும் இவ்வறப்பணியைச் செய்திருக்க வேண்டும்.

_____________________________________________________________________________________

தீர்த்தங்கரர் சிற்பம்

அரிட்டாப்பட்டி சமணர் குகையில் மிக அழகிய தீர்த்தங்கரரின் புடைப்புச் சிற்பமும் உள்ளது.அவரை அரிட்ட நேமி எனவும் கொள்ளலாம்.[கி.பி 9-10]

சமண சமயத்தின் மூன்று தத்துவங்களைக் குறிக்கும் மூன்று குடையின் கீழ் அவர் நிர்வாண கதியில் அமர்ந்துள்ளார்.

அவருக்கு இருபுறமும் அழகிய சுடர்வீசும் குத்து விளக்குகள் உள்ளன.அவை light energy கோட்பாட்டின் படி வழிபாட்டுச் சடங்கையும் ஞானத்தையும் உணர்த்தும்.அவரது தலைக்கு மேல் இருபுறமும் வெண்சாமரங்கள் உள்ளன.அவை ஞானத்திற்கு உலகம் காட்டும் மரியாதையை உணர்த்தும்.

அதன் அருகில் சுண்ணக்கலவையின் மீது தூய இயற்கை வண்ண ஓவியங்கள் உள்ளன.அவை மங்கலாக உள்ளன.பச்சை, மஞ்சள், வெண்மை, சிவப்பு, நீலம் ஆகிய வண்ணங்களே உள்ளன.

சிற்பத்தின் கீழ் உள்ள வட்டெழுத்து வடிவக் கல்வெட்டு:

ஸ்ரீ திருபிணையன் மலை

பொற்கோட்டு கரணத்தார் பேரால்

அச்சணந்தி செய்வித்த திருமேனி

பாதிரிக்குடியார் ரக்ஷை

* வட்டெழுத்து வழக்கில் வந்த காலத்தில் ஸ்ரீ என்ற குறியீடு வந்து விட்டதைக் காண்க.

கழிஞ்சமலையின் இயற்பெயர் திருப்பிணையன் மலை.

கி.பி 9-10 ஆம் நூற்றாண்டில் வாழ்ந்த அச்சணந்தி முனிவரே தமிழகத்தில் மீண்டும் சமணத்தைப் பரப்பியவர்.

அவரது அறிவுரையில் கீழ் அவருக்கு மரியாதையுடன் பாதிரிக்குடி என்ற ஊரில் பொற்கோட்டுக் கரணத்தார் என்ற ஊர் அதிகாரம் செலுத்தும் அலுவலர்கள் சேர்ந்து செய்வித்த தீர்த்தங்கரர் இவர் என்று கூறப்படுகிறது.

* கரணத்தவர் - அதிகாரிகள்

_________________________________________________________________________________

3.அழகர் மலை

சிலப்பதிகாரம், சங்க இலக்கியங்கள் போன்றவற்றில் மிகவும் வர்ணிக்கப்படும் அழகர் மலை இருங்குன்றம் என்று குறிக்கப்படுகிறது.இதன் மீது முருகனின் ஆறாம் படைவீடான பழமுதிர்ச்சோலையும், கீழே கள்ளழகர் திருக்கோயிலும் அமைந்துள்ளன.மதுரையின் மிக முக்கியமான சித்திரைத் திருவிழாவிற்கு அழகர் தானே வருகிறார்? சங்க இலக்கியமான திருமுருகாற்றுப்படையும் பழமுதிர்ச்சோலையை மிகவும் விளக்கிச் சொல்கிறது.

இம்மலையின் ஒரு பகுதி இன்று லதா மாதவன் பொறியியல் கல்லூரிக்குப் பின்புறம் படர்வதைக் காணலாம்.அதில் சமணர் தம் கி.மு. 2, கி.பி .9-10 நூற்றாண்டின் சமணச் சின்னங்கள் உள.

அணியாத அழகர் [ஆடை அணியாத அழகர்] என்ற பெயரில் அருகதேவர் [ஆதிநாதர்] இங்கு வணங்கப்பட்டுள்ளார்.அவரது சிற்பமும் 13 ப்ராமிக் கல்வெட்டுகளும், கற்கால மனிதர் தம் ஓவியங்களும் அமைந்துள்ளன.

மதுரைக்கு வேறு பெயர்கள்: மதிரை, மத்திரை [இவை maybe வேறு தேசத்து சமணத்துறவிகளின் உச்சரிப்பாக இருக்கலாம்]

கொடை அளித்த வணிகர்களின் பெயர்கள் :

மதிரைப் பொற்கொல்லன், மதுரை உப்பு வாணிகன் வியக்கன், பணித வணிகன் நெடுமலன், கொழுவணிகன் எளசந்தன், அறுவை வணிகன் எள அடன்

சபமிதா என்ற பெண் சமணத்துறவியின் பெயரும் கல்வெட்டில் உள்ளது.

* சமூஹத்தில் அரசனுக்கு அடுத்துப் பெருஞ்செல்வம் சம்பாதித்த வணிகர்களை அறப்பணிக்கு சமணம் கவர்ந்துள்ளதைக் கருத்தில் கொள்க.

____________________________________________________________________________________

4. ஆனை மலை

திருஞானசம்பந்தர் மதுரையில் உள்ள சமணர் பற்றிக் கூறுகையில் ஆனை மலையில் இருந்த சமணப் பள்ளியை முக்கியமாகக் குறிப்பிடுகிறார்.இது ஆனை ஒன்று படுத்தது போல் இயற்கையாக அமைந்த மாபெரும் பாறைக்குன்று.இதையே ஒத்தக்கடை என்கிறோம்.மதுரைக்குக் கிழக்கில் திருச்சி சாலையில் 8Km தொலைவில் அமைந்துள்ள இம்மலையில் உள்ள நரசிம்மர், முருகன் குடைவரைக் கோயில்களும் மிகவும் புகழ் கொண்டவை.ஆனால் அவற்றுடன் சம்பந்தர் காலத்தே அவருடன் சமய வாதம் செய்த மிக முக்கிய சமண முனிகள் ஆனைமலைப் பகுதியையே சேர்ந்தவர்கள். [கி.பி 7]

”ஆனை மாமலை ஆதியாய இடங்களில் பல

அல்லல் சேர் அமணர்க்கு எளியேன் அல்லேன்”

[சம்பந்தர் தேவாரம்]

* கி.பி 9-10ல் ஒத்தக்கடை ஊரை நரசிங்கபுரம் என்று கல்வெட்டு சுட்டுவதால் அப்போதே நரசிங்கர் குடைவரை இருக்கிறது என்று கொள்க.

* இம்மலையை ”இவ குன்றம்” [இபம் - யானை] என்று சமணக்கல்வெட்டுகள் கூறும்.

* பல சமணப் புராணக்கதைகளை விளக்கும் சிற்பங்கள் இம்மலையில் உள.

* சைவமும் சமணமும் சமரசம் செய்தன

சம்பந்தரின் காலத்தில் அவரது வாதத்தில் தோற்ற சமணர் சில கோட்பாடுகளை ஏற்றுக் கொள்கிறார்கள்.[இது மறைக்கப்பட்ட உண்மை]சைவத்தும் சமணத்துக்கு ஒரு சமரச உடன்பாடு வந்துள்ளது.அதனால் தான் அவ்வூர் அந்தணர்கள் இம்மலையில் உள்ள திருமேனிகளைக் [தெய்வீகச் சிற்பங்கள்] காப்பதாக வாக்கு அளித்ததைக் கல்வெட்டுகள் கூறுகின்றன.சமணர்கள் கழுவில் ஏற்றிக் கொலை செய்யப்பட்டது பொய்.

* மிக முக்கியமான சமண சமய முனிகள், குறிப்பாக வாதம்-தர்க்கம் செய்பவர்கள் இம்மலையில் இருந்துள்ளனர்.20 கற்படுக்கைகள் கிடைக்கின்றன.

* அரட்டை வாயன்

அப்படிப்பட்ட ஒரு சமய தர்க வாதியையே அத்துவாயி என்று கல்வெட்டு குறிப்பிடுகிறது.அத்து வாயி என்றால் ஒரு கருத்தை விளக்கிக் கூறுவது எனப்பொருள்.இதன் மூலச் சொல் பாலியின் அட்டவாயி.இதுவே இன்று அரட்டை வாய் என்று பொருள் மாறுபட்டுவிட்டதைக் காண்க.

கல்வெட்டு:

இவகுன்றது உறையுள் பாதந்தான் ஏரி ஆரிதன்

அத்துவாயி அரட்ட காயிபன்

ஏரி ஆரிதன் - அத்துவாயி அரட்ட காயிபன்.காயியன் - காஷ்யபன் கோத்திரத்துத் தோன்றியவர்கள்.இவர்கள் அந்தணர்களாக இருந்து சமணத்தில் சேர்ந்திருக்கக் கூடும்.இவர்களை மீண்டும் சம்பந்தர் வேதத்தின் உட்பொருளை உணரச் செய்திருக்க வேண்டும்.அதனால் தான் இவர்கள் சமசரம் செய்திருக்கிறார்கள்.சம்பந்தரின் வருகையால் சமரசம் கண்ட இவர்களின் சமணப்பள்ளிகளை ”நரசிங்கபுரத்து சபையார் ரட்சை” என்று அவ்வூர் அந்தணர்கள் ஆதரித்துக் காக்க முன்வந்துள்ளதைக் கல்வெட்டு கூறும்.

மேற்கூறிய இருவரும் சமய வாதத்திலும் சொற்பொழிவிலும் சிறந்தவர்கள்.அவர்களுக்குக் கற்படுக்கை ஏற்படுத்தியதை இக்கல்வெட்டு கூறுகிறது.

சமணச்சிற்பங்கள்:

மஹாவீரர், நேமிநாதர், பார்சுவ நாதர், பகுபாலி [கோமடேஸ்வரர்], அவரது இரு சகோதரிகள், பெண் சக்தி தேவதை அம்பிகா ஆகியோர் அழகிய நிலையில் அலங்கரிக்கும் ஓவியங்களுடன் உள்ளன.

புராண விளக்கச் சிற்பம்:

பார்சுவ நாதரைக் கமடாசுரன் பாறை கொண்டு தாக்க வருகிறான்.

பத்மாவதி என்ற சமணப் பெண்சக்தி தெய்வம் அதைத் தடுக்கிறாள்.

பின் அவன் இவரது திருவடிகளில் பணிகிறான்.

தனி மனிதப் பெயர்கள்:

புரவு வரி திணைக்களத்தார் ரட்சை

பொற்கோட்டுக் கரணத்தார் ரட்சை

பரிவார புரவு வரியார் ரட்சை

களவழி நாட்டு அணியனைச் சார்த்தி ஏனாதி நாடி

தென்களவழி நாட்டுப் பெருவேம்புத்தூர் செழிய பாண்டி

பெண்புரை நாட்டு வெண்புரை

சாத்தன் நாட்டு வெண்பைக்குடி

வேட்டஞ்சேரி புதுமை எவியம் பூதி

__________________________________________________________________________

5. கொங்கற்புளியகுளம்

மதுரை-தேனி சாலையில் 15 Km தொலைவில் காமராசர் பல்கலைக் கழகத்துக்கு அருகில் நாகமலையில் சமணப்பள்ளி உள்ளது.

கல்வெட்டு 1:

குற கொடுபிதவன் உபசன் உபறுவன்

அப்படி என்றால்?

சமண சமய ஆச்சாரியரான உபறுவன் என்பவருக்கு இக்குகைப் பள்ளி அமைத்துத் தந்தது.

* உபசன் - ஆசான் [உயர் ஆன்மீகக் கோட்பாடுகளை உபதேசிப்பவன்]

கல்வெட்டு 2:

குறு கொடல் குஈத்தவன் செற் அதன் ஒன்

அப்படி என்றால்?

சேரதன் என்பவன் மூலம் இக்குகையின் கூரைப்பகுதி செதுக்கப்பட்டது.

* குறு - குகையின் மேல் கூரை

* கொடல் - கொடுத்தல்

* குயித்தவன் - குகையைக் குத்திச் செதுக்கியவன்

கல்வெட்டு 3:

பாகன் ஊர் பேராதன் பிடன் இத்தவே பொன்

மதுரை சோழவந்தானுக்கு அருகில் வைகைக் கரையில் உள்ள பாகனூரைச் சேர்ந்து ஆதன் பிட்டன் கொடுத்த வெள்ளி [வேபொன்] [சமணப்பள்ளி நிகழ்வதற்கு]

ஸ்ரீஅச்சணந்தி ஆச்சாரியரால் செய்விக்கப்பட்ட தீர்த்தங்கரரின் சிற்பமும் இடம்பெற்றுள்ளது.

_________________________________________________________________________________

6. கீழக்குயில்குடி [சமணர் மலை - பேய்ச்சிப் பள்ளம் - செட்டிப் புடவு]

காமராசர் பல்கலைக் கழகத்தை அடுத்து அமைந்துள்ளது.[12km from Madurai]

கீழக்குயில்குடி, மேலக்குயில்குடி ஆகிய பகுதிகளில் சமணர் மலை பரவியுள்ளது.பல காலம் மதுரைப் பல்கலைக்கழகத்தில் நாங்கள் தங்கிப் படித்த போது இதைப் பற்றி அறியவில்லை.எங்கள் விடுதியில் இருந்து பார்த்தாலே இம்மலை தெரியும்.பேராசிரியர்கள் கூட எங்கள் தகவலுக்கு இதைப்பற்றிச் சொல்லவில்லை என்று வருந்துகிறேன்.இன்று 20ஆண்டுகள் கழித்து அங்கு சென்று காண, ஆய்வு செய்ய நேரம் தேட வேண்டியதாக இருக்கிறது.

சமீப காலத்தில் பெரிய இடி விழுந்து பல சமணச் சின்னங்கள் வீணாகிவிட்டன.

மதுரையைச் சுற்றியுள்ள எண்பெரும் குன்றுகளில் இப்பகுதியிலேயே அதிக அளவு சிற்பங்களும், கற்படுக்கைகளும், கல்வெட்டுகளும் உள.

அம்மலைக்குப் போகும் வழியில் ஒரு நடு கல் இருந்தது.இன்று உள்ளதா என்று தெரியவில்லை.

கி.மு 2 நூற்றாண்டின் கல்வெட்டு:

பெருதேரூர் குழித்தை அய அம்

என்ன அர்த்தம்?

பெருந்தேரூர் - இக்காலத் தேனூர் மக்கள் குடைந்து செய்து கொடுத்த சமணக்கல்படுக்கை.

* குழித்த - குடைந்த, அயம் - அயனம் என்றதன் மாற்றம், அதாவது சயனம் - படுக்கை

________________________________________________________________________________

மலையின் கிழப்பக்கம் செல்க.

தாமரைக்குளம் இருக்கும்.

அதை ஒட்டிய செதுக்கிய கல் படிகள் மீது ஏறிச்செல்க.

மேலே சுனையும் அச்சுனையின் கல்லில் 8 சிற்பங்களும், அதைச் செய்தோரின் பெயர்களும் உள.

முக்குடை அண்ணல், பகுபாலி - சகோதரிகள், பார்சுவநாதர், மஹாவீரர், சில முற்றுப்பெறாத சிற்பங்கள் உள.[இவை கி.பி 9-10]

அவற்றின் நடுவில் கல் சுவற்றில் ஓட்டைகள் உள.அதில் கம்புகள் பொருத்தி, நிழல் செய்து பள்ளி நடந்துள்ளது.

கல்வெட்டு:

ஸ்ரீ அச்சணந்தி தாயார் குணமதியார் செய்வித்த திருமேனி

மிக ப்ரபலமான அச்சணந்தி என்ற சமண முனியின் அன்னை குணமதி செய்து தந்த சிற்பம்.

கல்வெட்டு:

வைஸ்திஸ்ரீ இப்பள்ளி உடைய குணசேன தேவர் சட்டன் அந்தலையான் மாசேனன் மருமகன் ஆச்சஞ் சிரிபாலனைச் சார்த்தி செவித்த திருமேனி

என்ன அர்த்தம்?

சமணச்சாரியர் ஸ்ரீகுணசேன தேவரின் மாணவன் அந்தலையன் மாசேனன் என்பவனின் மருமகன் ஸ்ரீபாலனைக் கொண்டு செய்த சிற்பம்.

கல்வெட்டு:

ஸ்வஸ்தி ஸ்ரீ இப்பள்ளி உடைய குண சேன தேவர் சட்டன் அரையங்காவிதி தங்க னம்பியைச் செய்விச்ச திருமேனி

என்ன அர்த்தம்?

சமணாச்சாரியன் குணசேன தேவரின் மாணவன் அரையங்காவிதி பட்டம் பெற்ற தங்கநம்பி செய்த சிற்பம்.

கல்வெட்டு:

ஸ்ரீவெண்பு நாட்டு திருக்குறண்டி பாதமூலத்தான் அமித்தின் மரைகள் கனகன்தி செய்விச்ச திருமேனி

என்ன அர்த்தம்?

குறண்டி என்ற ஊரில் வாழ்ந்த கனகந்தி என்பவன் செய்த சிற்பம்.

கல்வெட்டு:

ஸ்வஸ்தி ஸ்ரீ இப்பள்ளி உடைய குணசேனதேவர் சட்டன் சிங்கடைப்புறத்து

கண்டன் பொற்பட்டன் செய்வித்த திருமேனி

என்ன அர்த்தம்?

குணசேன தேவரின் மாணவன் சிங்கடைப்புறம் பொற்பட்டன் செய்த சிற்பம்.

கல்வெட்டு:

ஸ்வஸ்தி ஸ்ரீமதுரைக் காட்டாம் பள்ளி அரிஷ்டநேமி அடிகள் செய்வித்த திருமேனி

என்ன அர்த்தம்?

மதுரைக் காட்டாம் பள்ளி அரிஷ்ட நேமி அடிகள் என்ற துறவி செய்த சிற்பம்.

பேய்ச்சிப்பள்ளம் என்ற இடத்தின் மேல் மாதேவிப்பெரும்பள்ளி என்ற சமணப் பள்ளி அறப்பணி செய்தது.அப்பள்ளியின் சிதைந்த அடித்தளம் மட்டுமே உள்ளது.கி.பி. 860-905 ல் மதுரையை ஆண்ட பாண்டியன் பரந்தாக வீரநாராயணன் தன் மனைவியின் பெயரால் செய்த அறப்பணி இப்பள்ளி ஆகும்.

கல்வெட்டு:

ஸ்வஸ்தி ஸ்ரீ கோமாறஞ்சடையற்கு யாண்டு

இருப்பதேழிதனெதிராண்டி னெ திரான்டு

மாடக்குளக் கீழ் திருவுருவகத்து

மாதேவிப் பெரும்பள்ளியைச்

சந்தம் நாட்டாற்றுப் புறத்து புளிங்குன்றூர் நீர்நிலமிகு

வேலியாலும் கீழ்மாந்தரமான வயும் அதன் துடவரும் மேற்றி நிலம்

இரண்டு மாவும் திருவுருவகத்து மலைக்கீழ் போயின வடகீழ்

சிறிபால வயக்கலு மிதன் தென்வய....

என்ன அர்த்தம்?

பாண்டிய மன்னனின் மனைவியின் பேரில் அவளின் நலனுக்காக அவளின் துணையுடன் இப்பள்ளி செய்து தரப்பட்டது.இம்மலையின் பெயர் திரு உருவகம்.இதற்கு மாதம் தோறும் வருவாய் வர கொங்கிற்புளியகுளம் ஊரில் நிலம் தரப்பட்டுள்ளது.

பள்ளிக்கும் மேல் மலையை ஏறினால் உச்சியில் தற்கால தீபக்கம்பம் வரும்.திருக்கார்த்தியில் அதை ஏற்றி மக்கள் வழிபடுவர்.அதன் அருகில் உள்ள கட்டடத்தில் சிலக் கன்னட மொழிக்கல்வெட்டுகள் உள.

கன்னடக் கல்வெட்டு இங்கே எப்படி?

கன்னட தேசத்தின் சிரவண பெல ஹொல்லா சமணர்களின் மிக முக்கிய நகரம் ஆகும்.உலகின் மிக பெரிய சிலைகளுள் ஒன்றான பகுபாலியின் வடிவம் இங்குள்ளது.அங்கிருந்து மதத்தைப் பரப்ப சமண முனிகள் மதுரைக்கு வந்துள்ளனர்.

கல்வெட்டு:

ஆரிய தேவரு

ஆரிய தேவர்

மூலசங்க பெளகுல தவள

சந்தர தேவரு நமிதேவரு சூர்ய

ப்ரதாப ஆஜித சேனதேவரு மா....[சிதைவு]

...... தானதேவரு நாக தர்ம தேவரு

கன்னட தேசத்து ச்ரவண பெள ஹொள்லாவே பிற்காலத்தில் மிக முக்கியத் தென் பாரத சமணத்தின் தலைமைப்பீடமானது என்பதை இக்கல்வெட்டு கூறும்.அங்கிருந்து மதுரைக்கு வந்து மீண்டும் சமணத்தைப் புத்துணர்வு செய்ய முயன்ற சமணாச்சாரியர்களின் பெயர்கள் இங்குள்ளன.

இம்மலையின் தென்பக்கம் உள்ள மலைப்பகுதிக்கு செட்டிபுடவு என்று பெயர்.மிகச் செல்வந்தரான செட்டி ஒருவரால் உருவாக்கப்பட்ட பள்ளி இது.

தமிழகத்தின் மிகப்பெரிய மஹாவீரரின் சிற்பம் [6.5அடி] இங்குதான் உள்ளது.மிக அழகான கம்பீரமான சிலை இது.

கல்வெட்டு:

வெண்பு நாட்டு குறண்டி திருக்காட்டாம்பள்ளி

கனக நந்திப் படாரர் அபினந்த படாரர் அவர் மாணாக்கர்

அரிமண்டல படாரர் பினந்தனப் படாரர் செய்வித்த திருமேனி

பல மாணக்கர் சேர்ந்து இந்த அழகிய பெரிய சிற்பத்தைச் செய்துள்ளனர்.

மூன்று தீர்த்தங்காரர்கள், கொற்றவை, அசுரப் போர், அம்பிகா என்ற பெண் தேவதை ஆகிய சிற்பங்களும் உள்ளன.அவற்றைச் செய்தவர்களின் பெயர்களும் உள்ளன.

கல்வெட்டுகள்:

1. ஸ்வஸ்தி ஸ்ரீ இப்பள்ளிவுடைய குணசேன தேவர் சட்டன் தெய்வ

பலதேவர் செய்விச்ச திருமேனி

2. ஸ்வஸ்தி ஸ்ரீ வெண்பு நாட்டுக் குறண்டித்

திருக்காட்டாம்பள்ளிக் குணசேன தேவர் மாணாக்கர்

வர்தமானப் பண்டிதர் மாணாக்கர் குணசேனப் பெரியடிகள்

செய்வித்த திருமேனி.

3. ஸ்வஸ்தி ஸ்ரீ இப்பள்ளி ஆள்கின்ர குணசேன தேவர் சட்டன்

அந்தலையான் களக்குடி தன்னைச் சார்த்தி செய்வித்த திருமேனி

* இக்காலகட்டத்தில் குணசேன தேவர் என்பரே மிக உயர்ந்த சமணாச்சரியாராக இருந்துள்ளார்.

________________________________________________________________

7. திருப்பரங்குன்றம்

முருகனின் முதல்படை வீடான இம்மலை மிகப்பழைய வழிபாட்டு ஸ்தலம்.இம்மலையின் ஒரு பகுதியில் சமணப்பள்ளி இருக்கின்றது.

மதுரை-விருதுநகர் தேசியநெடுஞ்சாலையில் 8Kmதொலைவில் அமைந்துள்ளது.மதுரையில் இருந்து பார்த்தாலே இம்மலை காட்சி தருகிறது.

பத்து கற்படுக்கைகள் இங்கே உள.

1. அந்துவன் கொடு பிதவன் என்று கல்வெட்டு கூறுகிறது. [கி.மு ஒன்று]

2. மாரயது கய[ம்] [கி.மு ஒன்று]

மாரயம் என்பது பாண்டிய மன்னன் வழங்கும் ஒரு விருது.அதைப் பெற்ற ஒருவது வெட்டிக் கொடுத்த பள்ளிக் குளம்.

3.எருகாடூர் ஈழகுடும்பிகன் போலாலயன் செய்தா

ஆய்சயன நெடுசாதன் [கி.பி ஒன்று]

எருகாட்டூரில் வாழும் இலங்கையில் இருந்து வந்து வாழும் நெடுஞ்சாத்தன் என்றவன் செய்து கொடுத்த கற்படுக்கை என்று அர்த்தம்.

திருப்பரங்குன்றத்தில் பழனி ஆண்டவன் கோயிலின் பின்பக்கம் உள்ள சுனைக்கருகில் மஹாவீரர், பார்சுவதேவர், பகுபாலி ஆகியோரின் சிற்பங்கள் உள்ளன.அவற்றின் அருகில் உள்ள கல்வெட்டுகள்...

4. ஸ்வஸ்தி ஸ்ரீ வெண்பு நாட்டுத் திருக்குறண்டி அனந்த வீர்யப்பணி [கி.பி ஒன்பது]

இக்கால ஆவியூருக்கு அருகில் உள்ள குறண்டி ஊரில் வாழ்ந்த அனந்தவீர்யன் இம்மஹாவீரர் சிற்பத்தை உருவாக்கியுள்ளார்.

5. ஸ்வஸ்தி ஸ்ரீ சிவிகை ஏறின

படையர் நீலனா இன இளந்தம்மடிகள்

மாணாக்கன் வாணன் பலதேவன் செவ்விச்ச இப்பிரதிமை

மதுரைக்குள் போக பல்லக்கு ஏறும் செல்வாக்கை உடைய ஆசான் நீலனா இன இளந்தம் அடிகளின் மாணவன் வாணன் பலதேவன் செய்வித்த பகுபாலி.

_______________________________________________________________________________

8. முத்துப்பட்டி

மதுரையில் பல்கலைக்கழகத்துக்கு அருகில் உள்ள வடபழஞ்சி ஊருக்கு அருகில் உள்ளது முத்துப்பட்டி.இங்குள்ள பாறைக்குன்றுகள் கரடிப்பட்டி பெருமாள் மலை என்று தற்போது அழைக்கப்படும். கரடு என்பதே கரடி ஆனது.கரடி என்பது கற்பாறைகள்.தற்போதைய பாரதி நகரின் அருகில் உள்ள புகைவண்டி நிலையம் தாண்டி இப்பகுதிக்குச் செல்க.

1. நாகப்பேரூர் அந்தை முசிறி கோடன் எளமகன்....

சேர தேசத்தின் தலைநகர் வஞ்சி.அதுவே இக்காலக் கொடுங்கல்லூர்.அதன் துறைமுகப்பகுதிக்கு ஆதிகாலத்தில் முசிறி என்று பெயர்.அவ்வூரைச் சேர்ந்த கோடன் இளமகன் என்பவன் நாகப்பேரூர் - இக்கால நாகமலைப்புதுக்கோட்டையின் ஊர்த்தலைவனின் நட்பைப் பெற்று இப்பள்ளியைக் கரடிப்பட்டி மலையில் செதுக்கினான்.

சேர-பாண்டிய தேச வணிகமும், சமணத்தின் போக்கும் இதன் மூலம் தெரியும்.

2. சைய் அளன் விந்தை ஊர் கவிய்

 இக்கால வண்டியூர் - விந்தையூர் சையளன் உதவியால் ஏற்பட்ட பள்ளி.

3. திடிக்காத்தான் மனம் எய்....

திடி என்ற ஊரைச் சார்ந்த என்றதோடு நிற்கிறது.

மதுரையைச் சுற்றியுள்ள 8 குன்றுகளில் உள்ள சமணக் கல்வெட்டுகளை, சிற்பங்களை, பள்ளிகளை நாம் மதித்துப் பாதுகாக்க வேண்டும்.அவற்றில் கூறப்பட்டுள்ள வாழ்க்கையைக் கடைப்பிடிப்போமாக!

Details

Parent Category: Religion

Category: Buddhism

Hits: 3577

Sakthi Foundation

Buddism for today

Written on January 1st, 2015 the day we came back from Singapore, to feel the impact of Buddism in Eastern world.

மனதில் எழும் ஆசைகளை கவனிக்கவும்.அவை நம்முடைய, சமூஹ நலனுக்காக வழி வகுக்கிறதா என்று காண்க.இல்லையேல் அவ்வாசைகளை மீண்டு வருக.

தீதும் நன்றும் பிறர் தர வாரா.நம்முடைய கஷ்டங்களுக்கும் சந்தோஷங்களுக்கும் நாமே காரணம்.

எக்காரணம் கொண்டு பிற உயிர்களையும் பிற மனிதர்களையும் எண்ணம், வார்த்தை, செயலால் துன்புறுத்த வேண்டாம்.

புத்தம் - குரு, சங்கம் - குருவின் அடியார்கள் கூட்டணி, தர்மம் - அவர்கள் மூலம் என்ன வாழ்க்கைக்கு சொல்லப் படுகிறது?

குருவின் கீழ் ஞானம் பெற்ற அவரது அடியார்கள் அந்த ஆதிகுரு உலகிற்குச் சொன்ன உண்மைப் பொருளை மக்களுக்கு எடுத்துக் கூறி வழிநடத்துதல் மிக மிக முக்கியம்.

அதுவே தர்மம் - வாழ்க்கையைப் பற்றிய சத்தியம். [மனதின் தூய்மை, சமூஹத்திற்குப் பயனுள்ளவனாக இரு, உன் துன்பத்துக்கு என்ன காரணம் என்று யோசி]

 தர்மத்தை உலகில் யார் வேண்டுமானாலும் உணர்ந்து செயல்படுத்த முடியும்.

கண்மூடித் தனமான சடங்குகளைக் கைவிட்டு, பகுத்தறிவால் உண்மையை உணர்ந்து அவற்றை மேற்கொள்க.

உடல் ஆரோக்யமாக இருக்க வேண்டும்.அதற்கு ஒழுக்கம் முக்கியம்.

மனம் தேவையற்ற எண்ணங்கள் இல்லாமல் இருக்க வேண்டும்.

பஞ்சபூதங்களை மதிக்க வேண்டும், தூய்மையாக வைத்திருக்க வேண்டும்.

இசை, நடனம், ஓவியம், சிற்பம், தீர்த்தம், மலர்கள், தீபம், தூபம் அனைத்தும் புத்த மதத்தில் உண்டு.

கர்மவினையும் பிறவிகளும் புத்த மதத்தில் உண்டு [காரணம் புத்தர் உண்மையான வேத சாரத்தை மட்டும் எடுத்துக் கொண்டு உள்ளார்] - வினை அதன் விளைவு பற்றி மனிதன் மிக மிக எச்சரிக்கையுடன் இருக்க வேண்டும். நல்வினை - தீவினை என இரண்டையும் பகுத்துப் பிரிக்க நாம் பயிற்சி செய்ய வேண்டும்.வினைப் பலனை அனுபவிக்க எண்ணற்ற பிறவிகள் எடுக்க வேண்டி உள்ளது.

 சம்சாரம் என்று வேதவழியில் புத்தமும் கூறுவது என்ன?

.சம்சாரத்தில் இருந்து விடுபட வினைகளை விட வேண்டும்.அதற்கு ஆசைகளை விட வேண்டும்.

நிர்வாணம் - everlasting bliss - பரமானந்த நிலை -  அனைத்து வினைகளில் இருந்தும், ஆசைகளில் இருந்தும், சம்சார சுழற்சியில் இருந்து விடுபடுவதே நிர்வாணம். [அனைத்தையும் கழற்றுதல்] - இதுவே மனித வாழ்வின் குறிக்கோள் - இதையே முக்தி-மோக்ஷம்-வீடுபேறு என்கிறோம்.

இறைவன் என்பது தண்டனை கொடுப்பதற்கு அல்ல.

த்யானம் என்பது உள்ளார்ந்து நம் மனதின் ஓட்டத்தைக் கண்கானிப்பதே ஆகும்.

ஒவ்வொரு பொருளையும் தூய்மையுடனும் கவனத்துடனும் மனிதன் கையாளும் போது அவனுள் சீரான எண்ணங்கள் வரும். [outer order brings the inner order]

ஒவ்வொரு செயலிலும் நாம் மகிழ்ச்சியையும் பூரணத்துவத்தையும் உணர வேண்டும்.

நாம் என்ன செய்கிறோம் என்பதில் மிகவும் விழிப்புணர்வுடன் இருக்க வேண்டும்.

உணவு, த்யானம், யோகா, மிகவும் தூய்மையுடன் உள்ள பொருள்கள் ஆகியன மனதை விழிப்புணர்வை நோக்கிச் செலுத்தும்.

தங்கம் புத்த மதத்தில் சூரியனைக் குறிக்கும்.அதாவது மிக உயர்ந்த விழிப்புணர்வுடன் இருக்கும் தன்மையைக் குறிக்கும்.அதனால் தான் புத்தர்

சிலைகளைப் பல இடங்களில் தங்கத்தால் மெழுகினர்.

”ஞானம் என்ற ஆச்சாரியனே உண்மையான ஆச்சரியன்.அந்த ஞானமே புத்தம்.அது அல்லாமல் வேறு எதுவும் ஒருவருக்கு ஆச்சாரியன் ஆக முடியாது”

ஒரு குரு மூலம் உனக்கு சொல்லப் பட்ட உண்மைகள் அவருக்குப் பின் உனக்கு அவரது ஸ்தானத்தைப் பூர்த்தி செய்யும்”

கூடிய வரை குருவின் முன்னிலையில் சந்தேஹங்களை நிவர்த்தி செய்து கொள்க!

நமக்குள்ளும், ஒருவருக்கு ஒருவருக்கும் இடையே ஆன விச்சாரணம் மிகவும் மிக்கியம், அது ஞானத்தையும் விழிப்புணர்வையும் பலப்படுத்தும்.

குருவின் முன்னிலையில் மனதில் எல்லாம் புரிந்தது போலவே இருக்கும்.அது உண்மையல்ல!

நமது முன்னேற்றத்துக்கும் ஆத்ம ஞானத்துக்கும் முக்திக்கும் நாம் தான் முயற்சிக்க வேண்டும்!

புத்தமதத்துக்கும் வேத மார்கத்துக்கும் ஒரே ஒரு பெரிய வேற்றுமை என்ன?

ப்ரபஞ்சத்தில் நிகழும் அனைத்து செயல்களுக்கும் மூல காரணமான பரம்பொருளாகிய ப்ரஹ்மம் இருப்பதை புத்தர் வெளிப்படையாக வாய்விட்டுச் சொல்லவில்லை.அதை மனிதன் தன் சுயமுயற்சியாலேயே உணர வேண்டும் என்று விட்டுவிடுகிறார்.ஆனால் அதை அவருக்குப் பின்னால் வந்த குருமார்கள் கண்மூடித்தனமாக இருந்து விட்டனர்.அந்த ப்ரஹ்ம சத்தியத்தை வெளிப்படையாக உணர்த்த பக்தி மார்க்கம் இந்து சமயத்தில் பக்தர்களால் கொண்டு வரப்பட்டது.அதையும் மக்கள் உணர்ந்ததால் தான் தமிழகத்தில் புத்தம் மாறியது.பரிபூர்ண ஞான மார்கத்தை புத்தர் போதித்தார்.அவர் தன்னுள் ப்ரஹ்மத்தை உணர்ந்தார்.அதனால் தான் அவரும் அவதார புருஷன் ஆனார்.

மக்கள் அனைவருக்கும் ப்ரஹ்ம சத்தியத்தினை அவருக்குப் புரியும் மொழியில் மிகவும் தெளிவாக எடுத்துக் கூறுக.

எதையும் ஆழ்ந்த ரஹஸ்யமாக மறைத்து வைப்பதில் பயனில்லை.

பிறப்பால் உயர்ந்த நிலை வராது.வாழ்க்கையை உயர்ந்த நிலையில் இட்டுச் சென்று தன்னுள் ப்ரஹ்மத்தை உணர்வதாலேயே உயர்நிலையை ஒருவன் அடையமுடியும்.

ப்ரபஞ்சத்தில் உள்ள அனைத்தையும் தன்னுள் தொடர்புபடுத்தி விழிப்புணர்வு நிலையில் காணும் உள்ளார்ந்த பார்வையை வளர்த்துக் கொள்க.

அப்போது அனைத்தும் ஒன்றே என்ற ஏக ப்ரஹ்ம தத்துவம் விளங்கும்.அதன் மூலம் ”தான்” ”நான்” ”எனது” என்ற தன்னலம் ஒழிய அனைத்து ஜீவன்கள் மீதும் மதிப்பும் மரியாதையும் தூய அன்பும் உண்டாகும்.

அனைத்து ஜீவன்களிடத்தும் மேற்கூறிய வண்ணம் அன்பை லயம் - tune செய்யும் போது சாந்தியும் அஹிம்சையும் தானாக உலகில் உருவாகி நிலைக்கும்.

த்யானம் என்பது உடலையும் மனதையும் ஒருமுகம் செய்து தன்னுள் ப்ரஹ்மத்தைப் பார்த்தல் ஆகும்.

மூச்சுப் பயிற்சிகள் மூலம் மனதை ஒருமுகம் செய்து, அதன் போக்கை கவனிக்கும் பழக்கம் தன்னுள் தன்னைக் காண உதவும் ஒரு வழி ஆகும்.

”ஆசை” என்ற தன்மை நம்முள் நம்மால் உருவாக்கிக் கொள்வதே ஆகும்.

மனதிற்கு அடுத்த நிலை விழிப்புணர்வே நம்முள் நம்மை அறிய உதவுகிறது என்பதை அவருக்குப் பின் வந்தவர்கள் அறியாமையினால் மறுத்தனர்.

மந்த்ர ஸ்துதிகள் மூலம் உடலும் மனமும் ஒருங்கிணையும், விழிப்புணர்வை நோக்கிப் பயணிக்கும்.

கட்டுப்பாடு அற்ற தவறான புலன் இச்சை, சூது, கள்ளத் தொடர்புகள், போதை, திருடுதல், பொருள் சேர்த்துக் குவித்தல், கொல்லுதல், பொய்மை ஆகியன நம்முள் ஒழிய பயிற்சிகள் தேவை.

எப்போதும் நடந்து முடிந்த தேவையற்ற விஷயங்களைப் பற்றியே எண்ண வேண்டாம்.

எப்போதும் எதிர்காலக் கனவுலகில் வாழ வேண்டாம்.

இப்போது என்ன செய்கிறோம் என்பதில் கவனத்துடன் இருக்க வேண்டும்.

அதிகம் பேசுவதைத் தவிர்த்துக் குறைத்துப் பேசி அதையும் பயனுள்ளதாக ஆக்குக.

”மனதால் நீ என்னவாக உன்னை பாவித்து வாழ்கிறாயோ அப்படியே உன் வாழ்க்கையும் நிகழும்.”

சுயநலம் என்ற அழுக்கை அகற்ற பெருமுயற்சி செய்க.

ப்ரபஞ்சத்தின் கோடானுகோடி பொருள்களில் ”நமது” என்று எதையுமே தன்னலச் சொத்தாக இயற்கைக்கு மாறாகக் கொள்ளுதல் இயலாது.

நமது எண்ணமே நாம். நமது எண்ணங்களின் அடிப்படியில் நம் உலக வாழ்க்கை அமையும்.

ஒரு தீபம் ஆயிரம் தீபங்களை ஏற்ற வல்லது.அதனால் அத்தீபத்தின் சுடரின் ஒளியோ சக்தியோ குறைவதில்லை.எனவே மனமார சேவை செய்க.

உண்மை சத்தியத்தை மறைக்கவே முடியாது.அது சூரிய சந்திர பூமியை மூடிமறைப்பது போன்றதாகும்.

சந்தோஷமும் அமைதியும் நமக்குள் நம்மால் ஏற்படுத்திக் கொள்வதே ஆகும்.அதை வெளியில் யாரிடத்திலும் எப்பொருளிலும் தேடாதே!

வெறுமனே த்யானம் மூலம் ப்ரஹ்ம தத்துவத்தை உணர்தல் அனைவருக்கும் ஏற்றதல்ல, அன்றாட எதார்த்த வாழ்க்கையில் மனதின் போக்கை எப்படி பக்தி மூலம் கையாள்வது என்பதை ஆழ்வார்களும் நாயன்மார்களும் வேதமார்க்கம் மூலம் உணர்த்தினர்.

இறைவன் என்ற தனிப்பொருள் தனது இன்ப துன்பங்களுக்குக் காரணம் ஆகாது.

பொருள் மீது பற்று வைத்து எதார்த்த வாழ்க்கையை வாழ்பவருக்கு த்யானம் என்பது அதைச் செய்யும் வேளையில் மட்டுமே அமைதி தரும்.ஆனால் பொருள் மீதான வாழ்க்கையைக் கடந்தவர்களுக்கு மட்டுமே புத்தர் சொன்ன த்யான வழி முக்திக்குக் கைகூடும்.

Details

Parent Category: Religion

Category: Christianity

Hits: 3391

Sakthi Foundation

தர்மம் மிகு சென்னையில் புனித தாம்ஸின் ஜீவசமாதி

புனித தாமஸ் பாரத தேசத்தில் குறிப்பாக மயிலையில் உள்ள சாந்தோம் பகுதியில் வாழ்ந்துள்ளார் என்பதில் ஐயம் இல்லை. தாமஸ் தம் ஆத்மா  ஷாந்தி அடைந்ததால் அவ்வூர் சாந்தோம் ஆனது. மயிலையைச் சுற்றியுள்ள பகுதிகளில் அவர் ஏசுவின் ஆன்மீக நெறிகளை ப்ரச்சாரம் செய்துள்ளார்.

அவர் காலத்தில் அவர் பரப்பிய கிறிஸ்துவ நெறி இன்றையதில் இருந்து சற்று மாறுபட்டதே! உள்ளூர் அரசனின் ஆதரவும் மக்களும் அவருக்கு இருந்துள்ளது.

அவர் கல்லால் செதுக்கிய புனிதச் சிலுவையும் அதைச் சுற்றியுள்ள திருவாச்சியும் அதை உள்படுத்த வடித்தக் கருங்கல் மண்டபமும் புனித தீர்த்த பெருங்கிண்ணமும் சாந்தோம் தேவாலய அருங்காட்சியகத்தில் உள்ளன.

இருபுறமும் சிம்மங்கள் கொண்ட பல்லவர் காலத் தூண்களுடன் கூடிய தோரண வாயிலுடன் கூடிய மூலஸ்தானமே கற்சிலுவையுடன் தாமஸ் அமைத்துள்ளார்.மக்களின் கலை, பண்பாடு, நாகரீகம் ஆகியவற்றை அடிபடையாகக் கொண்டே சமயங்கள் வளர்கின்றன.

ஆனால் போர்த்துகீஸியர்களால் பிற்காலத்தில் அவர் எழுப்பிய தேவாலயம் முற்றிலும் அகற்றப்பட்டு ஐரோப்பியக் கட்டிடக் கலைப்பாணியில் அமைந்து விட்டது.

இவையெல்லாம் மக்கள் மனதில் வேற்றுமையை ஏற்படுத்தும் உத்திகள்.தாம் பின்பற்றும் ஒரு சமயம் தன் மண்ணினுடையதே அல்ல என்பதை மக்கள் பிரிவினைப் பார்வையில் பார்க்க ஆரம்பித்தும் விட்டனர், அதனால் உள் தேசத்து மதப்பூசல்கள் அதிகரித்தன.

இன்றைய கிறிஸ்துவ நூல்கள் கூறுவது போல பல ஆயிரக் கணக்கில் மக்கள் கிறிஸ்துவத்தைத் தழுவியிருப்பின் கண்டிப்பாக மூவேந்தர் தம் காலத்து இலக்கியங்களும் கல்வெட்டுகளும் கலைகளும் அவற்றைப் பதிவு செய்திருக்கும்.

ஆனால் மக்கள் தாமஸ் கூறிய ஆன்மீக நெறியைப் பின்பற்றினரே ஒழிய ஒரு மதத்தை அல்ல.

தாமஸ் மறைந்த பின் அவரது பூதவுடல் மயிலை வாழ் மக்களால் மன்னனால் மிக்க மரியாதையுடன் ஜீவ சமாதி ஆக்கப்பட்டது.

அவரது சமாதியில் வேண்டிக் கொண்ட போதும், புனித மண்ணை உட்கொண்ட போதும் உடல் பிணிகள் நீங்கின.பலமுறைக் கல்லறை அதற்காகத் திறக்கப் பட்டுள்ளதை வரலாறு காட்டுகின்றது.

தாமஸ் பாரத தேசம் வந்ததற்கான வரலாற்றுக் குறிப்புகள்....

கி.பி 250

தாமஸ் மூலம் இந்தியாவும் அதைச் சுற்றியுள்ள தேசங்களும் ஏசுவின் ஆன்மீக நெறிகளை அறிந்தன. [ஒரு சிரியா மொழி நூல்]

கி.பி 396

சிரிலோனாஸ் என்ற கிறிஸ்துவ குரு சிரியா மொழியில் ஒரு கவிதை எழுதியதில் தாமஸ் பாரத தேசத்தில் பணி செய்ததைக் குறிப்பிடுகிறார்.

கி.பி 4

எடெசா நகர் கிறிஸ்துவச் சபைக்குத் தாமஸின் உடலின் சில எலும்புகள் கொண்டு வரப்பட்டன.

அதே நூற்றாண்டில் க்ரகோரி நஸியான்ஸன் என்பவர், ”ஏசுவின் மாணவர்கள் பூமியில் பல தேசங்களில் பணியாற்றினாலும் அத்தேசத்து மக்களிடையே வேற்றுவர்களாகத் தான் கருதப்பட்டுள்ளனர், குறிப்பாகத் தாமஸ் இந்தியாவில் பல இன மக்களுடன் வாழ்ந்தார்....”

கி.பி 5

யோவான் பொன்வாய் என்ற கிறிஸ்துவ குரு, ”ஏசுவின் பல மாணாக்கரின் கல்லறைகள் எங்குள்ளன என்பதைப் பற்றித் தெரியவே இல்லை, ஆனால் பாரத தேசத்தில் தாமஸின் கல்லறை உள்ளது....”

கி.பி 6

தூர்ஸ் நகர ஆயர் ஃப்ரான்ஸ், ”இந்தியாவின் மயிலை தாமஸின் கல்லறைக்கு அருகில் மிக அழகிய கோயிலும், சன்யாசிகள் மடமும் உள்ளன” [இவையே இன்று அருங்காட்சியகத்தில் உள்ள பல்லவர் கால ஜீவசமாதிக் கோயிலின் எச்சங்கள், மேலும் பல சமயத்தவரும் தாமஸின் கல்லறையில் தொழுதுள்ளனர்.அவ்விடத்திற்கு அருகில் சன்யாச மடம் இருந்திருக்க வாய்ப்புண்டு.அல்லது அது கபாலீச்சரத்தின் மடமாகவும் இருக்கலாம்.

கி.பி எட்டாம் நூற்றாண்டு ஜூலை எட்டாம் நாள் தாமஸின் பூத உடலின் எலும்புகள் எடெசா நகருக்குக் கொண்டு வரப்பட்டன என்று சில கல்வெட்டுகள் கூறுவன.

ரோம் நகரில் உள்ள மிகப்பழைய குறிப்பு ஒன்று டிசம்பர் 21ஆம் நாள் தாமஸ் மறைந்தார் என்கிறது.

கான்ஸ்டாண்டிநோபிள், ”இந்திய அரசனால் தாமஸ் கொல்லப்பட்டார்” என்கிறார்.இவர் மூலம் தான் தூய ஆன்மீக நெறியான கிறிஸ்துவம் மதமாக்கப் பட்டது என்பதில் ஐயமே இல்லை.

தாமஸ் உயிர்விட்ட இடம் இன்றைய St.தாமஸ் மலை என்பதில் ஐயமே இல்லை.

அம்மலையைக் ”கல்மீனா” - கடினமானப் பாறைகளும் மணமும் சூழ்ந்த குன்று என்று போர்த்துகீஸியர் குறிப்பிடுவர்..

கி.பி 883ல் ஆங்கிலேய அரசன் போரில் வெற்றி பெற்றதன் காணிக்கையாக சில விலைமிக்க பொருட்களைத் தாமஸின் ஜீவசமாதிக்கு அனுப்பியுள்ளான்.

கி.பி 1293ல் மார்கோபோலோ [வெனிஸ் யாத்ரீகர்] கூறுகிறார்,

”கிறிஸ்துவர்களும் சிரியா தேசத்து அன்பர்களும் கடல் பயணம் மேற்கொண்டு தாமஸின் கல்லறையை தரிசனம் செய்வதைக் கண்டேன்.அவர்கள் தாமஸை ”அவரியான்” - மிக உயர்ந்த மனிதன் என்றே அழைக்கிறார்கள்.

தாமஸின் கல்லறை மண் சிவப்பாக உள்ளது.அதை எடுத்து உட்கொள்ளும் வ்யாதியஸ்தன் குணமாகிறான்.இப்பணியை இங்குள்ள கிறிஸ்தவர்கள் மேற்கொள்கிறார்கள்.இறைவனின் அருள் கலந்த தாமஸின் கருணையால் தான் இது நிகழ்கிறது...”

கி.பி 13

”தாமஸ் இறந்தவுடன் மலாப்பில் [மயிலாப்பூர்] கல்லறை வைக்கப்பட்டார்” - பசாரா நகர் மார்ஸலோமா ஆயரின் குறிப்பு.

அதே நூற்றாண்டில் மார்கோபோலோ மாபார் கடற்கரையில் தாமஸின் கல்லறைத் தான் கண்டதாகக் கூறுகிறார்.

கி.பி 14

''தாமஸின் கல்லறை இந்தியாவில் மையிலான் என்ற ஸ்தலத்தில் உள்ளது” - நெஸ்தோரியர் அமீர்

கி.பி 16

மலபார் கிறிஸ்தவர்கள் சிலர் மெலியாப்போர் கடற்கரையில் உள்ள தாமஸின் கல்லறையைப் பழுது பார்க்கிறார்கள் என்று கொடுங்கல்லூர் தேவாலய ஆயர் ஒரு குறிப்பை எழுதியுள்ளார்.

தாமஸின் கல்லறைக்குள்........

கி.பி 1517ல் கல்லறை திறக்கப் பட்டுள்ளது.

போர்த்துகீஸிய வணிகர்களுடன் வந்த அத்தேசத்துக் கிறிஸ்துவ மத குருமார்கள் கல்லறையை உள்ளூர் அதிகாரிகளின் உதவியுடன் அனுமதியுடன் திறந்துள்ளனர்.

[டியாரகோ ஃபெர்னான்டஸ், பாஸ்தியோ ஃபெர்னான்டஸ் ஆகியோ அக்குருக்கள் ஆவர்]

”தாமஸின் கல்லறை மிகவும் மோசமான நிலையில் உள்ளது.அதை ஒரு உள்ளூர் இஸ்லாமியர் கவனித்துக் கொள்கிறார்.அதில் அவன் விளக்கை ஏற்றி வழிபாட்டுக்கு வைத்தான்.அவன் முன்னோர்கள் அப்படித்தான் செய்தனராம்.கல்லறையை அவன் ”பெத்துமா” [தாமஸின் வீடு] என்றான்..” - ஃபெர்னான்டஸ்

அவ்வூரில் தங்கிய அக்குருமார்கள் கி.பி 1523ல் தான் கல்லறைத் தோண்டினர்.கஸ்ப்பார் கொய்லியோ என்ற போர்த்துகீஸிய தலைமை குரு அதற்குள் மயிலை வந்துள்ளார்.அவர் முன்னிலையில் தான் தாமஸின் கல்லறை திறக்கப்பட்டது.

டைரிக் குறிப்பைக் காண்க....

கல்லறை உடைத்துத் தோண்டினோம்.முதலில் கடல் மணலும் சுண்ணாம்புமும் கலந்து வந்தன. அதன் உள்ளே புனிதரின் கபாலத்தின் உடைந்த எலும்புகள், முதுகெலும்பு ஆகியன இருந்தன. அங்கே பெரிய மண்குடமும் இருந்தது.[அதனுள் அவர் பயன்படுத்திய பொருட்களையும் புனித நூலையும் இட்டு வைத்து இருக்கலாம்.]

மூன்று அடி உயரம் கொண்ட மரப்பிடியுடன் கூடிய ஈட்டி [தாமஸ் கையில் இருந்த ஞானத்தின் அடையாளம்] இருந்தது.அது இருப்பினால் ஆனது.

மேனுவெல் தெ பெரியா என்ற நம் கப்பலின் மாலுமி அவற்றை எல்லாம் அழகிய பெட்டிக்குள் சேகரித்தார்.அப்பெட்டியை அன்று மயிலை முழுவதும் ஊர்வலமாக எடுத்துச் சென்றார்.

கி.பி 1559. விஜய நகர அரசன் தாமஸின் எலும்புகளையும் வேலையும் தன் அரண்மனையில் வைத்து மரியாதை செய்தான்.

அதே ஆண்டில் சில எலும்புகளையும் வேலின் சிறு பகுதியையும் கொச்சினுக்கு அனுப்பினர்.அங்கிருந்து அவை கோவிற்கு அனுப்பப் பட்டன.இன்றும் நிபாந்தரில் உள்ள சர்ச்சில் அவை உள.

கி.பி 1729ல் மீண்டும் தாமஸின் கல்லறை திறக்கப் பட்டது. கல்லறையைச் சுற்றியுள்ள மணல் மந்திரிக்கப்பட்டு மக்களுக்குத் தரப்பட்டு இருக்க வேண்டும்.

ஆனால் இன்று 2016ல் கல்லறை மிகவும் நவீனமயமாக உள்ளது.சின்னமலையிலும் தாமஸ் மலையிலும் கிடைத்த ஜீவாதார உணர்ச்சிப் பெருக்கு இங்கு எமக்கு ஏற்படவில்லை.ஆனால் இன்று பல இடங்களில் அவரது உடலின் பல எலும்புகள் உள்ளன என்று தெரிகின்றது.

என்ன ஆயினும் பாரத தேசத்தின் சனாதன தர்மத்தில் நாம் அனைவரையும் ஏற்றுக் கொள்கிறோம்.மத த்வேஷங்களும் வன்முறைகளும் இருந்துள்ளன.ஆனால் அவற்றை மீறி மக்கள் வேற்றுமையில் ஒற்றுமை கான்கின்றனர்.

இன்று சாந்தோமில் அமைந்திருக்கும் உலகப் புகழ் பெற்ற பெஸிலிகா சர்ச்சில் இன்று காலை ப்ரார்த்தனைகள் மேற்கொண்டேன்.தர்மமும் அஹிம்சையும் கைகூடி நம்மால் இயன்ற சேவைகளை இறைவனின் ஆளுமையின் கீழ் ஆணவமின்றிச் செய்ய அடியேன் தாமஸிடம் வேண்டினேன்.

சென்ற டிசம்பரின் கீழை தேசப்பயணம் என்னுள் பெளத்த சமண ஆய்வுகளை, கற்றலை, புரிதலை, ஏற்றலை ஏற்படுத்தின.

இவ்வாண்டு வேளாங்கண்ணி மாதா மூலம் ஆரம்பித்த இப்பயணம் இன்று ஒரு தேர் நிலை சேர்ந்த வண்ணமாக அமைகிறது.

”தர்மம் மிகு சென்னை” என்று வள்ளல் பெருமான் புகழும் இம்மாநகரம் பற்பல புனித ஸ்தலங்களுடன் கூடிய உன்னத ஆன்மீக அன்பர்தம் ஜீவசமாதிகளையும் கொண்டு இருப்பதால் வளமுடன் உள்ளது!

ஆச்சாரியர்கள், குருமார்கள் மூலமே இறையை உணர்ந்து அருள் பெற முடியும் என்பது தானே உண்மை?! அதைத் தானே அனைத்துச் சமயங்களில் உள்ள ஆன்மீகப் பெரியோரும் உணர்த்துகிறார்கள்?

அதில் ஏசுவின் அருட்தொண்டர் தாமஸின் ஜீவசமாதியும் மயிலையில் அமைந்து நமக்கு அருள் புரிவதை நாம் பயன்படுத்தி உலக க்ஷேமத்திற்காகப் பாடுபடுவோமாகுக!

ஆமென்!

ஓம் ஷாந்தி! ஷாந்தி! ஷாந்தி!

* ஏசு வாழ்ந்த ஸ்தலங்களை எல்லாம் தரிசிக்க வேண்டும் என்ற ப்ரார்த்தனையைத் தாமஸ் அருளட்டும்.

Details

Parent Category: Religion

Category: Christianity

Hits: 3108

Sakthi Foundation
புனித தாமஸை மதவாதிகள் எதிர்த்தனரா?
புனித தாமஸ் பாரத தேசத்திற்கு வந்து தன் ஆசான் ஏசு கூறிய சத்யப்பொருளின் மூல சாரத்தை உணர்ந்துள்ளார்.தம் தேசத்து மக்களுக்கு ஏசு அதை விளக்கியுள்ளதை எடுத்துக் காட்டியும் இருக்கிறார்.இதை ஏற்றுக் கொண்டவர்கள் நம் மக்கள்.

ஆனால் ப்ரச்சனை எங்கு வந்திருக்கும் தெரியுமோ?
இன்றும் நம் தேசத்தில் பற்பல ஆச்சாரியர்களைப் பின்பற்றுபவர்கள் கண்மூடித் தனமான போக்கில் தம் ஆச்சாரியனை விட மேலோங்கியவரோ இணையானவரோ வேறில்லர் என்று கூறிவிடும் போது சமூஹத்தில் பிற ஜனங்கள் மன சங்கடத்துக்கு ஆளாகி, வெறுக்க ஆரம்பிக்கிறார்கள்.

இதையே தான் தாமஸின் பாரதச் சீடர்கள் செய்திருக்க வேண்டும்.இதன் மூலம் பிற கொள்கைகளையும் ஆசான்களையும் பின்பற்றுவோருக்குத் தாமஸின் ஆன்மீக நெறி மீது வெறுப்பும் பழி வாங்கும் எண்ணமும் மேலோங்கி இருத்தல் வேண்டும்.

அரசியல் சூழலும் இதற்குத் துணை போய் இருத்தல் வேண்டும்.

ஆனால் தாமஸின் கல்லறை என்பது இன்றைய புனித ஜீவசமாதிகளுக்கு நிகரானதே! ஏனெனில் பல மதத்து மக்களும் அதை வணங்கினர், வணங்குகிறார்கள் என்பதே உண்மை.

வேளாங்கண்ணி, நாகூர் தர்கா, ஏர்வாடி, சமயபுரம் ஆகிய ஸ்தலங்கள் சமய வேற்றுமை பாராது மக்களால் இன்றும் வழிபடப் படுவதைக் கருத்தில் கொள்க.

மக்கள் கலியுகத்தில் பொருள், போகம், வ்யாதிகள், இஷ்ட காமர்த்தங்கள் ஆகியவற்றைத் தீர்த்துக் கொள்ளவே பெரும்பாலும் தெய்வத்தை மஹான்களை அண்டுகிறார்கள்.

அதே கதிதான் தாமஸுக்கும்.பல லீலைகள், அற்புதங்கள் மூலம் அன்பர்களை ஆன்மீகப் பாதைக்கு ஆட்கொள்ள மஹான்கள் இருக்க, மக்களோ வெறும் அல்ப ஆசைகளிலேயே மூழ்கி அதை நிறைவேற்ற ஆன்மீகப் பெரியோர்களை அண்டுவது என்று மாறும்?

ஆயிரக்கணக்கில் தாமஸ் மத மாற்றம் செய்து இருந்தார் என்றால் அதைக் கல்வெட்டுகளும் இலக்கியங்களும், குறிப்பாக திராவிட பக்தி இலக்கியங்களும் பதிவு செய்யாமல் போய் இருக்காது! ஏனெனின் உண்மைகளை வரலாற்றில் அதிகம் பூசிமெழுக முடியாது.

உதாரணம்: வள்ளலார், பாம்பன் ஸ்வாமிகள், சாயி பாபா போன்ற பல மஹான்களை அனைவரும் அறிவர்.ஆனால் அவர்களை ஆன்மீக வாழ்வின் ஸ்திடமாகப் பின்பற்றும் குழுக்கள் குறிப்பிட்ட அளவே உண்டு.அதே போல் தாமஸ் போன்ற வெளிதேசத்து ஞானிகளை மக்கள் பார்ப்பது நம் ஊருக்குப் புதியதே அல்ல.காரணம் சமணம், பொளத்தம் ஆகியன வேறு பகுதிகளில் இருந்து வரும் போது அப்பகுதி மக்களை நம்மூர் மக்கள் பார்த்துள்ளனர்.