காஞ்சி மாநகரம் - 2500 ஆண்டுகட்கு முன்
சங்கநூல் பெரும்பாணாற்றுப்படையின் பதிவு
நகரேஷு காஞ்சி - அதாவது நகரம் எனில் அது காஞ்சியே என்று மஹாக்கவி காளிதாஸன் பாடிய பல்லவ - தொண்டை தேசத்தின் மிகத் தொன்மையான ஊர் காஞ்சி - கச்சி மூதூர்
முக்தி தரும் நகர் ஏழில் ஒன்றாம் காஞ்சி....
அவ்வூரைப் பற்றி...
காஞ்சியின் வெளியில் அடர்ந்த சோலைகளில் யானைப் படை வீரர்கள் யானைகளைப் பழக்குவர்.யானைக்கு நெய் ஊற்றிப் பிசைந்த சோற்று உருண்டைகள் தருவர்.யானையைப் பழக்குபவனை - கோல்காரன் என்றும் பரிக்கோல்காரன் என்றும் மக்கள் அழைக்கிறார்கள்.
அவன் சற்று அயரும் போது குரங்குகள் சோற்று உருண்டையில் ஒரு பகுதியை எடுத்துக் கொண்டு மரங்களில் தாவும்.
மரத் தேர்கள் அதிகம் ஓடுவதால் ஊரில் சாலைகள் குழிகள் கண்டன.
பல போர்கள் கண்ட வீரர்கள் வாழும் வீடுகளும், பண்டங்கள் விற்கும் வியாபாரிகளின் கடைகளும் அதிகம் உள.
ஏழைகளுக்கு உதவும் சத்திரங்கள் பல உள்ளன.
பறவைகளுக்குத் தன்னையே உணவாகத் தரும் இனிய தேன் பலா ஒத்த நகரம் போல் மக்களின் உயர் வாழ்வுக்கு உதவும் மாநகரம் காஞ்சி.
விஷ்ணுவின் கொப்பூழில் நான்முக பிரம்மனைப் படைத்த தாமரையின் பொகுட்டு போல் ஊர் உள்ளது.பல்வேறு கலைகள் கல்விகள் உருவாகும் ஊர் இதுவாகும்.
கடல் சூழ் உலகில் உள்ள பல உயர்ந்த சமயங்களின் சான்றோர்கள் வாழும் ஆன்மீக பூமியாய், முக்தி தரும் நகர் ஏழில் ஒன்றாய் உள்ளது.பல இன மக்களும் இவ்வூரில் ஒற்றுமையாய் உள்ளனர்.
காஞ்சி மாநகரின் பல்வேறு பகுதிகள் மிகத் தொன்மை மிக்கவை.
எப்போதும் வெற்றியை உடைய மாநகரம் இதுவாகும்.
