History

Hospitals in Chola kingdom

Parent Category: Uni5 Holistic Intelligence
Category: History
Hits: 2132
சோழர் ஆட்சியில் மருத்துவமனைகள்...கி.பி 10 - 11ஆம் நூற்றாண்டுகளில்....
 
ராஜராஜ சோழன் காலத்தில் தஞ்சை போன்ற நகரங்களில் மருத்துவமனைகள் செயல்பட்டன.
 
இவை ஆதுல சாலை எனப்படும்.
 
ஆயுர்வேதம் மற்றும் சித்த மருத்துவம் இங்கே தரப்பட்டன.
 
அவை அரசர்களின் நினைவில் இலவசமாகவே செயல்பட்டன.
 
அவற்றின் செயல்பாட்டுக்கு அரசர்களும் உயர் அதிகாரிகளும் நிதி உதவி செய்தனர்.மருத்துவச்சாலைகள் பராமரிப்புக்கு நிதிக்காக தரப்பட்ட வயல்கள் ”மருத்துவக்காணி” எனப்பட்டன.
 
தஞ்சையில் குந்தவை [ராஜராஜனின் அக்காள்] ஏற்படுத்திய சுந்தர சோழ விண்ணகர் [அப்பாவின் பெயரால்]ஆதுல சாலை சிறப்புடன் விளங்கிற்று.
 
ஆண்டுக்கு ஒரு முறை அதில் உள்ள மருந்துகளின் பட்டியல், அளவு அரசனிடம் காட்டப்பட்டன.
 
ஸ்ரீரங்கம், மதுராந்தகம் அருகில் திருமுக்கூடல், திருப்புகலூர், திருவாவடுதுறை, பெருவல்லூர்,காஞ்சிபுரம் ஆகிய ஊர்களில் சோழர்தம் மருத்துவச்சாலைகள் இருந்தன.
 
விக்ரம சோழன் திருவாவடுதுறையிலும், இரண்டாம் குலோத்துங்கன் விழுப்புரம் பெருவல்லூரிலும் மருத்துவக் கல்லூரிகள் அமைத்தனர்.அதில் தங்கிப் பயிலும் மாணாக்கருக்கு இலவசக் கல்வி, உறைவிடம், சோறு இட்டனர்.
 
சரக சம்ஹிதா
அஷ்டாங்க க்ருதம் ஆகிய ஆயுர்வேத நூல்கள் கற்பிக்கப்பட்டன.
 
பொது மருத்துவமும் அறுவை சிகிச்சையும் கையாளப்பட்டன.”சல்லிய க்ரியை’ என்று அறுவை சிகிச்சை அழைக்கப்பட்டது.அதற்கு உதவும் ஆண் செவிலியர் ”நாவிதர்” எனப்படுவர்.
 
குழந்தைப் பேற்றுக்கு உதவ பெண்களே பயிற்சிகள் மேற்கொண்டு ”மருத்துவிச்சிகள்” என்று அழைக்கப்பட்தனர்.
 
பெண் செவிலியர் ”மருந்து அடும் பெண்டிர்” எனப்பட்டனர்.
 
மருத்துவர் கூறும் மருந்துக்களை ஓலையில் எழுதிடத் தனி ஆட்கள் இருந்தனர்.
 
கை நாடி மருத்துவம் கையாளப்பட்டது. 
 
மாத ஊதியம்:
பொது மருத்துவர் - 90 கலம் நெல், 80 காசுகள்
 
அறுவை சிகிச்சை நிபுனர் - 30 கலம் நெல், 2 காசுகள்
 
அறுவை சிகிச்சைக்கு உதவும் நாவிதர் - 15 கலம்
 
பெண் செவிலி - 30 கலம் நெல், 1 காசு
 
அனாதைகளுக்கு மருத்துவம்....
விக்ரம சோழனின் ஆட்சில் அவனது உயர் அதிகாரி தேவர் உடையான் மதுக்கினியான் ஆன விராட ராசன் என்பவன் திருப்புகழூரில் அனாதைகளுக்கு தர்மாக மருத்துவமனை ஏற்படுத்தினான்.அதற்கு அவனே தன் வயல்களை வழங்கினான்.

Cholan Kochenganan teach about karma

Parent Category: Uni5 Holistic Intelligence
Category: History
Hits: 2238
சோழன் கோச்செங்கணான்.
 
இவன் உறையூரில் இருந்து ஆட்சி செய்தவன்.
அறுபத்துமூன்று சைவ நாயன்மார்களில் ஒருவன்.
சோழ மன்னர்களுக்கு ஆன்மீக வழியில் செல்ல வழிகாட்டியவன்.
உயர்ந்த சிவ பக்தன்.
ஆனால் அனைத்து மதங்களையும் மதித்தவன்.
 
78 மாடக்கோயில்கள் அமைத்தவன்.
அவை இன்றும் உள்ளன.
அவற்றுள் எட்டு விஷ்ணுவுக்கு உரியன, மீதி சிவாலயங்கள்.
அவற்றுள் மிக ப்ரசித்தம் - திருவானைக்கா மூலஸ்தானம்.
பூம்புகார் - பல்லவனீச்சரம்
கும்பகோணம் - திருநல்லூர்
 
மிக உயர்ந்த கர்ப்ப கால மகப்பேற்றுக்கு இவனும் உதாரணம்.
இவன் தாய் கமலவதி, தந்தை சுபதேவச் சோழன்.
சிதம்பரம் கோயிலில் 41 நாட்கள் மாவிரதம் இருந்து இவனை ஈன்றனர் தம்பதிகள்.
அவன் கர்ப்பத்தில் இருக்கும் போது சதா அவன் தாய், ”என் பிள்ளை தில்லையில் கூத்தாடும் ஈசனுக்குப் பொன் கூரை வேய்வான், தேச நலனுக்காக வாழும் தில்லை வாழ் தீக்ஷிதர்களுக்கு இல்லம் கட்டுவான்” என்று கூறுவது வழக்கம்.
 
அவன் பிறக்கும் நேரம் சரியில்லை என்று சோதிடர் கூற, 24 நிமிடங்கள் அவனை வலியுடன் சுமந்து ஈன்றாள் கமலவதி.
 
அதனால் ரத்தம் ஏறிக் கண்கள் சிவக்கக் குழந்தை இருக்கக் கண்டு, ”செங்கணான்” என்று அழைத்து அவள் இறந்தாள்.
 
அவனும் வளர்ந்து மிக உயர்ந்த வீரனாய், சேறன் கணைக்கால் இரும்பொறையை வெற்றி கண்டு சிறையில் இட்டான்.அதன் பின் சங்கப்புலவர் பொய்கையாரின் அறிவுரை கேட்டு அவனை விடுவித்தான்.
 
வெண்ணி, அழுந்தூர் ஆகிய ஊர்களில் பாண்டியனை வென்றான்.
 
இவற்றின் மூலம் பெற்ற பொருளைக் கொண்டு முதன் முதலில் தில்லையில் சிற்றம்பலத்தின் கூரையைப் பொன்னால் வேய்ந்தான்.அதன்பின் தீக்ஷிதர்களுக்கு வீடுகள் கட்டிக் கொடுத்தான்.
 
புறநானூறு, தேவாரம், பெரியபுராணம் ஆகிய நூல்கள் இவனைப் பதிவு செய்கின்றன.
 
பூர்வ ஜென்மத்தில் இவன் சிலந்தியாய், திருவானைக்கா கோயிலில் சிவலிங்கத்தின் மீது சருகுகள் விழாவண்ணம் சிலந்தி வலை பின்னிக் காத்தான்.ஒரு மனித ஜென்மம் கொண்டு ஈசனுக்குக் கோயில்கள் எழுப்ப வேண்டும் என்று சதா அவன் ஆன்மா தன்னலம் அற்று வேண்டிய பலனாய் அவன் மன்னன் ஆனான்.இந்த ஜென்மத்தில் நாம் வாழும் வாழ்க்கை முன் ஜென்மத்தின் சங்கல்பமே, அப்போது அடுத்த பிறவி? யோசியுங்கள்.....

Is Mahabalipuram the Correct Name?

Parent Category: Uni5 Holistic Intelligence
Category: History
Hits: 2127

Mamallapuram is variously called Neerper Mallai, Kadal Mallai, Mamallai, Mamallapuram, Mallapattinam, Mamalla Nagaram, Mavelipuram and Jananathapuram. Nowhere are there inscriptions referring to it as Mahabalipuram.

But today people mostly refer to it as Mahabalipuram.

My students asked me the reason for this.

Mahabali conducted a yagna to fulfil his greed to be the emperor of the entire world. Lord Vishnu as Vamana showed him his place and humbled him.

Vamana assumes the Trivikrama form, which is depicted beautifully in the Varaha cave.

Mahabali means – a Big Sacrifice (bali).

Only because of that he won the Lord’s grace and became the King of the Netherworld.

At a time when kings often indulged in wars seeking to expand lands, their wealth and women, Pallava kings rose above such material desires, became spiritual and gave their people peace and progress.

Instead of indulging in pleasures, they encouraged spirituality through divine arts such as music, dance, sculpture, temple building, painting etc.

Especially Narasimha Pallava I was guided by Appar, Gnana Sambandar, Adi Sankara and Alwars, involved himself keenly in the building of the Mallai temple.

Not only he, but his descendants too encouraged the art of sculpting and treated it like a spiritual offering.

These are a high sacrifice.

Sacrifice of pleasure.

That is why it is called ‘Mahabalipuram’.

Who erected Mahabalipuram shore temple

Parent Category: Uni5 Holistic Intelligence
Category: History
Hits: 1867
கடற்கரைக் கோயிலை எழுப்பிய பல்லவன் யார்?
 
மாமல்லபுரத்தில் மிக அழகான ஒரு கோயில் கலைப் பொக்கிஷம் கடற்கரைக் கோயில்கள்.
இக்கோயில்கள் பல்லவ மன்னர்களின் உயர் கலை ஞானத்தின் குறியீடு.
சைவ வைணவ பேதம் இல்லாத உண்மையான ஆன்மீக பக்தி சமூஹத்தின் அடையாளம்
இக்கோயில் ராஜ சிம்ம பல்லவன் என்ற இரண்டாம் நரசிம்ம வர்மனால் எழுப்பப் பட்டது என்று தொல்லியல் குறிப்புகள் கூறுவது தவறு.
 
இதை ஆரம்பித்து வைத்தவன் முதலாம் நரசிம்ம வர்மனான மாமல்லனே
இக்கோயில் மூன்று கருவறைகளைக் கொண்டது.
மேற்கு பார்த்தக் கருவறையுள் சிவபெருமான் சோமாஸ்கந்த வடிவில் உள்ளார்.
கிழக்குப் பார்த்தக் கருவையுள் சிவபெருமான் லிங்க வடிவில் உள்ளார்.
நட்டுவில் உள்ள கிழக்குப் பார்த்தக் கருவறையுள் தலசயனப் பெருமாள் பள்ளி கொண்டு உள்ளார்.
 
இப்படி ஒரு அமைப்பை வேறு எங்குமே காண முடியாது.
 
சரி! மாமல்லன் இக்கோயிலை ஏற்படுத்தியதன் முக்கிய சான்று இதன் ரத அமைப்பு.
கருவறையின் மீதுள்ள விமான அமைப்பை மாமல்லன் புகுத்தினான்.
மேலும் மேற்குக் கருவறையின் நுழைவாயில் முகப்பில் கணபதி உள்ளார்.உற்று கவனித்திடுக.
கணபதி வழிபாட்டைத் தமிழகத்தில் அறிமுகம் செய்தவர் மாமல்லனின் தளபதி பரஞ்சோதி.
வாதாபிப் போர் முடிந்ததும் அவ்வூர்க் கோட்டையில் இருந்த வாதாபி வினாயகரைத் தன் ஊருக்கு எடுத்து வந்தார். [திருச்செங்காட்டங்குடி]
 
அப்போது மாமல்லனும் கணபதியை வடித்துள்ளான்.
 
மேலும் மாமல்லன் காலத்தில் தான் பூதத்தாழ்வார் வாழ்ந்தார்.
பூதத்தாழ்வார் மாமல்லபுரம் பெருமாளைப் பாடுகிறார்.
அதன் பின் மூன்றாம் நந்தி வர்மன் காலத்தில் திருமங்கை ஆழ்வார் அதே பெருமாளைப் பாடுகிறார்.
 
மாமல்லபுர திவ்ய தேசப் பெருமாள் இன்றுள்ள ஊரின் நடுவில் உள்ள தலசயனப் பெருமாள் அல்ல.அவர் நாயக்க மன்னர்கள் காலத்தில் 500 ஆண்டுகட்கு முன் அமைக்கப்பட்டவர்.
 
மாமல்லன் காலத்தில் தலசயனப் பெருமாள் கடற்கரைக் கோயிலில் உள்ள பெருமாளே!
அவரையே பூதத்தாழ்வார் பாடினார்.
திருமங்கை மன்னனும் பாடினார்.
”சுடுகாட்டில் ஆடும் சிவனொடு விஷ்ணுவும் சேர்ந்து ஒன்றாக விளங்கும் கடல் மல்லை” என்று கடற்கரைக் கோயிலை அவர் பதிவு செய்கிறார்.
 
பூதத்தாழ்வார் மாமல்லன் எழுப்பிய கடற்கரைக் கோயிலையே பதிவாக்கினார்.
எனவே இக்கோயில் மாமல்லனால் உருவாக்கப்பட்டது.
இதைக் கலவைக் காரை, சுதை மூலம் விரிவு செய்தவன் ராஜசிம்மன் தான்.
வெளிச்சுற்று, கோயில் நுழை வாயில், நந்திகள் என அலங்காரம் செய்தவன் ராஜசிம்மனே.
 
இக்கோயில் துறைமுகத்துக்கு மிக அருகில் அமைகிறது.
 
எனவே மாமல்லபுரம் கடற்கரைக் கோயில் மாமல்லனின் கலை வடிவம்.அதை விரிவாக்கியவன் ராஜசிம்மன்.

Temple architecture - great contribution to Tamils by Pallavas

Parent Category: Uni5 Holistic Intelligence
Category: History
Hits: 1825
பல்லவர்கள் அறிமுகம் செய்த கோயில் கட்டிடக் கலை
 
பல்லவர்களுக்கு முன் தமிழகத்துக் கோயில்கள் எப்படி இருந்தன?
 
மண் சுவர்
சுடு மண் செங்கற்கள்
மரங்கள்
 
கொண்டு எழுப்பப்பட்ட கோயில்கள் இருந்தன.
 
அவற்றிலும் சிலைகள் [சுதை - காரைக் கலவை] இருந்தன.
 
ஆனால் அவை மனிதனாலும் இயற்கையாலும் அடிக்கடி சீர் கெட்டன.
 
இக்கட்டத்தில் சமணர்கள் அதிகம் மலைகளைக் குடைந்து அதில் தம் பள்ளிகளை நிறுவினர்.
 
மஹாராஷ்டாவில் அஜந்தா எலிபந்தா குகைக்கோயில்கள் ப்ரபலம் ஆயின.
 
மகேந்திர வர்மன் 1 காலத்தில் அவன் சமணர்தம் குகைகளைக் கருத்தில் கொண்டு அவற்றைப் போல் வரைகளை [மலைகளை] செதுக்கியும் குடைந்தும் குகைக் கோயில்கள் ஏற்படுத்தினான்.
 
மலையின் அகலம் நீளம் அடர்த்திக்கு ஏற்ப மண்டபமும் அதில் தூண்களும் கருவறையும் உருவாக்கினான்.கருவறைக்கு வாசலில் இரு புறமும் த்வார பாலகர்கள் [வாயில் காவலர்கள்] சிற்பங்கள், எளிமையான அலங்காரங்கள் மகேந்திர வர்ம பல்லவனால் கொண்டுவரப்பட்ட புதுமை!
 
சிவபெருமானுக்கு லிங்க வடிவம், சிவன் பார்வதி முருகன் கூடிய சோமாஸ்கந்த வடிவம், நடராஜ வடிவம் ஆகியன மகேந்திர வர்மனால் கொண்டு வரப்பட்டன.
 
அவற்றில் அழகிய இயற்கை வண்ணங்கள் கொண்டு தீட்டப் பட்ட ஓவியங்களை அவன் ஏற்படுத்தினான்.
 
அவன் மகன் நரசிம்ம வர்ம பல்லவன் 1 என்ன செய்தான்?
குகைக் கோயில்களை முழுமையான கோயிலாக மாற்றினான்.
கருவறைக்கு மேல் விமானம் அமைத்தான்.
கோயில் பார்க்க, அழகிய தேர் போல் - ரதக் கோயில் காட்சி அளிக்கும் படிச் செய்தான்.
இறைவனின் பல புராண இதிகாச வரலாற்றுத் தகவல்களை அப்படியே சிற்பங்களாகக் கோயில் சுவர்களில் ஏற்படுத்தினான்.
மாமல்லபுர ரதக் கோயில்கள், கடற்கரைக் கோயில்கள்.
 
அதன்பின் இரண்டாம் நரசிம்ம வர்மனான ராஜசிம்ம பல்லவன், தனி கருங்கற்கள் கொண்டு முழுமையாய் ப்ரம்மாண்டக் கோயிலைக் கட்டினான்.இன்று காஞ்சிபுரத்தில் உள்ள கயிலாச நாதர் கோயில் இவனால் ஏற்பட்டதே.
 
இவற்றை எல்லாம் ஒருங்கிணைத்து, சோழரும் பாண்டியரும் மேற்கொண்டு பல்வேறு புதுமைகளைக் கோயில் கட்டிடக் கலையில் புகுத்தினர்.

Narasimha Pallavan 1

Parent Category: Uni5 Holistic Intelligence
Category: History
Hits: 2476
நரசிம்ம வர்ம பல்லவன் 1 - கி.பி 630 - 668
 
உலகம் புகழும் மாமல்லபுரத்தில் சிற்பங்களை உருவாக்கிய அரசன்.
பல்லவ மன்னர்களில் தலைசிறந்தவன்.
இவன் தந்தை மகேந்திர வர்ம பல்லவன்.
பெரிய கற்கள், பாறைகள், மலைகள் ஆகியவற்றைக் குடைந்து கோயில்களை உருவாக்கும் புதிய கோயில் கட்டிடக் கலையை உருவாக்கியவன் மகேந்திரன்.அதைத் தொடர்ந்து அக்கலையை வளர்த்து மாமல்லபுர சிற்பக் களஞ்சியத்தை உருவாக்கியவன் நரசிம்மன்.
 
பல்லவ தேசத்தின் தலைநகரம் காஞ்சிபுரம்.
துறைமுக நகரம் - மாமல்லபுரம்.
நீர்பெயற்று என்ற அவ்வூரை ”மல்லை” - மாமல்லபுரம் என்று பெயர் மாற்றம் செய்தான் இம்மன்னன்.
 
மல்லன் - யானைப் படைத் தலைவன்
மல்யுத்தத்தில் சிறந்தவன்
 
மாமல்லபுரம் ”மல்லை’ - ”கடல்மல்லை” என்று ஆழ்வார்களால் போற்றப்படுகிறது.
கடல் வாணிபம் மூலம் பொருட்கள் மலிந்த துறைமுக நகரம் மல்லை.
 
பூதத்தாழ்வார் இவன் எழுப்பிய கடற்கரைக் கோயிலில் உள்ள தலசயனப் பெருமாளை ஒரே பாடலால் புகழ்கிறார்.திருமழிசை ஆழ்வார், பொய்கை ஆழ்வார் மற்றும் பேயாழ்வார் இம்மன்னன் காலத்தவரே.
 
அக்கோயில் பெருமாளைப் பின்னர் திருமங்கை ஆழ்வார் பல பாடல்களால் புகழ்கிறார்.
 
அப்பரும் திருஞானசம்பந்தரும் இவன் காலத்தில் தான் ஊர் ஊராகச் சென்று சைவத்தை வளர்த்தனர்.அதன் மூலம் கோயில் கலைகள் ஆன்மீகத்துடன் வளர்ந்தன.
 
நரசிம்மன் காலத்தில் தான் சைனா யாத்ரீகர் யுவான் ஸ்வாங் பல்லவ தேசம் வந்தார்.
கி.பி 642. [தனிப் பாடம்]
 
இவன் காலத்தில் தான் ஆதிசங்கரர் காஞ்சியில் தன் அத்வைத காமகோடி மடத்தை ஏற்படுத்தி அதன் மூலம் மக்களுக்கு ஆன்மீகத்தையும் சமூஹ நலத்தையும் போதித்தார்.
 
சிவகாமியின் சபதம் உருவாகக் காரணம்...
சாளுக்கிய மன்னன் [கர்நாடகா, மஹாராஷ்ட்ரா பகுதிகள்] இரண்டாம் புலிகேசியை இவன் மணிமங்கலம் என்ற ஊரில் கொன்றான்.அத்துடன் அவன் தேசம் சென்றான்.தன் தளபதி - நண்பன் பரஞ்சோதியின் துணையுடன் அத்தேசத்தை வென்றான்.வாதாபி என்ற தலை நகரத்தில் வெற்றிக் கல்தூணை நிறுவினான். இதனால் மக்கள் இவனை ”வாதாபி கொண்ட நரசிம்மன்” என்றனர்.கி.பி 642ல் வாதாபி போர் நிகழ்ந்தது.இப்போரை அடிப்படையாகக் கொண்டே எழுத்தாளர் கல்கி மிக ப்ரசித்திபெற்ற ”சிவகாமியின் சபதம்” வரலாற்று நாவலை எழுதினார்.தமிழர் ஒவ்வொருவரும் இதைப் படிக்க வேண்டும்.13 ஆண்டுகள் வாதாபி அரசன் இல்லாமல் சீரழிந்தது.
இதை மையப்படுத்துவது சிவகாமியின் சபதம் நாவலில் முக்கியப் பகுதி ஆகும்.
 
 
மனம் மாறிய பரஞ்சோதி...
போரில் கொடுமைகளைக் கண்டு மனம் கலங்கிய பரஞ்சோதி அதற்கு மேல் பல்லவ ராணுவத் தளபதியாக இருக்க இஷ்டம் இல்லாமல் பதவி விலகினான்.அப்பர் பெருமான் திருஞானசம்பந்த பெருமான் ஆகியோரின் வழிகாட்டலில் தன் ஊரில் உழவு செய்து, அதன் மூலம் வரும் பொருள் கொண்டு ஏழைகளுக்கு அன்னதானம் தினமும் செய்தான்.மேலும் பல்லவன் தந்த பொருள் கொண்டு தன் ஊரின் கணபதீச்சரம் என்ற அழகிய சிவன் கோயில் கட்டி அதன் மூலம் பல சமூஹ நலன்களை மேற்கொண்டான்.வாதாபிக் கோட்டை வாசலில் இருந்த வினாயகரின் சிலையை எடுத்துக் கொண்டு வந்து அக்கோயிலில் ”வாதாபி கணபதி” என சன்னிதி எழுப்பினான்.
அவ்வூர் தான் திருவாரூர் மாவட்டம் திருச்செங்காட்டங்குடி.
 
இவர் தன் மனைவி வெண்காட்டு நங்கை.
மகன் சீராளன்.
வடதேசத்தில் இருந்து, தன் ஊர் வந்த அகோர முனிவருக்குத் தன் மகனையே தர முன் வந்தான்.
இவரது உயர் குணங்கள் ஆகியவற்றை சம்பந்தர் தேவாரத்தில் போற்றுகிறார்.
 
இலங்கையை வென்ற நரசிம்மன்...
இவன் காலத்தில் தான் இலங்கை அரசன் மானவம்மா என்பவன் தன் பகைவரிடம் இருந்து தப்பிக் காஞ்சிபுரத்துக்கு மாமல்லபுரம் வழிவந்தான்.நரசிம்மனை அண்டி நட்புக் கொண்டான்.வாதாபிப் போரில் உதவினான்.அதன் பின் பல்லவ ராணுவத்தின் துணையுடன் இலங்கையில் தன் பகைவரை வென்று அரசன் ஆனான்.
 
நரசிம்மனின் நண்பர்...
வாதாபிப் போரில் கொடும்பாளூர் அரசன் பரம துர்க மர்த்தனன் [பரம எதிரிகளை அழித்தவன்], இவன் மகன் சமராபி ராமன் ஆகியோரும் நரசிம்மனுக்கு நண்பர்களாகி உதவினன்.அப்புகழைப் பகிர்ந்தனர்.
 
நரசிம்மன் காலத்தில் தான் பாண்டிய நாட்டை நின்ற சீர் நெடுமாறன் ஆண்டான்.அவன் திருஞான சம்பந்தரால் சைவ மதத்திற்கு மாறினான்.பல்லவரின் கீழ் அடங்கி இருந்த சோழ ராஜாவின் மகள் மங்கையர்க்கரசி என்ற பெண்ணை அவன் மணந்தான்.
 
அதன் பின்னும் நரசிம்மனுக்கு அத்தேசத்தின் பகை இருந்து கொண்டே இருந்தது.பல முறை போர்கள் ஏற்பட்டன.குறிப்பாக இன்றைய ஆந்திரா பகுதியில் பரவி இருந்த தன் பல்லவ தேசத்தின் பகுதிகளைக் காக்க வேண்டிய கட்டாயம் ஏற்பட்டது.
 
ஆனால் இவற்றின் இடையில் மாமல்லபுர சிற்ப வேலைகளை மிக கவனமாகக் கையாண்டான்.
 
சமணமும் புத்தமும் இவன் காலத்தில் மெதுவாக வலிமை குன்றின.மக்கள் சைவத்திலும் வைணவத்திலும் ஈடுபட்டனர்.
 
சமஸ்க்ருதம் மற்றும் தமிழ் மொழிகள் நரசிம்மன் காலத்தில் சமூஹத்தில் நிலவின.
 
அவற்றில் உள்ள கல்வெட்டுகள் கிடைக்கின்றன.
 
நரசிம்ம வர்மனைப் புகழும் குறிப்புகள்:
கூரம் [காஞ்சிக்கு அருகில் உள்ள கிராமம்] செப்பேடு...
”நரசிம்மன் சிம்மவிஷ்ணுவின் பேரன்
கிழக்கு மலைகளில் சூரிய சந்திரன் தோன்றியது போல் பல்லவ குலத்தில் தோன்றினான்.
யாருக்கும் அடிபணியாத மன்னர்களின் க்ரீடங்களில் மின்னும் நவமணிகல் போல் புகழால் மின்னுபவன்..,
பகைவர்கள் என்ற யானைக் கூடத்துக்கு வீரம் மிக்க சிங்கம் போன்றவன்
களப்பிறர், சோழர், சேரர் ஆகியோரை வென்றவன்
ஆயிரம் கைகள் கொண்ட கார்த்த வீர்ய அர்சுனன் போன்றவன்
பரியளம், சூரமாரம், மணிமங்கலப் போர்களில் தோற்ற இரண்டாம் புலிகேசியில் முதுகில் ”வெற்றி” என்ற சொல்லை எழுதினான்.
அகஸ்தியர் வினாயகரின் அருள் கொண்டு வாதாபி அசுரனை வென்றது போல், வாதாபி நகரில் பகைவரை இவன் வென்றான்.”
 
உதயேந்திரம் ஊர் செப்பேடு...,
”மகேந்திரனின் மகன் நரசிம்மன் அகஸ்தியர் வாதாபி அரக்கனை வென்றது போல் புலிக்கேசியின் வாதாபி நகரை வென்றான்”
 
வேலூர்ப்பாளையம் செப்பேடு..,
”விஷ்ணுவைப் போல் பெருமை மிக்க நரசிம்ம பல்லவன் வாதாபியை வென்று, வெற்றிக் கல் தூணை நட்டினான்”
 
காசாக்குடி செப்பேடு..,
”மகேந்திரனின் மகன் நரசிம்மன் ஸ்ரீராமன் போல் இலங்கையை வெற்றி கொண்டான், தன் பகைவர்களுக்கு தூமகேதுவைப் போல் விளங்கினான்.[தூமகேது - வால்நட்சத்திரம்]
 
வாதாபி வெற்றித் தூண்
இன்று அத்தூண் உடைந்து ஒரு பகுதி தான் உள்ளது.
அதில் ”மாமல்லன்” - ”க்ஷிதி புஜாங்கரேஸர பல்லவ” - ”நரசிம்மவிஷ்ணு” ஆகிய பெயர்கள் எஞ்சியுள்ளன.
 
மாமல்லபுரம் த்ரிமூர்த்தி குகைக் கோயில் - வாதாபி கொண்ட நரசிங்கப் போத்தரசர் என்ற அடை மொழி உள்ளது.
 
மாமல்லபுரம் ஐந்து ரதங்களில் தர்மராஜர் ரதத்தில் - அத்யந்த காம பல்லவேச்சரம் என்ற அக்கோயில் பற்றி மாமல்லபுரம் பகுதியில் அறிக. அக்கோயிலில் அவன் சிற்பமும் உள்ளது, பின்வரும் அவனது பட்டப்பெயர்கள் உள்ளன.
 
”ஸ்ரீநரசிம்ம” 
ப்ருவீசார - உலகத்தின் புகழின் சாரமானவன்
ஸ்ரீபர - மிகப் பெரும் செல்வன்
புவன பாஜன - உலகை ஆளும் உரிமை உடையவன்
த்ரைலோக்ய மர்த்தன - மூவுலகையும் வென்றவன்
விதி - பகைவர்களின் கெட்ட விதி
அனேகோபாய - பல வழிகளில் பயனுள்ள உதவிகள் செய்பவன்
மதன அபிமான - மன்மதனும் மதிக்கும் அழகன்
அப்ரதி ஹத சாஸன - மிக உயர்ந்த சமூஹப் பலன் உள்ள அரச ஆணைகள் இடுபவன்
நயன மனோஹரன் - கண்களுக்கு அழகன்
வாம - உயர்ந்த அழகன்
அனுபம - ஈடு இணை இல்லாதவன்
நயாங்குர - அறிவாளி
லலித - அழகுடன் பண்பானவன்
சர்வதோ பத்ர - மிக ஒழுக்கமானவன்
ஸ்ரீநிதி - சகல செல்வன்
நிருத்ர - ஒப்பற்றவன்
விப்ராந்த - மனதில் உற்சாகம் கொண்டவன்
சத்ய பராக்ரமன் - தூய வீரன்
ரண ஜெய - போரில் வெற்றியை மட்டுமே ஏற்படுத்துபவன்
 
சிவகாமியின் சபதம் என்ற வரலாற்று நாவல் குறிப்பிடும் சிவகாமி உண்மையில் வாழ்ந்தவர் என்ற குறிப்புகள் உள்ளன.
 
இன்று மாமல்லபுரத்து கற்கோயில்களும் சிற்பங்களும் அரசன் நரசிம்ம பல்லவனின் உயர் படைப்புகள்.
 
அவற்றை நாம் பாதுக்காப்பது நம் கடமை
 
அவை நம் மூதாதையர் நமக்கு அளித்துள்ள உண்மையான அழியாத கலைப்பொக்கிஷம் அல்லவா?

How Ganapathy came to Tamil country - historical view

Parent Category: Uni5 Holistic Intelligence
Category: History
Hits: 2099

7th century A.D

Thiru chengaatang kudi is a very fertile village near Mayavaram.

Paranjothy who was just 12 years old left the village with his mother's blessings towards Kanchipuram - the city of great wisdom.

He was fatherless and his mother wanted him to be a great scholar in Tamil and Shivism.

He was supposed to join under the great saint singer Appar's mut.

His father and ancestors were great brave elephant warriors under Chola Empire.

They made many to die and they self-died.

Paranjothy's mother wanted a transformation of peace and selftualism in the family.

But Paranjothy's previous birth actions [karmas] made him to save the Pallava prince from a wild elephant and became his close friend.

He learned war lessons and martial arts and appointed as army general under Pallava dynasty.

Pallavas faced a horrible war with Pulikesi 2 in Vathabi city of Gujarath. The war took place for 1 year.

Paranjothy saw a different looking God at the fort gate of Vathabi city and came to know that the God will remove all obstacles.

He also prayed to him that he will take him and install in a fresh temple in Tamil Nadu if he wins the war.

Pallavas defeated the northern empire and by that time tragedy and lessons gave by mother transformed Paranjothy's mind into peace, spiritual and he want to have a change.

He resigned his army general post and just took the idol of Vadhapi gate and left to his village where he erected a big shrine for Shiva along with this new looking God. He named it as ''Ganapateeshwaram''

This idol of Ganesa is the very first Ganesa in Tamil Nadu brought by Paranjothy in 7th century A.D.

Today also we can see the shrine in the village which is being praised by Appar and Sambandhar.
Later Muthu Samy Deekshidar sang the famous ''Vadhaapi Ganapathim baje''
When Marati kings ruled Tamil country from Tanjore, Vainayagar worship has been accepted by everyone and today we can see plenty of Ganapathy in this state. 
See the Vathaapi Ganapathy brought y Paranjothy in 7 A.D 

Mahabalipuram of Pandiya kingdom - Kazhugu malai

Parent Category: Uni5 Holistic Intelligence
Category: History
Hits: 1983

பாண்டிய நாட்டு மாமல்லபுரம் - கழுகுமலை

கி.பி 6 - 10 ஆம் நூற்றாண்டுகளில் பல்லவர்கள் மலைப்பாறைகளைக் குடைந்து கற்கோயில்கள் உருவாக்கினர்.

அவற்றையே குடை வரைக் கோயில் என்போம்.

வரை - மலை - மலைக் குடைந்து செய்த கோயில்.

அதே கால கட்டத்தில் பாண்டியர்களும் இக்கலையைக் கையாண்டனர்.பாண்டிய தேசம் முழுவதும் பல ஊர்களில் உள்ள சமணப் பள்ளிகள் இதற்குச் சான்று.

மதுரைத் திருப்பரம்குன்றம் குடை வரைக் கோயிலாகும்.

தூத்துக்குடி மாவட்டம், கோயில்பட்டிக்கு அருகில் உள்ளது கழுகுமலை.

இன்று இம்மலை புகழ் பெற்ற முருகன் கோயில்.அக்கோயில் கி.பி 14ஆம் நூற்றாண்டில் உருவானது.

இவ்வூரில் தான் மிகப் பெரிய அளவிலான ஆதிகால சுடுகாடு, முன்னோர் புதைகுழிகள், முதுமக்கள் தாழிகள் அகழ்வாய்வில் கண்டு எடுக்கப்பட்டன.

இவ்வூர் முருகனுக்குக் கழுகாச்சல மூர்த்தி என்று பெயர்.ஆறு கைகளுடன் மயில் மீது அமர்ந்து இவர் காட்சி தருகிறார்.

கோயிலின் ஒரு பகுதியாய் மிக ப்ரம்மாண்ட குன்று உள்ளது.அதில் தான் பாண்டியர் தம் கைவண்ணத்தைக் கல் ஓவியமாக்கி உள்ளனர்.

மாமல்லபுரம் சிற்பங்கள் உருவான அதே காலத்தில் பாண்டிய மன்னன் அரிமர்த்தனன் நின்ற சீர் நெடுமாறன் [சம்பந்தரால் சைவ மதத்துக்கு மாறியவன்] இதை உருவாக்கி இருக்க வேண்டும்.

ஆரம்பத்தில் இம்மலை மிக மிக அருமையான சமணக் கோயில் தான்.பின்னர் தான் அதில் சிவனுக்குக் கோயில் செய்யப்படுவதைக் காண்கிறோம்.

நூற்றுக்கும் மேற்பட்ட சமண முனிவர்களின் சிலைகள், சமண தெய்வங்களின் சிலைகள்  ஆகியன உள்ளன.அவ்விடம் மதுரைக்கு அடுத்து பாண்டிய நாட்டின் மிக முக்கியமான சமண மதத்தின் செயலகமாக இருந்துள்ளது.

பாண்டியன் சமணத்தில் இருந்து சைவத்துக்கு மாறிய வேளை பல சமண குகைக்கோயில்கள் கைவிடப்பட்டன, மாற்றப்பட்டன.பல குடை வரைக் கோயில்கள் எடுக்கப்பட்டன.

வெட்டுவான் கோயில் - [அதாவது மலையை வெட்டிக் கோயில் செய்வான் உருவாக்கிய கோயில்] என்றே இன்றும் மக்கள் அழைப்பர்.

வெட்டுவான் கோயில் முழுமையடையவில்லை.ஆனால் மாமல்லபுரத்தை விட சிற்பங்கள் மிக நுணுக்கம் கொண்டவை.மாமல்லபுரத்தில் சிலைகள் கடற்காற்றினால் அரிக்கப்படுவதைக் காண்கிறோம்.

இக்கோயில் 7.5 அடி உயரம் உள்ள பாறையால் உருவானது.மூலஸ்தானம்,விமானம், திக் தெய்வங்கள், ப்ரம்மா, விஷ்ணு, தட்சிணாமூர்த்தி, சிவன்பார்வதி சிலைகள் ஆகியன மிக மிக அழகானவை.

அலங்காரக் கொடுங்கைகள் பல உள்ளன.

கோயிலைச் சுற்றிப் பல வட்டெழுத்துத் தமிழ் கல்வெட்டுகள் உள்ளன.

இவ்வூரில் வாழ்ந்த வேளாளர், குயவர், தச்சர், நெசவாளர், வாணிகர் என அனைத்து மக்களும் சமணப்பள்ளிக்கு நன்கொடை அளித்ததைக் கல்வெட்டுகள் கூறும்.

ஏனாதி, எட்டி, காவிதி ஆகிய பாண்டிய கால விருதுகளின் பெயர்கள் அவற்றில் உள்ளன.

சிந்தாந்தர் மற்றும் குணசாகர பட்டர் ஆகிய இரு சமண குருமார்கள் இவ்விடத்தில் இருந்துள்ளனர்.

நூறு ஆண்டுகள் பழமைமிக்க பெரிய கத்தோலிக்க தேவாலயமும் இவ்வூரில் உள்ளது.

இவ்வூர் தீப்பெட்டித் தொழிற்சாலைகள் கொண்டது.

பல்லவர்களுக்கும் பாண்டியர்களுக்கும் நல்ல உறவு இருந்த நிலையில் பல்லவ சிற்பிகள் இங்கு வந்து இப்பணியைச் செய்திருக்க வேண்டும்.ஆனால் நரசிம்ம வர்மன் காலத்தில் மிகப் பெரிய போர் வந்த போது சில காரணங்களால் பணிகள் முற்றுப்பெறாமல் இருந்து விட்டன.எஞ்சிய இக்கலைக்கோயிலை,சமணப்பள்ளியைக் காப்பது நம் கடமை.

இது நம் சொத்தல்லவா?

Maamandoor Pallava cave cut temple

Parent Category: Uni5 Holistic Intelligence
Category: History
Hits: 1974

மாமண்டூர் குடைவரைக் கோயில்கள் [பல்லவர்]

கி.பி 6ஆம் நூற்றாண்டு....

பல்லவ மன்னர்கள் மலைகள், பெரும் கற்பாறைகள் ஆகியவற்றைக் குடைந்து குடைவரை குகைக் கோயில்களை உருவாக்க மிக்க ஆர்வம் காட்டிய காலம்.

பக்தி இயக்கம் மூலம் ஆழ்வார்களும் நாயன்மார்களும் கோயில் கட்டிடக் கலைக்கு மேலும் உற்சாகம் கொடுத்த காலம்.

சமணர்கள் குகைகளில் பள்ளிகள் அமைத்து வாழ்ந்த அதே காலத்தில் சைவ வைணவக் கோயில்கள் குகைக் கோயில்களாக மாறிய காலம்.

பல்லவ தேசம் முழுவதும் உள்ள ப்ரம்மாண்டமான மலைகள், குகைகள்,பாறைகள் மகேந்திர பல்லவன் [1] தன் கருத்தைக் கவர்ந்தன.

”விசித்ர சித்தன்” என்றும் ”சித்ரகாரப் புலி” என்றும் தன் கலை ஆர்வத்திற்கும் கலைப் பணிக்கும் மக்கள் மூலம் பாராட்டப் பெற்றவன் அல்லவா?

அவன் படைப்புகள் பல தோன்றின.

அவற்றுள் ஒன்று தான் திருவண்ணாமலை மாவட்டத்தில் உள்ள மாமண்டூர் குடைவரைக் கோயில்கள்.

போவோமா?

காஞ்சிபுரத்தில் இருந்து வந்தவாசி போக்ம் சாலையில் தூசி என்ற ஊருக்கு அருகில் மாமண்டூர் உள்ளது.காஞ்சிபுரத்தில் இருந்து 15 கிலோ மீட்டர் தொலைவில் அமைகிறது.

இந்திய தேசத்தில் தொல்பொருள் துறையினரின் கட்டுப்பாட்டின் கீழ் பாதுகாக்கப்படும் பெருமை உடையது மாமண்டூர் குகைக் கோயில்.

மாமல்லபுரம், பல்லாவரம், சீயமங்கலம், சிங்கவரம், திருச்சி மலைக்கோட்டை,மாமண்டூர் போன்ற இடங்களில் மகேந்திரவர்மனின் குடைவரைக் கோயில்கள் காணலாம்.

மாமண்டூரில் அம்மன்னன் காலத்துக் கல்வெட்டு ப்ராமி எழுத்து வடிவில் பொறிந்துள்ளது.

பாலாற்றங்கரையில் தான் மாமண்டூர் குகைக் கோயில்கள் உள்ளன.

முதல் குகைக் கோயிலில் நரசிம்ம பெருமாள் உள்ளார்.

இரண்டாம் குகைக் கோயில் சிவனுக்கு உரியது.

இதை ”சைவ ருத்ரவலீச்சரம்” என்று மகேந்திரன் குறிக்கிறான்.

அழகிய த்வார பாலகர்கள் காவல் கொள்ள மகேந்திரன் காலத்து சிவலிங்கம் இன்றும் உள்ளது.

பிரம்மாவுக்கும் தனி சன்னிதியை ஏற்படுத்தினான்.

சைவத்தையும் வைணவத்தையும் இரு முக்கிய சமயங்களாகப் பல்லவர்கள் பின்பற்றினர்.

இதே காலத்தில் தான் பாண்டியர்களும் ஒத்தக்கடை, திருப்பரம்குன்றம்,கழுகுமலை போன்ற இடங்களில் குகைக் கோயில்கள் கட்டினர்.

கோயிலின் ஊரின் நீர்த் தேவைக்கு ”சித்ரமேக தடாகம்” என்ற குளத்தை மகேந்திர பல்லவன் ஏற்படுத்தியுள்ளான்.அது குகைகளுக்குப் பின் உள்ளது.

குகைகளில் அவன் காலத்துத் தமிழ் கல்வெட்டுகளும் ஓவியங்களும் உள.அவற்றைக் காப்பது நம் கடமை.

”இசைக் கலையில் ஓவியக் கலையில் கோயில் கட்டிடக் கலையில் இதுவரை யாருமே கண்டு அறியாத புதுமைகளைக் காண நான் முயல்கிறேன்” - என்று மகேந்திர வர்ம பல்லவன் எழுதியுள்ளான்.இக்கால இளைஞர்கள் இதைக் கருத்தில் கொள்க.அரசர்கள் தேசத்தில் பல நன்மைகளைச் செய்தனர்.

பிற்காலத்தில் பராந்தக சோழன் 1 இக்கோயிலைப் பராமரித்துள்ளான்.அவன் காலத்தில் குகைகள் முழுதும் வண்ணம் பூசப்பட்டது.

ஐந்து குகைக் குடைவரைக் கோயில்கள் மொத்தம் உள.

ஒரு கோயில் பாறையின் மீது அமைகிறது.

கல் க்வாரிகள் மூலம் மண் வளத்தை சீர் கெடுக்கும் இக்கால மக்கள் உணர்க - அரசன் நினைத்து இருந்தால் அனைத்து பாறைகளையும் உடைத்து விற்று இருக்கலாம், மாளிகைகள் கட்டி வைத்து இருக்கலாம்.

குடைவரைக் கோயில் என்பது புதிய கலை வடிவம் மட்டும் அல்ல அது கற்களை சுரண்டுவதைத் தடுக்கும் பணி!

இருக்கும் வளத்தையாவது காப்போம்.

மாமண்டூர் சென்று வருக!

Rajaraja chola's service to Tamil

Parent Category: Uni5 Holistic Intelligence
Category: History
Hits: 1952

திருமுறை கண்ட சோழன் ராஜராஜன் 1

[கி.பி 947 - கி.பி 1014]

பிறப்பு: ஐப்பசி மாதம் சதயம் நாள்

பெரிய கோயில் எழுப்பப்பட்ட காலம் - கி.பி 1003 - கி.பி 1010 [ஏழு ஆண்டுகள்]

தந்தை - பராந்தக சுந்தர சோழன்

தாய் - வானவன் மாதேவி

இயற்பெயர் - அருள்மொழி வர்மன்

அண்ணன் - ஆதித்ய கரிகாலன்

அக்காள் - குந்தவை

ஆட்சிக்கு வந்த ஆண்டு - கி.பி 985

தன் முப்பத்தி எட்டாம் வயதில் ஆட்சிக்கு வந்தான்.

ஐம்பத்தியேழு ஆண்டுகள் உயிர் வாழ்ந்தான்.

தன் அண்ணன் ஆதித்ய கரிகாலன் ஆளும் போது போரில் கொல்லப்பட,அதைத் தொடர்ந்து உத்தம சோழன் வர, அவன் இறந்தபின் ராஜராஜன் ஆட்சிக்கு வருகிறான்.

தன்னை, ”ராஜராஜ சிவபாத சேகரன்” என்று அழைத்துக் கொள்வதில் ஈடற்ற மகிழ்ச்சி உண்டு.சிவனின் பாதத்தையே தான் அடிமையாகத் தலையில் சதா அணிவதாகக் கல்வெட்டுகளில் பதிவாக்கியுள்ளான்.

தன் அக்காள் குந்தவையைத் தன் அரச ஆலோசகியாக்கிப் பெண்மையின் மேன்மையைக் காட்டினான்.

லோகமாதேவி, புவனமாதேவி என இரு அரசிகளும் மற்றும் இரு மனைவியரும் அவனுக்கு இருந்தனர்.

மகன் - ராஜேந்திரன் 1

மகள்கள் - குந்தவை [அக்காள் மீதுள்ள அன்பால் தன் மகளுக்கு அவர் பெயர் சூட்டினான்], மாதேவ அடிகள், கங்கமாதேவி.

உலகம் போற்றும் தஞ்சைப் பெரிய கோயில் எடுத்தான் இந்த ராஜராஜன்.

அது சரி, அவன் தமிழுக்குச் செய்த மா....பெரும் பணி தெரியுமா?

அது தான் காலத்தால் மறைந்த மறைக்கப்பட்ட தமிழ் தெய்வீகத் திருப்பதிகங்களை ”தேவாரம்” என உலகிற்கு அளித்த ஒப்பற்ற பணி.

ராஜராஜன் இல்லையேல் இன்று தமிழுக்கு தேவாரம் இல்லை...”பக்தியின் வெளிப்பாட்டு மொழி” என்ற மேன்மையும் இல்லை.

ஆனால் தேவாரமாக அளித்த மன்னனுக்கு உரிய மரியாதை இல்லை....சைவ மக்களும் அவனை மறந்தனரோ?

கி.பி 6 - 9 ஆம் நூற்றாண்டுகளில் சம்பந்தர், அப்பர்,, சுந்தரரால் பாடப்பட்ட திருப்பதிகங்கள் சிதம்பரத்தில் கோயிலில் ஓர் அறைக்குள் வைக்கப்பட்டு, பின் கேட்பார் இன்றி ஓலைகள் கறையானால் வீணான சமயத்தில் நம்பி ஆண்டார் நம்பி என்ற அன்பரின் மூலம் ராஜராஜ சோழன் வெளிக்கொண்டு வந்தான்.

அவற்றுள் பல ஓலைகள் வீணாகிப் பொடிந்து போயின.எஞ்சியவற்றை அவன் முறைப்படுத்தினான்.சம்பந்தருக்கு யாழ் வாசித்த திருநீலகண்ட யாழ்பாணர் தம் குலமரபில் வந்த மதங்கசூளாமணி என்ற பெண்மணி தேவார ராகங்களை வழிவழியாய்க் கற்றுப் பாடிவர,அவள் உதவியுடன் தேவாரப் பதிகங்களுக்கு இசை அமைத்தான் மன்னன்.

அவற்றைப் பாடவும், அதற்கு ஏற்ப நாட்டியத்தையும் அமைத்தான்.

தஞ்சைப் பெரியகோயிலின் குடமுழுக்கு அன்று தேவார இசையை மீட்டுருவாக்கம் செய்தான்,மக்கள் வியந்தனர், விழிப்புணர்வு கொண்டனர்,பதிகங்கள் பல ப்ரதிகள் எடுக்கப்பட்டு பல ஊர்களுக்கு, குறிப்பாய், பாடல் பெற்ற ஊர்களுக்கு அனுப்பப் பட்டுக் கோயிலில் பயன்பாட்டுக்கு வர, அதைப் பாடும் இசைக் கலைஞர்களுக்கு ”ஓதுவார்” பட்டமும் பணியும், அதற்கு ஆடும் ஆண் பெண் தேவர் அடியார்களுக்கு உயர் பணியும் கோயில்களில் ராஜராஜன் ஏற்படுத்தினான்.

அதனால் அவனுக்குத் ”திருமுறை கண்ட சோழன்” என்ற ஒப்பற்ற பட்டத்தைச் சமூஹம் அக்காலத்தே வழங்கியது.

இன்று பார் புகழும் தமிழ்ப் பதிகங்கள் அவன் இல்லையேல் இல்லை.அவனது தமிழ்த் தொண்டை அடுத்த தலைமுறை அறியட்டும்.

ஆழ்வார்கள் பாடிய தமிழ் பக்திப் பாடல்கள் ஸ்ரீநாதமுனிகளால் தொகுக்கப்பட்டு பரப்பப்பட்ட நன்றிக்காக வைஷ்ணவக் கோயில்களில் அவருக்குத் தனி சன்னிதி உண்டு, அவரது பிறந்த நாளையும் வைஷ்ணவக் கோயில்கள் கொண்டாடுவதைக் காண்க.அது போல் சைவக் கோயில்கள் ராஜராஜனுக்கு சன்னிதியோ உற்சவ மூர்த்தியோ அமைத்து அவனது ஐப்பசி சதயம் நாளைக் கொண்டாடலாமே?

யோசியுங்கள்!

City History

Page 4 of 6