History
- Details
- Parent Category: Uni5 Holistic Intelligence
- Category: History
- Hits: 2267
தமிழ்த் தொண்டு செய்ய வாரீர்...
தமிழ் மொழி
இன்று உலகில் உள்ள மிகப் பழமையான மொழிகளுள் ஒன்று
குமரிக்கண்டத்தில் ஆதிமனிதன் மூலம் உருவான மொழி
அதில் இருந்து பல்வேறு கிளிஅ மொழிகளைத் தோற்றுவித்த மொழி
குமரிக்கண்டம் பிரிந்த போது மக்கள் பிரிந்தனர், அவர்தம் மொழிகள் பிரிந்தன.மிகத் தொன்மை மிக்கத் தமிழின் வார்த்தைகள் ஆப்பிரிக்க, மொரீஷியஸ் பழங்குடி மக்களின் மொழிகளில் உள்ளன.
மொழி இல்லையேல் மனிதன் எண்ணத்தை வெளியிடவே முடியாது என்ற மாபெரும் உண்மையை உணர்ந்த தமிழன் அதை தெய்வமாகவே போற்றினான்.உலகில் வேறு எந்த மொழியையும் மக்கள் வணங்குவதில்லை.
தமிழன்னை, தமிழ்ச்செல்வி, தமிழ்வாணி, தமிழரசன், தமிழ்ச்செல்வன் என்று பற்பல பெயர்களை இட்டும் நாம் வழங்குகிறோம்.
குமரிக்கண்டத்தை ஆண்ட பாண்டியர் மொழியை ஆதிசக்தியின் சப்த வடிவாகவே மதித்தனர்.மொழி மூலம் சமூஹ நலனுக்கு ஏற்ற கருத்துக்களை வெளியிட்டனர்.அதுவே தமிழ்ச் சங்கம்.புலவர்கள் சமூஹத்துக்கு ஏற்ற கருத்துக்களை இலக்கிய வடிவில் அளித்தனர்.
தமிழின் இலக்கணம் அகத்திய முனிவரால் முதன்முதலில் எழுதப்பட்டது.அதையே அகத்தியம் என்கிறோம்.அதைக் கொண்டு பல இலக்கியங்கள் தோன்றின.ஆனால் இவை முதல் சங்கம் கடல்கோளால் அழிந்த போது அழிந்தன.
அகத்தியரின் நேரடி மாணவன் தொல்காப்பியன்.
அவர் அகத்தியத்தின் மறுபத்திப்பைத் தன் தொல்காப்பியம் வடிவில் வெளியிட்டார்.இது இரண்டாம் தமிழ்ச் சங்கத்தில் ஏற்பட்டது.
அன்று முதல் இன்று வரை பல இலக்கண நூல்கள் தமிழில் உள.
தமிழின் வளர்ச்சி என்பது இன்றுள்ள நவீன தகவல் தொழில்நுட்பத்துக்கு ஏற்ப அம்மொழி பயன் படுத்தப் படுகிறது என்பதே ஆகும்.
பிற்காலத்தில் வடமொழி, பாலி, ப்ராக்ருதம், தெலுங்கு, மராட்டி, ஐரோப்பிய மொழிகள், அரபு, உருது போன்ற பல மொழிகள் தமிழுடன் கலப்பினும் தமிழ் தன் தனித்தன்மையை இழக்கவில்லை.
ஆனால் இன்றுள்ள திரைப்படங்கள், பத்திரிக்கைகளில் சில, தொலைக்காட்சிகள் மொழியைக் கொலை செய்வதைக் காண்கிறோம்.
தமிழைத் தமிழ் போல பேசுக, பாடுக.
பன்மொழிப் புலமை மிக மிக அவசியம்.ஆனால் தமிழை நாம் நீர்த்துப் போகச் செய்தல் நலம் இல்லை.
இன்றும் ”எதை மக்களுக்குச் சொல்ல வேண்டும்?” என்ற பாடுபொருளைக் கூற இலக்கணம் வகுத்த உலகின் ஒரே மொழி தமிழ்.ஆனால் இன்று ஊடகங்கள் அதை மறந்தன.
இன்று தமிழ் மொழியின் தொன்மைமிக்க வரலாற்றை அறிய வேண்டும், பல ஊர்கள், கட்டிடங்கள் ஆகியவற்றைக் காண வேண்டும், அவற்றின் பெருமையைப் பரவச் செய்க, வரலாற்றின் மூலம் இன்று நாம் செய்ய வேண்டிய பணிகளைச் செய்ய வேண்டும்.
தமிழ் மொழியின் வளர்ச்சி என்பது மக்களின் தரமான எண்ணமும் செயலுமே.அதற்கு வழிசெய்வது மொழியின் படைப்புக்கள்.இதைச் செய்த பற்பல அறிஞர்களை அறிக, போற்றுக, பின்பற்றுக.
இயல் - இசை - நாடகம் என்று முத்தமிழையும் நவீன விஞ்ஞானத் தொழில் நுட்பத்தின் உதவியுடன் வளர்த்திடுக.
பிற மொழிகளில் உள்ள தரமான நல்ல கருத்துக்களை, படைப்புக்களை வரவேற்கலாம், ஆனால் அம்மொழிகள் நம்மை ஆட்கொள்வதைத் தடுப்போம்.
எந்த ஒரு மொழியையும் மதம், சாதியுடன் தொடர்பு கொள்ள வேண்டாம்.மொழி ஒரு பேனா...அதன் மூலம் எத்துறையையும் எழுதலாம்.சாதிக்கும் மதத்துக்கும் மொழிக்கும் சம்மந்தமே இல்லை.
நம் தமிழகத்தின் எந்த ஒரு நல்ல கலை வடிவத்தையும் வரவேற்போம், ஏளனம் செய்ய வேண்டாம்.கலைகளை பேதம் பிரிக்காமல் அதனதன் வடிவில் ரசிப்போம்.
தமிழ் மட்டுமே சிறந்தது என்ற கர்வத்தை விடுவோம்.அனைத்து மொழிகளையும் மதிப்போம்.
தரமான படைப்புக்களை உருவாக்கி அதை நவீனத் தகவல் தொழில் நுட்பத்துக்கு உட்பட்டு மக்களிடையே பரப்பி, தரமான எண்ணங்களையும் செயல்களையும் மக்களிடம் உண்டாக்குவதே தமிழ்த் தொண்டு.
தமிழை தன்னலத்துக்குப் பயன்படுத்த வேண்டாம்.
ஆம் அது தெய்வத்தமிழ்.
- Details
- Parent Category: Uni5 Holistic Intelligence
- Category: History
- Hits: 2083
தமிழரின் கடல் வணிகம்
தண்ணீரில் நீந்தும் மீனைப் பார்த்த மனிதன் படகைச் செய்தான்.
மரக்கட்டைகளும் பெரிய மரங்களும் மிதக்கும் அறிவியல் கோட்பாட்டின் பின்னணியை உணர்ந்து நீந்தினான், மிதந்தான் மற்றும் மிகப் பெரிய கப்பல்களைச் செய்தான்.
காற்றின் போக்கையும் நீரின் போக்கையும் உணர்ந்து திசை நோக்கிய நீர் வழிப் பயணத்தை உருவாக்கினான்.
தரையில் ஒரு பொருளை எளிதாக இடம் பெயர்க்க சக்கரத்தின் கண்டு பிடிப்பே மிக முக்கியமானதாக இருந்த போது, நீர் மூலம் மிக அதிக அளவில் பெரிய பொருட்களை இடம் பெயர்க்கக் கற்றபோது கடல், ஆற்றுப் பயணங்கள் வேர் ஊன்றின.
அதிலும் பாரதத்தில் தென் பகுதியில் தமிழ் நாடு மூன்று திசைகளிலும் கடல்களால் சூழப் பட்ட இயற்கைத் தன்மை கொண்டது.அதிலும் குமரிக் கண்டப் பாண்டியர் மிக ஆதி காலத்தே கடல் வழியில் பயணங்கள் மேற்கொண்டுள்ளனர்.
மீண் பிடிக்கத் தண்ணீரில் பயணித்ததே முதல் நீர்ப் பயணம் என்று கூறுகிறோம்.
அதன்பின் வேறு தேசங்களுக்குப் பயணிக்கும் திறனை மனிதன் வளர்த்துக் கொண்டான்.
வானம், விண்மீன்கள், காற்று, திசைகள், தண்ணீரின் போக்கு ஆகியவற்றின் உறுதுணையுடன் இன்று வரை மனிதன் பூமி மீதுள்ள கடல்கள் மீது பயணித்து வருவதைக் காண்கிறோம்.
கடல் பயணம் என்ற போக்குவரத்து வளர வளர பூமியில் உள்ள வெவ்வேறு பகுதிகளில் உள்ள மக்கள் இணைந்தனர், பண்ட மாற்று ஏற்பட்டு வாணிபம், பொருளாதாரம், சமயம், கலாச்சராப் பண்பாடு பரிணாமம் கொண்டன.
இவற்றை அடிப்படையாகக் கொண்டே தமிழர்களின் முற்காலக் கடல் பயணம், வணிகம் ஆகியவற்றைக் குறித்து இப்பகுதியில் காண்கிறோம்.
சேர சோழ பாண்டிய பல்லவ தேசங்களில் கடல் வணிகம் செழித்து வளர்ந்தது.
கிழக்கு - மேற்கு தேசங்களுடனும், பாரத தேசத்தில் அக்காலத்தில் இருந்த பிற தேசங்களுடனும் தமிழர் கடல் வணிகம் மேற்கொண்டு பொருளாதரத்தை வளர்த்தனர்.
கிழக்கு தேசம் முழுவதையும் சீன தேசம் என்று பொதுவாகக் குறிப்பிட்டனர்.
மேலை தேசத்தில் எகிப்து,க்ரீஸ் மற்றும் ரோம் தேசங்களை யவனர் என்றனர்.
அரபு தேசம் அரேபியர் என்றே குறிப்பிடப்பட்டது.
மேற்குக் கடலை அரபிக் கடல் என்றே கூறினர்.
இலங்கை, பர்மா, ஜாவா, சுமத்ரா, மலேயா, சிங்கை, சீனா ஆகிய தேசங்களுடன் வணிகம் தொடர்ந்தது.
இலக்கியங்கள், அகழ்வாய்வு, கல்வெட்டுகள், செப்பேடுகள், கட்டிடங்கள், வரலாற்றுக் குறிப்புகள், பயண நூல்கள் மூலம் அக்காலக் கடல் பயணம் மற்றும் வணிகம் குறித்த ஆய்வுகள் மேற்கொள்ளப் படுகின்றன.
அரேபியர்கள் சேர தேசத்துடன் மிக அதிக அளவில் வணிகம் செய்தனர்.
யவனர் தமிழகம் முழுவதும் வணிகத் தொடர்பு கொண்டனர்.
தென்மேற்கு - வடகிழக்குப் பருவக் காற்றை சுத்தேசித்துக் கடல் பயணங்கள் மேற்கொள்ளப் பட்டன.
மிகப் பெரிய மரக்கப்பல்கள் கட்டும் தொழில் நுட்பம் தமிழகத்தில் இருந்தது.
கலம், நாவாய் என்ற சொற்களால் கப்பல்கள் குறிக்கப் பட்டன.
கப்பல் படை மூலம் மூவேந்தர்களும் தம் கடல் எல்லைகளைக் காத்தனர்.
கடற்கொள்ளையர்களை ஒடுக்கும் கப்பல் படையினர் இருந்தனர்.
இலங்கை மீது அதிக அளவில் கப்பல் படைத் தாக்குதல் மூலம் பல போர்கள் நிகழ்ந்தன.
பல்லவ தேசம் - துறைமுகங்கள் - திருமயிலை[கூவம்], மாமல்லபுரம் [நீர்பெயற்று]
சோழ தேசம் - கடலூர் [கெடில ஆறு], பூம்புகார் [காவிரி], நாகப்பட்டிணம் [உப்பங்கழிகள்]
பாண்டிய தேசம் - தொண்டி, கொற்கை [தாமிரபரணி], குமரி
சேர தேசம் - தொண்டி, முசிறி [உப்பங்கழிகள்]
பழவேற்காடு, சதுரங்கப்பட்டிணம், மதராஸ் என்ற சென்னை, தரங்கம்பாடி ஆகியன கடந்த அறுநூறு ஆண்டுகளில் ஏற்பட்ட துறைமுகங்கள்.
ஆறுகளின் முகத்வாரங்களில் துறைமுகங்கள் அமைந்தன.பெருந்துறை என்ற பெயர் துறைமுகங்களின் பழைய பெயர். [பெரிய கடற்துறை]
காரணம் கப்பல்களில் இருந்து வரும் பொருட்களை எளில் நிலப்பரப்புக்குக் கொண்டு வர உப்பங்கழிகள், ஆறுகள் பயண்பட்டன.
கப்பல்களுக்கு வழிகாட்ட உயரமான கலங்கரை விளக்குகள் இருந்தன.
விடிய விடிய விறகுகளில் வேப்ப எண்ணெய் ஊற்றி அவை எரிக்கப் பட்டன.
அதன் மூலம் இரவில் கொசுத் தொல்லை நீங்கும்.
கோடியக்கரையில் ராஜராஜன் காலத்துக் கலங்கரை விளக்கமும், மாமல்லபுரத்தில் பல்லவர் காலக் கலங்கரை விளக்கமும் இருக்கின்றன.
துறைமுகங்களில் கப்பல்கள் கட்ட தனி இடம் இருந்தன.
இன்றும் மாமல்லபுரத்தில் அத்தகைய படகுத்துறையைக் கடற்கரைக் கோயில் அருகில் காணலாம்.
கடலில் பயணம் மேற்கொள்ளும் முன் வருண பகவானை வணங்கினர்.
இறக்குமதி செய்யப்படும் பொருட்களின் மீது அரச சின்னம் முத்திரை குத்தப்படும்.
சுங்கவரி விதிக்கப் பட்டு இறக்குமதி நிகழ்ந்தது.
சுங்கச் சாவடிகள் ஆங்காங்கே இருந்தன.
பூம்புகார் முதல் கேரளம் மாநிலம் கொடுங்கலூர் வரை வணிகச் சாத்து சாலை மிக அருமையாக இருந்தது.அதுவே இன்றைய தேசிய நெடும் சாலையாக உள்ளது.
சேர தேசத்தின் தலைநகரம் வஞ்சி.இன்றூ அதன் பெயர் கொடுங்கலூர்.அவ்வூரின் கடற்கரையுடன் கூடிய துறைமுகமே அக்காலத்தில் மிக ப்ரபலமான முசிறித் துறைமுகம்.இன்று அதன் பெயர் அழிக்கோடு [ஆழிக்கோடு].அரபியக் கப்பல்கள் 40 நாட்கள் பயணித்து இவ்விடம் சேர்ந்தன.
மதுரை மாநகருள் பிற தேசத்தில் இருந்து வணிகத்துக்காக வந்த வேற்று தேசத்து மக்களின் வியாபாரப் பேச்சு மொழி கலந்து ஒலித்தது என்று மதுரைக் காஞ்சி கூறும்.
மதுரை, பூம்புகார், வஞ்சி, காஞ்சி ஆகிய ஊர்களில் வேற்று நாட்டு வணிகர்களின் வீடுகள் இருந்தன.
புத்தமதம் கடல் வழிப் பயணத்தைக் கொண்டே கிழக்கத்திய தேசங்கள் அனைத்திலும் பரவியது.மயிலை, மாமல்லபுரம், பூம்புகார், நாகப்பட்டிணம் ஆகிய துறைமுகங்கள் புத்த மதப் பிட்சுகள் பயணிக்கும் இடங்கள்.
எகிப்தியர்கள் அரசன் அரசியின் உடலை மம்மிஃபை - பதப்படுத்துதல் செய்ய சேர தேசத்தின் மசாலப் பொருட்களையும், சோழ தேசத்தின் உப்பையும் வாங்கினர்.
பாண்டிய தேசத்தின் கொற்கை முத்துகள் மிக மிக விலை உயர்ந்த ஏற்றுமதிப் பொருட்களில் ஒன்று.உலக அழகி எகிப்திய க்ளியோபாட்ரா தன் க்ரீடத்தில் கொற்கை முத்துக்கள் பதித்தாள்.தன் காலணிகளில் கொற்கை முத்துக்கள் பதித்தாள்.நீல நிறக் கொற்கை முத்துக்கள் மிகவும் விலை போயின.பாண்டிய அரசர்கள் முத்துக்களை நினைவுப் பரிசாக வேற்று தேசத்து அரசர்களுக்கு வணிகர் மூலம் அனுப்பினர்.
மிளகைத் தங்கத்துக்கு இணையான பொருளாக மதித்ததால் அதற்கு ”கருப்புத் தங்கம்” என்றே பெயர்.
சைனா பட்டுக்கும், சர்க்கரைக்கும், உப்புக்கும் பெயர் போனது.அஜினமோட்டோ என்ற சீன உப்பு அதுவே.சர்க்கரையை நாம் சீனி [சீனப்பொருள்] என்கிறோம்.சீனர்கள் நம் பாண்டிய தேசத்தின் சந்தனத்தை மருந்துப் பொருளாக வாங்கினர்.
இன்று தேசம் முழுவதும் பயன்படுத்தப்படும் மிளகாய் சைனாவில் இருந்து வந்ததே ஆகும்.அதைச் சேர தேசத்து மக்கள் ”கப்பல் மிளகாய்” என்றே கூறினர்.
ஏற்றுமதியான பொருட்கள்
சேர தேசத்தின் உயர் ரக மிளகு
பாண்டிய தேசத்தின் கொற்கை முத்துக்கள்
ஆடை வகைகள்
நகைகளில் பதிக்கும் கற்கள்
சந்தனம்
யானைத் தந்தம்
யானைகள்
மயில்கள்
உயர் ரகப் பசுக்கள், காளைகள், எருமைகள்
குரங்கு - ஆயுத வகை
லவங்கம்
ஏலம்
கிராம்பு
பட்டுத்துணி
கண்ணாடி
கருங்காலிக் கட்டைகள்
பவளம்
மீன்
உப்பு
மிக மிக மென்மையான ஆடைகள்
இறக்குமதி செய்யப்பட்ட பொருட்கள்
தங்கம்
ஈயம்
தகரம்
செம்பு
பீங்கான் கண்ணாடிப் பாத்திரங்கள்
உயர் வகை மது
சைனாப் பட்டு
சைனா உப்பு
சைனா சீனி [சர்க்கரை]
இலங்கையில் தயாராகும் சில விசேஷ உணவுகள்
பாவை விளக்குகள்
அன்னப்பட்சி கொண்ட விளக்குகள்
வாசனைப் பொருட்கள்
அரபிக் குதிரைகள்
க்ரீஸ் ரோம் தேசத்துப் பெண் வேலையாட்கள்
ஆப்பிரிக்க அடிமைகள்
எகிப்து தேசத்து வாசனைத் திரவியங்கள்
பண்டமாற்று முறையிலும் நாணயங்கள் முறையிலுமே பொருட்கள் வணிகம் மூலம் கைமாறின.அதனால் தான் நம் ஊர்களில் வேற்று தேசத்தின் காசுகள் பல கிடைக்கின்றன.
ஒரு ஊரில் கிடைக்காத பொருளை அடுத்த ஊரில் பெற்றுக் கொண்டனர்.அதிலும் இயற்கையால் விளையும் பொருட்களே வணிகம் செய்யப்பட்டன.
ஒரே நாட்டினுள்ளும் அதே கதியில் தான் பண்டமாற்று முறையில் வணிகம் அதிகம் நிகழ்ந்தது.ஏன் கடந்த நாற்பது ஆண்டுகல் முன்பு வரை இம்முறை வழக்கத்தில் கிராமங்களில் இருந்தது.
பொருட்கள் அதன் உற்பத்தியின் அடிப்படையில் தான் மதிக்கப் பட்டன.உதாரணம்: நெல்லுக்கும் பருப்புக்கும் இணையானவை மீனும் உப்பும்.
மனிதன் தன் உடல், அறிவு ஆகியவற்றைப் பயன்படுத்தி உற்பத்தி ஆகும் இவை தரம் பார்த்து, மதிக்கப்பட்டு, பண்டமாற்றம் செய்யப்பட்டன.
அதனால் அனைவருக்கும் அவரவர் உழைப்பிற்கு ஏற்ற வருமானம் கிடைத்தது எனலாம்.
சில விலை அதிகம் கொண்ட பண்டங்கள் காசு கொடுத்தே வாங்கப்பட்டன.
இறால் மீனுக்கு நிகர் நெல், தானியங்கள்
நெல்லுக்கு பதில் உப்பு
பால், தயிர், வெண்ணெய்க்கு ஈடு நெல், மீன்
மாமிசத்துக்கு இணை தானியங்கள், நெல்
மலைத் தேனுக்கு ஈடாக நெல், தயிர், மாமிசம், மீன்
கிழங்குக்கு இணையாக தானியங்கள்
மத்தி மீனுக்கு இணையாகப் பாசிப்பயறு
மிளகுக்கு இணையாக பொன்
மாட்டு வண்டி, குதிரைகள், கழுதைகள், யானைகள் மூலம் பொருட்கள் ஊர் ஊராகச் சென்று விற்கப்பட்டன.
ஏணி வைத்து ஏறினாலும் கால் வலிக்கும் வண்ணம் உயரமான மாடங்கள் எழுப்பப்பட்டு அதன் மீது விடிய விடிய கப்பல்களுக்கு வழிகாட்டியாய் நெருப்பு ஏற்றப்பட்டது.
தூய வெள்ளைத் துணியாய் செய்த பாய்மரக் கப்பல்கள் மிதக்கும் கொற்கைக் கரையில் வெளிதேசத்து வணிகர்கள் பாண்டிய தேசத்தின் அழகிய விதவிதமான முத்து அணிகள் வாங்கிடக் கடைகளில் உலவினர்.
பெண்கள் மீன், கருவாடு, உப்பு, தயிர், பால், வெண்ணெய், தானியங்கள் விற்றுக் குடும்பத்தின் வருவாயைக் கூட்டினர்.
கி.பி ஒன்றாம் நூற்றாண்டில் ரோம் தேசத்தை அகஸ்டஸ் சீசர் ஆளும் போது சேரரும் பாண்டியரும் வணிகம் செய்தனர்.அவனது முகம் பொறித்த காசுகள் முசிறி, கொற்கையில் கிடைத்துள்ளன.
மிளகு மிக உயர்ந்த பொருள்.அதைக் கரும்பொன் என்றும் யவனப்ரியா என்று கூறினர்.உணவுப் பதப்படுத்துதலிலும் மருந்துகளிலும் அது அதிகம் பயன்பட்டது.
மேலை தேசங்களில் இருந்து உயர் ரக மது வகைகள் இறக்குமதி செய்தனர்.[இதை மாணவர்கத்குக் கூற வேண்டாம்]
பெரிய படகுகளான நாவாய், சிறிய பாய்மரத்தோணிகள், மிகப்பெரிய பாய்மரக் கப்பல்களும், கட்டுமரங்களும், மூங்கில் தெப்பங்களும் பயன்பட்டன.
மிகப்பெரிய பாய்மரக் கப்பல்களே வங்கம் எனப்படும்.அவை மிக அதிகம் பயணித்த கீழைக் கடல் வங்கக் கடல் ஆயிற்று.
க்ரேக்க நூல்கள் நம் பூம்புகாரைக் ”காமரா” என்று குறிப்பிடும்.
பாண்டியர் தம் சிறைக் கைதிகளையும் அடிமைகளையும் கொற்கையில் முத்துக்குளிக்க அதிகம் பயன்படுத்தினர்.
உப்பு விற்பவர் உமணர் ஆவர்.அவர்கள் மாட்டு வண்டிகளில் பல தூரம் சென்று உள்நாட்டில் உப்பு விற்பர்.
ஒரு வியாபாரிகளின் கூட்டம் ”வணிகச் சாத்து” என்று அழைக்கப்பட்டது.
கொங்கு தேசத்தின் பல ஊர்களில் இருந்து அரிய வகைக் கற்கள் ஏற்றுமதி ஆயின.பொன் கல் ஊர் - பொன்னில் பதிக்கும் கற்கள் விளையும் ஊர் - பொங்கலூர் ஆகும்.இன்றும் அவ்வூரைச் சுற்றி மிகவும் வெண்மையான கற்கள் கிடைப்பதைக் காண்க.
பிற்காலத்தில் பல சிறு துறைமுகங்களும் இருந்துள்ளன.
உவரி, வீராம்பட்டிணம் போன்ற ஊர்களில் சிறிய அளவில் கடல் வியாபாரம் ஆயிற்று.
இப்பகுதியில் இருந்து நாம் தெரிந்து கொள்ள வேண்டியது யாதெனில்,
தரமான பொருட்கள் உற்பத்தியைப் பொருத்தே பிறர் நம்மை நாடுவர்.
வணிகத்தில் நேர்மை இருப்பின் பிறர் நம்மை அண்டுவர்.
பிற தேசத்துடன் வணிகம் செய்ய வேண்டும்.
தனி மனிதன், சமூஹ, தேசப் பொருளாதாரம் உயர வேண்டும்.
ஆனால் அதன் மூலம் தரமான நல்ல கலாச்சாரம் பண்பாடு நாகரீகம் மட்டும் பரிமாற்றம் கொள்ளப் பெற வேண்டும்.
அதே போல் வெளிதேசத்து வணீகம் மூலம் உள் தேசத்துப் பொருளாதாரத்தில் வீழ்ச்சி வருவதை அறிந்தால் மன்னர்கள் அதைத் தடுத்துள்ளனர்.சேர மன்னன் ஒருவன் வெளி தேசத்துக் கப்பல்கள் முசிறி சேராவண்ணம் படை அமைத்தான்.காரணம் வணிகம் மூலம் பின்னர் நாம் அடிமைப் பட்டு இன்று வரை வெளிதேசத்து மோகத்தில் வாழ்வது தெரிகிறது.
தமிழர் தம் கடல் வணிகம் என்பது நம் முன்னோரின் அறிவுக்குச் சான்று!
- Details
- Parent Category: Uni5 Holistic Intelligence
- Category: History
- Hits: 2145
கண்ணகி வழிபாட்டை ஏற்படுத்திய சேர அரசி
சமூஹப் பொறுப்புடன் ஓர் அரசி....
கண்ணகி நீதியை நிலை நாட்டினாள்.
நெடுவேள் குன்றம் ஏறி வடக்கு இருந்து உயிர் விட்டாள்.
சரி...
இதைக் கண்டு குறவர் [இன்றும் குமுளி மலை வாழ் பழங்குடியினராகிய பளியர் இனத்தோர்] அவளை சமாதியாக்கினர்.
அதைத் தம் அரசனாம் சேரனிடம் கூறினர்.
அவனும் அதை உணர்ந்து வியந்தான்
இளங்கோ காப்பியம் ஆக்கினார்
சரி...
கண்ணகியை தெய்வம் ஆக்கியது யார்?
அரசி வேண்மாள்...செங்குட்டுவனின் மனைவி
சமூஹத்துக்குத் தாயாய் முன் உதாரணமாய் இருக்க வேண்டிய அரசனும் அரசியும் அதைச் செய்தனர்.
சமூஹத்தில் மக்களுக்கு நெறியான நேர்மையான வாழ்வை உணர்த்த கண்ணகி உதாரணம் என்று உணர்ந்த அரசி ”நம் மலை நாடு புகுந்த இப்பெண்ணை வணங்க வேண்டும்” என்று கூறி அவளுக்குக் கோட்டமும் வழிபாடும் கொண்டு வருகிறாள்.
ஓர் அரசியின் சமூஹப் பொறுப்புணர்வினை அவள் செய்கிறாள்.
அந்த அரசியை மதிப்போம்.
வீட்டின் பெண் மூலம் தான் அவ்வீடும் குடும்பமும் சமூஹமும் உயரும் என்பதே பாரத தேசத்தின் சத்யம்.
அதுவே உண்மையான பெண்ணியம்.
- Details
- Parent Category: Uni5 Holistic Intelligence
- Category: History
- Hits: 2296
சிலப்பதிகாரம் பதிவு செய்யும் முக்கிய கூத்துகள் - நடனங்கள்
மாதவி மூலம் இவற்றை அறிமுகம் செய்கிறார்.
இதன் மூலம் தமிழர் கூத்துக் கலைக்குத் தந்துள்ள முக்யத்துவம் புரியும்.
இன்றைய பரதத்தில் இவை எப்படி உள்ளன என்பதைக் காண்க.
சும்ப நிசும்பர்களை மயக்கி அழிதற் பொருட்டு பாரதியாகிய மஹாசரஸ்வதி ஆடிய பாரதி அரங்கக் கூத்து.
திரிபுரங்கங்களையும் அதன் அசுரர்களையும் அழித்த பின், சிவன் உமையொரு பாகனாக ஆடிய கொடு கொட்டிக் கூத்து.
திரிபுரத்தை எரிக்கச் சிவன் செல்லும் முன் தேர் முன் நின்ற பிரம்ம தேவன் முன் ஆடிய பாண்டரங்கக் கூத்து.
மதுராவில் கம்சன் ஏவிய குவலாயபீடம் என்ற மதம் கொண்ட யானையைக் கொன்ற கண்ணன் வெற்றியுடன் ஆடிய அல்லியந்தொகுதிக் கூத்து.
கம்சனின் இரு மல்யுத்த வீரர்களைக் கண்ணன் கொன்ற வெற்றியில் ஆடிய மற்கூத்து.
அசுரர்களை அழிக்க முருகன் போர்க்களத்தில் வீராவேசத்துடன் தன் பெரிய குடையின் கீழ் ஆடிய குடைக்கூத்து.
கடலில் நடுவில் நின்ற பதுமாசுரனைத் தன் வேலால் கொன்ற முருகன் வெற்றியில் ஆடிய துடிக்கூத்து.
சோ என்ற ஊரில் வாணாசுரன் என்ற அசுரனை அழித்த கண்ணன் வெற்றியில் ஆடிய குடக்கூத்து.[கரக ஆட்ட வகைகளுடன் ஒப்பிடலாம்]
பெண் வேடம் அணிந்து மன்மதன் ப்ரம்மம் சக்தியாக மாறியதை உணர்த்த ஆடிய ஆண்பேடுக் கூத்து.
மிகக் கொடிய அசுரரை அழிக்கக் கோபத்துடன் கொற்றவையாம் துர்கை ஆடிய மரக்கால் கூத்து. [பொய்க்கால் ஆட்டம், பொய்க்கால் குதிரை ஆட்டம்]
அமுதம் வேண்டி தேவர்களை எதிர்த்து அசுரர் போரிட வந்த போது திருமகள் அவர்களை மோகித்து அழிக்க ஆடிய பாவைக் கூத்து.[இன்றைய மோகினி ஆட்டம்]
மழை தரும் இந்திரனின் மனைவி இந்திராணி உழத்தியர் [பெண் வேளாளர்] வடிவம் கொண்டு பசுமை வயல்களில் ஆடிய கடையக் கூத்து.
- Details
- Parent Category: Uni5 Holistic Intelligence
- Category: History
- Hits: 2578
தமிழருக்கு மிக முக்கியமான புண்ணியக் காலம்.
தட்சியாணம் - அதாவது சூரிய ஒளி தேசத்தின் தென் பகுதியில் அதிகம் விழும் காலம்.
அதன் மூலம் பருவ நிலையில் மாற்றங்கள் வரும்.
குறிப்பாக வடகிழக்குப் பருவ மழையின் ஆரம்பக் காலம்.
ஆடிக் காற்றில் வயல்களை உழுது பக்குவம் செய்வர்.
ஆடியில் காவிரியில் வரும் புது வெள்ளத்தை வரவேற்று, நன்றி கூறி அந்நீரைக் கொண்டு வயலில் உழவைத் தொடங்குவர்.
ஆடிப் பதினெட்டாம் நாளில் காவிரிக்கு உரிய மரியாதை செய்வதும், நிலத்தில் உள்ள தாதுச் சத்துக்களின் உருவகக் குறியீடான ஏழு கன்னிமார்களை வணங்குதலும், முன்னோர் வழிப்பாட்டை அமாவாசை அன்று மேற்கொள்ளுதலும், பருவ மழையின் சக்தியாகிய மாரி அம்மையை வணங்குதலும் ஆடி மாதச் சிறப்புகள்.
காவிரியில் பூஜித்துக் கயிறு கட்டிக் கொள்ளும் போது நீர் சேமிப்பு, சுற்றுச்சூழல், மாது குறித்து விழிப்புணர்வினை ஏற்படுத்திக் கொள்க,அதனால் தான் அதைக் காப்பு என்கிறோம்.
வாழ்க்கையை வளமூட்டும் ஸ்ரீவரலக்ஷ்மி வ்ரதம் அவசியம் அனைவரும் செய்ய வேண்டிய பாக்ய சக்தியை அதிகரிக்கும் வ்ரத பூஜையாகும்.சாதி வேறுபாடின்றி யாரும் செய்யலாம்.பணமும் வளமும் சாதி பார்த்தா பயன்படுத்தப் படுகின்றது?
புதுமணத் தம்பதிகள் விருந்து, வட தமிகத்தில் மிக விசேஷமான கூழ் வார்த்தல் விழாக்கள் என இம்மாதம் களை கட்டும்.வருடத்தில் நான்கு நவராத்ரிகளில் இது ஆஷாட மாத நவராத்ரிக் காலம்.
அதனால் தான் தேவி வழிபாடு இம்மாதத்தில் மிக அதிகம்.ஆடி வெள்ளி, செவ்வாய், பெளணர்ணமி, அமாவாசை, க்ருத்திகை ஆகியன மிக உன்னத வேளைகள்.
வைகாசி மத்தியில் பூம்புகாரை விட்டுக் கிளம்பிய கோவலனும் கண்ணகியும் ஆடி அமாவாசை முன்தினம் மதுரையை அடைய, அமாவாசை அன்று கோவலன் கொலை ஆக, அமாவாசை மாலை கண்ணகி வழக்காடி, மதுரையை எரித்தாள் என்பது சிலப்பதிகார ஆய்வு.
அதனால் தான் கண்ணகியின் ப்ரதிபலிப்பான மாரி அம்மைக்கு விழவு காண்கிறோம்.
கண்ணகியின் ப்ரதான கோயிலான கேரளத்துக் கொடுங்கலூர் பகவதி கோயிலில் அன்று மாலை secret chamber திறக்கப்பட்டு, அவளது சிலம்பு அஸ்திக் கலசம் ஆகியன பூஜிக்கப்படும், அதன் பின் காளியின் திருமேனியில் விசேஷமான எண்ணெய்க்க்காப்பு சாற்றப்படும்.இதையே சாந்தாட்டம் என்பர்.
ஒரு பெண்ணின் வாழ்க்கை சமூஹத்திற்கு உதாரணம்.
இதையே கண்ணகி உணர்த்துகிறாள்.
சமூஹத்தில் ஏற்படும் தீமையை எதிர்க்கும் திறனும் சத்யத்தின் மீதான பற்றும் அவள் நமக்குக் கூறும் வாழ்வியல் பாடம்.
சமூஹத்தில் இன்று மன்னிக்கும் குணம் குறைந்து வருகிறது, அதை மீட்டுருவாக்கம் செய்பவள் கண்ணகி.
தவறாக வாழ்ந்த ஒரு மனிதன் என்று பாராது அவனைப் பழி தீர்க்காது, அவன் குற்றம் அல்லாதவன் என்று அவள் சத்யத்தின் சக்தியாய் இருந்து அவன் பழி நீக்கினாள்.
இக்கண்ணகி நம்முள் அதே சத்யமாய், இல்லற மான்பாய் ஏற்கும் தன்மையாய் மன்னிக்கும் அருங்குண்மாய் இருப்பதை selftual connect செய்து காண்க.அத்தகைய உயர் குணங்களை ப் பெறவே தேவியாய் அவளை வணங்குகிறோம்.
ஆடி வரும் ஆடி மாதத்தை வரவேற்போம்.
